منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > الحوار العام الموضوعات الانسانيه النقاش الهادف النقد البناء

الحوار العام الموضوعات الانسانيه النقاش الهادف النقد البناء منتدى الحوار العام , النقاش الهادف و البناء للموضوعات الانسانية بما يتوافق مع المبدأ القائل : انت حر ما لم تضر

12-18-2012, 08:44 AM   #209
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,426

Facebook Twitter Google LinkedIn vkontakte messenger Digg
ضيفى اليوم ضيف مميز تخطى انه يكون شريك فضى او دهبى
ليصل بسرعه البرق للتميز
وهنا نتوقف لحظة لنجده فعلا مميز
فنان جميل ليس بموضوعاته فقط التى يصنعها بيديه
ولكن فى ردوده التى تنم عليه
دخل قلوبنا بتلقائية وحب من اول حكاية
وجعت لنا القلب عن كسر فى رجله وشقاوة لابنه
عشنا معاه مأساته بحب
كانت السبب فى تفاعل اكتر عرفنا فيه رقة وشقاوه
وحلاوة روح والتزام
ماهو ضيفى اصله فنان
لازم هيكون عنوانه الالتزام
ضيفى الغالية سمر77
اهلا بيك حبيبتى نورتى كرسى الاعتراف
اتمنى لك اقامه سعيدة عليه
رددى القسم ياغالية
وخدى نفس عميق وجاوبى على الاسئلة

س1 - السؤال المعهود
عرفينا ببطاقتك الشخصية
الاسم
السن
العنوان
الاقامه
الجنسية

س2- كلمينا عن الفن فى حياتك
كيف تذوقتيه ولماذا عشقتيه
وهل لك مثل اعلى فيه؟

س3- هل سمر اسيرة لقلبها اكتر
ام تحكم عقلها اكتر فى امورها الشخصية؟

س4- الصداقة اروع مافى الحياة
ان تجدى صديق صدوق هل وجدتيه يوما فى حياتك؟

س5- امنية تتمنيها خاصة وعامة ؟

س6- لو قال لك استاذ محمد ورد :
يا سمر انتى مكانى لمدة 24 ساعه مديرا للمنتدى
فما هى الاجراءات التى تتخذيها فورا وبسرعه
وتقومى بتغييرات فى المنتدى ؟

س7- منتدى الخزف ماهى التجديدات التى يحتاجها
ليكون من اوائل المنتديات على النت تهتم بهذا الفن؟

س8- كلمات اغنية او ابيات شعر
تحبى تهديها لاهل ورد للفنون ؟
وكلمات اغنية واهداء خاص لمن ؟

س9- لو اعطيت سمر قلم من نوع خاص
وقلتلها دونى على جدار الزمن كلمة
تخلد ابد الدهر فماذا تقولى لكل البشر ؟

س10- هل انتى من النوع الصبور ام انك سريعه الغضب؟

س11- ونحن على مشارف عام جديد
اختارى 4 شخصيات من منتدانا
وارسلى لهم مع بابا نويل رسالة وهدية
فمن هم وما الرسالة وما الهدية ؟


س12- لمن تقولى فات الميعاد
ومتى تقولى من الليلة دى عمرى ابتدأ ؟


س13- موقف محرج جدا تعرضتى له
ولم يسقط من ذاكرتك حتى اليوم ؟

س14- اختارى من منتدانا من تقولى له هذه الكلمات :
(برافوا عليك)-( انت اخطأتى ويجب ان تتراجعى)
(انت تستحقى اكتر من ذلك)
(اتمنى ارسل لك رسالة حذف عضوية) -(اتمنى اراك)


س15- اقر واعترف انى احب ورد للفنون للاسباب التالية ؟


س16- اقر واعترف انى لا يعجبنى فى ورد للفنون الاشياء التاليه ؟

س17-ورده بيضاء لمن تعطيها ولماذا؟
__________________

signature

منى سامى غير متواجد حالياً  
12-18-2012, 12:14 PM   #210
SaMaR_ BakR
شريك محترف
stars-2-8
 
