منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > الحوار العام الموضوعات الانسانيه النقاش الهادف النقد البناء

الحوار العام الموضوعات الانسانيه النقاش الهادف النقد البناء منتدى الحوار العام , النقاش الهادف و البناء للموضوعات الانسانية بما يتوافق مع المبدأ القائل : انت حر ما لم تضر

01-22-2013, 12:09 PM   #329
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,421

Facebook Twitter Google LinkedIn vkontakte messenger Digg
مع اشراقة يوم جديد ملئ بالامل
يتجدد اللقاء لقاء الاحبة اغلى الناس واعز الناس
تضئ سمائى بنور ضياهم وعطر شذاهم
استنشق عبير محبتهم فتحلو الحياة
لكل من خطى باب موضوعى
وجلسى على كرسى المحبة اهديه باقة ورد
اشكرك حبيبتى هالة كما عهدتك دائما لبقة محبة وفية صادقة
رغم اختصار اجابتك الا ان الحديث معك له حلاوة كنا نتمنى يطول اكثر واكثر
والشكر لكل من كتب كلمات لضيفى يهنيه ويشجعه


اليوم استضيف انسان عزيز وغالى على كرسى الاعتراف
انسان بمعنى كلمه انسان
الالف أمل واشراقة واجتهاد
النون نسمه رقيقة تعدى على خدود احبابها
تطيب بها اوجاعهم وتخفف عنهم همومهم
السين سماء صافية وقلب حنون
لو اتجمعت كل الحروف عشان ترسم صورة لحبيبتى
لعجزت عن وصفها الجميل
العطاء بلا حدود عنوانها والطيبة والجدعنه بعض من خصالها
مع كل صباح جميل تشرق أمل
حبيبتى وضيفتى الجميلة امولة مبدعة

اهلا بيكِ ياقمرى هترددى القسم وتاخدى نفس عميق وتقولى اللى فى قلبك


س1 -عرفينا ببطاقتك الشخصية

الاسم
العنوان
السن
الحالة الاجتماعية


س2- امولة حبيبتى ياترى لو بعتتلك منتديات ورد للفنون تذكرة سفر تحبى تروحى فين
رحلة لمدة شهر استجمام كلمينا عن الرحلة ومن تصطحبى معك ؟

س3- كلمات لها صدى بداخلنا ماذا تعنى لك هذه الكلمات
شغل يدك رائع----- أمومة ------مراقب عام ورد للفنون ---- النسيان


س4- اذا اقامت منتديات ورد للفنون معرض دائم لمنتجات اعضاءها
وكنتى انتى المسؤلة عنه فاين تحبى ان يقام وماذا يحتوى وما شكله فى مخيلتك
اوصفيه لنا لو وكل اليك القيام به؟

س5- هل اختلف شعورك تجاه ورد للفنون من كونك عضو متفاعل
عن كونك مراقب عام ورد للفنون؟


س6- اذكرى لنا موضوع من موضوعاتك المفضل لديك؟

س7- هل هناك موضوع تمنيتى ان تقدميه ثم تفاجأتى ان قدمه غيرك واعجبك تقديمه له؟

س8- ما هى الموضوعات التى تتمنى ان تكون مثبته
وتستحق التثبيت وفى اى المنتديات هذه الموضوعات؟


س9- اختارى لنا وصفة تحبى تعديها دائما لاسرتك
واغنية تستمتعى بسماعها وقت صفاء الذهن
ولون تشبهى نفسك به


س10- لو كان بيدك ومن صلاحياتك اعطاء الاشراف لاحد الاعضاء
فما صفاته التى تجعلك تفكرين فيه لاعطائه الاشراف ؟

س11- تحبى تقولى ايه لكل من

1-صاحب حرفة يبخل فى تعليمها للناس
2-عضو يصر على وضع روابط لمواقع اخرى فى منتدانا
رغم التنبيه وموافقته على شروط التسجيل
3- صاحب منتديات ورد للفنون
4- زهرة الكاميليا

