منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > منتدى التهاني الترحيب فى الاعياد المناسبات العامة الخاصة

منتدى التهاني الترحيب فى الاعياد المناسبات العامة الخاصة منتدى التهاني الترحيب فى الاعياد المناسبات العامة الخاصة الاعضاء الجدد في حال طلبهم ذلك

11-08-2014, 08:49 PM   #5
SaMaR_ BakR
شريك محترف
stars-2-8
 
تاريخ التسجيل: Nov 2007
الدولة: cairo
المشاركات: 3,482

Facebook Twitter Google LinkedIn vkontakte messenger Digg
انا جاية امارس مهام وظيفتى الجديدة
واحكيلكم حدوتة...على الله تناموا

كان ياما كان....
فى يوم من ايام السبت
اللى هى اجازة الباشمهندسين ولادى

قررت اروح انا والولاد حديقة الحيوان نتحدق
وفعلا رحنا ... وكان يوم ظريف جدا جدا

واحنا بقه فى بيت الاسد
لاقيت منمن بتكلمنى وده عادى جدا
فالاسد بيسمح باجراء مكالمات هاتفية فى بيته العامر

لانه غالبا بيكون مشغول
لاما فى حته عظم من غير لحمة
لاما بيكون مشغول فى ناس عجيبة
واقفين يتفرجوا عليه وهما فرجة اصلا

المهم رديت وبعد سلامات واحضان قدام الاسد
سالتنى منمن هو انت بره البيت ؟
قلت اه انا فى zoo.. كل واحد وعلامه بقه
قالتلى اه اصل انا بدخل على المنتدى ما بيفتحش ..
ان ان اااان تش
اتخضيت واستغربت قلتلها طيب اكلم استاذ محمد اقوله
قالتلى لا ماتكلميش حد
انا كنت عاوزاكى تجربي من عندك
قلتلها ممكن افتح من الموبيل
فالسمارت فون فى يد الجميع ...

فتحت المنتدى والشيطان هيئلى بقه
ياترى حد هاك على المنتدى
اكيد لا يمكن ... ده استاذ محمد
معلقلهم مشنقة على الباب
اللى يدخل بيعلقه

كلمتها قلتلها المنتدى فتح
هو فى ايقونات اول مرة اشوفها
بس بيفتح ودخلت على منتدى النحت وفتح برده

الست ضغطت على سنانها
من احساسها بغبائي -وعندها حق بصراحة -
وقالتلى طيب شوفى منتدى التهانى بيطلعلى صفحة سودا
قلتلها طيب اشوفه واكلمك

عند هذا الحد بقه
الاسد طردنى الحقيقة
لان هو كمان حس بكم غباء بشع ناضح على وشي
طبعا انا ماحاولتش اناقش الاسد خالص

قلت المهم افتح المنتدى واطمن عليه
المهم فتحت منتدى التهانى
وقلت لما افتح كده اى موضوع اشوف هايطلعلى لون ايه

المهم فتحت الموضوع اللى انا برد فيه ده
لانه كان اول موضوع على وش القفص

واللى منمن كانت عامله عليا الشو ده كله
علشان اتفاجئ وتفرحنى

بس عينى جت على اسمى باللون الاحمر كده
وبصيت فى السما افتكر كده .....
وقلت عيد ميلادى عدا وعيد ميلاد العيال عدا
عيد الكحك واللحمة عدو وعيد الحب عدا
وعيد جوازى لسه عليه 3 ايام
ومحدش يعرف تاريخه اصلا
ولا حتى جوزى ... ههههههه

وبعدين قلت لا انا اقرا واشوف ايه القصة
يمكن تكون سمر تانية ولا حاجة

وعرفت المفاجأة وفرحت فعلا
انا بقيت مشرفة
ل احد اكتر الاقسام المهمة فى حياتى

بالنسبة للناس
اللى بتعمل موضوعات فى القسم ده من غير ما تدفع
انسوا ... ابسلوتلى
كل موضوع له تعريفة نشر بعد كده
جتلكو مشرفة اعوذ بالله
ومش هاتعمر اصلا
هى اخرها الجملتين اللى فاتو دول
والمرة دى هايطردها اسد تانى
ههههههه

الحقيقة هى ثقة غاليه وضعها فى رقبتى استاذى الغالى
ومضى عليها شهود مراقبى ورد الغالين
اتمنى اكون اكبر منها مش قدها وبس

اشكرك جدا منى لمحاولاتك المستميتة
انك تفهمينى انى اترقيت مت من الضحك فعلا
شكرا لكل من شارك بالرد والتهنئة
فتهنئتكم على راسي
لن اذكر احدا بالاسم
لان شكرى ممتد لمن سيرد مستقبلا