تاريخ التسجيل: Nov 2007
الدولة: cairo
المشاركات: 3,482

س1 - السؤال المعهود
عرفينا ببطاقتك الشخصية

الاسم : سمر بكر
السن : أنا مواليد 1/6/1977
حوالى 35 سنة هههههههههه كتير أوى
العنوان : أنا من مواليد بورسعيد
الاقامه : لكن اعيش الآن لظروف عمل زوجي في القاهرة
الجنسية: مصرية


س2- كلمينا عن الفن فى حياتك
كيف تذوقتيه ولماذا عشقتيه وهل لك مثل اعلى فيه؟

الفن في حياتي بدأ منذ كنت صغيرة ... حوالى 4 أو 5 سنين
ليا أخ أكبر منى بـ 5 سنوات كان فنان جدا
وكنت بتجنن منه لما يرسم عربية
لأنى ماكنتش بعرف أرسمها خالص
وبدأت ألاحظة ,, أيامها ماكنتش في مدرسة
وكان وجودى في الحضانة مالوش اى علاقة بالرسم
كانت الحضانه مقتصرة في الوقت ده على اللعب ، الأغاني
لكن مافيش رسم فكان هو المصدر الأول والوحيد للتعليم الرسم،
كنت بقعد جنبه بالساعات أتفرج على رسوماته .
بعدها بدات أدخل مدارس ابتدائي والأعدادي وثانوي
وبدأت أفهم أن الفنون مش رسم بس ،
وتأثرت كتير بمدرسين ليا في التربية الفنية،
منهم اللى كان هيكون سبب رئيسي في أنى أكره الرسم -
وده مش هاذكر أسمه
ههههههههههههههه
ومنهم اللى حببنى في الفنون كلها بشكل رائع أذكر منهم مس فاطمة وهبه ،
مس عزة ( وهي عضوة هنا في المنتدى - على فكرة ) أنا عرفت قريب أوى ،
مس نجدة، مس ناريمان ومنهم مس عليه ( الفنانة عليه عزت ) اللى بالنسبه لى أم ومعلمة وإنسانه ،
الفنان عباس الطرابيلي ,, مادرسليش وانا صغيرة
لكن كانت تعليقاته على أعمالي وأنا مدرسة
ليها تأثير كبير جدا عليا.

س3- هل سمر اسيرة لقلبها اكتر ام تحكم عقلها اكتير فى امورها الشخصية؟


والله أنا اسيرة قلبي وعقلي ، مابستغناش عن اى منهما في اى من مواقف حياتى ،،،
لكن في احيان مش كتيرة قلبي بيتغلب قليلا ,,, عارفه أحيانا بيحصل موقف
وبيفشل عقلك انه يحكم على مجريات الأمور
وبتكوني محتارة في كيفية التصرف فابلجأ إلى ( استفتى قلبك ) .


س4- الصداقة اروع مافى الحياة ان تجدى صديق صدوق هل وجدتيه يوما فى حياتك؟

كتير جدا
الحمد لله فضل ونعمة ومنه من ربنا غريبة جدا ,,
أن الحمد لله ربنا بيرزقنى بأصدقاء أوفياء فعلا
وفي فترات عمرية متباعدة ،
يعنى ليا اصحاب من وانا في ابتدائي
وفي ثانوي، وكلية ، وفي الشغل .
أنا زوجي قاللى مرة - انت غريبة - انت لغاية دلوقت بتكوني صداقات
وصداقات قوية اللى ما يعرفش يحس انكم اصحاب من زمان
من التفاهم والحب اللى بيجمعنى بينى وبينهم الحمدلله



س5- امنية تتمنيها خاصة وعامة ؟


والله الأمنية العامة اللى بتلح على كل الناس مش انا بس
(( اتمنى أن مصر تبقى امان ورخاء ، واحسن من اى زمن مضى ))