س12- لو اتيحت لك الفرصة فى منتدى اجنبى يعرض منتجاتك وتنتشر عالما
بمقابل مادى رمزى بشرط ترك الاشراف فى ورد للفنون
هل توافقين ؟

س13- اعرفك صريحة واضحة فلا مجال هنا للمجاملة ضعى كلماتك مكان النقط
اعشق الاشغال الفنية لانها---------
اشتركت فى ورد للفنون للاسباب الاتيه--------
مطبخ ورد للفنون ينقصه ------------
الكروشيه فن جميل لانه-----------
اهم اسباب نجاح ادارة ورد للفنون -----------


س14- هل فكرتى فى كتابة خواطرك اعرف انك تحبين الشعر وتجيدين الكتابة؟

س15- مرت على ورد للفنون لحظات عصيبة ولحظات مفرحة
ما هى اسعد لحظات ورد للفنون وما هى اصعبها؟

س16- عرفينا بشخصية مبدعه بالاجابه بنعم او لا :

هل انتى خجولة (---)
هل تستخدمين الكذب الابيض(--)
هل لديك القدرة على مصارحة من يخطئ فى حقك(---)
هل ندمتى يوما على فعل الخير (---)
هل تمنيتى ان يعود بيك الزمن لتغيرى مسار حياتك (-----)
تصيبك لحظات اكتئاب وانطواء ام انك اجتماعية انطوائك داخلك (---)


معلشى امولتى طولت عليك
بس انتى عارفة بحبك والله ومش عاوزة اللقاء ينتهى
__________________

signature

منى سامى غير متواجد حالياً  
01-23-2013, 01:24 PM   #330
امل نيازى
vip
Crown5
 
تاريخ التسجيل: Jul 2007
الدولة: مصر - الاسكندرية
المشاركات: 19,883

الحمد لله على اجمل صحبه ورد وخير
حظيت بصحبتها وضمنى دفء ودها
كل ده غزل يامنى
اتمنى ان يكونى لى حظ منه
تقديمه رائعه من ذوقك الجميل
رددت القسم واخدت نفس عميق وهاعترف


س1 -عرفينا ببطاقتك الشخصية
الاسم امل احمد نيازى
العنوان منتديات ورد للفنون
بالتفصيل
منتدى الاقتصاد المنزلى على يمينك
وانت داخل ورشه وموسوعه كروشيه ورد للفنون

السن 50 سنه
الحالة الاجتماعية
متزوجه وام لزهرتين
هبه بكالوريوس علوم
وهاجر نهائى ليسانس آداب



س2- امولة حبيبتى ياترى لو بعتتلك منتديات ورد للفنون
تذكرة سفر تحبى تروحى فين رحلة لمدة شهر استجمام
كلمينا عن الرحلة ومن تصطحبى معك ؟

ازاى المنتدى يبعتلى ويقولى مع السلامه ابعدى شهر كده ...!!!

هاعترف لك فى اعتراف يا منى
انا لما باضطر ابعدعن البيت كام يوم
باخد الجهاز فى شنطته
والفلاشه (يو اس بى) فى جيبى
واول مالاقى فرصه ادخل المنتدى
الرحله تكون مع الصحبه الطيبه كلنا اهل ورد للفنون
مع بعض ونختار سوا المكان



س3-كلمات لها صدى بداخلنا ماذا تعنى لك هذه الكلمات
شغل يدك رائع

لما اسمعها باكون سعيده بس با قلق من اللى هاشتغله
بعده هايكون رائع ولالا علشان كده باخد وقت طويل
فى اتمام اى عمل اكون راضيه عنه الى حد ما

أمومة مسؤليه بحكمه وحنيه

مراقب عام ورد للفنون

رقيب على نفسه اولا ومن بعد يحق له اى رقابه

النسيان نعمه .. بس اللى ينسى !!

