منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > منتدى ثقافي موضوعات ثقافية عامة خواطر شعر سيرة شعراء

منتدى ثقافي موضوعات ثقافية عامة خواطر شعر سيرة شعراء منتدى ثقافي موضوعات ثقافية خواطر سيرة شعراء اجمل قصائد

06-06-2007, 02:05 PM   #1
السويدي
vip
Crown5
 
تاريخ التسجيل: Jun 2007
الدولة: London,UK
المشاركات: 11,524
شاعر الفقراء عبد الرحمن الابنودى

Facebook Twitter Google LinkedIn vkontakte messenger Digg

basmala

[IMG][/IMG]

شاعر الفقراء

انه الشاعر الذي جعل من لغتنا العامية البسيطة اليومية لغة شاعرة وجعل من أوجاعنا اليومية والقومية والوطنية ديوان شعر يمكننا أن نؤرخ لهمومنا الوطنية والقومية والشخصية من خلال دواوينه ولكم مني هدية متواضعة قصيدة

عم عبد ( الروحمن ) مصري معجون بطينة الوادي الطيب ..... وأي طينة؟!!! طينة الفقراء والغلابه
والمهمومين برزق يومهم وليس الغد. فالتفكير في الغد يصبح ترفا بالنسبة اليهم لا يقدرون عليه.....
المدهش في هذا الصعيدي الضارب بجذوره في عمق الصعيد الفقير انه يمزج السخرية المرة بكلامه عن
الفقر والفقراء. حتي اننا نتخيل ان حياته كانت سهلة وجميلة لأنه يحكيها بهذا الشكل المرح الذي تختلط
فيه الدموع بالضحكات من نوادر الأفراد والحياة............ أمر اخر يعجبني في هذا الشاعر الكبير عمنا
وخالنا عبد الروحمن . فهو ومع طول اقامته في المحروسة وسكنه بأحد الشقق الفاخرة وزواجه من مذيعة
تلفزيونية جميلة وبيضاء وبناته حوله خريجات الجامعة الأمريكية وحتي تدخينه للسجائر المفتخرة
( قبل عملية القلب ) وبالتأكيد كان بإمكانه شراء علبة سجائر كاملة يضعها في جيب قميصه الأزرق الذي
لم يعرف أبدا ان يغلقه حول رقبته برباط عنق حريري فهو علي عداء مستحكم بالكرافتات . وكأن الكرافته
تذكره بالهوة الواسعة بين الفقراء والأغنياء ...... علي كل وبالرغم من كل ذلك فخالي عبد الروحمن
لم يتنكر يوما لناسه ولغته وظل محافظا علي لسانه بكرا يقطر عذوبة ومرحا ومحافظا علي وروح الطفل
الصعيدي الشقي الذي يكدح من أجل لقمة العبش ومن أجل الفهم ايضا . فهم الحياة وفهم
الناس الغلابة وحقهم في غد مشرق يحلمون به .

