منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > منتدى ثقافي موضوعات ثقافية عامة خواطر شعر سيرة شعراء

منتدى ثقافي موضوعات ثقافية عامة خواطر شعر سيرة شعراء منتدى ثقافي موضوعات ثقافية خواطر سيرة شعراء اجمل قصائد

09-23-2010, 12:27 PM   #1
alaaaboabdo
شريك جديد
stars-1-2
 
تاريخ التسجيل: Sep 2010
الدولة: مصر
المشاركات: 9
كعك العيد والكل سعيد

Facebook Twitter Google LinkedIn vkontakte messenger Digg

basmala

[]كعك العيد والكل سعيد


يوم الخميس قبل السحور بشوية قامت خناقة بين نبيهة وجوزها
خش التقاها مكشرة وملوية شافت خياله دغري مطت بوزها
ميل على الكرسي القديم واتمدد وقال كفى الله الشر ليه زعلانة؟
قالت له ليه ما احزنش حتى واعدد والطم كمان على قسمتي الندمانة؟
كل الحريم في بيوتها متهنية وانا اللي من دون الحريم متعوسة
قال فهميني المسالة يا ولية قالت له وحياتك لاموت مفروسة
ولع سيجارة وتنه يسفق فيها وحط ايده تحت خده وفكر
آخرتها قال مش تعقلي يا نبيهة قومي سخني لي الأكل لاجل اتسحر
القصد قامت سخنت له الحلة وحطت الصحنين على الطبلية
ضحك وقال اتفضلي باسم الله من إيه يا ستي مكلضمة وملوية
قالت له من فضلك تلم لسانك خللي الليلة دي تفوت بخير وسلامة
هو انت مش راجل وزى جيرانك خليتني حاطه فوق شفا يفي كمامة
إن كان على الكحك اللي راح يحييني لو جه قصادي ادهسه برجليه
بس الفضيحة لما واحدة تجيني وتدور تلسن بين حبايبي عليه
قال كحك إيه واحنا العيال عريانة والعيش باجيبه والغموس بالعافية
ليه نفتخر ونبات بطوننا جعانة دا يبقى تغفيل م الحمار بلا قافية
بدال ما افرق ع الضيوف أرزاقي اكسي العيال دي والا افصل جزمة
بلاش خراب ما تضيقيش أخلاقي وبلاش أمور الفشخرة ف الأزمة
قول كلمة منها وكلمة منه اشتدوا والشر وهوج والخناقة اشتدت
وهما لتنين ف الشتيمة احتدوا اتغاظ وقام لطش وايده اتمدت
نامت نبيهة مكسرة وعدمانة والعلقة كانت في الحقيقة علقة موت
والصبح راحت لامها غضبانة ورت لاخوها الضرب فيها متوت
قام خد له شومة وتنه واخد بعضه وراح لجوزها بين صحابه وهانه
قام جوزها راخر هفه بوكس وعضه وطسه راس طير له صف سنانه
والضرب دار والدم ساح غرقهم واستقتلوا لتنين وباعوا أعمارهم
والخلق قامت بدها تفرقهم والعسكري جه ع البوليس جرجرهم
فاتت ليالي العيد على الرجالة نايمين على الاسفلت في التخشيبة
واجب على الستات تراعي الحالة ولا يخلقوش بالكحك ألف مصيبة
[/]
alaaaboabdo غير متواجد حالياً  
09-23-2010, 01:20 PM   #2
بنت تونس
مراقب عام
Crown5
 
تاريخ التسجيل: Oct 2007
الدولة: تونس - قفصه
المشاركات: 8,386

[]اهلا وسهلا بك شريكنا الكريم
alaaaboabdo
وبمواضيعك الناقده الساخره
دمت بخير وبانتظار المزيد المميز[/]
بنت تونس غير متواجد حالياً  
09-23-2010, 03:24 PM   #3
ملاك البستان
عضو في انتظار التفعيل البريدي
 
تاريخ التسجيل: Feb 2010
الدولة: الايميل المسجل غير مستخدم
المشاركات: 5,657

طاب مافيه الرجالة بتشتم وتتخاصم


مع زوجاتهم يوم العيد حتى لو فيه


كعك واحلى كعك كمان ويغضب

ويسيب البيت يوم العيد لى اولادو

محتاجينو يخرجهم ويفسحهم

مش كفاية انهم مابيشوفوهش وقت

الشغل كمان فى العيد الله يستر

علينا وربنا يهدى الكل فعلا كلامك

على حق ودى قصة من واقعنا

الدى نعيشه تسلم اخى الكريم

على التنبيه للكل ومنور المنتدى
ملاك البستان غير متواجد حالياً  
إضافة رد

مواقع النشر (المفضلة)

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
كل يوم بتالم حتى يوم العيد safynaz الحوار العام الموضوعات الانسانيه النقاش الهادف النقد البناء 8 10-27-2012 11:41 PM
عيد نصر سعيد على اهل بورسعيد بنت تونس منتدى التهاني الترحيب فى الاعياد المناسبات العامة الخاصة 8 12-24-2010 01:18 PM
عيد ميلاد سعيد رؤة Bulla منتدى التهاني الترحيب فى الاعياد المناسبات العامة الخاصة 39 09-18-2010 09:48 PM
غصن الزيتون عيد سعيد زهرة الكاميليا منتدى التهاني الترحيب فى الاعياد المناسبات العامة الخاصة 7 12-29-2007 03:18 PM


الساعة الآن 07:19 PM.


Powered by vBulletin® Version 3.8.9
Copyright ©2000 - 2017, vBulletin Solutions, Inc