منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > الحوار العام الموضوعات الانسانيه النقاش الهادف النقد البناء

الحوار العام الموضوعات الانسانيه النقاش الهادف النقد البناء منتدى الحوار العام , النقاش الهادف و البناء للموضوعات الانسانية بما يتوافق مع المبدأ القائل : انت حر ما لم تضر

11-07-2010, 09:19 PM   #37
roaa
عضو في انتظار التفعيل البريدي
 
تاريخ التسجيل: Feb 2010
الدولة: الايميل المسجل غير مستخدم
المشاركات: 681

Facebook Twitter Google LinkedIn vkontakte messenger Digg
[][]اولا اشكر بولا حبيبتي للموضوع الجميل
وaidy حبيبة قلبي انها اختارتني
وادتني الفرصة للمشاركة في الموضوع الشيق
ويارب مكنش ضيفة تقيلة عليكوا






اوصف طفولتك بجملة واحدة
[/]


من اجمل مراحل العمر
[].
. [/]




[][ المحطة الثانية ] [/]




[]ما هو اجمل موقف او اجمل ذكرىتذكرها من طفولتك ؟ [/]
اجمل ذكري بفتكرها لما كان اخي بيروح المدرسة وانا كنت لسه صغيرة
فكان بيستلم في المدرسة بسكوت ويفر وبامبو
ومكنش بيرضي يكلهم غير لما يرجع البيت علشان يقسمهم معايا
فانا كنت بفرح اوي لما يرجع من المدرسة
علشان البسكوت طبعا
هههههههههههه




[].
. [/]




[][ المحطةالثالثة ] [/]




[]ما هو أصعب أو أحزن موقف مر عليك في طفولتك؟ [/]

موت احد الاقارب عزيز جدا علي قلبي







[][ المحطة الرابعة ] [/]




[]ما هي أجمل هدية تلقيتها في طفولتك ولم تنساها لليوم؟ [/]





تسجيل صغير وبيانو كان حلو اوي بيعزف لوحدة
فكان لما يزورنا حد اعمل نفسي انا الي بعزف
وكتير اوي كانو بيصدقوا
هههههههههه





[][ المحطة الخامسة ] [/]




[]هل هناك انسان معين كرهته في طفولتك .. ولماذا؟ [/]





[].لا مفتكرش كرهي لحد من الطفولة
. [/]




[][ المحطة السادسة ] [/]




[]ما هي اصعب مرة انضربت فيها ولا زالت محفورة في ذاكرتك وايه كان سبب الضرب؟ [/]

بصراحة مش كتير
بس مرة وانا صغيرة لاني كنت غلسة شوية
اوكتير
فكان لما حد يقولي علي حاجة او هاتي حاجة اقولهم لا مش هجيب
زي العيال الغلسة بالضبط
ههههههههه
لغاية لما ماما ادتني علقة محترمة
من ساعتها اي حد يطلب مني حاجة في مقدرتي اننا اعملها بعملها طبعا
وبكون مبسوطة الحمد لله اننا بساعد غيري حتي لو بحاجة بسيطة




[].
. [/]




[][ المحطة السابعه ] [/]




[]هل كنت غيور بطفولتك من اخوانك وتحس فيه تميز بينك وبينهم؟ [/]


لا اطلاقا بالعكس انا كنت مدللة جدا لاني البنت الوحيدة واخواتي كلهم صبيان
ولان منهم اكبر مني بفترة فكانوا مدلعني جدا وبيحبوني اوي الحمد لله



[].
. [/]




[][ المحطة الثآمنه ] [/]




[]ما هي اكثر وافضل لعبة كنت تلعبها و أنت صغير؟ [/]


كنت بلعب مع اخي الاخبرمني بالعساكر بتعته اجباري لان مكنش في حد في سنه يلعب معاه غيري
بس كنت مستمتعة جدا
مع انة كان بيديني الهنود الحمر وياخذ هو الكايبوي
بس كانت لعبة جميلة



[].
. [/]




[][ المحطة التاسعه ] [/]





[]هل ستربي اولادك بنفس الطريقة التي تربيت بها فيطفولتك؟ [/]

اه لان تربيتي بصراحة كانت قائمة علي الحوارمع وجود بعض الشدة في مواقف معينة
واهم حاجة ان تكون افراد الاسرة متحابين