مشاركة: الشاعر الأبنودي

خايف أموت من غير ما اشوف تغيير الوشوش
خرج الشتا وهلِّت روايح الصيف*
والسجن دلوقتى يرد الكيف!!
مانتيش غريبة يا بلدي ومانيش ضيف
لو كان بتفهمي الأصول
لتوقفى سير الشموس..
وتعطلي الفصول.
وتنشفي النيل في الضفاف السود
وتدودى العنقود
وتطرشي الرغيف!!
ما عدتي متمتعة وانتى في ناب الغول
بتندغي الذلة وتجتري الخمول
وتئني تحت الحمول
وتزيفي في القول
وبأي صورة ماعادش شكلك ظريف
***
دوس يا دواس
ما عليك من باس
واكتم كل الأنفاس.
الضهر مليئ بالناس
إللى حبيتهم دون ما يبادلوني
الإحساس.
وأنا عارف إني ما باملكهمش
لأني ما مضيتهمشي في الكراس!!
الناس اللي دمغها الباطل دمغ
اللي بتنضح كدب وتطفح صمغ
اللى بتحشش
وما بتحسس
واللي بتضحك كل ما تنداس!!
***
الجامعة طالعة رايتها ضلتها
هدارة
جبارة
صادقة في نيتها..
بتتجه..
يم الوطن والموت.
و"شبرا" زاحفة تأكد التهديد
وتجمع التبديد
وصلت ميدان الفجر..
في المواعيد…!!
النهر.. والضفة.
نبت هلال العيد
ومالت الكفة
وصحيت الرجفة.
مصر اللي لا لحظة ولا صدفة.
ثورة ف ضمير النور.. بتتكون.
رايات.
بدم البسطا..تتلون..
سدوا الطريق..
كيف المؤامرة تموت!؟
"فلتسقط الخيانة
والقيادات الجبانة
ندّاغة الإهانة
كريهة الريحة
كريهة الصوت!!"
***
الغضب..
بيوالي إنشاد البيان
والوجوه الصامدة في وش الزمان.
والرحابة..
في الصدور..وفي الليمان..!!
غابت الأسر الصغيرة في الوطن
. استوى ع الأرض وعي.
صحيت الأمة ف هدير السعي.
الوطن.. مفهوم
وحلو
ويتحضن..!!
***
التفت صاحبى يقوللي:
"لسه نايم..؟
مش مظاهرات..
دي حاجات يفهمها شعبك.
إقفل العقل القديم..
وافهم بقلبك.
رقصة الزار القديمة..
الفرعونية
ع الخصيبة السندسية..
لما يجتاحها الألم!!.
لما تغمرها الإهانة..
والقدم..
تسحق الإنسان..
وتدهس القيم!!"
ابتسمت..!!
رقصة الزار القديمة
الحميمة
العظيمة.. لحد فكرناها ثورة
فرق بين رقصة.. وثورة!!.
لا هيَّ جاية فوق حصان
ولا في لحظة زمان
حتهب نابتة في الغيطان
ولا رقصة
برجل حافية
ف مهرجان!!.
دكهه هادية.
تيجي هادية.. وصوتها دامي
تعزل الكداب..
وتقبض ع الحرامى!!.
تعرف الناس..مش كتل
تعرف الناس..
بالوجوه..وبالأسامى.!!
تيجى..فاتحة القبر
نادغة الصبر
قابضة الجمر
تنصب محاكم الشعوب في كل قصر
تغير العصر..
إلى آخر الصفحات في سفر الثورة!!.
ابتسم صاحبي وقاللي:
"حاذر م الارتفاع
سيبك م الاندفاع
حفر حكومتك وساع!!"
ابتسمت
جفت الرقصة الحبيسة
عادت الأمة التعيسة
اختفى كل اللى كان!!
اختفى كل البشر
واختفى كل المكان
تحت سنوات الهوان.!!
***
تتعسني فكرة إني هموت
قبل ما اشوف- لو حتى دقيقة-
رجوع الدم لكل حقيقة..
وموت الموت..!!
قبل ما تصحى..
كل الكتب اللى قريت
والمدن اللي ف أحلامى رأيت
والأحلام اللي بنيت
والشهدا اللي هويت
والجيل اللي هدانى
والجيل اللي هديت..!!
قبل ما أملس ع الآتي
وادفن كل بشاعة الماضي
في بيت.!!
***
حاقولها بالمكشوف:
خايف أموت من غير ما اشوف
تغير الظروف.
تغير الوشوش..
وتغير الصنوف!!.
والمحدوفين ورا
متبسمين في أول الصفوف.
خايف أموت وتموت معايا الفكرة
لا ينتصر كل اللي حبيته..
ولا يتهزم كل اللى كنت أكره..
اتخيلوا الحسرة!!.
***
مأساتنا.. إن الخونة.. بيموتوا
بدون عقاب ولا قصاص..!!
مأساتنا
إن الخونة بيموتوا.. وخلاص.
بدون مشانق في الساحات..
ولا رصاص!!.
على كل حال..
صدقي مازال!!.
صدقي على قيد الحياة
بيفجر الدم النبيل
ويبطش بالاستقلال
ويمرغ الجباه
تحت الجزم والخيل
ويفتح الكوبري علينا
كل صبح وليل.!!
والإنجليز..
مازالوا بيقهقهوا
ويضربوا.. ويسجنوا الشباب
على كوبري عباس..
أو
في "معرض الكتاب!!".
السويدي غير متواجد حالياً  
06-06-2007, 02:11 PM   #2
السويدي
vip
Crown5
 
