منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > الحوار العام الموضوعات الانسانيه النقاش الهادف النقد البناء

الحوار العام الموضوعات الانسانيه النقاش الهادف النقد البناء منتدى الحوار العام , النقاش الهادف و البناء للموضوعات الانسانية بما يتوافق مع المبدأ القائل : انت حر ما لم تضر

11-13-2015, 06:39 AM   #1
SaMaR_ BakR
شريك محترف
stars-2-8
 
تاريخ التسجيل: Nov 2007
الدولة: cairo
المشاركات: 3,482
يوميات فنانة فى قاهرة مصر

Facebook Twitter Google LinkedIn vkontakte messenger Digg

basmala

منذ فترة وعدت اصدقائى بمشاركتهم
(( يوميات مدرسة فى القاهرة ))

وبالفعل كتبت كتير
فى ضهر كشكول تحضيري
وفى مذكرات التليفون
وعلى ضهر روشته دكتور اطفال بيعالج ابنى
وفي ورق فواتير كتيرة مرمية فى شانون العربية

لما حبيت اجمعها ... لاقيت انى متجهة فيها
اتجاه ساخر بشده من حال البلد
واقع نعيشه كلنا فى مصر ان الحال يحتاج اصلاح
الحقيقة اليوميات تلاته ارباعها ((تييييييييت))
هههههههه

كتابات وخواطر وسرد لمواقف تحدث يوميا
بتضحك جدا ..... لكن بعد الضحك الكتير
تحزن حزن شديد وتدخل فى حالة التعبير عن الاسوأ
لانك عايشه ... بس متعايش معاه
مش عاوز حد يضغط على زرار التعبير عندك

ومن مبدأ المشرحة مش ناقصة قتله
قررت آجلها او اقننها ...
يعنى استنى لما يحصل حاجه كويسة

اكتبها ... تفرحوا ..
ارزعكوا حاجه كئيبة تزهقوا ..
ابقى حققت الهدف من توازن الشخصية
اللى المفروض يتحقق داخل كل واحد فينا

وافتكرت مسرحية الجوكر للجميل محمد صبحى
((فيتكلكع زيااااده .. يتعقد زياااادة ))


(( اليومية الاولى ))
قررت النهاردة اشارككم بحاجه مختلفة
حاجه فعلا بتخاطب فينا جانب لسه فيه امل

القريبين منى يعرفوا انى بدأت من تانى امارس مهنة
التربية عن طريق الفن .... ليتنى افلح
الترجمة : مدرسة رسم يعنى .. زى ما كتير بيقولوا

والحمد لله ربنا وفقنى واختارولى صدفة
مش علشان انا قيمة فنية
يمكن الاستفادة منها ولا حاجه
اختارولى مدرسة تجريبي اسمها صقر قريش

من اسبوع جه الوزير بتاعنا -وزير التربية والتعليم-
والمحافظ وحبة ناس ببدل وكرافتات كتييييير
وكدابين زفه بالهبل
والمدرسة اتشدت اسبوعين قبل الزيارة المفاجئه دى
اللى محدش كان عامل حسابها خالص........!!!

بس ستر ربنا فى ناس جم رصفوا الشارع ودهنوا الرصيف
عماويد النور اللى على جانب الطريق الرئيسي قدام المدرسة
المواطنين الشرفاء علقوا على كل عمود علم رائع ونضيف
ولا الشمس مأثرة عليه ولا المطر ممطر فوقية

وفى حد كده من الوزارة مكنش يعرف خالص اى حاجه
جه اهدى المدرسة مجموعة كبيرة من حاملات الاعلام
ومجموعة كبيرة من قصاري الزرع الخضرا
واعلام مصر الكبيرة انتشرت فى المدرسة
واللون الاخضر انتشر فى المرسة بطريقة منظمة وجميلة

الغريب ان الاعلام وقصاري الزرع دى
بقت انفزبل ( غير متوفره ) بعد الزيارة
الظاهر انها كانت اهداء لمدة ساعة ونص بس
وعرفت ان الزيارة دى بسبب افتتاح مبنى جديد بالمدرسة
باسم ((طه همام ))
مجهز ومعد بشكل ادمى لاستقبال طلاب كى جى وابتدائى

