منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > الحوار العام الموضوعات الانسانيه النقاش الهادف النقد البناء

الحوار العام الموضوعات الانسانيه النقاش الهادف النقد البناء منتدى الحوار العام , النقاش الهادف و البناء للموضوعات الانسانية بما يتوافق مع المبدأ القائل : انت حر ما لم تضر

12-01-2015, 09:38 PM   #9
SaMaR_ BakR
شريك محترف
stars-2-8
 
تاريخ التسجيل: Nov 2007
الدولة: cairo
المشاركات: 3,482

Facebook Twitter Google LinkedIn vkontakte messenger Digg
انت مشكلة يا هنودة
ردك دايما بيعمل حاله من النقاش بينى وبين نفسي على الاقل
سيبك من الشكر والانبساط باليوميات وخلينا فى التساؤل ده

((بس بجد نفسي اقول حاجه
بنلوم البلد والمسئولين على كل تقصير
لكن هل كل واحد فينا عمل اللى عليه
هل الصغير ادى دوره بضمير و اخلاص
عشان يستعجب من قلة ضمير واخلاص اللى اكبر منه
لو كل واحد بدأ بإصلاح نفسه واتقان عمله
يمكن يجى يوم وحالنا يتصلح
يا رب))


كلام صحيح ميه الميه
ودعوات ان كل واحد يتقن عمله هاينصلح حال البلد
من صميم اساس اعتدال كفة الحياه
وكمان من صحيح اصول الدين

من خلال عملى السابق
ثم العودة للعمل من جديد
احب اقولك نسبة ضئيلة
اللى بتراعى ضميرها فى عملها وتتقنه
واى حد سواء بيراعى ضميره او لا
لا يمكن يسكت على تقصر غيره
يمووت لو جتله فرصة ان يسلخه وما يسنش السكين
ويدور كمان على مقتله
ودى شوفتهاااا كتير

لكن اتمنى كلنا نتقى الله
ونتقى غضبه
ويرزقنا الاخلاص فى العمل
لاتقان العمل لذه ... تفوق لذه الشكر على هذا الاتقان
اللهم لا تحرمنا هذه المتعة واياكم هنود
شكرا لك
__________________

signature

SaMaR_ BakR غير متواجد حالياً  
12-01-2015, 09:45 PM   #10
SaMaR_ BakR
شريك محترف
stars-2-8
 
تاريخ التسجيل: Nov 2007
الدولة: cairo
المشاركات: 3,482

حبيبتى امانى عزت

على غرار يوميات نائب فى الارياف
امنيه بعيدة المنال
لا يطال يومياتى منها سوى حرف الجر( فى)
ههه ...انا فين والارياف فين ؟
ههههههه
بالنسبة للاوجاع لا تقلقى
هاسقيكم السم فى العسل
وفى السريع ... لن تتالموا
لانكم جميعا اكثر دراية منى بالواقع
وتشاركونى الانين منه

فى الصباح يوميه جديدة
اتمنى تكون خفيفة
لا تثير للشجون

شكرا لكم جميعا مشاركتكم وتشجيعكم
__________________

signature

SaMaR_ BakR غير متواجد حالياً  
12-02-2015, 08:26 AM   #11
SaMaR_ BakR
شريك محترف
stars-2-8
 
تاريخ التسجيل: Nov 2007
الدولة: cairo
المشاركات: 3,482

صباح سعيد عليكم

يومية جديدة بعنوان (( انا وسواق الميكروباص ))
تحذير :
اليومية دى فيها تييييييت واللى بيحافظ على عنيه وودانه
ما يقرااااش .... ادينى حذرت


تملى الصبح بدري
آخد عيالى وشنطتى وشنطهم واجري
اجوب جنبات المعادى والبساتين وصقر قريش
مشوار توصيل الولاد الصبح حاجه كده لوز لوز لوز