اعزروني اني طولت عليكم جدا
بس يارب اكون ضيفة خفيفة علي الموضوع الرائع
وتكونوا استمتعتوا ذي مانا استمتعت باني افتكرت حاجات جميلة

واختار
استاذ غالي
.
.
.
.
.
.
.
وبحار متألق
استاذي المحترم السويدي

[/]
roaa غير متواجد حالياً  
11-08-2010, 01:35 AM   #38
السويدي
vip
Crown5
 
تاريخ التسجيل: Jun 2007
الدولة: London,UK
المشاركات: 11,524

[]
رحله الى زمن الطفوله الجميل


رحله الى زمن الطفوله الجميل



Bulla

رحله الى الطفوله
مشاركة جميلة استمتعت بمتابعة موضوعك
وبرحلات الطفوله للاعضاء الغالين


roaa

شكرا لاختيارك لى
لأقص لكم ذكريات من الطفوله



[][ المرحله الاولى] [/]
[]اوصف طفولتك بجملة واحدة [/]

شقاوة

لا لا اخر شقاوة



[][ المحطة الثانية ] [/]
[]ما هو اجمل موقف اواجمل ذكرى تذكرها من طفولتك ؟ [/]

اذكر اننى ذهبت السينما مع والدى واصدقائه
وكان يتم عرض فيلمين الفيلم الاول يعرض اسمه وتقريبا
كان فيلم فى بدايات الممثل سيدني بواتييه (لى الحق فى الحياة )
تقريبا والاخر حسب الصدفه
وكان فيلم دراكولا
واصدقاء والدى
حبوا ينسحبوا خوفا على ولكنى
اصريت على مشاهدة الفيلم
وعرفت بعدها ان احدهم كان خايف

ههههههههه



[][ المحطةالثالثة ] [/]
[]ما هو أصعب أو أحزن موقف مر عليك في طفولتك؟ [/]

انتقالى من مدرسة بجوار المنزل الى مدرسة بعيدة شويه
20 دقيقه مشى تقريبا علشان الناظرة والمدرسين
بيمشوا الاطفال على العجين !
وبيقولوا المدرسة منضبطه واشطر شويه

احزن موقف
طبعا ترك مدرستى وتغير اسم المدرسة والفصل على الكراريس
اول يوم روحت من الفصحه من باب الناظرة والمدرسين
علشان اعرفهم انها مدرسة مش منضبطه
ألحت على امى بالعودة للمدرسة قبل عودة ابى
رفضت وانضبط الساعة 2ونصف بعد عودة ابى
وتكرر الموقف حتى عدت مرة اخرى لمدرستى


[][ المحطة الرابعة ] [/]
[]ما هي أجمل هدية تلقيتها في طفولتك ولم تنساها لليوم؟ [/]

شاكوش صغير من الحديد صنع بأتقان خصيا لى
من جدى ومازلت احتفظ به حتى الان





[][ المحطة الخامسة ] [/]
[]هل هناك انسان معين كرهته في طفولتك .. ولماذا؟ [/]

فى زمانا الاطفال لا تعرف الكراهيه الا للعدو الاسرائيلى

فى طريق عودتى من منزل جدى لمنزلنا اطلقت صفارة الانذار بالغارة
لم ابالى وواصلت طريقى وكانت الارض تهتزت تحتى من صوت
طائرات العدو ولم انسى شكل والدتى عندما دخلت المنزل
فزدادت كراهتى للعدو




[][ المحطة السادسة ] [/]
[]ما هي اصعب مرة انضربت فيها ولا زالت محفورة في ذاكرتك وايه كان سبب الضرب؟ [/]

!!!! طبعا كنت طفل هادىء جدا !!!!
وانا فى ثانيه ابتدائى
فتحت الدولاب وتسلقت على الارفف مثل السلم
واخذت مفاتيح والدى من فوق الدولاب اخترت مفتاح معين
ورجعت الباقى واحضرت مسمار ودبارة وكبريت وعملت مدفع ولعبت
واشتغل المدفع تمام ولكن مقدمته انصهرت دفنته وروحت .
عند عوة ابى للمنزل كان يبحث عن هذا المفتاح بالتحديد!
طبعا اثار قدمى كانت على مفرش الدولاب .
وأصر والدى ان يعرف اين المفتاح بالضبط وكيف حصلت عليه
واين دفنته ؟ وكأننا فى قسم شرطه ونيابه ولم يستطيع احد من
افراد عائلتى التى تسكن العمارة ابتدائا من جدتى بالدور الارضى
ثم وعمى وبعده عمتى بالدور الاخير لم يستطيع احد مساعدتى
واربع او خمس ساعات مرت وكأنها سنين انقذنى زوج عمتى

