منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > منتدى ادبي موضوعات ادبية سيرة الادباء قصة قصيرة

منتدى ادبي موضوعات ادبية سيرة الادباء قصة قصيرة منتدى ادبي موضوعات ادبية سيرة كبار الادباء و اهم اعمالهم الادبية و اجمل القصص القصيرة

08-17-2010, 07:46 AM   #1
هالة
مراقب عام
Crown5
 
تاريخ التسجيل: Jun 2007
الدولة: القاهرة - الاسكندرية
المشاركات: 26,202
يوميات ست بيت صائمه

Facebook Twitter Google LinkedIn vkontakte messenger Digg

basmala

صباحكم طيب وجميل رمضان كريم
حالا فات من رمضان 7 ايام كلها ايام
خير وبركة ربنا يتقبل منا صيامه
ويعيننا على قيامه

الجو اليومين دول صعب قوي حر رطوبة
الله المستعان بيقولوا احتباس حراري
ياترى هو احتباس حراري بس ولا اسعاري كمان
كل حاجة بقى سعرها مولع وكأن الناس
بتتفنن في تعذيب بعض

فرصة ادردش معاكم قبل الهجوم التتاري مايوصل
لاعتاب الكمبيوتر ويحرمني من الكلمتين دول معاكم
ياترى عاملين ايه في الصيام وموائده الممتدة
والعامرة بكل الخير ان شاء الله
الواحد يلف ويسأل تفطروا ايه النهاردة
السؤال الازلي ويكون الرد المعتاد
اي حاجة لو قولتي سمك تلاقي فلان رد
عندي برد ... طيب فراخ ....زهقنا
منها اومال ايه برضه الرد اي حاجة
تصممي على اللي في بالك واللي ياكل ياكل
واللي ماياكلش ............ هو حر
الوقت يادوب تحضري المشروب او الخشاف
شوية تمر ممسوحين في فوطة نظيفة جوه
كيس نايلون وبالنشابة * اللي بنفرد بها العجينة *
ضربتين وتلاقي التمر جاهز ولا دوشة فتحة بالسكينة
وانقعيه ومعاه اللي موجود قراصية ولا مشمشية
وان مافيش وايه يعني التمر كفاية
وتلاقي اليوم فرت ساعاته مابين المطبخ
وغرف البيت ساقية دايرة وانتي ...... فيها
ههههههههههه
اصل ماحدش فاضي يدورها غيرك
قبل الافطار بشوية سيدي البيه بيقرأ قرآن
تدخلي المطبخ وتهل عليكي كل الروايح
الحلوة من عند الجيران ... كنا زمان
بنعرف الطبخة من رائحتها لكن الوقت
للاسف اختلطت الروايح وانعدمت البركة
وانتي مزنوقة في المطبخ وحدك تنادي يافلان
تعالى خد الاكل مافيش رد
لكن العلان يرد اصل فلان نايم ولما نجهز
يقوم طيب تعالى ياعلان برضه مافيش رد
يعلى صوتك تعالى يا* زفت * فجأة تلاقي علان
قدامك * حاجة غريبة هو لازم الواحد يصرخ يعني *
والاغرب ان الكلمة دي متعارف عليها وكأنهم
لازم يسمعهوا علشان يردوا
تترص الاطباق واكواب الخشاف وما ان يضرب
المدفع وينطلق الآذان حتى ترتفع الايدي
بالملاعق الى الافواه الجائعة طيب
ياخوانا ادعوا الاول ... ماشي ماشي
بندعي في سرنا وتفرغ الاكواب والكل يترك الطعام
ليه بس يقولوا مافيش نفس طيب والاكل ده
بعدين بعدين وتلاقي نفسك بتصرخي
والله لتكلوه بكرة ان شاء الله مش معقول
نرميه ده متكلف حرام عليكم
وزي ما رصيتي الاكل يترفع كله الا من بعض
الملاعق اللي حملت القليل للافواه
العطشى
دورك اللي مافيش منه مفر
تشطيب المطبخ يوووووووو حاجة مملة
هو يعني علشان مافيش بنات في البيت
تكوني انتي الصنف المستهلك ولو اني
عرفت ان البنات اليومين دول زيهم
زي الولاد ... بلا فائدة
خلاص شطبنا المطبخ وصلينا المغرب
وسيدي البيه شرب الشاي وفي انتظار
اذان العشاء تقولي لنفسك فرصة والدنيا
هادية ادخل اطل طلة على حبايبي في المنتدى
وما ان تلمح عيون سيدي البيه ايدك
الممتدة للكمبيوتر الا وتسمعي السؤال البرئ
عندك ليمونة ههههههه وانتي عارفة الباقي تجري
تعملي ليمون بسرعة ويادوب تناوليه الكوب
المشبر البارد الجميل تلاقي الكوباية في
ايدك ثاني لكن فاضية وكأنه شرب مية
تقعدي خلاص بقى ابطلنا الحجج
وتفتحي الجهاز وماتلحقيش تمسي على الحبايب
وتقولي وحشتوني ياجماعة اعذروني
سيدي البية اجازة الا وتلاقيه
انتي نظفتي البيت النهاردة ؟؟؟؟؟؟ وهو شايفك
رايحة جاية لكن عينه لمحت في الركن البعيد
طرف قشرة لب هربت من المكنسة واستخبت
تحت الحرف الخشبي * السوكلو *
غريبة هو ازاي شايف المسافة دي من
غير نظارة ههههههه
تتأسفي وعلشان تهدا الدنيا تخرجي ياقلبي
من المنتدى من غير حتى ماتقولي سلامو عليكم
نمسك المصحف نقروا شوية علشان الشيطان اللي
بيزن على ودنك علشان تردي
على سيدي البيه يخسأ
غريبة هو الشيطان ده هرب بس علشان
يوسوس لك ويرجع ثاني لمحبسه
ولا هو نفس الشيطان اللي بيزن
على ودن سيدي البيه طول الوقت

