منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > نكتة مصورة مكتوبة فزورة مسابقة صور مضحكة ثابتة متحركة

نكتة مصورة مكتوبة فزورة مسابقة صور مضحكة ثابتة متحركة نكتة مصورة مكتوبة فزورة صور مضحكة ثابتة متحركة مسابقات عادية مبتكرة

07-05-2007, 08:07 AM   #9
همس النسيم
شريك
stars-1-3
 
تاريخ التسجيل: Jun 2007
الدولة: السعوديه - الخبراء
المشاركات: 43

Facebook Twitter Google LinkedIn vkontakte messenger Digg

تابع
حصه: هااااو هيله منهي ذي اللي متعنقطه بيدتس..؟!
هيله: هذي صديقتي اللولي .. تعرفت عليها بالدرجة الاولى..
منيره: هاااااااو ماشاء الله ووش موديتس هناك بالدرجة الاولى؟!
هيله: اوووف لاتحتكين يالله انزلي وانتي ساكنه..
نزلوا البنات ومعهم كارول..,,
كارول: لأ مابيصير هيك تروحوا من غير ماضيفكوون عندي!!
هيله: معليش خليه مره ثانيه رقمتس وعندي اذا بغينا دقينا ..
كارول: اوكي حبيبتي بس هااه لاتنسى بدي تنكتين كليجا منك!! << خرّبت الحرررمه ههههههههه
حصه ومنيره: هههههههههههههههههههههههههههههههههههههههههههههههههه ههههههههههههه والله ياانتي ماقصرتي مع الحرمه!!
- - - - - - - - - - - - - - - - - - - - - - - - -
وصلوا للأوتيل وكل وحده اخذت لها سرير وناموووووا وكل وحده تحلم ببكره وين بتروح ووش راح تسوي...,,
في أول صبااح بيروووتي ... قامت حصه كالعاده وصحت الاميرتين الصغيرتين ..,,
ودقت هيله على الريسبشن Reception:
-الوووووووو ... لو سمحت نبي فطور الله لايهينك ..
- ايه من عيوووني مدام .. شو مابدك أولي ..
- لا مهوب من عيونك .. من المطبخ ههههههههاااااااي
(( حصه تناظر هيله بنص عين ))
-ههههه والله دمك عسل ..
-ادري .. المهم نبي فطور ..
-شو بدك تفطري..؟!
-وش عندكم؟!
-عنا American breakfast…Italian breakfast.. Eastern breakfast.. انتي اختاري مابدا لك ونحنا نضمن لك الجوده والطعم الحلوو ..
-والله مدري وش تقووول مير نبي ان تسان عندك فوول وخبز حار وشاهي ..
-باردوون..؟!
-ههههههههههههههه لا حرووووون .. حتى انت!!
-سووري مس هيله بس انا مابقدر افهم شو أصدك..؟!!
-مس...؟! مس ولا مغرفه!! اقووول مسّك جني عطنا احد يعرف عربي..!!
-يييي انا عم بحكي عربي بس انتي اللي عم تحكي برتغالي!!
-برتغالي يلووون جلدك قل امين ..
-سوري مس .. ازا بدك انزلي واختاري لك فطورك.. عنا بوفيه مفتوح ..,,
-ومتى يصك ؟! خخخخخخخخخخخ
-Thanks for calling
طرااااااااااخ << طبعا ماارتفع ضغطه المسيكين ..,,
- - - - - - - - - - - - - - - - -
منيره: هاااه هيله وش صار على الفطور..؟!
هيله: يقول انزلوا تحت واختاروا اللي تبون فطور..,,
حصه: ازين بعد عشان ناكل اللي نبي..,,
ونزلت السندريلا هيله وخواته للوبي تحت ..,,
هيله بعد ان فغرت فاها: طاعوووووووووشته شوووفي الاكل اذا قالوا اكل ... اجل حنا فوول وخبز حار .. لا وبصحون بلاستك بعد!!
حصه: ايييييييه هذا العز... يالله بس خلونا نفطر وناخذ لنا طاوله..,,
منيره: وه بس كلن يناظرنا .. لو مخليتنا نشيل عباياتنا كان احسن..