وايه كان سبب الضرب؟
بعد كل ده عاوزة تعرفى السبب
!!!!!! مش عارف !!!!!!
ال ايه العائلة بتقول ابوك كان مدلك وانت صغير ولا يرفض لك طلب
[][ المحطة السابعه ] [/]
[]هل كنت غيور بطفولتك من اخوانك وتحس فيه تميز بينك وبينهم؟ [/]


لا عادى كنت اول ولد بعد اربع بنات وكان بيننا حب ومودة

[][ المحطة الثآمنه ] [/]
[]ما هي اكثر وافضل لعبة كنت تلعبها و أنت صغير؟ [/]
افضل لعبة كانت استغمايه
(يطلق عليها شيندر او چيندر بتعطيش الجيم )
صعب الامساك بى لسرعتى


لعبات اخرى محببه لى الطائرات الورقيه
العقلة والمضراب (تشبه الكريكيت الانجليزى-Cricket)
واللوجم (تشبه الكريكيت الانجليزى-Cricket) مضرب وكرة تنس
والسبع طوبات
[][ المحطة التاسعه ] [/]
[]هل ستربي اولادك بنفس الطريقة التي تربيت بها فيطفولتك؟ [/]

الحمد لله احسنت زوجتى تربية اولادى فالأم مدرسه.
اذا قسوت بدون عنف على اولادى فلمصلحتهم
فبعض من اللين والشدة ولكن بصيغة القرن الحادى والعشرين
وعلى اى حال فهم يقولوا بابا طيب


شكرا لكم جميعا

اذا سنح وقت ست الكل

زهرة الكاميليا

فان شاء الله سنسعد بوجودها معنا فى رحلة الى الطفوله

وسنستمتع بذكريات طفولة رقيقه من الزمن الجميل


[/]
__________________

signature

السويدي غير متواجد حالياً  
11-08-2010, 08:20 PM   #39
زهرة الكاميليا
شريك استاذ
stars-2-7
 
تاريخ التسجيل: Jun 2007
الدولة: مصر - اسكندريه
المشاركات: 2,663

[]
بولا
الغالية
بداية دعينى أسجل إعجابى

بموضوعك النابض بالمشاعر الجميلة
و بضيوفك الغاليين ..

و الرحلة الشيقة فى عهد الطفولة
وأشكر الغالى
السويدى
لترشيحى من بعده
[/]
[]
أقول لكى الحق
إستمتعت حقيقة بكل هذه الذكريات العفوية
و بساطة سرد أحداث الشقاوة و الضرب
وكذلك الحزن ..و الفرح
و ما لا ينسى ..مهما مرت السنين .

ولكن ..بالنسبة لى
هى عودة صعبة بعض الشئ
فذلك زمن بعيد ..بعيد
و قد ربيت أولادى و إنتهى الأمر
و الحمد لله تربوا تربية حسنة
و اليوم أربى أحفادى !

أوصف طفولتك بكلمة واحدة
طفولة عادية

أجمل موقف أو أجمل ذكرى تذكرها فى طفولتك [/]
[]
أذكر والدى رحمة الله عليه ..يلاعبنا و إخوتى
لعبة تعتمد على عظام الفراخ أثناء الطعام
و كنت دائما كطفلة أجلس لا إلى المائدة
إنما فوق المائدة !

ومن ذكرياتى ..أتذكر سعادتى فى الفسحة
عندماكنت أتناول من يد أبى
ساندوتش البسطرمة
يناوله لى من بين فتحات باب المدرسة المغلق
وقد إشتراه خصيصا
من خواجا معين نسيت اسمه
فى العطارين فى الإسكندرية !