كفاية عليكم كده دوشتكم معايا
سلام ياغاليين
__________________

signature

هالة غير متواجد حالياً  
08-17-2010, 02:34 PM   #2
another sky
شريك ذهبي
stars-1-6
 
تاريخ التسجيل: Jun 2010
الدولة: الاردن
المشاركات: 457

[]هههههههههههه

والله من اجمل ما قرأت
عندك روح دعابة روعة ،، وطريقة طرحك بتجنن

وبالنسبة لكل اللي حكيتي عنه ، فالكل بيعاني من نفس
المشكلة ،، اذا ما كان سيدي البيه بيكون ابنو واذا مش ابنه
بتكون مراته (الماما يعني )
ويدوب الواحد يلحق على كل الشغل و قشر اللب الي يهرب بالغلط ^_*

واذا لقيتي 5 دقايق تهربي فيهن على الكمبيوتر الكل بيلحقك والي
بينادي يا فلان ويا " زفت " ههههههه
وغير اخواتك الفاضلات الي بيصفو طابور وراكي بدهم دور على الكمبيوتر ..

الوقت ضيق والشغل مافي اوسع منه ...

تقبلي مروري واعجابي بما وصفته ،،[/]
another sky غير متواجد حالياً  
08-17-2010, 07:22 PM   #3
امل نيازى
vip
Crown5
 
تاريخ التسجيل: Jul 2007
الدولة: مصر - الاسكندرية
المشاركات: 19,885

[]هالة حبيبتى
دردشة جميلة ووصف اجمل
للحياة اليومية
التى نعيشها جميعا
كل بطريقته
لامفر حبيبتى
لابد لنا من خطط استراتيجيه للسيطره على جميع المواقف
اضحك الله سنك واسعد اوقاتك بالخير والصبر
شكرا لك[/]
__________________

signature

امل نيازى غير متواجد حالياً  
08-17-2010, 07:27 PM   #4
هالة
مراقب عام
Crown5
 
تاريخ التسجيل: Jun 2007
الدولة: القاهرة - الاسكندرية
المشاركات: 26,202

ياهلا بك ايوتة الكتكوتة
اسعدني حبيبتي ان لاقى موضوعي
هوى في نفسك واضحك سنك
سلمتي لي غاليتي
تعب كلها الحياة
والحمد لله على نعمته
نورتيني ياجميلة
__________________

signature

هالة غير متواجد حالياً  
إضافة رد

مواقع النشر (المفضلة)

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
يوميات فنانة فى قاهرة مصر SaMaR_ BakR الحوار العام الموضوعات الانسانيه النقاش الهادف النقد البناء 20 12-23-2015 12:48 PM
يوميات رجل متزوج مسكين السيلاوي رسومات ساخرة كاريكاتير فنان الكاريكاتير السياسى 23 09-11-2013 11:29 PM
يوميات رجل متزوج عام2030 السيلاوي رسومات ساخرة كاريكاتير فنان الكاريكاتير السياسى 20 08-27-2011 12:20 AM
يوميات مواطن مطحون4 أبو وئام منتدى ثقافي موضوعات ثقافية عامة خواطر شعر سيرة شعراء 12 03-02-2011 06:19 PM
يوميات مواطن مطحون3 أبو وئام منتدى ثقافي موضوعات ثقافية عامة خواطر شعر سيرة شعراء 8 02-21-2011 06:30 PM


الساعة الآن 03:20 AM.


Powered by vBulletin® Version 3.8.9
Copyright ©2000 - 2017, vBulletin Solutions, Inc