حصه: اقول انثبري..من زين وجيهكن الحين عشان تكشفون!!
هيله: اقوول اوووص ابختار انا هذيك الطاوله تهبل .. على الشارع ..,, ناكل ونقزقز هع هع هع
وراحت مناير واخذت لها فطور محترم ونعوووم .. وهيله بيده صحنين وماخلت شي ماحطت منه!!
منيره: هيه انتي وش ذا..؟! بتاكلين كل هذا..؟!
هيله: لا موب لازم اكله كله.. يختي دافعين فيه فلوووس..لو احطه بالزباله ماخليتهم يتهنون به!!
منيره: الحصي..وش بلاتس؟! وراه مااخذتي فطور..؟!
حصه: ماابي شي..بي مرّ بتسبدي..مدري وش انا ماكله!!
هيله: لاوالله حنيتي للكراااث ههههههههههههههه
- - - - - - - - - - - - - - - - -
بعد الفطور...,,
هيله: وعمـــى .. الحين عجوووز قاضيه .. وجهه لاعبن به الزمن بلنتيااات ومفحطن به لين قال بس..لابستن برموودا وبودي..!!!!
حصه: ايه تشبب!!
منيره: لااااااا وشوفي هاللي متعلق بيده هذولا الرجال تقولين شنطه!!
هيله: ايييييييه هذا الوفاء والاخلاص والتضحيه من اجل الوطن!!
منيره: أي وطن انتي!!
هيله : المرأه وطن .. المرأه دوله .. المرأه عالم ..!!
حصه:هههههههههه وينك يانزار قبااني تجي تشوف هلوو وش تقول!!
هيله: على طاري نزار تدرين انه كتب نص قصائده بي..!!
منيره: ان شاء الله..
هيله : انا كنت ملهمته .. بس هو عجز يلقان هع هع هع
حصه: قوموا نطلع نتمشى .. طفشت!!
منيره: لا انا ماودي.. بروح اكمل نومتي..,,
- - - - - - - - - - - - - - - - - - - -
حصه وهيله يتمشوون ..,,
حصه: سبحان الله ماكأنهم عرب..ناس مختلفين تماماً....!!
هيله : هاااااااه .. ايه يمكن,,
حصه: وشو اللي يمكن وش بتس انتي..؟!
هيله: مابي شي... بس تشوفين اللي انا اشوفه..؟!
حصه: وشششو؟..؟!!
هيله: شوووفي .. شعوور شقراااء .. وعيووون زرقااااء .. وتأبريني وتسلملي عويناتك .. وجسم وطول ورزه ووووووووو وه بس!!!
حصه: من تقصدين انتي..؟!
هيله تعالي ناخذ ايسكريم من هنا ونجلس على هذيك الطاوله وانا اعلمتس..,,
( بعد ماجلسوا)
بهيله: شووفي هذاك اللي واقف عالكشك اللي يبيع ورد .. وه ياربيييييه شو مهضوم بالحيل مره!!
حصه: اللي لابس تي شيرت احمر..؟!
هيله: احمممممر موولع زي قلبي اللي محترررق ..,,
حصه: هاااو هاااو وش ذا الهرج..؟!
هيله: اوووص انا خلاااااص مش حقدر اعيش من غيره..!!
حصه: استغفرالله العظيم..هيه انتي..وش جاتس وجع!! اصحي وش ذا الخرابيط..؟!
هيله: اووص .. صه صه ولا كلمه..,,
وقااامت هيله للرجال..وحصه تلحقه:
الشاب: ورد لأحلى ورد.. جوري لأحلى صبيّه .. جمال الدنيا كلوو في الورد.. اشتري ورد ياورررد ..,,
هيله: امووووووووت على الورد..قسم بالله احبه!!
الشاب: هههههه مرحبا .. بدك ورده..؟!
هيله: لا بدي ايااااك ..,,
الشاب: شووو..؟!
هيله: هههههههههههههههههههههههههههههه امزززح وراك خفت..؟!
الشاب: بدك ورده..؟! << يصرررف
هيله ( بعد مالقطت) : يؤ..لاخلاص ماابي.. وراحت تركض ودموعه 4×4 على خدوده ,,
حصه:هلوووووووو تعاااااااااالي!!!
هيله: لأ لأ ... وش اسوي بعمري عشان يحبن؟!
ودخلت هيله للأوتيل..وإلى الناس متجمممعه وحالتهم حاله وصراااخ وكن فيه احد طايح بالارض..!!
هيله: وش بكم..؟! وش صااار..؟!
