منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > منتدى ثقافي موضوعات ثقافية عامة خواطر شعر سيرة شعراء

منتدى ثقافي موضوعات ثقافية عامة خواطر شعر سيرة شعراء منتدى ثقافي موضوعات ثقافية خواطر سيرة شعراء اجمل قصائد

02-04-2016, 02:26 PM   #1
Amany Ezzat
vip
Crown5
 
تاريخ التسجيل: Jan 2014
الدولة: مصر
المشاركات: 6,575
معرض القاهرة الدولي للكتاب

Facebook Twitter Google LinkedIn vkontakte messenger Digg

basmala

السلام عليكم و رحمة الله و بركاته
أهل ورد الغاليين


معرض القاهرة الدولى للكتاب

يقام سنويا فى
أرض المعارض بمدينة نصر ،
وقد كانت البداية الأولى
لمعرض القاهرة الدولى للكتاب
فى عام 1969
فى احتفالية بالعيد الألفى لمدينة القاهرة.
وهدفت إقامة معارض للكتب فى مصر
الى التعريف بالكتاب و الإعلان عنه
وفتح أسواق جديدة أمام الناشرين المصريين ،
وايضا بيع الكتب والمصنفات الفنية والأدبية للجمهور.

ويستهدف المعرض حاليا ، تحقيق فرص
للتبادل الحر للكتاب فى الشرق الأوسط ،
والتعرف على أحدث ما وصل إليه الفكر
والكلمة المطبوعة ، وعقد الاتفاقيات للنشر والتوزيع ،
وتذليل صعوبة تسويق الكتاب

من خلال عقد الاتفاقيات
مثل :
• تبادل حقوق التأليف والنشر والترجمة .
• منح التوكيلات لمنطقة الشرق الاوسط .
• دراسة الوسائل والأساليب التى

تساعد على نشر الثقافة والفكر .

زاد الإقبال الجماهيرى على المعرض
خاصة بعد انتقال المعرض الدولى للكتاب
من أرض المعارض بالجزيرة بوسط العاصمة ،
إلى أرض المعارض الدولية
فى ضاحية مدينة نصر .

ويعد معرض القاهرة الدولى للكتاب
مكانا للالتقاء بين كل الاتجاهات الفكرية الجادة ،

يعد أحد أهم المعارض الدوليـة للكتاب
من حيث عدد الكتب المعروضة .
ويشارك فى المعرض كل عام آلاف الناشرين
الذين ينتمون إلى عشرات الدول العربية والأجنبية
إضافة إلى مشاركة المنظمات العربية والدولية
إلى جانب العديد من
الوزارات والاجهزة الحكومية الاخرى فى مصر
مثل الهيئة العامة للاستعلامات ووزارةالاتصالات وغيرهما .

ويعد معرض القاهرة الدولى للكتاب
مهرجاناً ثقافياً متميزاً وذلك من خلال الأنشطة الثقافية
والفنون المتعددة المصاحبة للمعرض
و هو يمثل نافذة يطل منها الجمهور على
مختلف فنون وعلوم وآداب العالم .
وذلك من خلال
الكتب ، وشرائط الفيديو،
والكاسيت ، وتسجيلات الموسيقى العالمية ،
والوسائل التعليمية ، والحاسبات الآلية ،
ولوحات كبار الفنانين العالميين ،
وأيضا من خلال الندوات ، واللقاءات الفكرية ،
والأمسيات الشعرية ، وقراءات المقهى الثقافى ،
وعروض مخيم الإبداع
التى يشترك فيها كبار المفكرين والأدباء والفنانين
من مصر والبلاد العربية الشقيقة ،
الذين يلتقون برواد المعرض ويكسرون الحواجز
بينهم وبين الجماهير فى حوار ديمقراطى أصيل.

وتحول معرض الكتاب عبر تاريخه إلى
عـرس ثـقافى كبير وعـــيد للثـقــــافة فى مصر
و ساحة للحوار بين المفكر السياسى والأديب
وجمهور المعرض من المثقفين والمواطنين ،
حيث تقام الندوات واللقاءات الفكرية
التى تجمع الأدباء والمفكرين
من مختلف الاتجاهات السياسية والاجتماعية ،
بشكل يمثل حرية الرأى والتعبير
فى أجمل صورها.