الف الف الف مبروك
هند هناء علا الاسلام امانى عزت
تستحقونها عن جدارة

شكرا لمحبي ورد للفنون

دمتم طيبين
__________________

signature

SaMaR_ BakR غير متواجد حالياً  
11-09-2014, 06:43 AM   #6
امل نيازى
vip
Crown5
 
تاريخ التسجيل: Jul 2007
الدولة: مصر - الاسكندرية
المشاركات: 19,885

اجمل التهانى للغاليات

سمر

عناد الجروح

هند

علا الاسلام

امانى عزت

لكل منكن عبيرحضور رائع
باجمل الموضوعات العلميه والثقافيه والفنيه

واجمل افاده يتلقاها احباب ورد للفنون


الف مبروك حبيباتى
جزاكن الله خيرا لعطائكن الجميل

اجمل الامنيات بالمزيد من التالق

مشرفه جديده وشخصيات مهمه فى ورد للفنون
__________________

signature

امل نيازى غير متواجد حالياً  
11-09-2014, 07:53 AM   #7
هالة
مراقب عام
Crown5
 
تاريخ التسجيل: Jun 2007
الدولة: القاهرة - الاسكندرية
المشاركات: 26,202

صباح الفل والاخبار المليون فل
للاسف عرفت متأخر اصل انا
في مهمة انتحارية انسانية بحتة
هههههههههههههههه
وكنت في اشد الاحتياج
لخبر حلو زي ده
احمدك يا رب اني عرفت اتسلل
لجهاز جوزي في غفلة منه
وعرفت اصلا اتعامل معاه
علشان ادخل اخد لي جرعة منشطة
من الاخبار اللي تسعد القلب
فرحة من قلبي لكل حبايبي
سمورتي امورتي
دكتورتي الحلوة
بحب اللون البنفسجي قوي
وبكرة ان شاء الله يخضر
وما تقلقيش معايا فكة كثير
هههههههههههههه
حاحينك يا جميل
وطبعا لو فيه اكبر من
vip
كانت تتوج اسامي
هنودة الحبيبة
هنوءة الغالية
اماني الحبوبة
ومنى مونتي حبيبة قلبي
وردات مُزهرة منورة
دنيتنا دايما يا رب

مون مونتي الحلوة
دايما يا رب
بشاير الخير والسعادة
على ايديكي تهل

مودتي وحبي لكل حبيباتي
__________________

signature

هالة متواجد حالياً  
11-09-2014, 07:19 PM   #8
علا الاسلام
مراقب عام
Crown5
 
تاريخ التسجيل: Aug 2010
الدولة: عيد ميلادك احلى عيد
المشاركات: 4,553

إيه الأخبار الجميلة والمفاجآت السعيدة دى كلها
دايما منمونة الجميلة تحمل لنا أجمل الأخبار السعيدة
طبعا سعدت جدا بخبر ترقيتى
وترقية حبيباتى الغاليات على قلبى
الجميلة سمورة .. ألف مبروك الترقية يا قلبى
الرقيقة ذات القلب الحنون هناء .. ألف مبروك الترقية حبيبتى
أختى وحبيبتى هنودة .. ألف مبروك الترقية يا قمراية
زهرتنا الحلوة أمانى .. ألف مبرك الترقية يا الغالية
طبعا وبهنى نفسى .. ألف مبروك الترقية يا علا الاسلام هههههه
ودايما يارب فى تقدم ورقى لمنتدانا الغالى ورد للفنون
و نشكر أستاذنا الفاضل الكريم محمد ورد
لثقته الغالية وتشجيعه الدائم لنا
وطبعا كلمات الشكر لاتفى ولا تكفى
جزاك الله خير الجزاء أستاذنا الفاضل
وجعله فى موازين حسناتك
والشكر موصول للغالية منى سامى
جزاك الله كل خير منمونة الجميلة
وجزيل الشكر لكل من هنأنا .. لكم كل مودة وتقدير واحترام



مشرفه جديده وشخصيات مهمه فى ورد للفنون
__________________

signature

علا الاسلام متواجد حالياً  
إضافة رد

مواقع النشر (المفضلة)

الكلمات الدلالية (Tags)
للفنون, مشرفه, مهمه, جديده, شخصيات, ورد

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
جده جديده فى ورد للفنون امل نيازى منتدى التهاني الترحيب فى الاعياد المناسبات العامة الخاصة 32 01-11-2013 06:27 PM
عضوه جديده فى ورد للفنون ماياابوالنور منتدى التهاني الترحيب فى الاعياد المناسبات العامة الخاصة 5 09-08-2012 03:55 PM
مشرفه ورد للفنون الجميله هند منى سامى منتدى التهاني الترحيب فى الاعياد المناسبات العامة الخاصة 33 03-26-2012 05:23 AM
تقبلونى عضوه جديده فى ورد للفنون جنة الكروشيه منتدى التهاني الترحيب فى الاعياد المناسبات العامة الخاصة 7 12-11-2011 01:28 PM
اخت جديده فى ورد للفنون شمسه منتدى التهاني الترحيب فى الاعياد المناسبات العامة الخاصة 4 07-02-2007 07:43 AM


الساعة الآن 11:46 PM.


Powered by vBulletin® Version 3.8.9
Copyright ©2000 - 2017, vBulletin Solutions, Inc