منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > نكتة مصورة مكتوبة فزورة مسابقة صور مضحكة ثابتة متحركة

نكتة مصورة مكتوبة فزورة مسابقة صور مضحكة ثابتة متحركة نكتة مصورة مكتوبة فزورة صور مضحكة ثابتة متحركة مسابقات عادية مبتكرة

07-06-2007, 04:59 PM   #13
زهرة الكاميليا
شريك استاذ
stars-2-7
 
تاريخ التسجيل: Jun 2007
الدولة: مصر - اسكندريه
المشاركات: 2,663

Facebook Twitter Google LinkedIn vkontakte messenger Digg
العزيزة همس النسيم
في انتظار ما يلي ...
الحكاية ..مسلية جدا و جميلة ..
لا تتاْخري
زهرة الكاميليا غير متواجد حالياً  
07-10-2007, 08:47 PM   #14
همس النسيم
شريك
stars-1-3
 
تاريخ التسجيل: Jun 2007
الدولة: السعوديه - الخبراء
المشاركات: 43

النهايه

* في الاوتيل *
- يالله هلووووو ميمي .... قوموااا .. هيله وين اللي بتصلح القهوه .. قووومي.. يالله بناات خلونا نطلع للبحر.. يالله يمدينا نستانس قبل تغرب الشمس!!
- هيله: ايييييييييييييه خلااااااااص ذليتي امنا عشان القهوه ..
- مناير: طيب قمت .. خلاااااص
- حصه: ايه يالله انا اللي سويت القهوه والحلى .. الباقي عليكم.. يالله بدلوا وغسلوا عشان نطلع!!
راحت البنوتات العسولات للبحر..,,
- حصه: مناير..افرشي الفرشه هنا خلاااص لاتقربون للمويه أكثر من كذا..,,
- هيله: الا خلينا نقرّب .. جيبيه هنا يالله..,,
- حصه: هيلــــــــــــــــه .. لاتعاندينن..,,
- هيله: خلاااص وه افرشوه باللي تبوون .. ان شاء الله فوق كبوت السياره ذي..,,
- مناير: الحصي.. صبي له قهوه بليززز..,,
- هيله: يامحلا الفنجال مع سيحة البااااااااااااااااااال .. في فرشةٍ مافيها نفس ثقيلللللللله .. الله الله هع هع
- حصه: ههههههههههههههه
- مناير: الله يفشلتس اقصري صوتس وجع!!
- هيله: يابنت الحلال خلينا نستانس.. بديرة ماتعرفه .. خذ راحتك به هع هع.,,
+ جت كوره وصبخت مناير مع علباته +
- مناير: وججججججججججججججججججججججع .. ماتشوفون عمى..!!
- هيله ( التفتت عليهم) : يامل الساحق الماحق..والمرض المتلاحق..اللي يسحقك ويمحقك..وين ماتطس يلحقك..!!!!
- حصه ومنيره:
- هيله: وش بكم؟
- حصه: وشششششش قلتي انتي؟!!!
- مناير: وش ذا الطلاسم..؟!!!
- هيله: ماعليكم هذي من بركات جدتي شمّا ..
- حصه: من متى صارت لك جده اسمها شمّا..؟!
- هيله: جدتي شمّا .. هذي جدة سليطين ولد ام محمد اللي باخر العاير اعتبره جدتي من الرضاع ..,,
- حصه: والله انتس قاضيه ... كل الناس أهلتس!!
- هيله: الشعب السعودي كله أهلي هع هع
- مناير: هههههههههه .. وصلني رساله بالبلوتوث .. هيله واحد يحسبه جوالتس!!
- هيله: وراه يحسبه جوالي؟!
- مناير: يقول بالرساله .. امووووت على الساحق الماحق خخخخخخخخ
- هيله: وشو نكه؟
- مناير: نكه ( كيف نعيش بلا ددسن)
- هيله: والله لاأحلف انه من عيال حارتنا .. اشوووه اوريتس وش ابرسل له..
- حصه: اقول اعقلوا بلا هبال..,,
- هيله: اصبري عندي مسج اذا شغله بيطلع صوت عااااااالي وبعرف منهو هع هع
- مناير: هاه وش صار؟ ارسلتي؟
- هيله: ايه ارسلتها .. دوري مكانه هع هع