وتدفدف العااالم لين دخلت...
هيله: مناااااااااااااااااااااااااااااااااااير...اختي وش بتس..؟!!!!!
واحد من الموجودين: مافيا شي .. ماتخاافي.. اتصلنا عا حكيم هو بالطريق.. اتطمني..
هيله: حكيم..؟! وش نبي به..؟! يجي يغني على اختي آه ياألبي؟! << حتى في اللحظات الصعبه تنكت!! خخخخخخ
منااااااااااااااااير .. قوومي تكفيييييييييين.. يارربيه اختي وش سويتوا به؟؟؟؟
- يااختي مافيااا شي.. انا بعتئد انّو خيتك عنداا انخفاض بالضغط ..
هيله: واااااااااااااااااااع .. << تصيح,,
حصه: يابنت الحلال خلاااااااص ان شاء الله خير وشوله تصيحين فضحتينا..!!
هيله: واااااااااااااااااااااااااع .. بلاتس ماتدرين..قووووومي مناااااااااير تكفييييييييييييييييين!!
حصه: وشششششششششوو اللي مااعرفه...؟!!
هيله: مناااااااير قووومي تكفيييييييين عشان اكسر راستس وانظف بوجهتس ارض المطعم!!!
يابنت الذيييييييينا مالقيتي تدوخين الا وانتي تشربين عصيييير!!
واااااااااااااااااااااااااااااااااع
حصه: وش تقولين انتي...؟!
هيله: واااااااااااااااااااااااااااااااااااااع لابستن بلوووزتي!! << الله يررررجه خخخخخخخ
حصه: احسب الصياح على اختس مير...,,
هيله: اكبر همي عااد انا..!!
شيليه بس خلينا نرقيه فوووق!!
- - - - - - - - - - - - - - - - - - - - - - - - - - - - - - -
الدكتور: ماتخافوا .. مافيا شي .. مجرد انخفاض بالسكر..,,
هيله: ايه دكتور انا ماخذه الحلا من خواتي هع هع هع ..,,
الدكتوره: ؟؟؟
حصه: شكرا دكتور..,,
- - - - - - - - - - - - - -
وراحت كل وحده ترتاح بسريره..,,
هيله تتسحب لباب الغرفه ..
هيله: اشششش اسمع شفت راعي الورد اللي تحت .. اللي يبيع ورد.. روح لعندووو واديه دي الورأه !! << يقالها بتتكلم لبناني!!
السيرفنت : يامزموزيل بس شو بدي إلوو ..؟!
هيله: لاتقول له شي.. عطه الورقه وهو بدوو يفهم .. اوكي؟!
السيرفنت: اووكي..,,
- - - - - - - - - - - -
-شو هيدي..؟!
-مابعرف .. هاي الورأه من مزموزيل ساكنه عنا بالاوتيل .. آلتلي اوصلها إلك ..,,
-اهااا .. اوكي ثانكسس ..
فتح الورقه .. وعرف انها من هيله.. اللي كانت كاتبه:
بسم الله وعلى بركة الله << بتقص شريط الافتتاح ههههههههههههههه
امابعد/
عرفت ان اسمك جوزيف .. لاتقولي كييييف .. عرفت وبس..,,
بصراحه ياجوجو انا حبيتك من أول نظره .. حسيت انك مكعت قلبي مكع..!! << وش دعووه بيفهم!!
وانا مدري وش ازين .. انت وش رايك؟ شو بدنا نساوي؟!
عاد الحب وحبيتك .. يعني لاتوون ولاتشكّه ..العشق مامنه فكّه ..!!
يااخي عساي اتحرول ان تساني مااحبك!!
عسااي للحوله اللي اشوف الواحد سبعه ان تساني ماغرقت ببحر حبك..,,
وه بس يااخي والله احببببببببك !! << ياعمرررررري عالاسلوووب!!
تصدق..صرت اشوفك بكل مكان .. حتى احيانا اشوف وجهك باختي الحصي..مدري شلوون!!
وه بس ياجعل يومي قبل يومك .. ياشيخ عساااي تحت التريله ان تساني اتسذب عليك!!
اهديلك هالابيات:
الحب عذاااااب .. ياورد من علمك تجرح .. << يابعد قلبي هي ههههههههه
وشكرا .. <<خطاب لمدير مدرسه!!
حبيبتك غصبن عليك/ هلوووو ..,,