فى وسط القرف ده
اقصد المظهر الحضاري ده
لفت انتباهى بين الحاضرين
سيدة هاديه شيك محتفى بيها جدا
هى اللى قصت الشريط الستان الاحمر ابو فيونكة
بمقص كبير على صينيه متذوقة


يوميات فنانة فى قاهرة مصر

لاقيت الطلاب بيجروا عليها عاوزين يتصوروا معاها
وواضح انها معروفة وسط الطلاب وكمان محبوبة اووى
لان ولاد كبار وصغيريين جريوا عليها
وهى استقبلتهم حلو جدا
واتصورت معاهم لحد ماااا استكفوا تصوير
((السلفي ونا ادراااااك ما السلفي .... ))


يوميات فنانة فى قاهرة مصر

يوميات فنانة فى قاهرة مصر

يوميات فنانة فى قاهرة مصر

لما سالت مين دى ...
قالولى دى الدكتورة ((رجاء المنصورى ))
اللى تكفلت ببناء المبنى الجديد وتجديد كل مبانى المدرسة
وتجهيز المعامل بكل ما تحتاجه
والموضوع ده يتكلف ملايين

وعرفت انها والدة الشاب المتوفى (( طه همام ))


يوميات فنانة فى قاهرة مصر

اللهم ارحمه واغفرله ووسع قبره مد بصره
وجازيه وجازى والدته بثواب علم ينتفع به

الحقيقة انا ما اعرفش اى حاجه عن ظروف وفاة الشاب ده

لكن من كل قلبي بدعيله بالرحمه فى كل لحظة
بشوف تاثير مشاركه اسرته فى تجهيز المدرسة

فى كل مرة بشوف الدكتورة رجاء وسط الولاد
وبين المدرسين بتسالهم محتاجين ايه ؟

فى طريقة كلامها مع المدرسين وهى بتقولهم :

((كل اللى انا اتعمل مالوش قيمة من غيركم
انا بس بحاول اوفرلكم بيئه مناسبه
تطلعوا فيها احسن ما عندكم ))

من خلال نافذة ورد للفنون
ادعوكم للدعاء بالرحمة للشاب المتوفى -رحمه الله-
ولكل مصري ومصرية بيحاولوا يفيدوا البلد
بالكتير او بالقليل ...
مش مهم .. المهم انهم بيحاولوا

اتمسوا واتصبحوا بالعافية ... الى لقاء جديد
__________________

signature

SaMaR_ BakR غير متواجد حالياً  
11-13-2015, 01:01 PM   #2
moh004
vip
star6
 
تاريخ التسجيل: Jun 2007
الدولة: مصر - بورسعيد
المشاركات: 5,313

مراقب ورد للفنون الغاليه سمر

استمتعت بقراة اليومية الاولى
كونها تسرد واقع مأساوى لايخفى على احد
اذ يحضرنى الان الفيديو الذى تم عرضه
على اليوتيوب ويظهر فيه رئيس الوزراء السابق
ابراهيم محلب اثناء زيارته المفاجئه
ايضا لاحد مدارس مصر وسأل التلاميذ
بذكاء منقطع النظير ( الزياره دى مفاجئة
كنتم تعرفوا يا اولاد ان انا جاي النهارده ... ؟
فاجاب جميع التلاميذ بشكل جماعى وبصوت مرتفع
( ايوه نعرف ان حضرتك جاى النهارده )
ولا اقول الا عمار يا مصر فقد اصبح التمثيل
والكذب والخداع علنى يصوره الاعلام مباشر
ثم يعيد تأويله وفقا لرؤية النظام
اذا كان ابيض واسود او ملونا
وغالبا هذه هى الكوميديا السوداء
طالما رفعنا شعار ( تحيا نصب )
على كل الاحوال ما يهمنا فى خواطرك
الجانب الانسانى الذى يتحقق
فى قدوم هذه السيده فى احتفاليه
تغيير اسم المدرسة بالكامل
من مدرسة صقر قريش سابقا
الى مدرسة الشهيد طه همام حاليا
الذى ندعو له بالرحمه والمغفرة
وننتظر يوميات جديدة من فنانة
فى قاهرة مصر التى اتمنى ان تصبح
فى عهدها الجديد قاهرة الفساد والنفاق
والرياء وتأويل حقائق تراها العيون
ويصر الجهلاء من كدابين الزفة الوهمية
ان تطمس الحقائق وتغيب العقول