و قد افتتح المهندس شريف إسماعيل
رئيس مجلس الوزراء
في يوم الاربعاء 27 يناير 2016 ،

الدورة الــ 47 لمعرض القاهرة الدولي للكتاب،
يرافقه حلمي النمنم وزير الثقافة،
والدكتور جلال سعيد محافظ القاهرة،
والتي تعقد تحت عنوان "الثقافة في المواجهة"
بمشاركة 34 دولة
منها 21 دولة عربية وإفريقية
منها الكويت ، الإمارات ، السعودية ، تونس ،
سلطنة عمان ، فلسطين ، الأردن ، ليبيا ،
اليمن ، السودان ، الصومال ، أثيوبيا ، الجزائر ،
العراق ، المغرب ، سوريا ، لبنان ، قطر ، إرتريا ،
و13 دولة أجنبية منها
إيطاليا ، روسيا ، أذربيجان ، الهند ، ألمانيا ، فرنسا ،
جمهوية التشيك ، اليونان ، جمهورية الصين الشعبية ،
ولأول مرة كازاخستان ، باراجواى.

كما يشارك 850 ناشر
منهم 50 ناشرا أجنبيا
و 250 ناشرا عربيا
و550 ناشرا مصريا ،
بالإضافة إلى 118 كشك بسور الأزبكية.2016

وتقرر أن تكون دولة البحرين
ضيف شرف المعرض هذا العام
وستقدم أنشطة ثقافية وفنية متنوعة تمثل ثقافتها
وتشمل أيضا عروضا لأفلام وثائقية عن تاريخها ،
أما شخصية المعرض في هذه الدورة هو
الكاتب المصري جمال الغيطاني
الذي توفي في أكتوبر 2015 عن 70 عاما
Amany Ezzat متواجد حالياً  
02-04-2016, 02:50 PM   #2
Amany Ezzat
vip
Crown5
 
تاريخ التسجيل: Jan 2014
الدولة: مصر
المشاركات: 6,575

دي كانت نبذة بسيطة عن معرض الكتاب
الحمد لله نلت شرف زيارته
أكثر من مرة في أعوام سابقة
لكن بما أن زيارة معرض الكتاب
مسألة مش سهلة هحاول ألخص التجربة
في نقط بسيطة ممكن تفيد نتيجة لتجربتي و أخرين

فعلا لو أول مرة تزور المعرض هتحتاج تسأل كتير

و بالنسبة للتعديلات لو فيه بتكون بسيطة جدا

نبدأ الجولة

بسم الله



* لازم تدرس مداخل و مخارج المعرض كويس
و إيه انسب مواعيد ممكن تزوره فيها.



*معرض الكتاب ليه 3 منافذ دخول مفتوحة للجمهور
واحد رئيسي ناحية مسجد آل رشدان شغالة طول اليوم



*منفذ صلاح سالم اول ما تطلع من محطة مترو المعرض
لكن أحيان كتير بيقفلوها على الساعة 6



*فيه منفذ كده مجهول ناحية كوبرى الفنجري


*وفيه مدخل 2 في طريق مسجد آل رشدان
دا خاص بدور النشر



*لو هتزور المعرض يوم واحد حاول بقدر الامكان
تبعد عن يوم الخميس والجمعة والسبت والأحد
لأنهم أيام أجازات وكله بيركز عليهم.



*هنركز على بوابة آل رشدان
أول ما بتدخل هتلقى نفسك
وسط صفين خيم العرض المكشوف
هنسميها «طريق الكباش» ودى خطرة ..
احذر ممنوع الاقتراب غير لما تخلص يومك خالص ..



**«طريق الكباش»
فيه مكتبة مدبولي- مكتبة الشروق -المصرية اللبنانية -
دار سما -أطلس -مكتبة تنمية -
وخيمة إيطاليا ودى مليانه كتب أكاديمي وأجنبي
وفي نهايته على يمينك دار الكرمة
وفي الوش هتلقى دار نون..



