منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > منتدى ثقافي موضوعات ثقافية عامة خواطر شعر سيرة شعراء

منتدى ثقافي موضوعات ثقافية عامة خواطر شعر سيرة شعراء منتدى ثقافي موضوعات ثقافية خواطر سيرة شعراء اجمل قصائد

02-09-2010, 11:11 PM   #1
gmnour
vip
stars-1-4
 
تاريخ التسجيل: Feb 2010
الدولة: فنان تشكيلي
المشاركات: 87
حاجه تزهق بمناسبه الفالنتاين

Facebook Twitter Google LinkedIn vkontakte messenger Digg

basmala

بمناسبة الفالنتاين .. عيد الحب والرومانسية .. إليكم أصدقائى الأعزاء قصيدة رومانسية جداااااا
مع تحياتى
*******


حاجة تزهّق

رومانسيه ..
رومانسيه ..
رومانسية ايه دى ياوليـّه !!
كل يوم رومانسية ؟!!
دى ليلتِك مش معدّية
أعمل إيه أنا بوَرْدَة
هوّ انا هتعشـّا أغنية ؟!!
وكلام ناعم ملوش معنى
دى حتى الغنوة مش هيّـه
إيه هوّ اللى ( أهواك ) .. ؟!!
وإيه يعنى ( هى دى هى )
وجايبه بخووور .. وراشـّه عطووور
وشمعة واحدة مطفيّـة !!
إذا كان ولابد م الغنوة
حُطـّيلنا غنوة وطنية
مالها ( خلـّى السلاح صاحى )
أو ( على باب بستان لشتراكية )
ولا .. ( هىّ ناقصاك انت كمان )
أهى دى بأه أحلى أغنية
أو.. ( شد الستارة اللى ف ريحنا )
أو .. حُط الواد ع القصرية
دى الأغانى اللى نسمعها
وتخلـّى القعدة عمليّـة
وبلاش حركاتِك القـَرعَة
شوية وتلزقى فيّـا
شكلِك عايزة خمسة جنيه
وطبعا جنبها هديّـة
مش لسّه واخدة جوز جنيهات !
بصراحة إنتِ ماديّـة
قـُُومِى فِزّي من جنبى
هاتِلنا ياللا طبلية
وياللا قـُومى عشـّينا
وعايز شيشة حِمّيـّـة
هشِدّ بعد العشا نـَفـَسين
بسرعة يابت يا بهيّة
أنا نفسى ف رز بالخلطة
وجنبُـه بطة مشوية
ياسلام لو عاملة لحمة راس
تبـقِـى فعلا ً رومانسية
ياريت لو فيه كمان قلقاس
وطاجن كوسة مقلية
وعايز لقمة القاضى
والحلو يبقى عسليّـة
إوعى تقولى أنا ناسية
بتنسى تاكلى يا وليّـة !!
كمان مش عاملة حلـّة فول ؟!
ولا حتى جايبه طعميّـة
إزاى عايزانى أستحمل
دا إنتِ مطلـّعه عنيّـا
أنا مش هستنـّى ولا ثانية
إيه ده .... عيشة فقريّـة
أنا طالع برّه ع القهوه
دا كل حاجَة منسيّـة !!
و جَيّـة تقول رومانسية
حاجة تزهّق


ههههههههههههههههههههه


كل سنة وانتم طيبين


فنان تشكيلى جمال نور
__________________

signature

gmnour غير متواجد حالياً  
02-09-2010, 11:26 PM   #2
moh004
vip
star6
 
تاريخ التسجيل: Jun 2007
الدولة: مصر - بورسعيد
المشاركات: 5,313

الكاتب الساخر
فناننا الغالي جمال نور
من الجميل ان نحتفل بفلان تايم
وسام تايم .. ولتكن لنا فرصه حقيقيه
لنستمتع بابداعاتك من افكار
مكتوبه ومنظومه ومرسومه
اووول تايم
تايم .. ناين .. مش مهم
المهم اننا نكون فاين
تحمل مرورى ازر تايم
__________________

signature

moh004 متواجد حالياً  
02-09-2010, 11:43 PM   #3
gmnour
vip
stars-1-4
 
تاريخ التسجيل: Feb 2010
الدولة: فنان تشكيلي
المشاركات: 87

محمد وردالكاتب الساخر
فناننا الغالي جمال نور
من الجميل ان نحتفل بفلان تايم
وسام تايم .. ولتكن لنا فرصه حقيقيه
لنستمتع بابداعاتك من افكار
مكتوبه ومنظومه ومرسومه
اووول تايم
تايم .. ناين .. مش مهم
المهم اننا نكون فاين
تحمل مرورى ازر تايم




ههههههههههههههههههههه
غريب الفالنتاين ده .. ملخبط الناس كلها
انت بتحسب اسمه فلان تايم .. وانا حمّلت القصيدة بخط رفيع انا نفسى ماكنتش شايفه .. عارف ليه ؟
لأن احتمال يبقى فيه تدبيسة ويُطلب منا .. زى بعضهم .. دخول البيت فى الأيام القادمة على الأقل بوردة .. وده شئ مكلف جدا بل مرهق .. لأنه عكس اتجاه الريح .. وعكس طبيعتنا الكلاسيكية .. احنا متعوّدين ندخل البيت بحزمة فجل أو جرجير .. يعنى حاجة لها لازمة .. أما وردة !!! .. بالذمة هنتغدّا وردة .. آل وردة آل ... !!!
ههههههههههههههههههههههه

أستاذنا المبجل .. سعدت بتشريفك الصفحة .. ذس تايم وإفرى تايم
__________________

signature

gmnour غير متواجد حالياً  
02-09-2010, 11:51 PM   #4
artist nivi
vip
stars-2-4
 
تاريخ التسجيل: Feb 2010
الدولة: مصر
المشاركات: 1,379

الفنان الساخر
جمال نور


تسلم على المنظومة
الغير فلانتينية
من الطلبات المطبخية
بمفهومك الرومانسية
يعني عايز
رز بالخلطة وبطة مشوية
ولحمة راس وقلقاس
كمان
وكل ده وأنت زهقان
بصراحة بهية
طلعت في منتهى الرومانسية
وملبستكش طاجن الكوسة المقلية
وتبقى ليلة غير منتهية
ههههههههههههههههه

__________________

signature

artist nivi غير متواجد حالياً  
إضافة رد

مواقع النشر (المفضلة)

الكلمات الدلالية (Tags)
مناسبة, الفالنتاين, تزهق, دايت

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
بطاقات تهنئه بمناسبه المولد النبوى الشريف هند منتدى التهاني الترحيب فى الاعياد المناسبات العامة الخاصة 19 01-06-2015 07:13 PM
بطاقات تهنئه بمناسبه شهر رمضان الكريم almonalyza منتدى التهاني الترحيب فى الاعياد المناسبات العامة الخاصة 18 02-07-2013 01:17 PM
بمناسبه الأجازات واللعب بالبالونات محمد ممدوح الاشغال الفنية اليدوية خامات البيئة الطبيعية والمصنعة 15 07-20-2010 01:59 AM
كاريكاتير الحب هو بمناسبه الفالنتاين gmnour رسومات ساخرة كاريكاتير فنان الكاريكاتير السياسى 16 02-22-2010 10:24 PM
رسائل رمضانيه بمناسبه حلول الشهر المبارك ثامر داود منتدى اسلامي القرآن الكريم السنة النبوية موضوعات قصص دينية 11 09-22-2007 08:46 AM


الساعة الآن 08:08 PM.


Powered by vBulletin® Version 3.8.9
Copyright ©2000 - 2017, vBulletin Solutions, Inc