الأمنية الخاصة (( ربنا يبارك في يوسف ويحيى ويجعلهم من الصالحين ))

س6- لو قال لك استاذ محمد ورد ياسمر انتى مكانى لمدة 24 ساعه مديرا للمنتدى
فما هى الاجراءت التى تتخذيها فورا وبسرعه وتقومى بتغيرات فى المنتدى ؟



هو استاذ محمد لو قال خليكي مكاني لمدة 24 ساعة
أكيد مش هايكون عاوزني اغير حاجه في المنتدى
هو ماشاء الله عليه بقاله سنين بيطور فيه وبيعدل فيه كل يوم ,,
ماحبكتش بقه على الـ 24 ساعة دول أغيرله حاجات في المنتدى .

هههههههههههههههههههههه

بس أنا فهمت أن السؤال المطلوب منه
(( أن لو أمر المنتدى في ايدك هاتعملى ايه كمسئولة عنه؟ ))

أولا: أنا هاحاول أصلح ما أفسده الدهر ,,,
يعنى زى ما أحنا بالفعل بنعمل في فريق صحبة الورد
من إضافة الصور للموضوعات، وتعديل العناوين القصيرة.

ثانيا : ممكن أبدأ أوجهه الأعضاء الموافقين طبعا
أنهم يبدأو ينزلوا أرض الواقع والمعارض والجاليرهات ،
وينقلولنا الجديد من الفنون، سير الفنانين المحدثين ,, وهكذا

ثالثا: (أنا شخصيا ) هابدأ استعين بالرسائل العلمية المكدسة
على أرفف مكتبة أى كلية فنية
وأبدأ أنزل مقتطفات من كل رسالة
موضوع الرسالة ونتائجها وصور بعض الأعمال
- ده بعد استئذان أصحابها
والإلتزام بعدد الصفحات المسموح تصويرها
من كل رسالة اللى هي 35 صفحة ،
وده بالنسبة لأى منتدى مادة علمية وفنية غنية ووفيرة جدا.


وده طبعا مش هايكفيه في 24 ساعة هو في الوقت القصير ده أقترح بس
هذه النقاط وغيرها مالم يسعفنى به وقت الإجابة .



س7- منتدى الخزف ماهى التجديدات
التى يحتاجها ليكون من اوائل المنتديات على النت تهتم بهذا الفن؟



شوفى يا منمن ,و رغم حبى الشديد للخزف
والذي اسهم في اتضاحة منتدى ورد
,, إلا أنى أقدر أقولك أنا مش خبيرة في مايفقده هذا المنتدى
من تجديدات، لأن منتدى الأشغال آخد وقت كبير منى
,, لكن ,,,

أى منتدى زي ما بيحتاج معروضات وأعمال فنانين ...
بيحتاج دورات للتعليم
وفيديوهات لتعليم خطوات صناعة أى منتج
مثلا ( طبق خزفي ، فازة )
أحنا فنانين ,, والتفكير البصري عندنا أقوى من أى انسان عادي
لذلك أستخدام الخطوات المصورة في التعليم
بيكون أفضل من صور المنتج النهائية أو خطوات العمل المكتوبة.


س8- كلمات اغنية او ابيات شعر تحبى تهديها لاهل ورد للفنون ؟
وكلمات اغنية واهداء خاص لمن؟؟؟


شوفي أنا كل فترة بسمع لحد
لكن أنا شخص يحب التغيير ،، حتى لا نشعر بالملل
وأنا فاكرة كان في فترة في المنتدى
بيترفع فيها أغنية أو موسيقى على المنتدى
وأول ما تفتحى المنتدى تسمعيها
كان نفسي جدا جدا أرفعلكوا أغنية
(( ساعدني ، لفيروز، من أوبريت جبال الصوان ))
كلماتها جميلة :