تاريخ التسجيل: Jun 2007
الدولة: London,UK
المشاركات: 11,524

اقدم لحضراتكم بعض من قصائد الشاعر المصري
(الصعيدي )عبد الرحمن الأبنودي .
عبدالرحمن الأبنودي مؤرخ لفتره من تاريخ مصر

شاعر الفقراء , والثوره كما لقب وهو يكتب بالعاميه

من أجمل ما كتب الشاعر عبد الرحمن الأبنودي
هنا يحكي الشاعر عن عمته يامنه (آمنه)
اخر من تبقي من جيل الكبار من اسرته
ويمكن أبنود بالكامل حسب ما روي
في السيرة الذاتية البديعة (أيامنا الحلوة)
الحوار هنا عفوي تماما لا تطغي عليه صنعة الشاعر
كذلك الكثير من حوار العمة يامنه يستحق التأمل بعمق
بعض المفردات الصعيدية جدا
قمت بشرحها بلون مغاير للنص

يامنه

والله وشبت يا عبد الرُّحمان !!

أبيض شعرك
عجّزت يا واد .؟
تقدمت بك السن
ياواد = نداء به مودة وتدليل من الكبير للصغير
مُسْرَعْ؟
ما أسرع مرور الأيام !
ميتى وكيف؟
للتعجب - متي ؟
عاد اللي يعجّز في بلاده
غير اللي يعجز ضيف !!
عاد = تأكيد المعني و التحقيق
بلاده = مسقط رأسه

هلكوك النسوان؟

شفتك مرة في التلفزيون
ومرة .. وروني صورتك في الجورنان
قلت: كبر عبد الرحمان !!
أمال انا على كده مت بقى لي ميت حول ؟
ميت حول = مائة عام
والله خايفة ياوليدي القعدة لتطول
ياوليدي = تدليل يا ولدي
خايفة العمر يطول

مات الشيخ محمود
وماتت فاطنة ابْ قنديل
واتباع كرمابْ غبّان

وانا لسة حية..
حية = احيا وأعيش
وباين حاحيا كمان وكمان
عشت كتير
عشت لحد ماشفتك عجّزت يا عبد الرحمان

وقالولي قال خَلَّفت

= أنجبت
وانت عجوز خلَّفت يااخوي؟؟
وبنات..!!؟
أمال كنت بتعمل إيه
طيلة العمر اللي فات؟
دلوقت مافقت؟
دلوقت = الآن
ما فقت = تذكرت
وجايبهم دِلْوكْ تعمل بيهم إيه؟
دلوك = دلوقتي - الآن
على كلٍّ ..
أهي ريحة من ريحتك عالأرض.
ريحتك = ذكراك
يونسُّوا بعض
ماشي يا عبد الرحمان
أهو عشنا وطلنا منك بصة وشمة
= نلنا رؤياك و لقياك
دلوك بس ما فكرت ف يامنة وقلت: يا عمة؟؟
حبيبي انت يا عبدالرحمان
الله حبيبي .. وتتحب
على قد ماسرقاك الغربة
لكن ليك قلب
= حنون
مش
زي ولاد الكلب
اللي نسيونا زمان


حلوة مرتك وعويْلاتك

= زوجتك و أطفالك
والاّشبهنا..؟
سميتهم إيه؟
قالولي : آية ونور
ماعارفشي تجيب لك واد؟
= ولد - صبي
والاّ أقولك :
يعني اللي جبناهم..
نفعونا في الدنيا بإيه؟
غيرشي الانسان مغرور
غيرشي = لا شئ غير

ولسه يامنة حاتعيش وحاتلبس

لمّا جايب لي قطيفةوكستور؟
كنت اديتهمني فلوس
اشتري للركبه دهان
= مرهم - دواء

آ..با..ي ما مجلّع قوي ياعبد الرحمان

تعجب/ مجلع = مرفه

طب ده انا ليّا ستّ سنين

مزروعة في ظهر الباب
لم طلّواعلينا أحبة ولا أغراب
خليهم ...
ينفعوا
أعملهم أكفان !!
= الأقمشة


كرمش وشي

فاكر يامنة وفاكر الوش؟

إوعى تصدقها الدنيا

غش ف غش !!

