منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > منتدى ادبي موضوعات ادبية سيرة الادباء قصة قصيرة

منتدى ادبي موضوعات ادبية سيرة الادباء قصة قصيرة منتدى ادبي موضوعات ادبية سيرة كبار الادباء و اهم اعمالهم الادبية و اجمل القصص القصيرة

06-22-2010, 05:44 PM   #5
زهرة الكاميليا
شريك استاذ
stars-2-7
 
تاريخ التسجيل: Jun 2007
الدولة: مصر - اسكندريه
المشاركات: 2,663

Facebook Twitter Google LinkedIn vkontakte messenger Digg
زلابيا التهم ولا تنشغل بالرد


صغيرة ..خفيفة .. متجددة..لا تنسى .
و هى.. قارئي العزيز
معدّة فقط للإلتهام الفورى
فلا تنشغل بالرد أو التعليق
فقط..كلما سنحت لك فرصة ..مر
و حبذا لو أضفت
بنفس المواصفات
زلابيا
بتوقيعك
صغيرة ..خفيفة ..متجددة ..لا تنسى .



شكرا أحبتى
منى سامى
و
الأمورة ران
و
تقى


يـــــــامنــــــــه

زلابيا التهم ولا تنشغل بالرد

والله وشبت يا عبد الرُّحمان ..
عجّزت يا واد .؟
مُسْرَعْ؟
ميتى وكيف؟
عاد اللي يعجّز في بلاده
غير اللي يعجز ضيف.!!

شفتك مرة في التلفزيون
ومرة .. وروني صورتك في الجورنان
قلت : كبر عبد الرحمان.!!
أمال انا على كده مت بقى لي ميت حول.!!

والله خايفة يا وليدي القعدة لتطول.
مات الشيخ محمود
وماتت فاطنة ابْ قنديل
واتباع كرم ابْ غبّان
وانا لسة حية..
وباين حاحيا كمان وكمان.

عشت كتير.
عشت لحد ماشفتك عجّزت يا عبد الرحمان.
وقالولي قال خَلَّفت
وانت عجوز خلَّفت يا اخوي؟؟
وبنات..!!؟
أمال كنت بتعمل إيه
طيلة العمر اللي فات؟
دلوقت مافقت؟
وجايبهم دِلْوكْ تعمل بيهم إيه؟
على كلٍّ..
أهي ريحة من ريحتك ع الأرض
يونسُّوا بعض.

ماشي يا عبد الرحمان.
أهو عشنا وطلنا منك بصة وشمة.
دلوك بس ما فكرت ف يامنة
وقلت: يا عمة؟؟

حبيبي انت يا عبد الرحمان
والله حبيبي .. وتتحب.
على قد ماسارقاك الغربة
لكن ليك قلب.
مش زي ولاد الكلب
اللي نسيونا زمان

حلوة مرتك وعويْلاتك


زلابيا التهم ولا تنشغل بالرد

والاّ شبهنا..؟
سميتهم إيه؟
قالولي : آية ونور.


زلابيا التهم ولا تنشغل بالرد

ماعارفشي تجيب لك حتة واد؟
والاّ أقولك :
يعني اللي جبناهم..
نفعونا في الدنيا بإيه؟
غيرشي الانسان مغرور.!!

ولسه يامنة حاتعيش وحاتلبس
لمّا جايب لي قطيفة وكستور؟
كنت اديتهملي فلوس
اشتري للركبه دهان.
آ..با..ي ما مجلّع قوي يا عبد الرحمان.
طب ده انا ليّا ستّ سنين
مزروعة في ظهر الباب
لم طلّوا علينا أحبة ولا أغراب.


زلابيا التهم ولا تنشغل بالرد

خليهم..
ينفعوا
أعملهم أكفان.!!

كرمش وشي
فاكر يامنة وفاكر الوش؟
إوعى تصدقها الدنيا..
غش ف غش.!!