*أول ما تخلص طريق الكباش
هتلاقى نفسك دخلت تقاطع
خللى دار الكرمة على يمينك ونون على شمالك
وبص قدامك وقول يارب ..
هتمشي خطوتين هتلاقى
منفذ تاني لدار سما على شمالك
دى الناشر الحصري لكتب
د ابراهيم الفقي لو عايز تنمية بشرية
على يمينك هتلقى أكشاك كلها كتب ولعب أطفال
هتتمشي شوية هتلاقى تقاطع جديد
هنسميه السوق الحرة
ودا اللي هنقضي فيه طول اليوم ...
في ضهرك هتلاقى المطاعم لو حابب تريح شوية.

و يفضل تشتري أكلك معاك كأنك طالع رحلة ..


*السوق الحرة
على شمالك هتلقى 3 خيم جنب بعض
خيمة 2 و 3 و 4
وعلى يمينك
المؤسسة الحديثة ودار نهضة مصر
ودار ميريت وأخبار اليوم
ومكتبة الأسرة وهيئة الكتاب.



*الجزء اللى على اليمين دا متسيبهوش
خاصة مكتبة الأسرة وهيئة الكتاب
ومكتبة مصر وميريت والمؤسسة الحديثة.



*في نهاية الصف دا هتلقى خيمة اسمها
المقهى الثقافي
دى طول أيام المعرض بتقدم ندوات
لنجوم فى الأدب والفن



*للأسف فيه أسطورة بتقول إن
خيم 2 و 3 و 4
هى أهم خيم المعرض وكله بيجري عليها
علشان كل دور نشر الشباب تقريبا فيها
والروايات والقصص وكتب الشعر بتاعت الدور الخاصة ..
لو دخلتهم فلوسك هتروح على رويات أصحابك
و دا اللي حصل معايا بالظبط
لأنك وانت ماشي قدام كل دار هتلاقى
كتاب الدار واقفين
بيستقبلوا الزوار وطبعا هتتكسف وهتشتري ..
لكن فيهم دور مهمه لازم تزورها
زى مصر العربية والعين والعربي وأفاق
ومنفذ الهيئة العامة لقصور الثقافة
والمركز القومي للترجمة
واصدرات المركز القومي للبحوث الاجتماعية والجنائية



*لو دخلت أي خيمة من التلاته من ناحية
«طريق السوق الحرة» وخرجت للناحية التانية
هتلقى أرض خضراء وجنينة وقعدة حلوة



*وانت مستمتع بالخضرة بص علي شمالك كده..
أيوة هناك هتلاقى كام خيمة لوحدهم بعيد
هنسميها «الأرض المحرمة»
لأن تقريبا محدش بيقرب منها غير المخضرمين...
الجزء دا فيه خيمة دار الهلال وروزا اليوسف
وأخبار اليوم والأهرام ودار المعارف ..
ابدأ بدار الهلال هتلاقى عدد يخض من روايات
لأسماء كلها عمالقة فى الأدب والرواية
مش هتعدي 5 جنيه بعد الخصم
كمان دار المعارف ركز عليها ..



*لو اديت ضهرك للأرض المحرمة
واتمشيت شوية هتلاقى سلم انزله
هتلاقى طريق فى أوله دار سما على شمالك
وعلى يمينك دار الكرمة ومكتبة ألف.



*طبعا فى ضهرك هتلاقى بوابة صلاح سالم
جنبها هتلاقى مبني ضخم
دا اسمه مبنى هيئة الاستثمار..
لو بتحب الندوات
هتلاقى جواه ست قاعات
بيقدموا ندوات مهمه جدا
وهتلاقى المركز الصحفي لو محتاج تعرف
أى تفاصيل عن المعرض وفعالياته
وفيه مطبوعات مجانية
بتتوزع للتعريف بالمعرض
وكمان هتلاقى نجوم فى الكتابة والأدب والفن
لو حابب تتصور



*هنرجع تاني لمنطقة المطاعم
ناحية «طريق الكباش» و«السوق الحرة»
أيوة هنا ..
لو حابب تتعشى أوطالبة معاك فنجان قهوة ..
المرة دي مش هتدخل السوق الحرة اللى فيها
على الشمال خيم 2 و 3 و4
وعلى اليمين مكتبة الأسرة والأخبار والهيئة وميريت .



