منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > منتديات ورد للفنون المتخصصه > منتدى تعليم فن الرسم التصوير اسس التصميم الابتكارى

منتدى تعليم فن الرسم التصوير اسس التصميم الابتكارى تعليم فن الرسم التصوير اسس التصميم الادوات الخامات ابداع فنانين عالميين

10-28-2014, 06:07 PM   #1
ايهاب بابا
شريك جيد
stars-1-4
 
تاريخ التسجيل: Aug 2014
الدولة: مصر
المشاركات: 157
انواع الالوان مع الوصف والاسعار

Facebook Twitter Google LinkedIn vkontakte messenger Digg

basmala

اولا : الالوان المائية

الالوان المائية فيه منها انواع كتيرة ..
زى الالوان الجواش والاكوريل والاكريليك
والوان التمبرا والالوان البلاستيك ..
وكلها الوان مائية عشان تركيبهم داخل فيه ماء ..
حتى بيتم تخفيفهم بالماء ..
عشان كده تسمى الوان ذات وسيط مائي ..


على عكس الالوان الزيتيه اللى بيدخل الزيت فى تركبيها
وبيتم تخفيفها بالزيت او التربنتين ( النفط المعدنى )..
عشان كده تسمى الوان ذات وسيط زيتى ..


المهم نرجع للالوان المائية .. بس الاول نشوف الصورة دى


1

الاتنين دول الوان اكوريل ..

غالبا اللى على شكل عيون او حجر بتكون اكوريل بس برضه
فيه منهم انابيب او برطمانات او مكعبات صغيرة ..


ميزة الالوان دى انها بتكون شفافة
يعنى لو رسمتى بالقلم الرصاص
هتلاحظى ان خطوط القلم بتكون واضحه من تحتيها ..
والالوان بيتم تخفيفها بالماء .. وعشان تستخدمى الالوان الحجر دى ..
محتاجة فرشة ناعمة زى اللى فى الصورة ومحتاجة كوباية ماية


وطريقة الاستخدام انك بتبلى الفرشة وتحطيها فى اللون وبعدين تلونى ..
وافضل خامة تلونى عليها بالاكوريل هى الورق المقوى التقيل
ويفضل نوع فبريانو او كانسون ..


اسعار الوان الاكوريل .. فيه منها العلبة اللى فى المحلات ب2.5
ولكن دى بتكون افضل للاطفال
لكن الناس اللى عايزة تجربها فعلا ياريت تشترى نوع انظف شوية
وموجودة فى سمير وعلى والمكتبات الكبيرة ..
بيتراوح سعرها بين 15ج فيما فوق على حسب الماركة ..



ودى اعمال مرسومة بالالوان الاكوريل ..
طبعا واضح انها شفافة ..


2

ودى فيديوهات لتعليم الاكوريل



ايهاب بابا غير متواجد حالياً  
10-29-2014, 01:05 AM   #2
ايهاب بابا
شريك جيد
stars-1-4
 
تاريخ التسجيل: Aug 2014
الدولة: مصر
المشاركات: 157




الالوان الجواش ..

الوان ذات وسيط مائى وبيتم تخفيفها بالماء ولكن احذرى!
احذرى الاكثار من الماء مع الالوان الجواش ..
لان طبيعة الوان الجواش انها بتكون تقيلة واللون معتم وقوى ..
لذلك بتخففيها بالقليل جدا من الماء .. لكن لو كترتى الماية
هتلاقيها اتحولت لالوان اكوريل .. يعنى بقت شفافة ..


دى صورة للالوان الجواش
ودى بيجى منها انابيب او برطمانات ..


1

وعشان تستخدمى الوان الجواش انتى محتاجة علبة الوان
سواء انابيب او برطمانات ومحتاجة فرشة ناعمة
او عدة فرش باحجام مختلفة ومحتاجة بالتة
على شكل عيون عميقة الى حد ما
وكوباية عشان تحطى فيها ماية


ودى شكل البالتات المستخدمة وسعرها 75 قرش تقريبا و 1.5ج


اسعار الالوان الجواش .. فيه علبة فيها 6 الوان انابيب بحوالى 6 ج
وفيه علبة 6 الوان برطمانات تقريبا ب12 ج ..


طبعا اختلاف الاسعار على حسب الماركات
ولكن اكتشفت ان مش كل الغالى بيكون حلو ..
يعنى العلبة اللى فى الصورة دى ماركة بيبيو
ودى ماركة فرنسية معروفة كانت جيالى هدية
وسعرها 205 ج ..
واجود انواع الوان الجواش هى الوان تلنز

ومع ذلك انا عندى برطمانات جيباها
ماركة بوستر الصينى والبرطمان ب5 ج ..
وبصراحة البوستر احلى بكتير جدا من البيبيو
والبيبيو معجبتنيش اطلاقا والخامة حسيتها سيئة ..


