منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > منتدى ثقافي موضوعات ثقافية عامة خواطر شعر سيرة شعراء

منتدى ثقافي موضوعات ثقافية عامة خواطر شعر سيرة شعراء منتدى ثقافي موضوعات ثقافية خواطر سيرة شعراء اجمل قصائد

06-13-2010, 09:58 AM   #5
زهرة الكاميليا
شريك استاذ
stars-2-7
 
تاريخ التسجيل: Jun 2007
الدولة: مصر - اسكندريه
المشاركات: 2,663

Facebook Twitter Google LinkedIn vkontakte messenger Digg
الله يرحمك يا سبت

على سلامه زعلان شويه


الله يرحمك يا سبت
في كل بلكونة ف البيت
كان السبت المتعلق
دايما ع الحيط


أنزله يرجع بالفول
وعمره يوم ما دلق لي الزيت
وأنزله يرجع جورنان
وأنزله يرجع بالعيش
وأنزله يرجع قمصان
ف وسطهم أفرول الجيش
وأنزله يرجع إنسان
وأنزله يرجع نسمة
وطفل لسه مش طايل
سور الكورنيش


صوره


يوم النتيجة وزمايلي
وشهادة نجاح
وأنزله يرجع جوابات
وأنزله يرجع حكايات
دقة قلبي


على سلامه زعلان شويه


أول مرة قلت أنا حبيت
وأنزله يرجع أيام
وأنزله يرجع أحلام
دلوقتي بنزل أنا والسبت والبيت
ونرجع إيد ورا وإيد قدام
لا فرح معانا
ولا حتي إبرة وخيط


على سلامه زعلان شويه


فساتين بناتنا مشجرة

فساتين بناتنا مشجرة

ناقلة اللى فات بالمسطرة

صوره


فساتين بناتنا مشجرة ..
ناقلة الى فات بالمسطرة
ومغيره لون السكات !

ماشية البنات مين قدها
راميه البسيط من قلبها
والتوب جميل لكن يشيط
لو شم ريحة حزنها !

على سلامه زعلان شويه

ماشة البنات ألوان كتير
والرقة ضاعت من الحرير
حتى الولد مرسوم أسير !

على سلامه زعلان شويه


فى ايديه الساعات ليه متأخرة؟
فساتين بناتنا ...مشجرة ...


على سلامه زعلان شويه


عارفة يامة !
أنا حاسس إن الموت
ماخدش منك غير الطرحة
والجلابية السودة


صوره

ما أنا كل ما أعدي جنب الأوضة
أسمع صوتك
وانتي بتضحكي ع الدنيا
وبتدعي لي
روح
ربنامعاك
هاتسافر
وهاترجع مجبور الخاطر
وهاستناك
طب إسندي علي كتفي
بكره تقومي
بكره تخفي
عارف مين يا ابني بيقع.. ويقوم
أوعي تدور ع الدفا
في فلوس وهدوم

ومتنساش تحوش شوية أصحاب
وافرح أوي لما يدق الباب
وتلاقي حد بيحضنك
لوجه الله
ياه
فاكره يامه لما كنتي
تعملي البصارة


على سلامه زعلان شويه



وتدي منها لأبلة سارة
يرجع الطبق رز بلبن
يروح لأم حسن
يرجع صنية بسيسة
تدي منها لخالتي بيسة
ويرجع الطبق مليان حب
معقول كل ده قلب
عارفة يامه
النهارده بقيت بخاف بجد

على سلامه زعلان شويه


بخاف من أي حاجة
ومن أي حد
بخاف غصب عني
اتخبط ف حد
لحسن يعملي محضر
ويطلب تعويض
مشيت كتير يامه
بس الفرح لسه بعيد
ياتري لسه بتدعي لي؟


على سلامه زعلان شويه
-6-
يتبع
زهرة الكاميليا غير متواجد حالياً  
06-13-2010, 10:02 AM   #6
زهرة الكاميليا
شريك استاذ
stars-2-7
 
تاريخ التسجيل: Jun 2007
الدولة: مصر - اسكندريه
المشاركات: 2,663

ميدان الجيزه

على سلامه زعلان شويه


ضيعت شوية سنين كده ..
بحب من بعيد لبعيد ..
والحكاية مقضياني ..
ومبسوط وراضي وسعيد ..
أفرح بأي حاجة ..
وأستني هدوم العيد ..

على سلامه زعلان شويه


و بعدين ضيعت شوية سنين ...
نفسي أبقي أشطر واحد في الكيميا ..
مع إني مش فاهم ميدان الجيزة ..
والحياة رغم قسوتها ..
شايفها لذيذة ..