إذا جاك الموت يا وليدي
موت على طول
اللي اتخطفوا فضلوا أحباب
صاحيين في القلب
كإن ماحدش غاب

واللي ماتوا حتة حتة
ونشفوا وهم حيين ...
حتى سلامو عليكم مش بتعدي
من بره الأعتاب

أول مايجيك الموت .. افتح

أول ماينادي عليك .. إجلح
= أقفز
إنت الكسبان

إوعى تحسبها حساب ....
بلا واد .. بلا بت ...
ده زمن يوم مايصدق .. كداب !!
سيبها لهم بالحال والمال وانفد
أنجو بنفسك

إوعى تبص وراك

الورث تراب
وحيطان الأيام طين
وعيالك بيك مش بيك عايشين !!

يو.....ه يا رمان

رمان = يبدو إنه أسم تدليل من العمة للشاعر
مشوار طولان
واللي يطوِّله يوم عن يومه
يا حبيبي .. حمار !!
الدوا عاوزاه لوجيعة الركبة

مش لطوالة العمر

إوعى تصدق ألوانها صفر وحمر

مش كنت جميلة يا واد؟
مش كنت وكنت
وجَدَعَة تخاف مني الرجال ..؟
لكن فين شفتوني ..؟
كنتوا عيال!

بناتي رضية ونجيةماتوا وراحوا

وأنا اللي قعدت
طيِّب يا زمان ..!
عتاب للزمن
إوعى تعيش يوم واحد بعد عيالك
إوعى يا عبد الرحمان

في الدنيا وجع وهموم أشكال والوان

الناس مابتعرفهاش
أوعرهم لو حتعيش
بعد عيالك ما تموت .. !
أوعرهم = أقساهم و أصعبهم علي النفس

ساعتها بس ...

حاتعرف إيه هوّه الموت !
أول مايجي لك .. نط !
=أقفز إلي الموت - إسرع إليه


لسه بتحكي لهم بحرى حكاية

فاطنة وحراجي القط..؟

آ.. باي ماكنت شقي وعفريت

من دون كل الولدات
كنت مخالف ..
برّاوي..
وكنت مخبي في عينيك السحراوي
= الثعلب ااصحراوي كناية عن المكر والخبث
تمللي حاجات
زي الحداية ..
تخوي ع الحاجة .. وتطير
= تنقض
من صغرك بضوافر واعرة .. ومناقير
بس ماكنتش كداب

وآديني استنيت في الدنيا

لما شعرك شاب ..!

قِدِم البيت
اتهدت قبله بيوت و بيوت
وأصيل هوه
مستنيني لما أموت .. !

حاتيجي العيد الجاي؟

واذا جيت
حاتجيني لجاي؟
لجاي = إلي عندي
وحتشرب مع يامنة الشاي .؟؟

حاجي ياعمة

وجيت

لالقيت يامنة ولا البيت

قصيدة موالين من السجن


اثنان من أجمل مواويل الأبنودى

فرَّعت يا شوق عيدانك من عيون نايى

وانا باملك إيه غير موّده وحزن ونوايى
والقلب ساقية بكا.. فاضى.. وملاَّيى
وعامل إيه يا غزال ؟
صياد لفعت السهام والقوس على كتفى
شارد لقيتك.. عينيك صياد.. وبرّيه
رميتنى.. سهم العيون جاب قلبى من كتفى
واتارى للّيل قوس وسهام وكراهية
صابنى وصابك
والليل شرّانى.. وّقع منى بستانى
وقّطع الخيط وشحتر تحتى مُرجانى
نُصين بقيت يا قمر.. ومين يلضمك تانى
ومين يرَّوق عَكار الكلمة فى لسانى
ويا هل ترى تعود تجود بالوّد يا زمانى
وأقعد مع الولف أكمّل كلمتى وشايى ؟

(2)

صحت المدينة في يوم ما لقتش جناينها
القمري طار منها وغربانها جانيينها
السجن خنقه وزنقه البطن يا جنينها
قضبانه سودا وعنيدة بضي صفراوي
صفي الغناوي على الأسفلت وأنا غاوي
ما اغني غير وسط عاريينها وحافيينها

ومن بعيد القمر عوام بلا شاطي
ما دخلش شباكي ده عالي وده واطي
هوه اللي يعشق عيون بلده يصير خاطي؟
ده ان كان عشقك يا مصر خطيه ونجاسه
طين النجاسه – يا نخٌاسه – بلغ باطي
السويدي غير متواجد حالياً  
06-07-2007, 10:26 PM   #3
السويدي
vip
Crown5
 
تاريخ التسجيل: Jun 2007
الدولة: London,UK
المشاركات: 11,524

[]ياعنكبوتة ((... عبد الرحمن الأبنودى ...))