الصبح والناس نازلة شغلها
اللى بيسوق وهو لسه نايم

واللى متاخر وفى قمة العصبية

واللى زىى كده ... سايقة
وولادها قاعدين ورا عاملين حرب عالمية
على الشباك و شنطة اخوه اللى مضايقاه
واخوه شخصيا اللى مش طايق وجوده فى العربية
لدرجة ان كل واحد يقولى وصلي التانى الاول

كل دول بقه كووم
وسواقين الميكروباص دول كوم تانى خالص

اولا هما شايفين نفسهم عفاريت الاسفلت
وكووووووول اللى سايقين اى كانت نوع العربية - بهايم بس -
العداوة بينهم وبين سائقي العربات فى الطريق تتدرج كالتالى
من الاشد عداوة الى الاقل عداوة

العربية الملاكى اللى سايقاها ست
انطباعه عنها (الله يخربيت اللى سوقهالك ))

التوكتوك
انطباعه عنه( صرصار الطريق ولازم يضرب بالشبشب))

العربية الملاكى اللى سايقها راجل
انطباعه (( اكيد امك اللى جايبهالك ))
ولو امه ميته (( انت راجل كبير وعيب اهزأك ))

النقل الخفيف
انطباعه (( بصه قرف وينفخ دخان السيجارة بامتعاض شديد ))

سواقين التاكس
انطباعه (حمار وبياخد فى التوصيلة آد كده
وزاحملنا الدنيا على الفاضي ))

الميكروباصات التانيين
على حسب بقه لو مش نفس الخط
ممكن يسمحله يعدى قدامه
واحتمال يرفعله ايده علشان يقوله شكرا

مافيش مانع يوقفله الطريق وراه
وهو راكن جنبه فى نص الطريق
علشان يفكله جنيه اربع تربع

لكن لو نفس الخط
ممكن تتفرجوا على سباق ميكروباصي مجانا
يتضمن لم غرز بالعبيط يمينا ويسارا
واثناء ذلك انسي انسي ان حد فيهم يبطل كلكسات
ولا تلكسات ؟ ... انا مش عارفه اسمها ايه
بس الكلكسات لسواق الميكروباص (اسلوب حياه)
ممكن ما يركبش ناس ولا ياخد اجره
بس ما يقدرش يعيش من غير صوت الكلكس
هو تقريبا ضغطته على الكلاكس دى اللى بتمشي العربية

عاوزة اقول ان لو الشارع فاضي قدامه
بيضرب الكلاكس ده ... يمكن
احتمال ...
يعنى بالمرة ...
Just in case ....
يعنى اهو اسلي نفسي بدل ما امشي ساكت
يعنى وليه لا

اول ما سقت العربية
كنت ببعد عنهم بالمشوار
لانى بتنرفز جدا من صوت الكلاكسات المستمرة
كان ممكن اركن على جنب علشان اللى ورايا ده يعدى
واخلص منه
وبعدين غاظتنى طريقتهم فى تقفيل الطريق على الناس
وتعاملهم على انهم ملاك الطريق
بالاضافة الى ... ما بيخلصوش ..
تخلصي من واحد يجيلك اربعه

قلبي جمد شوية فى السواقة
والعربية اصلا متخرشمة
فامعدش بيهمنى
ساعات احب اجرب هاعرف اقفل عليه الطريق ولا ﻻ
واحب جدا اشوف ردود فعلهم
لا تخلوا من كلكسات عصبية تحمل معانى سب وقذف
وتشويح بالايد
وساعات وهو سايق بيخرج من شباك العربية
بايديه وراسه علشان يعبر عن اعتراضه
على تجرأى- كاكتر سائق ما بيعرفش يسوق فى الدنيا -
تجرأى انى اعمل اللى بيعملوا كل دقيقة
ساعتها ببقى هانام على قفايا من كتر الضحك

تلاقى الواحد من دول ماشي فى الحارة اليمين
تتجرا الحارة اللى فى النص تمشي اكتر من اليمين
تلاقى كسر عليكى
ودخل ببوز العربية بينك وبين اللى قدامك
وبعدين يخرج رجله-اقصد ايديه- من الشباك معتذرا او بيشكرك
او حركه عصبيه لا يقصد منها اى شئ
واللى عندك اعمليه .....