س4- اذا اقامت منتديات ورد للفنون معرض دائم
لمنتجات اعضاءها وكنتى انتى المسؤلة عنه
فاين تحبى
ان يقام وماذا يحتوى وما شكله
فى مخيلتك اوصفيه لنا لو وكل اليك القيام به؟


هو اساسا المعرض دائم ويومى فى منتدانا
بيوصل لكل محبى الفنون الجميله
بمجرد ان التقائهم به على صفحات النت
وتجولهم فيه اكيد على الاقل
هايحفظوه فى المفضله عندهم ومش
هايقدروا يقاوموا هايسجلوا فى المنتدى فوراااا


لكن انتى بتسالى فى مخيلتى يكون فين
اقولك
يكون فى بورسعيد

(انا متاكده انه باجماع اراء مشرفى ومراقبى ورد للفنون)
يحتوى كل الاشغال الفنيه لشركاء ورد للفنون
ونطمع فى مساعده مديرنا العزيز فى اختيار المكان
اما التنسيق كلنا مع بعض هانبذل اجمل ماعندنا
ليكون معرض من طراز خاص
والا هاتسيبونى لوحدى ؟؟؟

س5- هل اختلف شعورك تجاه ورد للفنون من كونك
عضو متفاعلعن كونك مراقب عام ورد للفنون؟


بعيدا عن الالقاب واللى هى مش فى حساباتى نهائى
بقيت باخاف اكتر على المنتدى لانى بدأت اتعلم وافهم
ازاى ادافع عن وجود المنتدى واراقب اى هجوم عليه
من الاسبام ناهيكِ عن تعلم فنون تنسيق الموضوعات
وادق التفاصيل التى تصل بالموضوع لدرجه جميل
امل نيازى غير متواجد حالياً  
01-23-2013, 05:44 PM   #331
امل نيازى
vip
Crown5
 
تاريخ التسجيل: Jul 2007
الدولة: مصر - الاسكندرية
المشاركات: 19,883

س6- اذكرى لنا موضوع من موضوعاتك المفضل لديك؟

كل الموضوعات محل اهتمام ومتابعه اكيد
وبالذات اى من موضوعات الاشغال اليدويه
يعلمنى فكره جديده اتابعه مرات واحاول
تنفيذ الفكره حسب وقتى
اما موضوعات منتدى الفنانين فلها
اهتمام خاص وباخصص لها وقت يوميا لمتابعتها
لانى كنت اتمنى ادرس فنون جميله
اقولك على سر انا بحب موضوعات الانيمى
والرسوم المتحركه توم وجيرى جداااااا
ورسمت شخصيات كارتونيه اكثرها ميكى

س7- هل هناك موضوع تمنيتى ان تقدميه ثم تفاجأتى
ان قدمه غيرك واعجبك تقديمه له؟

كلنا هنا واحد كل ما حد فينا يفكر فى موضوع
يستشيرالتانى وممكن يفضله على نفسه
انه هو اللى يقدمه
علشان الهدف واضح لنا كلنا
بنشتغل الكل فى واحد للكل

س8- ما هى الموضوعات التى تتمنى ان تكون مثبته
وتستحق التثبيت وفى اى المنتديات هذه الموضوعات؟

اى موضوع له صدى نفعى جمالى يبحث عنه
المتلقى بنهم يستحق التثبيت
واخص بالذات المنتديات المتخصصه

س9- اختارى لنا وصفة تحبى تعديها دائما لاسرتك

الحواوشى الاسكندرانى

واغنية تستمتعى بسماعها وقت صفاء الذهن

مين صفاء الذهن ده هههههههههههه
لما احب اهرب من لحظات توتر
بلاقى دايما اغنيه
محمد فوزى على بالى (مال القمر )
ولون تشبهى نفسك به

الابيض والبنفسجى احب الالوان الى نفسى

س10- لو كان بيدك ومن صلاحياتك
اعطاء الاشراف لاحد الاعضاءفما صفاته
التى تجعلك تفكرين فيه لاعطائه الاشراف ؟

اولا الحكم على الغير بالصلاحيه مسئوليه
لازم اكون اهل لها
لكن اذا سُئِلت عن راى
فى اختيار احد الاعضاء للاشراف
من خلال تعلُمى كل جميل فى منتدانا
اقولك ضرورى جدا
الامانه والولاء والتفاعل بموضوعات حصريه
يتميز بها منتدانا عن غيره
والحرص على تنسيق الموضوعات فى اجمل صوره
واكيد طبعا اتباع قوانين المنتدى
بعدم وضع روابط لمواقع اخرى
امل نيازى غير متواجد حالياً  
01-23-2013, 07:07 PM   #332
امل نيازى
vip
Crown5
 