ساعدني... يا نبع الينابيع
ياسيد العطايا .....ساعدني
ساعدني

ودّيتني , جيت .. قطعت الليالي
عن حبك حكيت .. وكرمك ببالي

العصافير بتلعب .. وبحقولك بتطير
واليمامة بتشرب .. من نبعك بكير

الراعية السعيدة .. غنية من عينيك
والحورة الوحيدة .. عم تطلع عليك

الناس الموعودين .. ضيّعهن الضباب
وعيون المقهورين .. سهرانة ع البواب

من غيرك أنا وحيدة .. خدني بأيدي
واجعلني أنا
قصة الموعودين
قنديل التعبانين

وفوق البيوت المهدومة
ضوّي فجر الناطرين

حبر الرسالة .. والع ببالي
حبر الرسالة .. أمانة ببالي

يا نبع الينابيع
يا سيد العطايا
ساعدني





س9- لو اعطيت سمر قلم من نوع خاص وقلتلها دونى على جدار الزمن كلمة
تخلد ابد الدهر فماذا تقولى لكل البشر؟؟


أسمحيلي أكتب بالقلم على الجدار باللغة العامية
لو أنك ,, أعطيتيني هذا القلم لما توقفت عن الكتابة ,و لو انى تأكدت انهم سيقرئون
اهم ما سأكتب ,,,, السلام شئ جميل ,,, أنك تكون عايش أنت وكل الناس في سلام
بدون مشاحنات ولا ضغائن ولا كره ولا حقد إحساس بالدنيا كلها
,, انك تكون خايف على كل الناس زى ما بتخاف على أبوك وأبنك وأخوك واختك وامك ،
، تقدر ساعتها تشعر بالراحة لأن قلبك سليم معافي لم يمرض بأمراض الاحقاد والكراهية
لم يتلوث بالحروب المستمرة على كل حاجه حتى لو كانت صغيرة - وظيفة، منصب ، قطعة أرض ,,,
لو أدرك الإنسان أنه بجنوحه للسلم وتخليه عن التكالب على الدنيا،
هيكون عنده وقت لعبادة الله...وأنه في النهاية يكون انقذ نفسه ,,, وأخيرا سأكتب
اذا عملت بالجوارح فتذكر نظر الله اليك ...
واذا قلت بلسانك فتذكر سمع الله لك ..
واذا كنت في صمتك فتذكر علم الله فيك ..



س10- هل انتى من النوع الصبور ام انك سريعه الغضب؟


والله لو كنت سألتيني السؤال من اربع سنين كنت قلتلك انا قطار ,, طلقة رصاص
مابشوفش حد في غضبي
ههههههههههههه
لكن دلوقت ,, سبحان مغير الأحوال ,, بصبر كتير جدا
لكن أم كلثوم غنيتهالى (((للصبر حدود )))
هههههههههههههههههه
بس الحمد لله ماحدش وصل لهذه الحدود
مش خوف منى لأ لأنى فعلا صبري طويل اليومين دول بس
ههههههههههههههههه


يتبع
SaMaR_ BakR غير متواجد حالياً  
12-18-2012, 01:36 PM   #211
SaMaR_ BakR
شريك محترف
stars-2-8
 
تاريخ التسجيل: Nov 2007
الدولة: cairo
المشاركات: 3,482

س11- ونحن على مشارف عام جديد اختارى 4 شخصيات من منتدانا
وارسلى لهم مع بابا نويل رسالة وهدية فمن هم وما الرسالة وما الهدية؟



شوفي يا ستى ,, أنا هاوصل الرسالة بنفسي لأنى مش عارفة أستوعب سيكولوجية شخصية بابا نويل
هههههههههههههههههههههه
وأفضل انى أشوف أصحابي وهما بيفتحوا هدايايا بنفسي

أول شخصية (أخونا وصديقنا على كبر مقامه وسنه ) عاطف البكري (( ملك )) الله يرحمة
هاهديه قرءان كريم ورسالتى له دعوة تؤنسه في قبره ,و وامنو معايا
(( اللهم أرحم أخونا عاطف البكري وأفسح له في قبره مد بصره ،
وأنسه بقرءانك الكريم في قبره يا كريم
اللهم أصلح له أولاده ،،
وأجعل من أولاده وموضوعاته التى قضى فيها وقتا طويلا
سببا في عدم أنقطاع عمله، واجزه عنا خيرا ... آمين ))