((يا عنكبوتة))


((.. عبد الرحمن الابنودي))

يا عنكبوتة كملي عشك
لا حد حيزيحك
ولا يهشك
لمي مهاجرينك
وثبتي دينك
اتمطعي
وخدينا في وشك
بلاد بلا عزة
ممكن تجيبي اجلها من هزة
بلا ضفة
بلا غزة
بالدم رشي اللي بماء رِِشك
وكملي عشك
لمي مهاجرينك
ولو ملايين
يا عنكبوتة
احنا مش فاضيين
مدي الخيوط خيط خيط
واكسي كل الحيط
نامي بأمان
واتمطعي بفرشك
من وشنا ما بنسمعوش وشك
لمي مهاجرينك
وتعاليلي
لا تهم تباريري وتعاليلي
انا في الخلا بنفخ شعاليلي
واوزن قوافي وتفاعيلي
اغش نفسي وعمري ما اغشك
واحش روس اهلي ولا احشك
حتعيشي ابد الدهر
حتوحديها انتي نهر ونهر
نشي اللي ما قدروش على نشك
انا زي ما بعت السنين الخرس
ورضيت بربع الربع خمس الخمس
مجاني حوهبلك عيون القدس
مين اللي سألك تتركي عرشك؟
طب داحنا خدامك
في النوم بنوحيلك باحلامك
واحنا اللي بنحققها قدامك
اسف..
سكوتي ربما دوشك!
فتربصي بينا ولا يهمك
دمنا فدى دمك
وبعترينا واحنا بنلمك
ولو تحاصرك الامم
ويكتفوكي بالتهم
احنا سبيلك للخلاص في الكون
لما تضيق ..
دايما بيطلع مننا مجنون
يهتف يعيش صهيون
ونغش بعضينا ولا نغشك
بالعكس
بندلع
وبنهشك
ناكل في بعض
فيتملي كرشك
وقرشنا بثانية يصير قرشك
يا عنكبوتة
انتي
وزعيقنا
واصواتنا
ودم احياءنا وامواتنا
هدي عشوشنا
وكملي عشك
لا حد حيزيحك
ولا يهشك
لا حد حيزيحك
ولا يهشك
[/]
السويدي غير متواجد حالياً  
06-07-2007, 10:28 PM   #4
السويدي
vip
Crown5
 
تاريخ التسجيل: Jun 2007
الدولة: London,UK
المشاركات: 11,524

ملعون ابوها الحمامه ام غصن زتون(زيتون)
معموله لجل(لاجل) الضحايا يثبت الجلاد

ياطفل مولود بهموم رجال

شكرا اختي شريره مرورك و على القصيده
السويدي غير متواجد حالياً  
إضافة رد

مواقع النشر (المفضلة)

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
الابنودى فارس العاميه المصريه Amany Ezzat منتدى ثقافي موضوعات ثقافية عامة خواطر شعر سيرة شعراء 116 04-22-2017 04:17 PM
قصيده يعيش جمال حتى ف موته للشاعر عبد الرحمن الابنودى السويدي منتدى ثقافي موضوعات ثقافية عامة خواطر شعر سيرة شعراء 3 03-22-2013 12:13 AM
سيجعل لهم الرحمن ودا مهاميمو الحوار العام الموضوعات الانسانيه النقاش الهادف النقد البناء 0 02-03-2011 12:35 PM
يحبهم الله و هم الفقراء اليه ويحبونه و هو الغنى الكريم ارواح منتدى اسلامي القرآن الكريم السنة النبوية موضوعات قصص دينية 13 07-20-2010 12:27 PM


الساعة الآن 05:21 AM.


Powered by vBulletin® Version 3.8.9
Copyright ©2000 - 2017, vBulletin Solutions, Inc