تاريخ التسجيل: Jul 2007
الدولة: مصر - الاسكندرية
المشاركات: 19,883

س11- تحبى تقولى ايه لكل من
1-صاحب حرفة يبخل فى تعليمها للناس

لاتبخل بما اعطاك الله من نعم
خيركم من تعلم العلم وعلمه

2-عضو يصر على وضع روابط لمواقع اخرى
فى منتدانارغم التنبيه وموافقته على شروط التسجيل

نسى وغلط مره واتنين ماشى بس بعد كده
شكرا لذوقك وسعداء جدا بعدم تواجدك

3- صاحب منتديات ورد للفنون

شكرا استاذنا على كل فكره جميله
ومجهود رائع للرقى بمنتدانا
شكراعلى ثقتك الغاليه وكل جميل اتعلمته منك
ويارب دايما منتدانا فى تقدم وتطور مستمر
بفضل الله وادارتك الحكيمه والديمقراطيه

وتاكيد وعد ببذل الجهد والوقت
للمحافظه على اجمل منتدى
اجمل الدعوات لك بالخير والصحه ودايما منور منتدانا


4- زهرة الكاميليا

بحبك جدا ياام قلبى الجميله
يارب يطمن قلبك بكل الخير
وتنورينا دايما برقى فكرك وذوقك


س12- لو اتيحت لك الفرصة فى منتدى اجنبى
يعرض منتجاتك وتنتشر عالميا بمقابل مادى رمزى
بشرط ترك الاشراف فى ورد للفنون هل توافقين ؟

ههههههههه انا ماحدش يملى شروطه على
الا اللى باحبهم بس
اطلاقا مافكرت للحظه فى اى عرض
جوابى دائما لا

س13- اعرفك صريحة واضحة فلا مجال
هنا للمجاملة ضعى كلماتك مكان النقط

اعشق الاشغال الفنية لانها

ملاذى الوحيد من التوتر واتعلمتها بنفسى
بس بدايتى كانت
بتشجيع من احدى صديقاتى
جزاها الله كل خير


اشتركت فى ورد للفنون للاسباب الاتيه

اولا ذوق استاذنا فى دعوتى للاشتراك فى ورد للفنون
وصبره على لانى فى اول انضمامى للمنتدى
كنت عضو غير نشيط
ما انا على كرسى الاعتراف
لازم اعترف بسبب التقصيرفى الاول كانت امكانيه
تواجدى على النت فترات قصيره لاسباب حياتيه متواليه
تمسكت جدا بالاستمرار بالمنتدى برغم ظروف يعلمها الله
ولازلت
والسبب الاهم فكر المنتدى الراقى
مختلف عن اى منتدى تابعته
منتدى منظم يخاطب كل الاذواق من كل الفنون
وعن طيب خاطر يقدم الافاده بتعليم كافه الفنون
والاشغال اليدويه الجميله
فى تطور مستمر لا يكل محبيه والقائمين عليه
باى مجهود او فكر للرقى به
يرحب بكل من يطرق بابه
للسؤال والمشاركه بكل جميل ومفيد
ومايستجد من كل جميل
سبب فى الانضمام والاستمرار فى منتدانا

مطبخ ورد للفنون ينقصه

بصراحه يامنى كل اللى فى نفسنا
ويخطر على بالنا نلاقيه فى مطبخك العامر
بس ممكن نطمع
فى بعض الاكلات الصحيه جدا
على نظام (الميكروبايوتيك )


الكروشيه فن جميل لانه

مجال الابداع فيه كبير وافكار كثيره ممكن تتنفذ
بالكروشيه (بس الوقت )

اهم اسباب نجاح ادارة ورد للفنون
الاجتماع على هدف والايمان به
وسعى الكل بقلب واحد على تحقيقه
بالود الخالص وانكار الذات والعطاء لوجه الله