يتبع
همس النسيم غير متواجد حالياً  
07-05-2007, 08:51 AM   #10
ثامر داود
vip
stars-2-2
 
تاريخ التسجيل: Jun 2007
الدولة: العراق - امريكا
المشاركات: 785

حلو .. حلو ..
منتظرين البقية
تحياتي
__________________

signature

ثامر داود غير متواجد حالياً  
07-06-2007, 04:20 PM   #11
همس النسيم
شريك
stars-1-3
 
تاريخ التسجيل: Jun 2007
الدولة: السعوديه - الخبراء
المشاركات: 43

تابع
جوا الاوتيل..,,
- حصه: أنتي وش فيك..؟! هيله .. ألووو ... من صحيتي وانتي اوب طبيعيه..!!
- هيله: هاااه .. مافيني شي..!!
- منيره: وه بس لايكون بس وقعتي في شباك الحب..؟!
- هيله: شبّكوتس مع غنم قولي آمين..!!
- حصه: ايييييييييه هذا وهي ماتدري عن راعي الورد..!!
- هيله: من تقصدين جوزيف..؟!
- منيره: وششششو...؟! وشو جوزيف ذا..؟!
- هيله: ماعليتس..,,
- حصه:هههههههههههه هذا رجال يبيع ورد .. بياع..!!
- هيله: مااسمح لتس تقولين بياع ... هذا اسمه Business man ..!!
- مناير: هههههههههههههههههه ياحليلتس ياهلووو والله وبدا قلبتس يحس..!!
- هيله: وجع وجع .. وانا وش ناقصه عنكم؟! كلي انوثه ماتشوفينه طافحه من كثره..!! << واااااااااااااااااااضح!!
- حصه: هههههه ايه طيب.,,
- مناير: هلوووو قولي لي وشلون شكله .. حلوو..؟!
- هيله: حلو وبس..!! إلا شق يشق القلب!! << قالت ايش قالت كلي انوثه هههههههههههه
- حصه: اقووووول اهااا بس .. وش ذا الخرابيط..!!
- هيله: خرابيط..؟! اصلا انا قرررررت ..!!
- حصه ومنااير: وشششششششششششششششششششششششو؟؟!
- هيله: قررت يصير جوزيف أبو عيالي..وأنا اصير أم غابرييل ..!!
- مناير: وشو غابرييل ذا؟! غابرييل ولا دريل..؟! خخخخخخخخخ
- هيله: يامل الدريل اللي يخرم اذانتس..هذا اسم ابوه الله يرحمه..,,
- مناير: والله ياانتي جايبه برنت كامل عنه!! اغديتس تلقين لتس وظيفه بالمباحث!! خخخخ
- حصه: مانتب صاحيه .. اقووول اوص بس لااحد يسمعتس..!!
- هيله: ماعلي من احد.. والمثل يقول: اللي مايعرف الصقر..يلحسه كله..!!
- منيره: ايه خلي البنت على راحته..تدبر عمره وتستانس وتتزوج لو من لبناني وش فيها يعني؟! الا من يحصله..!!
- حصه: اللي يسمعتس انتي وياه يقول خلااااص الولد خاااق عند هيله .. واثقين انه يبيه!!
- هيله: (( دمووووع)) .. صدقتي!!
- مناير: طيب خلونا ننزل نفطر ونطلع نتمشي .. ودي اشوفه!!
- هيله: هيه هيه انتي .. وش اللي تشوفينه .. اعقلي..هذا قدامي!! اجل من وراي وش بتقولين؟!
- مناير: وه تخليلي يارررب .. عاللي يغاروون!!
- حصه: استغفرالله العظيم .. الظاهر جاايه دقتكم .. من زمان مالفعتكن!! قومي بس انتي وياااه .. بدلوا ملابسكم خلونا ننزل..,,