كما أذكر فى بداية شهر رمضان
دخول والدي بالنقل

–أى المكسرات -
موضوعة فى سبت خوص مغلق بالخيط
و السمك الباكالاه
وهو تقليد إسكندرانى فيما يبدو
كانوا يجففونه على ما أتذكر
لنأكله فى العيد


أصعب موقف أو أحزن موقف مر عليك فى طفولتك ؟
معظم مواقف طفولتى صعبة و محزنة

بالنسبة لى كطفلة وقتها
الأوامر ..الواجبات ..عقاب المدرسين وغير ذلك .
إنما موقف صعب أكبر من طاقة طفل ..لم يحدث .


أجمل هدية تلقيتها فى طفولتك و لم تنساها إلى اليوم
دمية قماش جميلة
[/]
[]
أصعب مرة إنضربت فيها
ولا زالت محفورة فى ذاكرتك و ماذا كان السبب ؟
[/]
[]
كنت مبهورة بأوراق الكوتشينة
فذهبت للمدرسة و أنا فى إبتدائي
وهى فى حقيبتى
رأتها الأخت مارى ..
طلبت والدى عنفتنى بشدة ..ثم ضربتنى بحدة
طبعا الموقف محفور فى ذهنى
لأن السبب تافه فى نظرى
و لأنى كنت أحبها لجمالها ..ورقة ملامحها
فأصبحت من يومها طبعا وحشة جدا

هل هناك إنسان معين كرهته فى طفولتك ؟

فى الطفولة ليس هناك كراهية بمعنى كلمة كراهية
ولو أن الأطفال يعبرون عن ضيقهم بكلمة انا بكره فلان
و الحمدلله قلبى على الدوام خال من الكره .
[/]
[]
هل كنت غيور بطفولتك من إخوانك
على العكس تماما ..
كنت الأكبر و المدللة على طول الخط

أفضل لعبة كنت تلعبها و أنت صغير
كنت ..وهذا غريب العب بالبلي
و أعود من المدرسة حقيبتى مليئة بالبلى الملون !
[/]
[]
هل تربى اولادك بنفس الطريقة
التى تربيت فيها فى طفولتك ؟

هم فعلا والحمدلله
تربوا بنفس الطريقة
المعتمدة على القيم وإعلاء صوت الضمير .

شكرا لكى حبيبتى بولا
سعدت بالدعوة للدخول فى موضوعك الذى جمعنا
وجدد ذكريات الطفولة
معلهش
كانت ذكرياتى شحيحة بعض الشئ
بحكم السن


والدعوة لمن بعدى مفتوحة
و الأحباب كثر
دمتم جميعا بكل خير



[/]
زهرة الكاميليا غير متواجد حالياً  
11-09-2010, 12:36 AM   #40
Bulla
شريك حقيقي
stars-2-4
 
تاريخ التسجيل: Jan 2010
الدولة: مصر - بورسعيد
المشاركات: 1,367

[]اختى الجميله Aidy
نورتى موضوعى
واسعدتنى رحلتك الجميله الى طفولتك الجميله
ضحكت كتير وانا بقرأ اجاباتك
وخصوصا لما خلاتى عايزين ينايموكى
واعتقد ان ده واحد من ملاييييييييييين
المواقف المضحه بتاعتك
اللى بتتحكالى دايما
تسلميلى يارب
[/]
Bulla غير متواجد حالياً  
إضافة رد

مواقع النشر (المفضلة)

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
الطفوله رسم بالفرشات في لوحات بنت تونس منتدى تعليم فن الرسم التصوير اسس التصميم الابتكارى 13 09-30-2016 08:17 AM
قصه حياه المطرب الجميل عبد الحليم حافظ ملك الورد الموسيقي الطرب اغانى قديمة حديثة البومات كاملة الات موسيقى عربية عالمية 18 03-29-2015 06:22 PM
سحر الديجيتال يداعب احلام الطفوله امل نيازى التصميم و الجرافيكس و ابداعات فنانى الديجيتال 24 09-24-2014 06:38 AM
لوحات فلاديمير من الطفوله الى الامومه بنت تونس منتدى تعليم فن الرسم التصوير اسس التصميم الابتكارى 18 02-19-2011 09:35 AM
سرحت فى وجه الطفوله وعجبت من صوت الصغير بنت تونس منتدى تعليم فن الرسم التصوير اسس التصميم الابتكارى 16 05-23-2010 08:25 PM


الساعة الآن 07:37 AM.


Powered by vBulletin® Version 3.8.9
Copyright ©2000 - 2017, vBulletin Solutions, Inc