منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > منتدى ثقافي موضوعات ثقافية عامة خواطر شعر سيرة شعراء

منتدى ثقافي موضوعات ثقافية عامة خواطر شعر سيرة شعراء منتدى ثقافي موضوعات ثقافية خواطر سيرة شعراء اجمل قصائد

04-02-2010, 01:48 AM   #1
gmnour
vip
stars-1-4
 
تاريخ التسجيل: Feb 2010
الدولة: فنان تشكيلي
المشاركات: 87
مغاورى وشلبيه فى دراما زجليه حاجه تطهق

Facebook Twitter Google LinkedIn vkontakte messenger Digg

basmala

حاجة تزهّق دراما زجلية هزلية سبق نشرها فى المنتدى ..
لكن حواء لا يعجبها التطاول على الرومانسية فردت بحدة دفاعا عنها ..
فقالت حاجة تطهّـق ...


v

v

حاجة تزهّق


رومانسيه ..
رومانسيه ..
رومانسية ايه دى ياوليـّه !!
كل يوم رومانسية ؟!!
دى ليلتِك مش معدّية
أعمل إيه أنا بوَرْدَة
هوّ انا هتعشـّا أغنية ؟!!
وكلام ناعم ملوش معنى
دى حتى الغنوة مش هيّـه
إيه هوّ اللى ( أهواك ) .. ؟!!
وإيه يعنى ( هى دى هى )
وجايبه بخووور .. وراشـّه عطووور
وشمعة واحدة مطفيّـة !!
إذا كان ولابد م الغنوة
حُطـّيلنا غنوة وطنية
مالها ( خلـّى السلاح صاحى )
أو ( على باب بستان لشتراكية )
ولا .. ( هىّ ناقصاك انت كمان )
أهى دى بأه أحلى أغنية
أو.. ( شد الستارة اللى ف ريحنا )
أو .. حط الواد ع القصرية
دى الأغانى اللى نسمعها
وتخلـّى القعدة عمليّـة
وبلاش حركاتِك القـَرعَة
شوية وتلزقى فيّـا
شكلِك عايزة خمسة جنيه
وطبعا جنبها هديّـة
مش لسّه واخدة جوز جنيهات !
بصراحة إنتِ ماديّـة
قـُُومِى فِزّي من جنبى
هاتِلنا ياللا طبلية
وياللا قـُومى عشـّينا
وعايز شيشة حِمّيـّـة
هشِدّ بعد العشا نـَفـَسين
بسرعة يابت يا بهيّة
أنا نفسى ف رز بالخلطة
وجنبُـه بطة مشوية
ياسلام لو عاملة لحمة راس
تبـقِـى فعلا رومانسية
ياريت لو فيه كمان قلقاس
وطاجن كوسة مقليّـة
وعايز لقمة القاضى
والحلو يبقى عسليّـة
إوعى تقولى أنا ناسية
بتنسى تاكلى يا وليّـة !!
كمان مش عاملة حلـّة فول ؟!
ولا حتى جايبه طعميّـة
إزاى عايزانى أستحمل
دا إنتِ مطلـّعه عنيّـا
أنا مش هستنـّى ولا ثانية
إيه ده ... دى عيشة فقريّـة
أنا طالع برّه ع القهوه
دا كل حاجَة منسيّـة !!
و جَيّـة تقول رومانسية