شكرا لكِ

__________________

signature

moh004 متواجد حالياً  
11-13-2015, 03:39 PM   #3
هالة
مراقب عام
Crown5
 
تاريخ التسجيل: Jun 2007
الدولة: القاهرة - الاسكندرية
المشاركات: 26,200

اهلا بك في قاهرة المعز
او قاهرة اهلها
يوميات شيقة واعتقد انها
حتكون بداية لمغامرات اكثر تشويقا
جربت اكون مُدرسة في
مدرسة حكومية لا لغات ولا يحزنون
وعشت فيها يوميات المُدرسة
اللي حكمت عليها القوى " الخاملة "
انها تدرس بالغصب يعني
لا هي مُدرسة ولا تفقه شيء في التدريس

اكيد يوميات تحفل بالكثير
وننتظر منك المزيد
لنعيش واقع محسوس وملموس
من خلال تجربتك من على شاطئ
اخر لا يعيش عليه اولياء الامور

على فكرة تكلفة المبنى الجديد
3 مليون جنيه مصري
والغريبة اني ملقتش اي نبذة
ولو بسيطة عن الشهيد
طه همام
رحمة الله عليه
وعلى كل شهدائنا الذين رحلوا
وبقى حقهم في ذمة الله

اما بالنسبة للاستعدادات
فدي حاجة بيستلفوها وقت الزنقة
وبعدها بيستردها اصحابها
كويس انه مزرعوش شجر
ولا رصفوا الارض بسجاد يشبه البازلت
هههههههههههههه
__________________

signature

هالة غير متواجد حالياً  
11-13-2015, 04:10 PM   #4
نااانو
مراقب عام
Crown5
 
تاريخ التسجيل: Nov 2007
الدولة: مصر - القاهرة
المشاركات: 26,962

حبيبتى ياسمورة معكِ فى يومياتك
منها الكوميدى واسلوبك الساخر
ومنها التراجيديا الواقعية
اهلا بكِ وباول يوميات ميس سمر
رحمة الله على الطالب
ربنا يبارك فى والدته ويصبرها على فراقه
ويعطى لها القوة لتنفيذ اعمالها الخيرية
والاستفادة منها
متابعين معكى سمورة الامورة
__________________

signature

نااانو متواجد حالياً  
إضافة رد

مواقع النشر (المفضلة)

الكلمات الدلالية (Tags)
مصر, يوميات, فنانة, قاهرة

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
يوميات ست بيت صائمه هالة منتدى ادبي موضوعات ادبية سيرة الادباء قصة قصيرة 53 07-06-2015 08:44 PM
يوميات رجل متزوج مسكين السيلاوي رسومات ساخرة كاريكاتير فنان الكاريكاتير السياسى 23 09-11-2013 11:29 PM
مدينة عكا قاهرة نابليون الزهرة البرية منتدى تاريخ و جغرافية دول العالم و تقاليد الشعوب 4 01-04-2013 06:57 PM
يوميات مواطن مطحون4 أبو وئام منتدى ثقافي موضوعات ثقافية عامة خواطر شعر سيرة شعراء 12 03-02-2011 06:19 PM
يوميات مواطن مطحون3 أبو وئام منتدى ثقافي موضوعات ثقافية عامة خواطر شعر سيرة شعراء 8 02-21-2011 06:30 PM


الساعة الآن 05:19 PM.


Powered by vBulletin® Version 3.8.9
Copyright ©2000 - 2017, vBulletin Solutions, Inc