الش
خص الثاني (( أستاذنا الصبور محمد ورد ))
أهديه مشتقا من أسمه وردة


كرسى الاعتراف يستضيف عشاق ورد للفنون

ورسالتى له دعاء
(( جمعك الله مع أحبابك ، كما جمعتنا جميعا في ورد مع أصحاب وأحباب وأخوة،
لم نكن نتوقع يوما أن نعرفهم،
بارك الله لك في وقتك الذي تقضي معظمه في مراقبه الأقوال والأفعال والموضوعات على المنتدى
خوفا من قول الله تعالى (( ما يلفظ من قول إلا لدي رقيب عتيد )) ،
رزقك الله الصبر علينا وعلى أخطائنا الغير مقصودة))

((منى سامى ، نانو ، هالة، مبدعة، هند))
لكل منكم مكانه في قلبي كنت احب أن اسردها إلا أن تحديد أربع شخصيات فقط لإرسال رسالة
دفعتنى لوضعكم في شخص واحد (( المراقب العام ))
هديتى لكن هذه التورتايه


كرسى الاعتراف يستضيف عشاق ورد للفنون

على ما أعمل غيرها هههههههههههههه
ورسالتى لكم (( تسلمولنا على تعليمكم لينا كل مهاراتكم ومواهبكم الرائعة بدون كتمان لعلم ولا تقصير، بارك الله في أوقاتكم وجزاكم عنا خيرا ))

(( صافي، هناء، موناليزا ، علا الأسلام، شريرة، سمو الورح ،
أم إسراء ،عاشق الروح، محمد فاروق ، محمد غنيم ))
هديتى لصحبة الورد - مع علمي بان منهم من لم ينضم إلى الصحبة -
إلا أنهم أنضموا إلى قلوبنا و على أعتبار أنهم شخص واحد -
أهدى لهم هذه الصحبة من الورود التى تماثل جمال أرواحكم في قلبي


كرسى الاعتراف يستضيف عشاق ورد للفنون


ورسالتى لكم (( اتخذتم مكانا متميزا في قلبي
، وبت أنتظر ردودكم الجميلة على موضوعاتى وموضعات الآخرين ,, تسلمولى ))

س12- لمن تقولى فات الميعاد ومتى تقولى من الليلة دى عمرى ابتدأ ؟


فات الميعاد : لشخصية تخيلت أنها ستكون أقرب لقلبي في غربتى من من حال بينى وبينهم الزمان والطريق ، لكن رغبت عن هذا المكان وهذه المكانة ,,, وحاولت أن تقوم بدورها بعد أن فات الميعاد علشان كده فات الميعاد
ههههههههههههههههه

الليلة دي عمري ابتدا : ليوسف أبنى يوم ما ولدته
لأنى كنت متبنجه نصفي وشوفته وحسيت بمعجزة ربنا سبحانه وتعالى انه يخلق أنسان من بين ضلوع إنسان آخر
ومن يومها وأنا حسيت أن كل النجاحات اللى قبل ما أولده لا تقارن فرحتها بهذه الفرحة لما شفته أول مرة.

س13- موقف محرج جدا تعرضتى له ولم يسقط من ذاكرتك حتى اليوم؟؟؟

وليه النكد ده !!!!
ههههههههههه
شوفي هو موقف بفتكره علطول
كنت بشتغل سكرتيرة في مكتب محامي بعد الضهر كده ,, مرتب المدرسين ما بيأكلش عيش
هههههههههههه
المهم ... دخلت واحدة - ربنا يهديها لنفسها - ومن غير استئذان طلعت مكتب الأستاذ -
كان المكتب دورين ,, حاولت أناديها علشان أفهمها أن لسه ماجاش
وان ماينفعش تطلع كده حتى لو موجود
عارفه لما تكون في بالونه وتفجريها هههههههههه
انفجرت فيا قدام الناس
وكانت سبب في انى اسيب الشغل أصلا في المكتب
لكن ما تتنكدوش ,,, الأستاذ المحامي كنت غالية عليه جدا كنت بالنسبالة بنته التانية
عرفت بعدها بشهور ,, انها لما رجعتله تاني طردها بره المكتب ورمالها ملفها
بس مابقدرش انسى الموقف ده ابدا