- مناير: هههههههههههههههههههههههههههههههههه شوفيه ذاااك!!
- هيله: أي والله .. اخس يالشويب!!
- حصه: هههههههههه طلع شايب .. يالله العقل والدين !!
- هيله: الحمدلله والشكر..ارسلت له رساله
- مناير: وش قلتي؟!
- هيله: قلت استح على دمك ياشايب عراره قبل لاأعلم ذا المسيكينه اللي معك..
- حصه: حتى الشيبان ماسلموا من ذا البلوتوث..
- مناير: تدرين انهم يرسلون اكثر مننا .. وهم اللي يستهبلون,,
- هيله: اجل اباخذ شايب يوسع صدري هع هع
- مناير: وجوزيف؟!!
- هيله: لا هين ذاك عين السيح << مسويه حكيمه اللي بالحياله
- حصه: هاااااااو .. بتاخذين اثنين ..!!
- هيله: لاااااااااااااااااااااا .. بس واحد بخليه بكراسي الاحتياط.. هع هع
- هيله: شوفي هاللي متسدحات على البحر .. مانيب قايله عساهن يتسدحن بالمستشفى!!!!!
- مناير: قوموا ابروح اغطّس رجولي بالبحر..,,
- هيله: روحوا انتم .. انا بتقعّد لهالشايب..والله لاأخليه يقوم من الفرشه ويروح بيتهم!!!
- حصه: يالله انا وياتس ميمي نروح ..,,
* راحت حصه وميمي يلعبون بالمويه .. وهيله جلست تتقهوا وتحبرش بالجوال.. *
وفي تلك اللحزه .. جت هيله ضربة من وراها .. والتفتت على بالها اللبزران اللي قبل شوي..
- هيله: يامااااااااااااااااااال الوجع اللـــــــــــــــــــــــــي ...... جوزيف..؟!!!
- جو: باااي هلووو..,,
- هيله: يماااااه يمااااااااااااه .. جو...وشو ذا... وش يبي...ياربييييييه وش اسوي....يماااااااه..,,
وفتحت الورقه..,,
*** عزيزتي هلووو .. بتمنى انك ماتتدايئي من الرساله .. بس حبيت إلك ان فيه ست راح تنتزرك في مطعم (هيفين) اللي بآخر الشارع .. بدا تحكي معك شوي .. الساعه 9 ونص بكره *** بااااي
- هيله: يماااااااااااااااااااااااااااااااااااه .. وش اسوي... هاااه .. اكيد انه امه .. تبي تخطبن!!
ياربيييييييه .. يابعد حيي ياجو .. وه بس.. وش بسوي!!
وصلنا ان هلووو اخذت الرساله من جوزيف وشافتها.. البنت احتارت وش تسوي!!!
- هيله: ياربييييييه وش اسوي..اقول لخواتي؟؟ لا صعبه.. اتركه؟؟ لا أصعب .. وه بس ياررربيه وش اسوي..!!
- حصه: تعااااالي هلووو والله المويه تجنن!!
- هيله: لا ماابي..ابتقهوى..,,
- مناير: حصـــــــــــــــه .. تعالي عندي لكم سالفه مهمه جدا جدا جدا جدا جدا جدا .....
- حصه: اوووص صجيتينا .. خلاااص روحي انتي للفرشه وانا ألحقتس..,,
- مناير: هلوووو .. عندي فكره رهييييييييييبه تكفين ساعدين وافزعي معي قبل تجي الحصي..,,
- هيله: وش عندتس ياهدرانه .. والله ماوراتس الا الدجه ادري..بس هاتي وش عندتس..؟!
- مناير: اسمعي.. انا شفت بفيلم .. ثلاث خوات زينا..عايشين ببيت واحد..المهم اتفقوا انهم يبعدون عن بعض لمده شهرين وكل وحده تشوف نفسه..وبعد الشهرين يجتمعون وتشوف كل وحده وش سوت الثانيه خلال الشهرين..,,
- هيله: طيب..؟! وش قصدتس.؟!
- مناير: انا اقولتس بس انتي ركزي معي.. الحين كم باقي لنا نجلس هنا قبل نرجع للسعوديه؟!
- هيله: اسبوع تقريبا..