إذا جاك الموت يا وليدي
موت على طول.
اللي اتخطفوا فضلوا أحباب
صاحيين في القلب
كإن ماحدش غاب.
واللي ماتوا حتة حتة
ونشفوا وهم حيين..
حتى سلامو عليكم مش بتعدي
من بره الأعتاب

أول مايجيك الموت .. افتح.
أو ماينادي عليك .. إجلح.
إنت الكسبان.
إوعى تحسبها حساب.!!
بلا واد .. بلا بت..
ده زمن يوم مايصدق .. كداب.!!

سيبها لهم بالحال والمال وانفد
إوعى تبص وراك.
الورث تراب
وحيطان الأيام طين
وعيالك بيك مش بيك عايشين..!!

يو.....ه يا زمان..
مشوار طولان
واللي يطوِّله يوم عن يومه يا حبيبي .. حمار
الدوا عاوزاه لوجيعة الركبة
مش لطوالة العمر.

إوعى تصدق ألوانها صفر وحمر.
مش كنت جميلة يا واد؟
مش كنت وكنت
وجَدَعَة تخاف مني الرجال ..؟
لكن فين شفتوني ..؟
كنتوا عيال.!!

بناتي رضية ونجية ماتوا وراحوا
وأنا اللي قعدت.
طيِّب يا زمان..!!
إوعى تعيش يوم واحد بعد عيالك
إوعى يا عبد الرحمان.
في الدنيا أوجاع وهموم أشكال والوان.
الناس مابتعرفهاش.
أوعرهم لو حتعيش
بعد عيالك ماتموت.
ساعتها بس ..
حاتعرف إيه هوّه الموت.!!

أول مايجي لك .. نط
لسه بتحكي لهم بحرى حكاية
فاطنة وحراجي القط..؟

آ.. باي ماكنت شقي وعفريت
من دون كل الولدات.
كنت مخالف..
برّاوي..
وكنت مخبي في عينيك السحراوي
تمللي حاجات.
زي الحداية ..
تخوي ع الحاجة .. وتطير .
من صغرك بضوافر واعرة .. ومناقير.
بس ماكنتش كداب.
وآديني استنيت في الدنيا
لما شعرك شاب..!!
قِدِم البيت.
اتهدت قبله بيوت وبيوت.
وأصيل هوه..
مستنيني لما أموت..!!
حاتيجي العيد الجاي؟
واذا جيت
حاتجيني لجاي؟
وحتشرب مع يامنة الشاي .؟؟

حاجي ياعمة .. وجيت..
لالقيت يامنة ولا البيت ..!!

عبد الرحمن الأبنودي



عبد الرحمن الأبنودى
أشهر شعراء العامية
من مواليد قرية أبنود عام 1938
عند إنتقاله إلى مدينة قنا
تأثر بالسيرة الهلالية
فقام على جمعها من صعيد مصر
و له يرجع الفضل
فى الحفاظ عليها
كتراث مصر أصيل لا يعوض
حصل على جائزة الدولة التقديرية عام 2001
و هو أول شاعر عامية ينال هذه الجائزة


اليوم 22 من شهر يونية عام 2010
فاز الخال عبد الرحمن الأبنودى
بجائزة مبارك فى الآداب و هى أرفع جائزة فى البلاد .
مبروك لشاعرنا الجميل

صاحب العديد من الدواوين
و كلمات عاشت ..و لن ننساها
عدى النهار -أحلف بسماها و بترابها
تحت الشجر يا وهيبة -عيون القلب -عرباوى
آه ياسمرانى اللون - برة الشبابيك
ساعات ساعات احب عمرى و أعشق الحاجات


زلابيا التهم ولا تنشغل بالرد


زلابيا
-2-

إلى لقاء جديد بإذن الله .
زهرة الكاميليا غير متواجد حالياً  
06-22-2010, 06:04 PM   #6
ياسين محمد محي الدين
vip
Crown1
 
