منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > منتدى ثقافي موضوعات ثقافية عامة خواطر شعر سيرة شعراء

منتدى ثقافي موضوعات ثقافية عامة خواطر شعر سيرة شعراء منتدى ثقافي موضوعات ثقافية خواطر سيرة شعراء اجمل قصائد

09-02-2010, 05:05 AM   #1
ملك الشافعي
شريك جيد
stars-1-4
 
تاريخ التسجيل: Jul 2010
الدولة: مصر - بورسعيد
المشاركات: 85
Facebook Twitter Google LinkedIn vkontakte messenger Digg

basmala

[]امثال شعبيه مصريه هل من مزيد

السلام عليكم ورحمة الله وبركاته


[]اخباركم ايه يا اهلي واحبائى في ورد للفنون
يا رب تكونوا فى احسن حال

انا النهاردة يا جماعه جيبلكم موضوع غريب شويه
بس انا بعشق هذا الموضوع جدا
ويا رب يعجبكم زي ما هو عجبني
وهو عن الامثال الشعبيه في التراث المصري
وارجوكم يا جماعه اللي عنده مثل جديد يكتبه فى الموضوع
و المثل اللي يعجبكم اكتبوه
اترككم مع الموضوع

[/]


ما تبكوش على اللى خابت زرعته ابكو على اللى خابت ذريته

في الوش مرايه و القفا سلايه

البحر واحد و السمك الوان

اموت في محبوبي و ان كان عبد نوبى

اصعب من رمي الحجر لفوق
ظريف المعاني يعاشر قليل الذوق

باب النجار مخلع

سبع صنايع والبخت ضايع

يخلق من الشبه أربعين


ما يجيبها إلا رجالها

ما جمع إلا لما وفق




امثال شعبيه مصريه هل من مزيد



ما حدش يجى من الغرب يسر القلب

ما حدش يقول للغول عينك حمره

يقتل القتيل و يمشى فى جنازته

ما شتمك إلا اللى بلغك

ما قدرش على الحمار بيتشطر على البردعة

المال السايب يعلم السرقة

مال الكنزى للنزهى

ينفات لكم بلاد

يوديك البحر و يجيبك عطشان

يا نحلة ما تقرصينى و لا عايزة عسل منك




امثال شعبيه مصريه هل من مزيد



يا ما فى الحبس مظاليم

ياما تحت السواهى دواهى


يا فرعون ايش فرعنك ؟
قال : ما لاقتش حد يردنى


يا طابت يا اتنين عور


يا داخل بين البصلة و قشرتها ما ينوبك إلا ريحتها


يا بخت من نفع و استنفع


دخول الحمام مش زى خروجه


هو بعد حرق الجرن جيرة


النواية تسند الزير


نص العمى و لا العمى كله




امثال شعبيه مصريه هل من مزيد



المية تكدب الغطاس

من عاير ابتلى

اكفى القدرة على فمها تطلع البنت لأمها


لا تذم ولا تشكر الا بعد سنة وست اشهر


افتكر لك ايه يا بصلة غير كل قطمة بدمعة


عشمتنى بالحلق خرمت انا ودانى


لو كان فيه خير ما كانش رماه الطير


صباح الخير يا جارى انت فى حالك وانا فى حالى

ابن الوز عوام


مسير الحى يتلاقى



امثال شعبيه مصريه هل من مزيد




ميّه من تحت تبن


جحا أولى بلحم ثوره


الغربال الجديد له شدّة


طلع من المولد بلا حمص


تيجى مع الهبل دوبل

حمارتك العرجة تغنيك عن سؤال اللئيم

على قد لحافك مد رجليك

دارى على شمعتك تقيد


جت الحزينة تفرح ما لقيتلهاش مطرح


ادى العيش لخبازه ولو اكل نصه



امثال شعبيه مصريه هل من مزيد



اللى سبق . . . أكل النبأ


زى القرع يمد لبره


ياما دقت على الراس طبول


ما بيتبلش فى بقه فولة

أنضف من الصينى بعد غسيله

يا مأمنة للرجال يا مامنة للمية في الغربال


برة وجوة فرشت لك وانت مايل واية يعدلك


يادي الشيلة يادي الحطة روحنا على جمل ورجعنا علي قطة


غلبت احايل فيك والطبع فيك غالب
وديل الكلب عمره ما يتعدل لو علقوا فية قالب


ومهما عملت مش عاجب
وان رضيت العين يغضب الحاجب



امثال شعبيه مصريه هل من مزيد



ضربني في زفة وصالحني في عطفة