على سلامه زعلان شويه

وضيعت شوية سنين بقي ..
نفسي أعدي إختبارات الكورة ..
في النادي الأهلي ..


صوره

وأشتغل في وكالة ناسا ..
وأبقي واحد م العلماء المهمين ..

على سلامه زعلان شويه

و بعدين ضيعت شوية سنين ..
منتهي أملي كرسي فاضي ..
في أتوبيس تلات خمسات ..
عين الصيرة أم المصرين ..

على سلامه زعلان شويه

وضيعت شوية سنين ..
عايز أفهم الفرق ..
بين النكسة والهزيمة ..

والأحترام وقلة القيمة ..
و أبقي نجم سيما ..
م المشهورين ..

على سلامه زعلان شويه

وبعدين ضيعت شوية سنين ...
واقف عند نظرية المؤامرة ..
لا عارف أعيش ف الزمالك ..
ولا راضي أعيش ف غمرة ..
ومش عارف ليه ..
الحشيش ممنوع ..
مدام مصرحين بالخمرة ..
وياتري بقي أتجوز ..
واحدة بيضة ولا سمرة ..
ولا أسأل فيها ..
رجال الفتوي والدين ..
وضيعت شوية سنين ..
مركز ف السيراميك

على سلامه زعلان شويه

والبيبان والشبابيك ..
وألوان الحيطان ..
وده بيج وده سن فيل ..
والمودة الأصفر ..
قشر الموزة ..

على سلامه زعلان شويه

وضيعت شوية سنين ..
لا انا بحر ولا نيل ..
حاجة كده بعيد عنك ..
ملهاش عوزة ..
ولما بقيت كام وخمسين ...

على سلامه زعلان شويه

لقيتني لسه ..
بحب من بعيد لبعيد ..
وبرضة مش فاهم ..
ميدان الجيزة

على سلامه زعلان شويه


من حقنا نحلم


و نشوف الدنيا حلوة
مع انها مش كدة
نفرح حبة ثواني
و اصرخ و اقول بحبك
و تقولي قولها تاني
من حقنا
و نقوم الصبح عادي
و نقابل نفس الناس
من حقنا نحلم
نحلم بس في سكات
و نشوف حاجات حاجات
مثلا الناس سعيدة
و شاطرة مش بليدة
و قريبة و بعيدة
بتحضن بعضها
مثلا
مثلا مفيش جراح
و الخنقة بقت براح
و انا لو تعبت ارتاح
في حضن قلبها
مثلا

على سلامه زعلان شويه

-7-

يتبع
زهرة الكاميليا غير متواجد حالياً  
06-13-2010, 10:07 AM   #7
زهرة الكاميليا
شريك استاذ
stars-2-7
 
تاريخ التسجيل: Jun 2007
الدولة: مصر - اسكندريه
المشاركات: 2,663

راحت زهوة المنى ..
و اغتيل الطموح و الأمل
فما بقى للإنسان
إلا أن يسعده حظه بمجرد حلم ..
مجرد حلم عابر
يفيق منه ليعاود واقعه المر
والحياة بكل ما يكتنفها من ظلم
حياة ..ضاقت ..و ضاقت ...
و صارت تضن بالأمان ..أو بقدر
من فرح خالص و إطمئنان !
تحصره فى أضيق براح..
مخنوقا ..بلا آمال ...
حياة..
رغم ما تظهره من لمحات جمال وبهاء ..
فإنها لا تنى تصدرالعنف و الموت
هنا و هناك ..
تحصد أبرياء ..
تقتل الزرع ..و تصادر النماء !
فى زمن قتل الحب
ووأد الغد و حلاوة الإنتظار ..
قست القلوب
لكأنها فى الصدور ..أحجار ..

صوره



بخاف من أي حاجة
ومن أي حد
بخاف غصب عني
اتخبط فى حد
لحسن يعملي محضر

صوره



و يالسخرية الزمان
فحتى الحلم...ما عاد متاح
ما عاد يكفى الحلم ..
و لا التحايل .
بأنغام البيانو ..و ضؤ الشموع ..
و محاولات تخطى الألم ..و القلق العاتى ..
و لا حتى بضحكة ..
ممرورة مغموسة بسؤات الزمن ..
فليست فى النهاية سوى ضحكة مغتصبة ..
ضحكة.. تكشف مدى ما يعانيه البشر..
وتنم ..و تشى ..بكل هذا الوجع !