*هنكمل على طول لو المطاعم على يمينك
هتلقى مجموعة مخيمات جديدة أول سنة في المعرض
الهيئة مقسماها طريق على الجنبين مخيمات
لدور النشر هنسميه «طريق الكباش 2»
وغالبا هتلقوا فيه مجموعة عصير الكتب
لوعايز روايات
البيست سيلر والشباب وأدب الرعب والخيال العلمي.



* خلى «طريق الكباش 2 » دا فى ضهرك
هتلاقى خيمة «ألمانيا أ»
وامتدادها خيمة «المانيا ب»
آخرهم هتلاقى سور الأزبكية
وعلى يمينهم هتلاقى صاله 19 وصالة 18
وعلى الشمال هتلاقى طريق فيه كل دور النشر الاسلامية



*ألمانيا أ و ب وصالة 19
دى أماكن تواجد دور النشر العربية ..
الساقي والجمل والتنوير والانتشار ونوفل
وهتلاقى هناك ما لذ وطاب
لكن دى دور صفوة المجتمع ...
يعني بلاش تقرب من هناك اللهم بلغت.



*لكن دا لا يمنع إن القاعات العربية مهمة جدا
لأى حد أكاديمي بيعمل دراسات عليا



*فيه منفذ بيع لمكتبة الأسرة في صالة 19
لو انت عاوز تهرب من
زحمة قاعة مكتبة الأسرة
فى العرض المكشوف فى المنطقة اللى سميناها السوق الحرة ..
وفيه كمان مطبوعات الكويت
وهتلقى سلسلة عالم المعرفة بسعر رخيص جدا ..



*صالة 18 دى لكتب التراث والكتب الدينية.


*في وش سور الأذبكية في أكشاك
منها كشك لهيئة الكتاب
بيبيع الكتاب بجنيه مهما كان ضخم أو مهم ..
وجنبه كشك اسمه دار مركز الحضارة، كتبها رخيصة
وجنبهم هتلاقي منفذ لدار دون
وفي نفس المحور هتلاقي
منافذ دور نشر كتب الاقباط.



*لو عايز كتب مترجمة فيه المركز القومي للترجمة
فى صالة 2 أو 3
وفيه سلسلة الجوائز اللى بتصدر عن
هيئة الكتاب وفيه دار العربي للنشر فى صالة 4



*لو عايز أدب رعب وخيال علمي
فيه دار نون في وش طريق الكباش
ودار عصير الكتب فى خيمة 2
وهتلقوها فى منطقة الكباش 2
وريح نفسك من اللف ودى عند بوابة صلاح سالم ..



*الناس اللي غاوية كتب الترث والكتب الدينية
والناس اللى بتعمل شغل أكاديمي
ومحتاجه مصادر ومراجع
والناس اللى مدمنة روايات عربية
والناس اللى ما بتروحش غير سور الأزبكية



**سور الأذبكية
ما تطلبش من البائع كتابا بعينه،
لأنه ممكن يستغل حاجتك للكتاب ويرفع السعر.
في السور كتب للعرض وأخرى في داخل المكتبة،
ما تشتريش من أول مكتبة تدخلها،
لأنك ممكن تشتري كتابا بعشرة جنيهات
وتلاقيه في مكتبة تانية بجنيه واحد.
لو وصلت لمكتبة أسعارها مناسبة متسيبهاش.
Amany Ezzat متواجد حالياً  
02-04-2016, 03:00 PM   #3
Amany Ezzat
vip
Crown5
 
تاريخ التسجيل: Jan 2014
الدولة: مصر
المشاركات: 6,575

عرضنا نبذة عن المعرض

و كمان معلومات تفيدنا في الزيارة

لكن المهم



القراءة مش أدب وبس أصناف المعرفة والعلوم كتير
يعني ما تضيعش فلوسك كلها على الروايات
وتفتكر نفسك هتبقى مثقف لو خلصتهم ..
كمان مش أى رواية تشتريها تبقى رواية ..
فيه حالة من ضعف الذوق العام للأسف

وصلت للأدب خد بالك كويس

**ازاي تقرر وتشتري كتاب مناسب؟
* الروايات والشعر والادب ترجع لذوقك الشخصي
انما باقي انواع الكتب وخصوصا الكتب العلمية
والتنمية البشرية وغيرها بترجع لكام معيار ..
انت بتتصفح الكتب في دقيقة او اتنين
وبتاخد قرار بعدها تشتريه ولا لأ ...