--------------------------------------------
" تحت باللوبي "
- هيله: الحمدلله .. انا بطلع اسبقكم .. الوعد عند البوفيه اللي بآخر الشارع .. تشاااااااو ..,,
- حصه: وييييين؟!
- مناير: اتركيه .. ( وهي تغمز )
- هيله: وه ياملغتس!!
- حصه: لا امشي كلنا نطلع سوا ..,,
- هيله: سوا ولا عاام .. هع هع
- مناير: هلوو .. اثقلي هاااو!!
- هيله: ايه صح..,,
بعد ذلك بدأ الثلاثي المرح يتمشى في الشارع المحاذي للفندق .. وعندما مرت هلوو من جوزيف.. كان جو(اختصار جوزيف) يقزقزها ويبتسم وهيله قد احمرت وجنتيها من الخجل .. وهي تبتسم تلك الابتسامة الساحره التي لم يرها جو لوجود الغطاء الذي يخفي جمال هيله..,,
مرت هيله من جو وجدعت << اشوى ان سيبويه مات!! عليه قطعة قماش ملفوفه (خرقه) وبما انها طافحه انوثه على قولتها ماعرفت تحط القطعه على العربه..بل فلقت جو مع خشته ..,,
- هيله: اوووه .. آآآسفه .. ققققسم بالله ماقصدت .. أي والله!! تعورت؟!
- جوزيف: لألأ .. مافيي شي .. ماتخافي .. على ألبي متل العسل ..!
- هيله: ( ابتسمت وطست ) ..,,
- حصه ومناير: ((( تشقلبوا من الضحــــــك عليها ))) ..,,
- هيله: ضحكتوا من الهبااااال .. وش تضحكون عليه.؟!
- حصه: لا ابد .. بس تقل جوزيف بغى ينعمي!!
- مناير: ينعمي..؟! الا بغى يفقد الذاكره!!
هيله: نسيت .. قصدي ماانتبهت .. قصدي .. وه بس امشوا (( يابعد الدنيا كسرت خاطري)) ..
وفي أثناء الدوران في الاسواق (ملاحظه نسيت اقولها: ترى اللي مايعرف يبرمج نفسه automatic على الفصحى والعامي يبي يتدهدر هوووون هع هع ) ..
وفي أحد المحلات ..,,
- مناير: هيييييييييي!!!!
- حصه: وشو؟؟ وش بتس وجع روعتين!!
- مناير: ناظري ... عايشه!!!!!!
- هيله: ايه مابعد مت ..,, هع هع هع هع
- مناير: لاااااااااا ... هذي عايشه!!
- هيله: وانتي حاضره عزاه قبل البارح؟!
- مناير: لااااااااااااا .. هذي صديقتي عايشه ..!!
- حصه: عايشه ماغيره؟!
- مناير: ايه ايه هي .. وش جابه هنا .. هماااه بتروح للارجنتين!!
- هيله: هذي اللي دايم تهاوشين معه؟!
- مناير: ايه هذي هي .. شايفتن روحه علينا تقل مافي غيره بالدنيا!!
- هيله: جاااااك المووووت ياتارك الصلاة .. اتركيه علي والله ياانا غاثتن هالبنت .. الحين اوريتس وش ازين به!!
- صديقة عايشه: شوشو .. شوفي التيير هيدا كتيييير حلوو!!
- هيله: هع هع هع شوشو؟! عايشه ومسميه روحه شوشو!!
- عايشه (بعد ماسمعت صوت هلوو) : عفوا .. من انتي؟!
- هيله: ماعليتس .. يازليلة الحياء وكاشفه!! وين العبايه وجع؟!
- عايشه: أي عبايه؟! هذا التطور حبيبتي .. تحسبيني زيك؟!
- هيله: عمر التطور ماصار باللبس يالفارغة الفاغره!!
- عايشه: من انتي؟؟؟