تاريخ التسجيل: Apr 2010
الدولة: العراق - خانقين
المشاركات: 4,357

كلمات لها اشعاعات غريبة في النفس و الوجدان ....
كلمات درر متناثرة على اديم المنتدى كلمات ناطقات
بما جرى و يجري و سيجري الى ان تخبو انفاس الحياة ...
قصص خالدات رغم عوادي العصر ...
اشعار جمعت كل الاحاسيس و المشاعر الانسانية الاصيلة الصادقة
كباقات و رود يانعات بكل الالوان و الاشكال ......
سلمت يازهرة فموضوعك محطة استراحة
و تذكر و تفكر و عودة الى النفس و النفيس .......
ياسين محمد محي الدين غير متواجد حالياً  
06-23-2010, 12:55 PM   #7
زهرة الكاميليا
شريك استاذ
stars-2-7
 
تاريخ التسجيل: Jun 2007
الدولة: مصر - اسكندريه
المشاركات: 2,663

زلابيا التهم ولا تنشغل بالرد


صغيرة ..خفيفة .. متجددة..لا تنسى .
و هى.. قارئي العزيز
معدّة فقط للإلتهام الفورى
فلا تنشغل بالرد أو التعليق
فقط..كلما سنحت لك فرصة ..مر


شكرا
أخى الكريم
ياسين محمد محي الدين
للمرور المتميز
المتعمق فى أغوار النفس البشرية .

رباعيات صلاح جاهين


زلابيا التهم ولا تنشغل بالرد


كرباج سعاده وقلبى منه انجلد
رمح كأنه حصان ولف البلد
ورجع لى نص الليل وسألنى .. ليه
خجلان تقول انك سعيد يا ولد
عجبى !!

مزيكه هاديه الكون فيها انغمر
وصيف وليل وعقد فل وسمر
يا هلترى الناس كلها مبسوطين
ويا هلترى شايفين جمال القمر ؟
عجبى !!

زلابيا التهم ولا تنشغل بالرد

يا قرص شمس ما لهش قبة سما
يا ورد من غير أرض شب ونما
يا أى معنى جميل سمعنا عليه
الخلق ليه عايشين حياه مؤلمة
عجبى !!

زلابيا التهم ولا تنشغل بالرد


دي مذكرات و كتبتها من ســـــــــنين
في نوتة زرقا لون بحور الحنيــــــــــــن
عترت فيها .. رميتها في المهمـــــــلات
وقلت صحيح أما صحيح كلام مخبولين
عجبي


كيف شفت قلبي و النبي يا طبيــــــــــــب
همد و مات و الا سامع له دبيـــــــــــــب
قاللي لقيته مختنق بالدمـــــــــــــــــــــوع
و ما لوش دوا غير لمسه من إيد حبيب

زلابيا التهم ولا تنشغل بالرد



من بين شقوق الشيش و شقشقت لك
مع شهقة العصافير و زقزقـــــــت لك
نهار جديد انا . . قوم نشوف نعــمل إيه
انا قلت يا ح تقتلني .. يا ح اقــــــــتلك
عجبي !!!

زلابيا التهم ولا تنشغل بالرد



خرج ابن آدم م العدم قلت : ياه
رجع ابن آدم للعدم قلت : ياه
تراب بيحيا .. وحى بيصير تراب
الأصل هو الموت والا الحياة ؟
عجبى !
زلابيا
-3-

إلى لقاء جديد بإذن الله .
زهرة الكاميليا غير متواجد حالياً  
06-23-2010, 01:25 PM   #8
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,421

تسلمى لنا ياست الكل
متبعين معاكى ياأحلى زهرة



إنشـد يـا قلبـي غنــوتك للجـمـال

وارقص في صـدري من اليمين للشـمال

مـا هـوش بعيـد تفضـل لبكره سـعيد

ده كـل يـوم فيـه ألف ألف احتمـال


عـجبي !!



فى أنتظار أحلى كلام
__________________

signature

منى سامى غير متواجد حالياً  
إضافة رد

مواقع النشر (المفضلة)

الكلمات الدلالية (Tags)
التهم, بالرد, تنشغل, زلابيا, ولا

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 12:27 PM.


Powered by vBulletin® Version 3.8.9
Copyright ©2000 - 2017, vBulletin Solutions, Inc