* عنوان الكتاب ..
أكيد هيدلك لكن احذر جدا من العناوين البراقة
خصوصا في كتب التنمية الذاتية ...

ومتمشيش ورا كلمة "اكثر الكتب مبيعاً"
لانها بفرض صدقها فممكن يكون
اكتر الكتب مبيعاً في الجيزة مثلا

* دار النشر ..
استحاله كتاب لدار نشر تحت السلم
يبقي بجودة كتب
الشروق العبيكان او دار جرير
او بن راشد ال مكتوم مثلا ..
مش جودة اخراج وبس ..
انما جودة المادة نفسها
ودا واضح خصوصا في الكتب المترجمة ...

* اسم المؤلف ..
دا عامل مهم جدا ..
انت لقيت كتاب مهم ودار نشر محترمة ..
ناقص المؤلف فلو فيه اكتر من كتاب
اختر اكتر مؤلف بتثق فيه او سمعت عنه ..

* سنة النشر والطبعة
مهم خصوصا في الكتب العلمية والكمبيوتر ...
فدايما اشتري احدث طبعة ..

باقي اجراءات تصفح الكتاب ..
*غلاف الكتاب ..
بص عليه هتعرف معلومات مهمة عن الكاتب والكتاب

* الفهرس ...
دا مهم ممكن عندك كتاب لنفس الموضوع ..
فتشوف في الفهرس هل فيه جديد ولا لأ ..


أخيرا
الشيء الوحيد الذي ندفع فيه المال
دون تردد هو الكتاب
فهو ليس مجرد
حبر و ورق و إخراج جيد
بل هو فكر
هو كائن حي
هو نتاج شخص
قرأ كثيرا
لخص
ابتكر
حلل
قارن
راجع
تعب
ربما لشهور وربما لسنوات.



طيب الله أوقاتكم

تحياتي
__________________

signature

Amany Ezzat متواجد حالياً  
02-04-2016, 03:37 PM   #4
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,421

ربنا يكرمك ويبارك فيك يا اماني
طريقه جميله قوي وسهله ومريحه
لرحله امنه وهاديه داخل معرض الكتاب
تسلمي حبيبتي وربنا يجعله في ميزان حسناتك
ونتقابل فيه مع هاله وناهد وسمر باذن الله
شكرا يا احلي اماني
__________________

signature

منى سامى غير متواجد حالياً  
إضافة رد

مواقع النشر (المفضلة)

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
القاهرة 104 برؤية الكاتبة ضحى عاصى منى سامى منتدى ادبي موضوعات ادبية سيرة الادباء قصة قصيرة 5 10-12-2016 11:20 PM
محطات مترو انفاق القاهرة والاماكن القريبة منها هند الحوار العام الموضوعات الانسانيه النقاش الهادف النقد البناء 5 03-06-2016 09:12 PM
نبذة تاريخية عن اسوار القاهرة وابوابها محمد فاروق منتدى تاريخ و جغرافية دول العالم و تقاليد الشعوب 14 02-17-2013 10:11 AM
سجل حضورك اليومي بحكمة moondream2009 الحوار العام الموضوعات الانسانيه النقاش الهادف النقد البناء 106 05-23-2011 11:26 PM
كتاب القاهرة اكثر من 1000 عام فهد الاسلام منتدى تاريخ و جغرافية دول العالم و تقاليد الشعوب 4 04-14-2008 04:40 PM


الساعة الآن 12:33 AM.


Powered by vBulletin® Version 3.8.9
Copyright ©2000 - 2017, vBulletin Solutions, Inc