منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > منتدى ثقافي موضوعات ثقافية عامة خواطر شعر سيرة شعراء

منتدى ثقافي موضوعات ثقافية عامة خواطر شعر سيرة شعراء منتدى ثقافي موضوعات ثقافية خواطر سيرة شعراء اجمل قصائد

04-15-2010, 03:04 PM   #1
gmnour
vip
stars-1-4
 
تاريخ التسجيل: Feb 2010
الدولة: فنان تشكيلي
المشاركات: 87
ياسلام عالزوجه النكديه ياسلام على صنف الرجاله

Facebook Twitter Google LinkedIn vkontakte messenger Digg

basmala

رأى الرجالة



v


v



v


ياسلام ع الزوجة النكدية


ياسلام ع الزوجة النكدية
تتمتع دايما بصفات
مناخيرها بتضرب ف العالى
ورمز شموخ الزوجات
بتنكد دايما على جوزها
وتستخدم كل الأدوات
لها دايما برنامج يومى
ف إطار تعكير المزاجات
تقف له تملى على الواحدة
وعمرها ما تفوّت هفوات
بتفنن تفانين نكدية
وبتعمل أجمل وصفات
نكد بالصوص والبشاميل
والحلو نكد بالكريمات
ياسلام على عَوْجة رقبتها
وعليها شوية حركات !!
تدّيله جرعات نكدية
وتكون على هيئة صدمات
تلاقيها دايما عصبية
وخصوصا شهر برمهات
بمجرد ما يفوت أمشير
تكمّـل هى الأزمات
زعابيب وعواصف ترابية
وتقلـب كل الموجات
معروفة الزوجة النكدية
تلاقى ف وشها كدمات
على طول مخنوقة ومدّايقة
عمرها ماتبطل طلبات
صوتها فشر الدى جى
وعليها صحة ياحضرات
تخلــّص دخله ف أسبوع
وفوقه كل البدلات
طول الشهر بتتخانق
مفيش غير كلمة هات
بتخلى الراجل يتعفرت
وتجيبله جنون على فترات
يحاول دايما يفهمها
ما يعرفش يفك الشفرات
يكفيكم شر النكدية
أشتاتا ً سفروت أشتات
النوع ده مفيش دلوقتى
إنقرض مع الديناصورات
أما الزوجة العشرية
من نوع الحاجّة حسنات
لو عايز تعرف أوصافها
بالليل كلمنى على الشات

*******




ردت الزوجات ... فقلن


v


v





v



v




يا سلام على صنف الرجالة
عليهم حبة حركات !!
بيحبوا الكل يدلعهم
حتى ف وقت الأزمات
فيهم أنواع تبقى أليفة
ونوع متربى ف غابات
النوع دا تملى بيتعصّب
لأقل أقل احتكاكات
يتخانق مع دبّان وشه
ويموت لو ملقيش خناقات
يمد إيده على مراته
كنوع من فرد العضلات
وواحد ظريف جدا خالص
يستظرف ظرف الزرافات
شكله وحِش ف النضارة
ومستخسر يلبس عدسات
تخين ومتختخ ومكلبظ
زى وزيرة المعاشات
والكرش اتمدد قدّامه
إنما دمه تقول شربات .. !!
وواحد يعملك فاهم
قال يعنى أمين السياسات
ثقافة وكورة وسياسة
وكمان يعزفلك صولوهات
وواحد معجب بشبابه
ويحب كلام الستات
تلاقيه يتلزّق وسطيهم
زى بتوع الإذاعات
وواحد باله طول النخلة
تقولشى رئيس الوزارات
دا على طول مدّيها صرمة
ويقولك إنشالله ماجات
مراته تقوله ما تتحرك
يطنش .. وينام لساعات
وواحد يفشـُر ويهجّص
واخد ف الفشر دورات
أهو دا اللى بينجح ف حياته
وينجح ف المجلس بالذات
وبركاتك ياسيادة النائب
والناس تستنى البركات
يقف ف المجلس يتمطع
قال يعنى صاحب مهارات
وانتخبوا زنفل أبو دراع
.. ياجماعة دا بدون شهادات !!
يقولك اسكت بلا خيبة
كانت عملت إيه الشهادات ؟!!
إحنا ف عصر البلوتيكا
والبركة ف عطف الخواجات
وواحد دايما مش فايق
راجل صاحب مزاجات
مقضى حياته مع البانجو
والشيشة وصحن الجمرات
والطاسة دى لازم تتظبّـط
على طول مع كل الأوقات
وطول ما هو ضايع ومخدّر
تطلعلك منه الفلتات
لكن لو فاق روح من وشّه
يتشنج .. عايز الأدوات
رجالة همّ بعيد عنكم
ويجيبوا العيب ع الزوجات
بقى دا اسمه كلام والنبى ياسطى
بقى برضو العيب ف الستات ؟؟!!!
الراجل لو صلح نفسه
هيلاقى كل البركات
وتبقى معاه زى النحلة
وتجيبله غذاء الملكات

**********
__________________

signature

gmnour غير متواجد حالياً  
04-15-2010, 04:11 PM   #2
تقى
عضو في انتظار التفعيل البريدي
 
تاريخ التسجيل: Oct 2007
الدولة: الايميل المسجل غير مستخدم
المشاركات: 4,392


الفنان جمال نور
تسلم للمناظرة الجميلة
بين الستات والرجالة
دمت بكل خير
تقى غير متواجد حالياً  
04-15-2010, 06:43 PM   #3
manino
مراقب عام
Crown5
 
تاريخ التسجيل: Nov 2007
الدولة: تونس - طبرقه
المشاركات: 7,809

لها دايما برنامج يومى
ف إطار تعكير المزاجات
تقف له تملــّى على الواحدة
وعمرها ما تفوّت هفوات
بتفنن تفانين نكدية


ياسلام
ماشاء الله عليك
استاذ جمال نور
مشاركة حلوة برشا
كباقي كتاباتك
تسلم الايادي
تقبل اعجابي وكل الشكر



يكفيكم شر النكدية
manino غير متواجد حالياً  
04-15-2010, 10:19 PM   #4
هالة
مراقب عام
Crown5
 
تاريخ التسجيل: Jun 2007
الدولة: القاهرة - الاسكندرية
المشاركات: 26,198

ههههههههههه
والله مافي حد عاجبه حاله
ان كان بني ادم
او بنات ادم
ولكنه ناموس الكون
كله يشتكي من كله
تسلم فناننا
جمال نور
__________________

signature

هالة غير متواجد حالياً  
إضافة رد

مواقع النشر (المفضلة)

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
شوفوا معايا ظلم الرجاله لزوجاتهم safynaz رسومات ساخرة كاريكاتير فنان الكاريكاتير السياسى 11 11-04-2012 09:26 AM
نبذه مختصره عن الرحاله والمؤرخ ابن بطوطه لؤلؤه الجنه منتدى ادبي موضوعات ادبية سيرة الادباء قصة قصيرة 2 02-29-2012 07:44 PM


الساعة الآن 12:05 PM.


Powered by vBulletin® Version 3.8.9
Copyright ©2000 - 2017, vBulletin Solutions, Inc