- مناير: حلووووو..خلال الاسبوع هذا.. نفترق..وبدل مانصير بغرفه وحده ..كل وحده بغرفه..ومانشوف بعض أبد..وكل وحده تسوي اللي تبي..وبعد اسبوع نلتقي ونشوف كل وحده وش سوت.. ونرجع للسعوديه.. وش رايتس.؟!
- هيله: اقوووووول طسسسسي فيذاااك .. وش تبين انتي؟؟ ايييييييييه عشان تستهبلين على كيفتس..لايااختي انتي مراهقه ويبي لتس رقابه..!!
- مناير: لا والله؟؟؟؟ وش قالوا لتس ماتربيت انا؟؟ بعديييييييين انا مانيب راعية حب وخرابيط مثل بعض الناس<<وهنااا جت على الوتر الحساس بتاع هيله<يرحم أم اللغه ههههههههه
- هيله ( بينها وبين نفسه): والله انها فكره..على الاقل اقابل هالحرمه واشوف وش سالفتها من دون مااحرج نفسي مع البنات..!!
- هيله: اسمعي..انا ماادري..انتي فكري وقولي للحصي وشوفي وش تقول..,,��- حصه: وشوووو وشوووو سمعت طاري اسمي..وش تقولووون ..حشيتوا فيني..ترا مااسامحكم ليوم الدين!!
- هيله: هيه انتي اعصابتس من زينتس نحش بتس..اكلتينا بقشورنا!!
- حصه: انا من زيني..؟!!! طااايب مشكوووره
- هيله: امززززح يالمملوحه..,,
- مناير: حصه .. ابقولتس شي..,,
- حصه: ايه ادري قلتي لي ان عندتس موضوع..وشوو هاتي ماعندكِ يافتاة..,,
- مناير: انتي الحصي..اختي الكبيره..وقدوتي بالدنيا..وانتي امي وابوي واختي واخوي واهلي..وانا مااقدر استغني عنتس و...
- حصه: خلصينا .. اكيد عندتس شي تسايد (كايد لغير الناطقين بالقصمنجيه خخخ)
- مناير: اسمعي انا اقولتس.. شخشخشخشخشخشخخشخخ << تقولها القصه بس تم حذفه لعدم الاطاله..,,
- حصه: نعم نعم نعم ..؟؟؟ وش قلتي حبيبتي..؟؟ ماسمعت..!!
لا ياشيخه .. هذا اللي تبينه..ماعاد الا هي..لاحبيتي الا هذي انا ماعندي هالخرابيط اللي تقولين.. يالله هنااااااااااك..,, هيله وش رايتس انتي قوولي شي!! حنا متفقين اننا ناخذ رأي الاغلبيه!! وعندنا ديمقراطيه نمشي عليها..,,
-هيله: انا اقول خلينا نجرب وش ورانا.. كلنا متربيات ونعرف حدودنا وماراح نخربط ولا نروح من هناااااا ولا من هنااااااا ..
- حصه: لاااااا ؟؟ اجل كذاااا اتفقتوا علي.!!
- هيله: انتي خلينا نجرب..وكل وحده تاخذ مصرفها وتصرفه على كيفها..والوعد اخر الاسبوع..,,
- مناير: تكفين الحصي... لاتخربين السفره علينا..متى عمرنا سافرنا كذا...؟! تكفيييين الله يخلييييييييييييييييييك..,,
- حصه: كيفكم .. بس عندي شرط!!
- هيله: وشوو؟
- حصه: كل وحده تتحمل مسؤولية نفسها.. مو تجوون تقولون ضاعت فلووسي..ولا محتاجه فلووس..ولا هذي لعبت علي وسرقتني ووووو..
-مناير: لو يقطعوني اربا اربا ماقلت لتس شي!!
- هيله: اخسسسسس يااربا .. حلووه والله من وين جبتيها؟!!
- مناير: هههههههه مدري هي طلعت من الحماس.. هاه الحصي وافقتي؟!
- حصه: وامري لله..!!!!!
كل وحده من الثلاثي المرح اخذت لها غرفه بالاوتيل..وبدت تشوف وش وراها ووش تتمنى ووش بتسوي..!!
* غرفة منــــاير *
- مناير: الوووو .. لو سمحت ممكن ترسلي السيرفنت .. ابغاه يجيب لي منيو حقت المطعم اللي تحت..,,
- هو: ايه تكرم عينك مزموزيل.... بس بعتئد انو فيه منيو للمطعم عندك شوفيا عالشافونيرا اللي جنب ال tv ..,,
- مناير: اهاااااا .. معليش اسفه ماانتبهت لها << ياشين السرج على ... ههههه .. خلاص بااي..,,