وبعدين لغتهم بقه ..
حرف الشين اللى حشرينه فى كل كلمة
مرة واحد منهم بيقولى (( هاتشخبطشتينى كده))
الترجمة :هاتخبط ينى كده
علما بانه جه من ورايا ودخل يعدى منى من على اليمين
بينى وبين عربية راكنه اصلا
وزعل منى مش علشان ملت عليه يمين
لا ... علشان مشيت فى طريقي وما وقغتش مكانى
علشان حضرته يعدى ...

ساعتها وانا هاموووت من الضحك
قلتله ...انت اللى هاتشخبط نفسك
حرف الشين عجبنى اوىىى فى وسط الكلام
هابقى استخدمه كتير

طلع مؤدب ورد عليا بالكلكسات بس
هاتعلم اللغة دى كمان بتبقى اسرع فى الشتيمة


المهم بعد ما بوصل الولاد
و اوصل المدرسة
بطلع بقه حصة كاملة استغفر على كمية الذنوب
اللى بعملها تريقة وتيييت كتير على سواقين الميكروباص

ما يمنعش ...
ان فى منهم عدد قليل جدا
شباب محترم ومهذبين
ربنا يكترهم

اتصبحوا واتمسوا بالخير
__________________

signature

SaMaR_ BakR غير متواجد حالياً  
12-02-2015, 10:32 AM   #12
هالة
مراقب عام
Crown5
 
تاريخ التسجيل: Jun 2007
الدولة: القاهرة - الاسكندرية
المشاركات: 26,208

صباح الفل مساء الهنا
منور يا جميل
ههههههههههه
يومية جديدة من يوميات
فنانة في قاهرة المعز
اسأليني عن ميكروباصات صقر
او بمعنى اخر " ميكروباصات فقر "
هي اولا مش ميكروباصات عادية
دي اصلا قطع خردة لحموها مع بعض
عملت ما يُشبه العربية
اما بالنسبة للسواقين فحدث ولا حرج
" شبيحة " ماشي عواطليه ماشي
اي صنف غير انه يكون سواق
ومعاه رخصة او حتى .....
طل " بوشه " في مدرسة تعليم سواقة
السواقة واخدِنها عافية واللي مش عاجبه
مينزلش الشارع اصلا
اما ثقافة " الكلاكس "
فدي حاجة كده زي " اللازمة "
يعني زي ابو " لثغة "
مش بيعرف يتكلم من غيرها
فسواق الميكروباص في كافة المناطق
بيحب يسلي نفسه ويسلي الركاب بالمرة

الله يعينك ويعينََّا على الدنيا كلها
ويهون علينا العيشة في
قاهرة المعز

في انتظار يومياتك الجميلة
تسلم حروفك حبيبة قلبي
__________________

signature

هالة غير متواجد حالياً  
إضافة رد

مواقع النشر (المفضلة)

الكلمات الدلالية (Tags)
مصر, يوميات, فنانة, قاهرة

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
يوميات ست بيت صائمه هالة منتدى ادبي موضوعات ادبية سيرة الادباء قصة قصيرة 53 07-06-2015 08:44 PM
يوميات رجل متزوج مسكين السيلاوي رسومات ساخرة كاريكاتير فنان الكاريكاتير السياسى 23 09-11-2013 11:29 PM
مدينة عكا قاهرة نابليون الزهرة البرية منتدى تاريخ و جغرافية دول العالم و تقاليد الشعوب 4 01-04-2013 06:57 PM
يوميات مواطن مطحون4 أبو وئام منتدى ثقافي موضوعات ثقافية عامة خواطر شعر سيرة شعراء 12 03-02-2011 06:19 PM
يوميات مواطن مطحون3 أبو وئام منتدى ثقافي موضوعات ثقافية عامة خواطر شعر سيرة شعراء 8 02-21-2011 06:30 PM


الساعة الآن 07:26 PM.


Powered by vBulletin® Version 3.8.9
Copyright ©2000 - 2017, vBulletin Solutions, Inc