حاجة تزهّق
__________________

signature

gmnour غير متواجد حالياً  
04-02-2010, 01:50 AM   #2
gmnour
vip
stars-1-4
 
تاريخ التسجيل: Feb 2010
الدولة: فنان تشكيلي
المشاركات: 87

حاجة تطهّق

مالها بأه الرومانسيااااااااااا
يابو أفكار بايظة مصدّيّـة
انتَ فاهم يعنى ايه هىّ !!
دى نور بينوّر فى حياتنا
بتخلى الدنيا ورديّة
دى مشاعر مش أكل وفتة
ف حياتنا دى حاجات أساسية
مانقدرش نعيش أبدا من غيرها
تكونشى بتعملك حساسية !!
وكمان مانتاش فاكر إسمى
إسمى ــ النبى حارصك ــ شلبية
فاكر لما جيت تخطبنى
مش بوست إيديّا ورجليّا
وقعدت تعيّط لأبويا
بقيت نيلة وحالتك عصبية
دلوقتى خلاص مانتاش قادر
وتطلـّع زرابينك فيـّا
غلطانة انى عملت مجال
وردة وشمعة وأغنية !!
عاجباك أوى ريحة الشيشة ؟!
وتكركر بمزاج وشهية !!
وتقول أنا حارماك من كله
كوارع وفراخ مشوية
على رأى المثل اللى يقول
هتكلف .. تطبخ شلبية
إشهدوا ياخلق على الراجل
بيقول إن انا قال مادية !!
وقال مدّينى جوز جنيهات
إيه ياختى البلوى الأزلية !!
تسهرلى يوماتى على القهوة
وتجينى ف ساعة الفجرية !!
قول إنك نِفسك تتجوز
صحيح .. رجّاله بمخاخ خشبية
فيه ستات بيسمّوا جوازهم
وبتحُطـُّه فى مياه مغلـّية
ف اتلمّ أحسنلك يامغاورى
وطاوعنى ولايمها شوية
واتعلم من زنفل جارنا
يوماتى يدخل بهدية
لو ملقيش حاجة يجيبها
أقـَلـّـُه .. حزمة ملوخية
ويدخل جَرْى على المطبخ
ومراته تنام العصرية
أهى دى الرجالة اللى تقـَدّر
صحيح رجالة رومانسية
مش تقولـّى منسية !!!!


حاجة تطهّق
__________________

signature

gmnour غير متواجد حالياً  
04-02-2010, 11:45 AM   #3
تقى
عضو في انتظار التفعيل البريدي
 
تاريخ التسجيل: Oct 2007
الدولة: الايميل المسجل غير مستخدم
المشاركات: 4,392

فيه ستات بيسمّوا جوازهم
وبتحُطـُّه فى مياه مغلـّية
ف اتلمّ أحسنلك يامغاورى
وطاوعنى ولايمها شوية


ههههههههه
احسن له يتلم
هو مو عاجبة الرومانسية
يشوف الاجرام

مشكور فنانا الغالي
جمال نور
لدراما زجلية هزلية
حاجة تزهّق
دمت بكل خير
تقى غير متواجد حالياً  
04-02-2010, 05:28 PM   #4
عبدالمجيد
عضو في انتظار التفعيل البريدي
 
تاريخ التسجيل: Apr 2010
الدولة: الايميل المسجل غير مستخدم
المشاركات: 4

مشكور اخوي ..
عبدالمجيد غير متواجد حالياً  
إضافة رد

مواقع النشر (المفضلة)

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
غزل صعيدى جامد اخر حاجه القطه الشقيه نكتة مصورة مكتوبة فزورة مسابقة صور مضحكة ثابتة متحركة 13 05-03-2013 01:44 PM
نكته فى حدوته حاجه تغيظ القطه الشقيه نكتة مصورة مكتوبة فزورة مسابقة صور مضحكة ثابتة متحركة 9 10-30-2012 08:03 PM
حكايه سحليه فى البيت اليابانى بنت تونس الحوار العام الموضوعات الانسانيه النقاش الهادف النقد البناء 8 04-11-2012 03:02 PM
اظافر روعه اخر حاجه شريرة منتدى حواء جمال اناقة اتيكيت مرأة امومة طفل طفولة اسرة 4 10-23-2011 10:18 PM
خماسيات زجليه دكتور حليم هالة منتدى ثقافي موضوعات ثقافية عامة خواطر شعر سيرة شعراء 9 12-16-2010 04:44 PM


الساعة الآن 04:06 PM.


Powered by vBulletin® Version 3.8.9
Copyright ©2000 - 2017, vBulletin Solutions, Inc