وفي هذه الأثناء .. يدخل شااب كله ملح وقبله اشقرااني واتيكيت وياااااي..
- الشاب: شو شوشو ؟؟ ماعجبك شي؟؟
- عايشه: هااااااه .. معليش نادييل اطلع الحين..بعد شوي اجي..,,
- نادييل: شاديه شوبكِ..؟!
- عايشه: خلاص نيدوو اطلع بليزز..!!
- هيله: نيدوو ولا سيريلاك .. هعهعهعهعهعهعهعهع
- نادييل: شاديه..الست هاي عاملتلك confusion ..؟!
- هيله: هعهعهع شاديه؟؟ تسان قلتيله ام كلثوم ألبق لتس ..!!
- عايشه: نيدوو اطلع لو سمحت ..!!
- نادييل: O.K لاتزعلي,,
- هيله: اقوول نيدو .. لاتنسى شيّك على مدتك قبل تنتهي هع هع ..,,
- عايشه: من انتي الحين؟؟ ووش تبين من؟؟
- هيله: من هو ذا؟؟
- عايشه: ماعليتس!!
- هيله: لااااه ؟؟ اطلع واقوله ان اسمتس عيوووش منتب ورده الجزائريه!!
- عايشه: لا تكفييييييين لاتخربين علي!!
- هيله: طيب اسكت بس ياام الشباب بشرط!
- عايشه: آمري تدللي وش تبين بس؟؟
- هيله: ابيتس تدفعين حساب اللي بنشتريه من المحل هذا..!!
- عايشه: تهئ تهئ .. طيب لاتكثرووون تراه غالي!!
- مناير: ههههههههههههههههه الله يحلل ابليس عندتس!!
- هيله: هع هع وش رايتس عاااد؟!!
- حصه: لاتاخذون كثير حرام البنت ماراح تتحمل!!
- هيله: ولايهمتس..لاتنسين ان قلبي طيب وحنووون...من عيوني يالحصي.. اذا ماصفيت بضاعة المحل..مااصير انا الهلّي حبيبة جوجو..!!
- ههههههههههههههههههههههههههههههههههههههههههههه
بعد مارجعوا للاوتيل.. وهم بالطريق..,,
- حصه: اسمعوا يابنات.. الله يوفقكم خلونا من المشاكل, اووب ناقصين!!
- هيله: وانتي وش جاتس من المشاكل؟؟ اشتريتي ببلاش اللي تبين!!
- حصه: حتى ولو, خلاص يكفي!! خلونا نستانس بس من دون هواش!!
- مناير: طيب اسمعوا .. خلونا نروح للبحر اليوم..شرايكم؟!
- حصه: وشوله نروح؟ لاتفكرين انك بتسبحين!! والله لو تخيسين ماخليتك تسبحين بالبحر!
- مناير: اووووووه .. لاتقعدين تعقديني .. اصلا شلون بسبح وانا لابسه عبايه!!
- هيله: عادي..طبّي وانتي لابسه العبايه,, وش فيها؟ تحدينن اطب؟!
- مناير: لالالا... تسوينه اعرفتس!!
- حصه: خلاص نروح .. بس نتقهوى وننبسط ونرجع,,
- هيله: خلاص انا علي القهوه وانتي الحصي عليتس الحلى..,,
- مناير: وانا..؟!
- هيله وحصه: انتي الي بتشيلين الاغراض!!
- مناير: ايه رجع الاضطهاد..اووف!!!
ومع آخر حرف طلع من مناير..مروا من شلة شباب سمعوا كلامها..,,
- واحد منهم: وقلبوووووووو والله شوفوا هذي مضطهده!! نجي نحررك؟!
- حصه: حرر نفسك أول من اللقافه!!
- هو: ياااااااااااااااي نبرة سعوديااات .. لاحقينا حتى هنا..!!
- مناير: مالحقكم أحد .. انتم اللي وين مانروح نلقاكم طاعوووشته بكل مكان تدهرون!!
- هو: اقوول احترمي نفسك واذكري الله علينا قبل يجيك شي ماشفتيه!!