طرااااااااااااااااااااااااااااااااااااااااااخ .. واخزياااه واخزياااه دقيت اتميلح وفشلني!!
,, . ,, . ,, . ,, . ,, . ,, . ,,
* غرفة الحصي *
طووووووووووووط طوووووووووووط الحصي غير موجوده في الخدمه مؤقتا.. ( طالعه برااا )
,, . ,, . ,, . ,, . ,, . ,, . ,,
* غرفة الهلـــي *
- هيله: ياربيييييه وش بقول للحرمه .. ,, لاااا وش بلبس الحين ... لاااا وشلون بتكلم معه .. لااااا وشلون بطلع .. ,,
ياربييييييييه بس .. معقوله تكون امه؟؟ طيب اذا تبي تخطبن تجي هي للاوتيل وشوله انا اروح.. طيب لو خطبتن وش بقول؟؟ بوافق؟؟ من دون مااقول لخواتي شي؟؟ اخاف خالي عبيّد يذبحن لو درى.. طيب شلون وين احط العرس هنا ولا بالسعوديه.. ودي اعزم صديقاتي وافرح << يااابعد الدنيا هي كسرت خاطري والله!!
ومازالت الهلي تفكـــــــــر حتى جاءت الساعه 9 بالليل..,,
---------------------
دخلت الهلي المطعم.. وكانت تدور حرمه جالسه لوحدها ..
- هيله: ايه هذااه .. مرحبااا .. انتي ام جو؟؟
- هي: باردوون؟؟
- هيله: حتى انتي باردوون وش عندكم انتم وهالبرد..لا حرووون!!
- هي: عفوا انتي بدك ياني؟؟
- هيله: لا بدي جو وش ابي بياني خليه لتس..!!
- هي: شو بدك مني ماعم بفهم عليكي..,,
- هيله: انتي من تنتظرين هنا؟
- هي: مابنتزر حدا .. انا جايي لوحدي هوون..
- هيله: اهاااا اجل غلطاانه يابعدي.. تشاووو ياباردوووون..,,
- هيله: وين طسسست خالتي < ياعمرررررررري انتي..,,
لو سمحت .. فيه طاوله محجوزه باسم جوزيف هنا؟؟
- هو: أي في خيتوو .. الطاوله رأم سبعه..,,
- هيله: شكرا.. يازين السنع وراي ماسألت من قبل..بدل مااهارج هالباردوون والحرووون..,,
وجلسست على الطاوله تنتظر خالتها تجي..,,
وماهي الا هنيهاااات << متعوب عليها ترى.. الا وتجي الخاله وتسلم عليها من وراها..,,
- الخاله: هااااي .. انتي اللي إلك موعد معي.. انا خالــ ... هلوووو؟؟؟؟؟؟
- هيله: كارووووول!!! اهلييييييييييييييين وش اخبارتس وشلونتس.. يامحاسن الاصداف مدري القواقع .. ورب صدفة خير من ألف ميل تبدأ بخطوه هههههههههه ..,,
- كارول: هلووو .. انتي اللي.......................؟!!
- هيله: انا اللي وشووو؟؟ وش بتس تقل شايفتن جنّيه؟؟
- كارول: هلووو انتي بتعرفي حدا باسم جوزيف؟
- هيله وهي مستحيه: ايه اعرفه ليشش؟؟ وش عرفتس؟؟
- كارول: لأأأأ .. مو معأووووول ...
- هيله: وش السالفه وش بتس؟؟
- كارول: عدي لإلك ..,,
(( وجلست كارول خالة جو تقص لهلوو القصه كلللللللللللهااا..,,
وقالت لها ان جوزيف متزوج بنتها وعنده ولد .. وانه مافكر فيهااا بس انه رحمها يخاف تتعلق فيه اكثر..,,))
وصف الحدث:
هلووو مسيكينه انصدمت صدمه ماقبلها ولا بعدها... مانطقت بحرف واحد.. وكارول تواسيها وقالت انه يقول عنها مهضومه وحبوبه وطيبه..ورجعت لها الساعه حقت امها..
- هيله: حصل خير.. اصلا انا كنت حاسه..ومازعلت عادي الوضع ..,,
- كارول: بتمنى انك ماتزعلي مني.. ياحبيبتي انتي ولا يهمك..بكرا الله بيعوضك وبتتجوزي سيد سيده كمان..,,
- هيله: ههه لا عادي ماصار شي..عن اذنك انا بطلع وراي مشوار مهم..سلمي لي على جو وزوجته..,, مع السلامه..,,