1

ده عمل فنى بالوان الجواش واكيد الفرق باين بينها وبين الاكوريل ..
ولكن في فرق اكبر بكتير واخطر
ان الالوان الجواش
بعد مابتستخدميها وتخلصى رسمتك
ممكن لو وقعت عليها نقطة ماية تلاقى الالوان ساحت !

يعنى احذرى من الالوان الجواش عشان بتسيح بعد الاستخدام
لو وقع عليها ماية !




الالوان الاكريليك ..


1

بالظبط زى الالوان الزيتية من حيث النتيجة ..
لكن الفرق فى حاجتين ان دى مائية ودى زيتية
والالوان الاكريليك بتنشف بسرعة جدا
على عكس الزيتية اللى ممكن تقعد 3 ايام على ماتنشف !


الالوان دى سعرها تقريبا من 15 ج فيما فوق العلبة 12 لون ..

وعشان تستخدميها محتاجة بالتة .زى اللى موجودة فى الصورة
او اللى جنبها اللى على شكل عيون ..

وبرضة محتاجة كوباية ماية وفرشاة ناعمة ..

ودى وسط بين الجواش والاكوريل
يعنى ممكن تخففيها بماية زى الاكوريل
عشان تعطى الدرجات الباهتة الشفافة
وممكن تتقليها عشان تعطى عتمة زى الجواش ..
وفى الحالة الاخيرة اللون بيكون لامع زى الالوان الزيتية


و العلبة اللى فى الصورة كانت ب23 ج ..
ودول انبوبتين كبار الواحدة ب 9 ج ..

وبنرسم بالالوان الاكريليك على توال ..
وده عبارة عن برواز خشب مشدود عليه قماش بفتة
او قماش بتاع المراكب ومدهون (ديريتون او سنيتون)

الديريتون لو هتستخدمى الوان اكريليك لان وسيطه مائى
والسينيتون لو هتستخدمى الوان زيتيه لان وسيطه نفط

وده صورة الديريتون العلبة النص كيلو ب15ج تقريبا


1
ايهاب بابا غير متواجد حالياً  
10-29-2014, 01:07 AM   #3
ايهاب بابا
شريك جيد
stars-1-4
 
تاريخ التسجيل: Aug 2014
الدولة: مصر
المشاركات: 157

وده صورة التوال من الداخل والخارج

2

وده عمل فنى بالاكريليك ..

1

وده فيديو لتعليم الرسم بالاكريليك



الالوان البلاستيك

1
ايهاب بابا غير متواجد حالياً  
10-29-2014, 01:10 AM   #4
ايهاب بابا
شريك جيد
stars-1-4
 
تاريخ التسجيل: Aug 2014
الدولة: مصر
المشاركات: 157

اكيد كلنا عرفنها دى اللى بتتباع عند الموان ..
البرطمان ب3.5 .. ودى الوان ذات وسيط مائى


ودى الوان لذيذة اوى وسهلة الاستخدام ..
عاملة زى الوان الجواش ولكن اكتر عتمة ومش بتسيح بالماية ..


ممكن تستخدموها بدل الوان الاكريليك ..
ودى الالوان اللي بيستخدمها الخطاطين
للكتابه على القماش

اللى تحب تجربها تشترى الالوان الاساسية
(الاحمر والاصفر والازرق )
وتشترى علبة لون ابيض بلاستيك
نص كيلو تقريبا بحوالى 5 ج ..
وكمان لون بلاستيك اسود ..


وهتحتاجى فرش ناعمة زى اللى فى الصورة ..

وبالتة زى اللى فى الصورة ..
بس تخلى بالك تغسلى البالتة بعد ماتخلصى على طول
لانك لو سبتيها والالوان
نشفت عليها
هيبقى صعب تنظفى البالتة تانى


وخلى بالك لان الالوان دى بتنشف بسرعة ..
وبيتم تخفيفها بالقليل جدا من الماء ..



الاكاسيد ..

دى حاجة غريبة شوية الكتير منكم اكيد مش عارفها
هى بتبقى عبارة عن اكياس ترابيه ملونه صغيرة
بتتباع عند الموان فى منها انواع كتير بس اشهرها اكاسيد جونى ..

ودى لذيذة اوى كنا بنستخدمها فى الكلية وبنعمل بيها شغل مجنون ..