(( هيله واقفه وساكته))
- مناير: وش بتسوي يعني؟؟؟ بتمد يدك؟؟ يالله جرب وشوف وش بيصير!!
- حصه: والله لاألم عليك خلق الله .. ياقليل الحياء فشلتونا بكل مكان .. أي وحده تمر تتحرشون فيها تقل ماعمركم شفتوا بنات!!!!
- هو: ايه ماعمرنا شفنا بنات .. مانشوف الا أكياس زباله تمشي!!
- مناير: منهم اللي اكياس زباله؟؟؟؟ ياحقير؟!!
- حصه: لاتنسى انك تتكلم عن امك واختك وخالتك وعمتك!!
- مناير: اشووووفكم ماتلاحقوننا تقل مهبّل .. بعدين انتم ماشفتوا وش اللي تحت هالزبايل على قولتك.. والله انكم ماتعرفون..عندنا إليسا ونانسي وهيفاء وباسكال ووووووو وربي عندنا وأحلى بعد بس انتم ماتطيحون الا بالشينات!!
- هو: اقوول لايكثر .. وانتي (يقصد منيره) ان ماسحبتي كلمتك ترى بتندمين!!
- مناير: لا مانيب ساحبتها ... وش بتسوي يعني؟؟ يالله جرب!!
- هو: وش فيها اللي معكم ساكته؟؟ ولا طرما ؟؟ هاااااااع هاااااااااااع
- هيله: اقول اقصر الشر وكل تبن!!
- هو: هيه هيه احترمي نفستس!!!!!!!!!!!!!
- هيله: انت اللي بديت ..,,
- هو: اقووول طسي بلا تنك!!
- هيله: تنكه تفتح راسك قل آمين..!!
- هو: الظاهر انتي يبيلك كفخه يالخايسه!!
- هيله: اقووووول الدحمي اقصر الشر يالدووووب قبل لاأكب عفشك!!
- هو((( مصروووووووووع))) : نعععععععععععم؟؟؟؟ من انتي؟!
- هيله: خلني ساكته احسن لك ..!! يالله ظف وجهك انت والسلنتح اللي معك قبل أعلم أمك!!
لااااا وقايلها انك راح لمكه تعتمر!!! المسيكينه مصدقتك!! تشوف ان ماقلت لأهلك والله لأخلي أبوك يلعبxo بعقاله بظهرك..!!
- هو: ******** << مشفر.. يقالني خخخخخ
- هيله: ههههههههههههههههههههههههههااااااااااااااااااااااي تكفووووون شوفوا وجهه شلووون صار خخخخخخخخخخخخخ..
لما وصلوا للاوتيل.. وبدلوا ملابسهم وكل وحده انجطلت على سريرها..
- منيره: هيله... من وين تعرفين الدحمي ذا..؟!
- حصه: ايه صح نسيت اسألتس...منهو ذا؟؟
- هيله: هع هع هع هع هذا ولد ام دحيم جارتنا .. اعرفه من ايام الصرقعه بالشارع!!
- منيره: عاد انتي مايحتاج .. ماكنتي 24 ساعه مع عيال الحاره!!
- هيله: اييييييييييييييييييييييه ,... عهد مضى زمااااااااااان .. لاتذكريني!!
- حصه: هههههههههه حنّيتي للأيام الخوالي..؟!
- هيله: لا .. لأيام عمااااني هع هع
- هههههههههههههههههههههههههههههه
- حصه: هيله .. نسيت أسألك .. وشو اللي جدعتيه على جوزيف؟!
- هيله: ولاشي ..,,
- منيره: وش دعوووووووه ؟؟ تخبين علينا؟؟؟ يالله عااااد وششششششششو؟؟
- هيله: كتبت له رساله .. وعطيته كسرة كليجا..بس,,
- حصه ومنيره: هههههههههههههههههههههههههههههههههههههههههههه الله يرجتس!! كليجا عاااد..!! طيب وش بعد؟؟ مو معقوله بس هذا اللي عطيتيه .. لأنه كان ثقيل!!