ياما تحت السواهي دواهي


يموت الزمار وصوابعة بتلعب

أبو جاموسه يحسد أبو معزه


ادينى اليوم صوف وخد بكرة خروف


اقول تور يقول أحلبوه


أنا وأخويا على أبنى عمى وأنا وأبن عمى على الغريب


أيد لوحدها ماتسقفش


البيت بيت أبونا والغرب يطردونا


الحاجة اللى ماتهمك وصى عليها جوز أمك



امثال شعبيه مصريه هل من مزيد



حبيبك يبلع لك الزلط وعدوك يتمنى لك الغلط


حداية من الجبل تطرد اصحاب الوطن


خد الأصيلة ولو كانت على حصيرة


الغريب أعمى ولو كان بصير


القفة أم ودنين يشلوها اتنين


اللى ياكل لوحده يزور


اللى يبص لى بعين أبص له باتنين


اللى يعمل ضهره قنطرة يستحمل الدوس


من خرج من داره أتقل مقداره


وأجرى يابن ادم جرى الوحوش
غير رزقك لن تحوش



امثال شعبيه مصريه هل من مزيد



يا مراة الابن مسيرك فى يوم حتبقى حماة


اعرف صاحبك وعلم عليه


ضربوا الاعور على عينه قال خسرانه خسرانه


طوب البلد لأهل البلد


العرق يمد لسابع جد

العيار اللى ما يصيبش يدوش

فوله واتقسمت نصين

لا تصاحب الاقرع ولا تاخد منة نصيحة
عشان لو ربنا بيحبة كان خلي راسة صحيحة


اللي له ضهر مينضربشي علي بطنة


يا بخت من كان النقيب خالة



امثال شعبيه مصريه هل من مزيد



جت الحزينة تفرح مالقتشي لها مطرح


يا واخد القرد علي مالة يروح المال ويفضل القرد علي حالة


حط الحلو واقعد بص له
وان خلص مالة يكفاك جماله

بتتكحل العمشة نص الليل
وسايبة النهار ابو عنين


البلد حلة وهو مغرفتها


الحر تكفية الاشارة والعبد يساق بالعصى


اديني عمر وارميني في البحر

طوبة على طوبة خلي العركة منصوبة


جوعة على جوعة بقت الصبية زعزوعة


يا مربي في غير ولدك يا باني في غير ملكك


اللي ينكسف من بنت عمة ما يجبش منها عيال


قيراط بخت ولا فدان شطارة




امثال شعبيه مصريه هل من مزيد
[/]
ملك الشافعي غير متواجد حالياً  
12-22-2010, 01:16 AM   #2
ام نور
عضو في انتظار التفعيل البريدي
 
تاريخ التسجيل: Feb 2010
الدولة: الايميل المسجل غير مستخدم
المشاركات: 839

امثال شعبية مصرية جميلة وبلاقي انها تتشابه مع بعض الامثال المغربية في المعنى زي:

-سبع صنايع والبخت ضايع = سبع صنايع والرزق ضايع
-الحر تكفيه الاشارة والعبد يساق بالعصا = عندنا نقول الحر بالغمزة والعبد بالدبزة يعني بالضرب وهي نفس المعنى.
-البيت بيت ابونا والغرب يطردونا= الدار دا بونا والغرب يطردونا.
وغيرها كثير بس محبتش اطول عليكي تسلمي اختي ملك الشافعي ويعطيكي العافية.
ام نور غير متواجد حالياً  
إضافة رد

مواقع النشر (المفضلة)

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
مسجد قوس قزح فى ايران هند التصوير الفوتوغرافي صور فوتوغرافية تقنيات ابداع المصور الفنان 16 09-06-2017 04:55 PM
امثال شعبيه خفيفه الظل بوسى كات الحوار العام الموضوعات الانسانيه النقاش الهادف النقد البناء 12 09-29-2014 05:42 AM
زخرفه محراب مسجد من اعمالى eso منتدى تعليم فن الرسم التصوير اسس التصميم الابتكارى 6 10-06-2013 01:50 PM
ديكوباج امثال شعبيه على صنيه وبراد منى سامى الاشغال الفنية اليدوية خامات البيئة الطبيعية والمصنعة 18 10-31-2012 12:01 PM
امثال شعبيه بصور متحركه ثمورالامور1 نكتة مصورة مكتوبة فزورة مسابقة صور مضحكة ثابتة متحركة 11 12-08-2010 09:10 PM


الساعة الآن 08:23 PM.


Powered by vBulletin® Version 3.8.9
Copyright ©2000 - 2017, vBulletin Solutions, Inc