وان شاء الله اعمل موضوع خاص بيها
لانها ممتعة جدا ورخيصة جدا .. الكيس منها تقريبا بربع جنية ..


وهتحتاجى ورق كانسون او فبريانو يكون قوى وتقيل ..
وممكن نحتاج كلور .. عشان اقولكم ازاى نرسم بالكلور



ثانيا:الالوان الزيتية ..

اكيد كتير سمع عنها لان اشهر الاعمال الموجودة بتكون زيتية ..

الالوان متوفرة فى المكتبات الكبرى سعرها تقريبا
من 15 ج العلبة ال12 لون .. فيما فوق
وبتكون على شكل انابيب .. ودى صورتها ..


1

وممكن تشترى انابيب كبيرة سعر الواحد 7.5 ..
ولكن علبة 12 لون مناسبة للمبتدئين ..


كمان بتحتاجى معاها ازازة زيت بذرة الكتان
عشان تخففى به الالوان سعر الازازة
المصرى ب3.5 ج تقريبا
والفرنسى ب15 ج

او ممكن تخففيها بتربنتين (ازازة من عند الموان ب1.5 )
وكمان بتسخدميه فى تنظيف الفرش


بتحتاجى بالتة بلاستيك او خشب
ولو انى لا افضل الخشب لانه بيمتص الالوان ..
ومع ذلك البالته الخشب هى الافضل لسهوله تنظيفها
حتى بالكشط بالسكين بعد جفاف الالوان عليها
لكن عوضا عنه ممكن بالتة بلاستيك او طبق بلاسيتيك قديم مسطح
ولو خشب يبقى تدهنيه وش ورنيش الاول عشان مايمتصش الالوان


بتحتاجى فرش ذات شعر متماسك
جميع الاشكال منها المبطط والمدور
وتختارى مقاسات تكون مناسبة لاستخدامك..


سعر الفرشاة بيبدا من جنية فيما فوق على حسب الرقم

السطح اللى بنستخدم عليه الالوان الزيتية بيكون خشب او توال
او حتى ورق مقوى متماسك زى الناصبيان او الكرتون..


خشب ابلاكاش مدهون طبقة من الديريتون او السيريتون ..
(علبة كده من عند الموان النص كيلو ب15ج تقريبا )


بتدهنى بيها الخشب كذا طبقة باستخدام فرشاة كبيرة مقاس 1 بوصة مثلا

.. وبعدين بتدهنى زيت او تربنتين وبعدين بتلونى ..

او توال وهو عبارة عن قماش مشدود على برواز خشب
مدهون طبقة سينيتون او غير مدهون ويمكن الرسم عليه مباشرة دون طلاءه
وبيتباع جاهز فى سمير وعلى او مكتبة الوان فى الفجالة ..


وممكن انتى تعملى البرواز عند النجار وتشدى عليه القماش
وتثبتيه بالدباسة او دبابيس المكتب .. افضل انواع القماش
قماش الخيم او المراكب او قماش قماش التيل
او قماش (الدك) متوفر فى وكالة البلح ..
وممكن قماش دمور تقيل او بفتة
ولكن يتشد كويس جدا ويدهن عدة مرات


سعر التوال فى سمير وعلى من 7 ج
فيما فوق تقريبا على حسب المقاس ..
واللى ب7 ج تقريبا بيكون صغير يعنى 15*20 حاجة كده


ودى اعمال زيتية


2

وده فيديو لتعليم الرسم بالالوان الزيت



ايهاب بابا غير متواجد حالياً  
إضافة رد

مواقع النشر (المفضلة)

الكلمات الدلالية (Tags)
الالوان, الاسعار, الوصف, انواع

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
دعاء ليلة النصف من شعبان mabrok منتدى اسلامي القرآن الكريم السنة النبوية موضوعات قصص دينية 1 06-02-2015 10:48 PM
حكم القيام والصيام والدعاء فى ليلة النصف من شعبان fathyatta منتدى اسلامي القرآن الكريم السنة النبوية موضوعات قصص دينية 0 05-31-2015 11:12 PM
فن صناعه الاكسسوار الخامات والاسعار nada_rtv الاشغال الفنية اليدوية خامات البيئة الطبيعية والمصنعة 11 04-29-2012 10:06 AM
الوحى والقرآن الوصف والمعنى يوسف منتدى اسلامي القرآن الكريم السنة النبوية موضوعات قصص دينية 4 05-23-2008 02:05 AM


الساعة الآن 02:18 PM.


Powered by vBulletin® Version 3.8.9
Copyright ©2000 - 2017, vBulletin Solutions, Inc