- هيله: بس!! ماعطيته شي!!
- حصه: طيب وش كتبتي له؟؟
- هيله: كتبت له: دبرررر عمرررررك ماعاد فيني صبر .. بقى اسبوع ونرجع للسعوديه.. مانيب رايحه الا رجلي على رجلك << واااثقه يابعد الدنيا هي!! ههههههههههه
- حصه: ههههههههههههههههه ماعندك وقت..,,
- مناير: أما كليجااااا .... الله يرجتسسسسسسس ياشيخه..,, هههههههههههههههههههههههههههههههههههههههههههههههههه ههههههههههههههههههههههههههههههههههههه
-----------------------------
* جوا احد المقاهي..جلس جوزيف ومعه حرمه وقاعد يسولف معها..,, *
- جو: انا مابعرف شو بدي ساوي معها .. هااي مسكينه مفكره اني ممكن حبه!!
- الحرمه: ماتشغل بالك تأبرني..أنا بروح وأتفاهم معها!!
- جو: أي .. الله يوفقك خالتووو ..بتعرفي.. هيدي عطتني هديه ساعه .. بتقول انّا ساعة أمها..وانو ماعندا غيرا هديه .. وهي أغلى شي عندا.. بدي منك تفهميّا وضعي..انا مابدي اجرحها ومابدي اخدعها بدي اياكي تخبريّا بكل شيِ...!!
- هي: ولايهمك حبيبي .. ياعيوون خالتوو انتا .. ماتتدايأ خلاص .. خِد لي معها date هوون وانا بنهي الموضوع!!
- جو: يسلموو خالتوووو .. ماألتيلي .. كيف سفرتك للسعوديه .. توفأتي فيها..؟!
- هي: أي الحمدلله .. كتير فرحت .. حتى بالطياره تعرفت على صبايا من هوونيك .. كتير مهضومين .. هنّي جايين هوون ..,,
- جو: اهااا ... cool .. شو رأيك تتغدي عنّا.. سونيا يتعمل سباغيتي كتير حلوووو ..
- هي: أي .. وليه لا .. خلاص اعتمد .. كيفوو لسمير؟؟ شو عامل؟؟ يخزي العين .. البيبي هيدا طجبمووووت فيه مابعرف شو عامل لي!! كتيررررر مشتاءة (مشتاقه) له!!
- جو: هو كمان مشتاء (مشتاق لغير الناطقين باللبناني خخخخ )..,, خلينا نطلع ..,,
-------------------------------------
يتبع
همس النسيم غير متواجد حالياً  
07-06-2007, 04:53 PM   #12
سكوت النجوم
عضو في انتظار التفعيل البريدي
 
تاريخ التسجيل: Jun 2007
الدولة: الايميل المسجل غير مستخدم
المشاركات: 1,118
يعطيج العافيه همس النسيم على القصه المشوقه
كمليها ابي اعرف النهايه
سكوت النجوم غير متواجد حالياً  
إضافة رد

مواقع النشر (المفضلة)

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
مسابقه فكاهيه اللى يحلها اجيب له هديه هند نكتة مصورة مكتوبة فزورة مسابقة صور مضحكة ثابتة متحركة 15 09-01-2015 11:17 PM
قصيدة بعنوان (لبنان)للشاعر جابر الخطاب جابر الخطاب منتدى ثقافي موضوعات ثقافية عامة خواطر شعر سيرة شعراء 4 07-13-2010 11:36 AM


الساعة الآن 04:26 AM.


Powered by vBulletin® Version 3.8.9
Copyright ©2000 - 2017, vBulletin Solutions, Inc