س14- اختارى من منتدانا من تقولى له هذه الكلمات (برافوا عليك)-( انت اخطأتى ويجب ان تتراجعى)
(انت تستحقى اكتر من ذلك)-(اتمنى ارسل لك رسالة حذف عضوية) -(اتمنى اراك)


((برافو عليك ، انت اخطأتى ويجب ان تتراجعى ))

لصفية
ههههههههههههه ,, وهي فاهمة
في حاجات كتير جدا بتعملها تستاهل عليها برافو عليكي
انت اخطأتى ويجب ان تتراجعي : في حاجات صغيرة كده بتغلط فيها
بس انا عارفه ان بيبقه مش قصدها تزعل حد



((انت تستحقي اكتر من كده )) دى حاجه حلوة ولا وحشة ؟؟؟؟

هههههههههههه
هى تحتمل الإتنين بس انا هاعتبرها حاجه حلوة
عاطف البكري الله يرحمه ,, يستحق كل الشكر ، والدعاء ، والإحساس بكم المجهود المبذول

اتمنى ارسل لك رسالة حذف عضوية (( لا اتمنى ذلك لأى عضو ،
واتمنى ان يتفاعل الجميع ويفيد ويستفيد من المنتدى ))


اتمنى ان اراك (( زهرة الكاميليا ))
لأنى بحس انها أم المنتدى متكرمه ,, من كل الأعضاء والمراقبين
عليها هيبه كده وعلى موضوعاتها طابع ثقافي وطريقه جاذبة في الكتابة
نفسي أشوف الشخصية الحولة دي
ومش عارفه ليه متخيلاها كده أم حنون ، قوية ، بيضاء ، متوسطه الطول، محجبة ، ترتدي نظارة
هههههههههههههههههههه
تخيلاتى كتير جدا للزهرة ، علشان كده نفسي أشوفها

س15- اقر واعترف انى احب ورد للفنون للاسبات التالية؟


1- المنتدى منظم ,, مقسم لأقسام رئيسية وفرعية ، وسهل الوصول لموضوعات مختلفة
عن طريق تقسيم الموضوعات لأقسام محددة .
2- يجمع بين الأعضاء علاقة حلوة جدا تحسيها أقرب من علاقة أى حد على المنتديات الأخرى، وتظهر في الردود والمشاركات الطويلة، التى تعبر عن تقدير الأعضاء لأعمال بعضهم البعض.
3-الأقسام المتخصصة بها موضوعات موسوعية تحوى صور توضيحية كثيرة ومعلومات مفيدة.



س16- اقر واعترف انى لا يعجبنى فى ورد للفنون الاشياء التاليه ؟


حتى لو كان ليا إعتراضات مش هاتوصل أنى لا يعجبنى ورد للفنون
لكن ممكن يكون ليا إقتراحات حتى يكون ورد للفنون أفضل - من وجهه نظري -
أولا: كل الأعضاء مش عارفين طريقة الترقية إزاى ، وأن السبب في الترقية هل الموضوعات المميزة ، ولا الردود والمشاركات على موضوعات الآخرين ,
ولو الموضوعات هي السبب في الترقية ، أيه مواصفات الموضوعات.