البيانو

صوره


جربت تتعشي علي أنغام البيانو
وضوء الشموع
جربت تتكلم مع قلبك
ولو الكلام مش عجبك
تغير الموضوع
جربت تسافر لوحدك
وترجع لوحدك
جربت تبكي من غير دموع
جربت تأجل أفراحك
وسألت نفسك
ليه بنعمل للميت أربعين
وللمولود سبوع
جربت تجري ورا الأتوبيس
أو تجري م الأتوبيس
جربت تقف في طابور
ولما تيجي تحلم
ألف حاجة تقولك ممنوع
جربت الإحساس
إنه ليل نهار عندك وسواس
إن قميصك مكرمش
وفيه زرار ملخلخ
والبنطلون مقطوع
جربت تقول لحد بحبك
عشان بس تكسب ثواب
جربت تاكل من غير نفس
حتي لو كان كباب
وأنت ميت م الجوع
عارف
حلوة أوي ضحكتك
لكنها بتكشفك
وتقول إنك موجوع !

صوره


هكذا
يلامس الشاعر على سلامة ..
كل هذا الألم ..
يتجرعه فى كل سطر من أشعاره ..
لكنه..و رغم كل شئ
يمتلك روحا وثابة ..تكره الظلام .
لا تزال تأمل فى الفرح !

بحب البرد

بحب البرد
و يا سلام
لو حد هرب م الدوشه
و راح و جابلى ورد


على سلامه زعلان شويه



و أموت من الفرحة و الدهشة
لو كتبت قصيده
وقولتلى حلوة
قولها تانى
اتنطط زى العيال الصغيره
وأقولك احلف
والله العظيم
بتتكلم بجد؟
يمكن علشان أيام الفرح قليلة
سهل تتعد
عارف
رغم ان المخازن
كل يوم بتتحرق
ومفيش حساب ولا جرد
و رغم وجود السيرك
والاراجوز
والتلات ورقات
وجوز وفرد
عمرى ما اتمنيت أكون أميرأو ولى عهد
لكنى باحلم بوطن مافيهوش ولا حارة سد
وطن بيفرح بحاجه
غير وصول الأهلى لليابان
وحزنه انبل
م الدموع البلاستيك
وعمليات التجميل
و الشفط و الشد

عارف؟
رغم انها
بتقع
بتغرق
بتتنيل بستين نيله
لكن جميله
عمرها ما ها تنهد
عشان كدة
انا لسه بحب حاجه

على سلامه زعلان شويه


و لسة فيه فى قلبى حد !

تمت بعون الله
تحياتى .
زهرة الكاميليا غير متواجد حالياً  
06-13-2010, 10:37 AM   #8
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,426

الله عليكى زهرتى الجميلة
يسعدنى اكون اول رد على أجمل موضوع
أستمتعت جدا بقراءة الموضوع
وأستمتعت أكتر بقراءة بعض الاشعار
ولى عودة مرة تانيه
لان موضوعك يقرأ مرات ومرات
دمتى بخير
وجزاك الله خيرا لتعريفنا بهذا الفنان الرائع
وأشعاره التلقائية النابعة من القلب

فساتين بناتنا مشجرة ..
ناقلة الى فات بالمسطرة

ومغيره لون السكات !

ماشية البنات مين قدها ... راميه البسيط من قلبها
والتوب جميل لكن يشيط ... لو شم ريحة حزنها
ماشة البنات ألوان كتير ... والرقة ضاعت من الحرير
حتى الولد مرسوم أسير
__________________

signature

منى سامى متواجد حالياً  
إضافة رد

مواقع النشر (المفضلة)

الكلمات الدلالية (Tags)
سلامة, زعلان, شوية, على

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
سلاله نادره من الذره بالوان الطيف الروميساء الزهور النباتات موسم زراعة نبات زهرة شجرة اشجار فاكهة حدائق 5 10-30-2013 01:05 PM
الفنان التشكيلى محسن شعلان و معرض نحن هنا تقى منتدى الفنانين العرب سيرة الفنان روائع اللوحات الفنية 14 09-07-2013 03:06 PM
طلال سلامه رضا والله وراضيناك safynaz الموسيقي الطرب اغانى قديمة حديثة البومات كاملة الات موسيقى عربية عالمية 1 11-30-2012 01:10 PM
موقع الفنانه التشكيلية سلامه الرميثي شمسه منتدى الفنانين العرب سيرة الفنان روائع اللوحات الفنية 4 07-06-2010 04:34 PM
المعرض الشخصى الاول للفنانه السعوديه دعاء شعلان ملك منتدى تاريخ الفن فنون حضارة قديمة متحف اثار المتحف الشعبى الاسلامى القبطى 9 05-18-2008 04:57 PM


الساعة الآن 03:54 PM.


Powered by vBulletin® Version 3.8.9
Copyright ©2000 - 2017, vBulletin Solutions, Inc