اداره حكيمه واعيه ومتابعه لكل جديد
لتطوير المنتدى الى الارقى عالميا وعربيا
متمثله فى قائد مسيره الفن الجميل والعطاء
استاذنا الغالى محمد ورد

س14- هل فكرتى فى كتابة خواطرك
اعرف انك تحبين الشعر وتجيدين الكتابة؟

كتبت بعض من خواطرى المتواضعه
واى جديد باقوله شفوى وانساه

لانى احبطت جدا من راى شخصيه عزيزه على
وقليل جدا حسب الوقت اقرا بعض الاشعار

س15- مرت على ورد للفنون لحظات عصيبة
ولحظات مفرحة
ما هى اسعد لحظات ورد للفنون وما هى اصعبها؟

اصعب لحظه كانت محاوله للسيطره على المنتدى
من قبل لصوص النت وبفضل الله وجهود استاذنا
سيطر ببراعه
على الموقف
ورجع لنا منتدانا ينور حياتنا


اما اسعد لحظات
فى اى تقدم لمنتدانا سواء محليا او عالميا
واى تقدير يحظى به منتدانا برسائل
الشكر والتقديرعلى رقى الفكر
وجمال التقديم لكل نافع ومفيد
كلمه شكرا لكم ولجهودكم من اى عضو
انتفع بمعلومه اوتعلم حرفه

س16- عرفينا بشخصية مبدعه بالاجابه بنعم او لا :

هل انتى خجولة اى نعم

هل تستخدمين الكذب الابيض

ضرورى للتوفيق بين وجهات النظر
لجبهات الرفض اللى عندى فى البيت

هل لديك القدرة على مصارحة من يخطئ فى حقك لا
هل ندمتى يوما على فعل الخير ابدا
هل تمنيتى ان يعود بيك الزمن لتغيرى مسار حياتك

ايوه يامنى ياريت يعود الزمن
كنت غيرت مجرى التاريخ خااالص
هههههههههه الحمد لله على كل حال

تصيبك لحظات اكتئاب وانطواء
ام انك اجتماعية انطوائك داخلك

اجتماعيه وانطوائى داخلى

معلشى امولتى طولت عليك
ابدا يامنى
الكرسى مريح جدا
بس انتى عارفة بحبك والله ومش عاوزة اللقاء ينتهى
وانا باحبك جدا والله اعلم
حوارك ممتع يا منى
اسعدتينى حبيبتى باستضافتك الجميله
واسعدنى لقائكم اهلى واحبابى فى وردنا الغالى
اتمنى ان يحظى وجودى بينكم دائما بالقبول
دمتم جميعا بكل الخير والسعاده
__________________

signature

امل نيازى غير متواجد حالياً  
إضافة رد

مواقع النشر (المفضلة)

الكلمات الدلالية (Tags)
للفنون, الاعتراف, يستضيف, عشاق, ورد, كرسى

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
تجديد كرسي بتقنيه الديكوباج Aidy الاشغال الفنية اليدوية خامات البيئة الطبيعية والمصنعة 7 11-12-2017 08:41 PM
سفره كلاسيك للاصاله عشاق نااانو منتدى الديكور تحف ديكورية ديكورات حديثة غرف مودرن وحدات اضاءة 16 05-02-2011 05:04 AM
كراسى الاعتراف فى ورد للفنون ملاك البستان الحوار العام الموضوعات الانسانيه النقاش الهادف النقد البناء 257 03-28-2011 05:41 PM
أيهما أصعب الاعتراف بالحب ام بالكراهيه ؟ فنانه بالفطره الحوار العام الموضوعات الانسانيه النقاش الهادف النقد البناء 8 06-27-2010 03:55 PM
لوحة ازهار اهداء الى عشاق الجمال ياسين محمد محي الدين منتدى تعليم فن الرسم التصوير اسس التصميم الابتكارى 94 04-27-2010 06:57 PM


الساعة الآن 04:43 PM.


Powered by vBulletin® Version 3.8.9
Copyright ©2000 - 2017, vBulletin Solutions, Inc