- كارول: استني هلووو .. بدي احكي معك.. استني!!!
وراحت المسيكينه .. وهي تترنح في مشيتها من هول الصدمة التي صعقتها قبل لحظات..وكأن قصرها الذي بنته في قلبها قد تحطم بأكمله وانهار على حبها الوحيد وقتله قبل ان يرى النور.. ( قايلة لكم اللي مايقدر يبرمج نفسه عامي/فصحى بيتدهدر هنا خخخ )
..........................................
بعد اسبوووووووووووووووووووووووع,, وبالتحديد قبل الذهاب الى المطار للعودة الى منفوحه .. قصدي الي بيتهم,,
اجتمعوا البنات بغرفة الحصي..,, وبدأ السلام بالقبلات والاحضان..,,
وكل وحده بدت تقول وش صار لها ..
- الحصي: اسمعوا بنات.. انا بقولكم باختصار.. انا تعرفت على وحده لبنانيه تشتغل طباخه هي وزوجها بمطعم حلوو وراقي .. وبعد ماعلمتها بعض الاكلات الشعبيه..عرضت علي اني اسكن بشقه قريبه منهم واشتغل معهم ولي نسبه من ارباح المطعم.. وانا بصراحه فكرت ولقيت انها فرصتي وماراح تتعوض..الراتب اللي اخذه هنا يعادل ضعفين الراتب بالبنك هنااك..,,
- مناير: هااااااااااه؟؟ تجلسين هنا؟؟ يامحاسن الاصداف على قولة هلووولتنا .. اجل انا رحت بجوله على جامعاتهم ولقيت عندهم تخصص الانجليزي حلووو وسهل نوعا ما..ومافيه تعقيد زي جامعاتنا.. فأنا قررت اكمل دراستي هنا وبشوف مستقبلي بالجامعه..,,
- هيله: ................................... < ساكته
- حصه: هلووو .. وانتي وش سويتي؟؟ ووين رحتي ؟؟ ووش شفتي؟؟ وش بتس؟؟
- مناير: هلوو وش صار على جوزيفتس؟؟ ماشفتيه؟؟ وش بتس ساكته تكلمي!!!!
- هيله: خلصتوا؟؟ وقررتوا... خلاص اجلسوا الله يوفقكم.. انا برجع للسعوديه بعد شوي..,,
- الحصي: هيله وش صار لتس طيب؟؟ تكلمي.. ضيعتي فلوستس؟
- مناير: لااا يمكن سوت شي وندمت عليه..
هيله: وجععع .. اووب انا اللي اسوي كذا يالتعبانه.. انا مافيني شي ابرجع وبسس
- مناير: طيب لاتنافخين بالطقااااق طسسسي,,
- هيله: مانفخت ياقليلة الادب..,,
- مناير: انا قليلة ادب؟؟ ليششششش انا اللي كنت الاحق رجل واحبه ووو
- هيله: اووووووووص خلاااااااااااااااص انا تعبت .. انتم ماتحسون..انتم ماتفكرون الا بمصلحتكم.. ماابي شي منكم,,
- الحصي: خلاااص انتي وياااه .. كل واحد يسوي اللي يريحه..,,
وتزاعلوا الاخوات ... وظفت هيله شناطها وراحت تلحق على موعد الطياره.. والحصي ومناير راحت كل وحده لغرفتها..,,
* في صالة المغـــــــــــــادرون *
هيله جالسه تنتظر يعلنون عن موعد الصعود على الطائره وهي تمسح دموعها اللي ماوقفت من اول ماطلعت من الاوتيل..,,
- هيله: الله لايعيدها من سفره..الله لايعيدهاااااا .. بسفره وحده انقلب حالنا كذا؟؟ خواتي راحوا ومادروا عن .. كل وحده همها مصلحتها وبس.. وانا الغبيه حسبت اني اقدر أحب..وحبيت .. وتوهقت..وانجرح قلبي وماظنتي بيلتئم جرحه.. ياررربي سامحني انا غلطت .. استغفرالله العظيم .. ياربي ابي خواتي..من لي بالدنيا غيرهم؟؟ يارب انا ضعيفه مالي بالدنيا الا هم.. من اجلس عنده؟؟ خالي عبيّد .. من زين ذا الخال اللي ماعمري شفته الا بالعيد وزين اذا جاء.. يارربي وش اسوي بعمري.. وشلون بعيش؟؟ وحيده؟؟؟؟؟؟؟ لا وظيفه ولاطلعه ولا دخله ولااحد اتكلم معه .. شلوووووووووووووووون بعيش شلووووووووووووووووووووووون!!!