أسباب تمييز وتثبيت الموضوعات ,, يعنى لو كان نفسي يبقالى موضوع مثبت مواصفاته ايه ؟؟

في حاجه كمان بمناسبه التثبيت (( ممكن بين فترة والتانية نعمل إعلانات عن الموضوعات المثبته ))
للفت الإنتباه لها مرة تانية لأهميتها ,,
أنها علشان متبته في نفس المكان , لما أنا مثلا بفتح المنتدى بحس ان عنوانها مش غريب عليا ,
لأنى طول الوقت شايفاها ، فا ما بدخلهاش
وممكن تكون الموضوعات أهم من موضوعات تانية كتير،
فاقتراح الإعلان عنها ممكن يلفت النظر لها مرة تانية علشان الأعضاء تستفيد منها


س17-ورده بيضاء لمن تعطيها ولماذا؟

هاديها لصاحبتى سماح ,, هي مش في المنتدى
لكن هي اللى عرفتني عليه بطريقة غريبة شوية
مع انى ماسمعتش كلامها ودخلت ورد إلا بعد سنين من كلامها عليه
ومع ذلك هي مش عضوة فيه
ولأنها يا حبيبتى بتحب الورد جدا جدا جدا
ومافيش حد بيجيبلها ورد
ههههههههههههه


اتمنى أكون ما طولتش عليكو ولو أنى حاسه أنى رغايه بشكل مرعب
شكرا منمن للحوار الممتع
__________________

signature

SaMaR_ BakR غير متواجد حالياً  
12-18-2012, 01:37 PM   #212
نااانو
مراقب عام
Crown5
 
تاريخ التسجيل: Nov 2007
الدولة: مصر - القاهرة
المشاركات: 26,985

سمورة الامورة جدا
والموهوبة جدا جدا
اسعدنى حوارك مع منمونتى الجميلة
وتعرفت عليك بشكل جميل
من اسلوب حوارك الظريف
انسانة حبوبة مرحة طيوبة
بارك الله فيك وفى اولادك وتسعدى بهم
مكانتك كبيرة فى القلب
وسعيدة جدا بمعرفتك
ومرسي حبيبتى على قطعة التورتة الجميلة

وبعد الترحيب بك وقبل القيام من على اجمل كرسى
لى سؤال
نتعامل جميعا مع استاذ محمد ورد كمدير اداره للمنتدى
ولم يصادف معظم اهل ورد للفنون الالتقاء به مباشره
هل صادفتى التعامل المباشر معه بحكم وظيفته
او بحكم انك بورسعيديه
ترى ما هى انطباعاتك عن هذه الشخصيه
التى قدمت لنا ورد للفنون
هذا الصرح الرائع الذى يجمع اجمل قلوب عرفتها
وبدون مجامله او تحيز
__________________

signature

نااانو غير متواجد حالياً  
إضافة رد

مواقع النشر (المفضلة)

الكلمات الدلالية (Tags)
للفنون, الاعتراف, يستضيف, عشاق, ورد, كرسى

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
تجديد كرسي بتقنيه الديكوباج Aidy الاشغال الفنية اليدوية خامات البيئة الطبيعية والمصنعة 7 11-12-2017 08:41 PM
سفره كلاسيك للاصاله عشاق نااانو منتدى الديكور تحف ديكورية ديكورات حديثة غرف مودرن وحدات اضاءة 16 05-02-2011 05:04 AM
كراسى الاعتراف فى ورد للفنون ملاك البستان الحوار العام الموضوعات الانسانيه النقاش الهادف النقد البناء 257 03-28-2011 05:41 PM
أيهما أصعب الاعتراف بالحب ام بالكراهيه ؟ فنانه بالفطره الحوار العام الموضوعات الانسانيه النقاش الهادف النقد البناء 8 06-27-2010 03:55 PM
لوحة ازهار اهداء الى عشاق الجمال ياسين محمد محي الدين منتدى تعليم فن الرسم التصوير اسس التصميم الابتكارى 94 04-27-2010 06:57 PM


الساعة الآن 11:02 PM.


Powered by vBulletin® Version 3.8.9
Copyright ©2000 - 2017, vBulletin Solutions, Inc