الرجاء من الركاب المسافرين على الرحله رقم 346 المتجهه الى الرياض التوجه الى البوابه رقم 73 وشكرا..,,
وجلست الهلي على المقعد وربطت الحزام ( عشان مايبلشونها) وكملت صياحها..,,
- هي: لو سمحتي اختي.. ممكن تبادليني بالمقعد؟؟
- هلوو: لأ ..
- هي: حتى لو قلت لك يامحلا الفنجااااال مع سيحة الباااال في طيارة مافيها مقعد ثقيل...؟!!
- هيله: هييييييييي .... منـــــــااااااايرررررر!!!!!!!!!!!
شلووووووون جيتي.. وراتس؟؟ شلون غيرتي رايتس؟؟
- مناير: وانا اقدر استغني عنكم .. ولا اعيش من غيركم؟؟
- حصه: وفلوووس الدنيا كلهااااااااااااااا ماتغنيني عنكم!!!!!!
- هيله: الحصصصصصصصصصي بعد!!!!
... + ملاحظه: المشهد متسلفته من فيلم هندي + ...
صيااااااااح وخمخمه وبوسااات وحالتهم حاااااااااااااله..,,
- مناير: هلووو فقدتينا؟؟
- هيله: يعني.. عادي عندي ..يمكن ضاق صدري شوي..بس مومرره,,
- حصه: اييييييييه واااضح ماكأننا جالسين وراااتس بصالة الانتظار هههههههههههههههههههههههههههههههههه
- هيله: هااااااااه .. ايه كنت ادري .عشان كذا استهبلت عليكم.. <<لآخر لحظه تتلكع!!
- مناير: ايه هييييييييييييييييييييييين .. اهم شي لما قلتي من بسولف معه!! مت من الضحك ههههههههههههههههههههههه
- هيله: هههههههههههههههههههههه الله يرجكم .. تصدقون اكتشفت اني احبكم!!
- حصه ومناير: لاااااااااااااااااااااا ؟؟
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههههههه
..,,
ورجعوا الاخوات الكريمات للسعوديه..,,
يقولون ان الحصي تقلدت منصب كبير وصارت مديرة البنك..,,
وان الهلي تزوجت وعندها درازن بزران ..,,
وان مناير صارت معيده بالجامعه ..,,
هم يقولووون .. والله أعلم...................!!!
~ the end ~
همس النسيم غير متواجد حالياً  
07-11-2007, 09:41 AM   #15
ثامر داود
vip
stars-2-2
 
تاريخ التسجيل: Jun 2007
الدولة: العراق - امريكا
المشاركات: 785

عاشت ايدك على القصة الجميله الخفيفة على القلب

تسلمين لنا والله يوفقك .. ولا تتوقفي .. حس جميل
__________________

signature

ثامر داود غير متواجد حالياً  
07-14-2007, 07:36 PM   #16
السويدي
vip
Crown5
 
تاريخ التسجيل: Jun 2007
الدولة: London,UK
المشاركات: 11,524

همس النسيم شكرا علي القصه
__________________

signature

السويدي غير متواجد حالياً  
إضافة رد

مواقع النشر (المفضلة)

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
مسابقه فكاهيه اللى يحلها اجيب له هديه هند نكتة مصورة مكتوبة فزورة مسابقة صور مضحكة ثابتة متحركة 15 09-01-2015 11:17 PM
قصيدة بعنوان (لبنان)للشاعر جابر الخطاب جابر الخطاب منتدى ثقافي موضوعات ثقافية عامة خواطر شعر سيرة شعراء 4 07-13-2010 11:36 AM


الساعة الآن 07:27 PM.


Powered by vBulletin® Version 3.8.9
Copyright ©2000 - 2017, vBulletin Solutions, Inc