منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > منتدى ثقافي موضوعات ثقافية عامة خواطر شعر سيرة شعراء

منتدى ثقافي موضوعات ثقافية عامة خواطر شعر سيرة شعراء منتدى ثقافي موضوعات ثقافية خواطر سيرة شعراء اجمل قصائد

07-12-2014, 06:11 AM   #17
Amany Ezzat
vip
Crown5
 
تاريخ التسجيل: Jan 2014
الدولة: مصر
المشاركات: 6,575

Facebook Twitter Google LinkedIn vkontakte messenger Digg
يا امه قومى

يا أمة قومي بقي.. ده انتي فضحتينا...
الأمريكان سكنوا مش وسطينا.. لأفينا
والاّ اليهود اللي سرقوا حتي أغانينا
حرتوا الأراضي وقتلوا هناك أعز الولد
الشهدا أكوام علي الأكتاف.. إوعي تعد
أبدان جميلة.. بتاكلها النسور والحِدّ
إحنا انتهينا... تعالوا ياللي بعدينا!!
يا أمة قومي بقي لأحسن فضحتينا....
الأمريكان سكنوا مش وسطينا.. لأفينا!!
ياللي في عُسري وضيق اليد نسيتونا
أهي الفلوس نفسها.. حاتروح لأعادينا
بترول أراضي العدو ده اللي في أراضينا.!!
شفتوش كده؟ والبلاد ممنوع نحميها
نحميها من مين؟ دي مش أراضينا.. أراضيها
هوه بسلاحه المميت.. جاي ينزرع فيها
وانتو.. بدخان صمتكم يا أهلي عميتونا
ياللي في عسري وضيق اليد نسيتونا
أهو جه ياكلكوا اللي علي حربه انتو لُمْتونا!!
يا أمة ترمي ضميرها للكلاب.. ببلاش
يا أمة قبلت مصيرها (خدمة الأوباش)
كله كلام.. لا انتماء.. ولا وطن.. ولا دين
قاعدين سنين تحلموا بظهور (صلاح الدين)
ماكان ما بينكم قتلتوه انتو يا فالحين
كل اللي صدوا العدو.. راحوا ومش راجعين
ولا »صلاح دين« يا ناس ولا حتي زفت الطين
الحي ميت يا ناس أما اللي ميت عاش
يا أمة ترمي ضميرها للكلاب ببلاش
يا أمة قبلت بفرحة.. خدمة الأوباش
ما اعادش إلا انتظار الموت.. يا إما نقوم
نسجد في ساحة النضال وعن البلاهة نصوم
لو الدما تبقي بحر.. في دمنا.. حنعوم
إزاي يعيش الوطن.. من غير رجال تحميه؟
تموت وتحيا معاه.. تموت وتحيا ليه..
كإن ابن العرب مولود يا ناس.. مهزوم
ماعادش إلا انتظار الموت يا إما نقوم
نحمي الوطن بالصدور.. ونفجر المكتوم
كل الشوارع بتصرخ في المدن بجنون
توقّف الحرب.. تفضح فكرة المجنون
في أوروبا حتي ف أميركا.. لأ في كل الكون..
إلا احنا إرتحنا قدام أي تليفزيون
آدي العراق في طريقها للغرق يابا
واحنا حواليه خُطبنا فجة... كدابة
نتخانقوا من غير سبب.. لأ فيه سبب طبعاً
وحنغرقوا في الزمن.. يا أمتي.... جمعاً
متملعنين... إنما... عدونا..... ألعن
قدَّامُه حملان.. لكين.. علي بعضنا ديابة!!
الكل عايز ساعات المؤتمر تمضي..
علشان ما يجري علي دار العدو.. يمضي
كإن بعضي ينازعني.. علي بعضي..
معظمنا هوه العدو.. يعني العراق يا هوه
مش أمريكان وانجليز.. إحنا اللي حنهدوه
واحنا اللي بتروله رايحين للعدو نِهْدوه
وبعده بترول جديد.. وبعده بترول جديد
وأنا منتظر مقتلي وإيدي علي خدي!!
الكل عاوز ساعات المؤتمر تمضي..
علشان ما يجري علي دار العد (يمضي)!!
أنا باهيب بالشباب.. إنسوا اللي قضُّوا العمر
يتكلموا ويخطبوا وسابوا سنينكو... تمُر...
ده انتو القلوب الفتية والوجوه السمر
ترضوا تبيعوا الوطن بتفاهة الغايات؟
وتبقوا إنتو وأعداء الوطن إخوات؟
متربصة بيكو أم العولمة والجات
تتمِسْحوا م الكون كما مسحوا الهنود الحمر
أنا باهيب بالشباب انسوا اللي قضّوا العمر
يتكلموا ويخطبوا وسابوا سنينكو تمر
يا أمة قومي.. وانتي يا مصر.. ماتونِّيش
وإلا عشرين سنة.. حاتمر زي مافيش
تعلا اليفط أعلا ميادين أمة الإسلام
شركة إسرائيلية اهه لصناعة الأقلام
واستديو صهيون هنا لصناعة الأفلام
والمصنع الإسرائيلي لعلبة الورنيش
يا أمة قومي وإنتي يا مصر ماتونيش
بغداد.. يا أم التاريخ والحكمة والأشعار
بغداد يا أم القصور والنخل والأنهار
ماعادش إلا الصمود الليل في آخره نهار
دافعي بشرف واتركي للأمة طعم العار
ملو التاريخ.. الفصول صادقة وكدابة
سنتين تقدَّم.. وألف.. نعودوا للغابة
الأمة فيها فرح لأزمله ندابه
الدنيا كلتها تهتف باسمِك المظلوم
بكره الجراح تندمل.. عُمر الظلام مايدوم
أطفالك اللي التاريخ حيحكي قصتهم
ونساكي في صبرهم. الدنيا نسيتهم
يا دي العراق العريق صحّي العرب م النوم
يا طاعم المحرومين.. إزاي تبات محروم.؟
ومهما كانوا الطغاة.. الدار لأهل الدار
الدار لأهل الدار ، الدار لأهل الدار
Amany Ezzat غير متواجد حالياً  
07-12-2014, 10:10 AM   #18
Amany Ezzat
vip
Crown5
 
تاريخ التسجيل: Jan 2014
الدولة: مصر
المشاركات: 6,575

الحارة الفلسطينية

الحارة الفلسطينية

شوف كم سنة عدت وانا صاحي

اسم بلادي هو سلاحي

والثورة بتظهر صباحي

في الحارة الفلسطينية

الف سلامه

يا علمي اللي ظلموك ياما

حتى الدنيا ليها قيامة

في الحارة الفلسطينية

أعلامي سودا من الهم

أعلامي حمرا ودا دم

في الاكفان البيض نتلم

من الحارة الفلسطينية

يا سلالم طالعة

يا ثوارها

اجسادنا سلم لقمرها

الاطفال خلعت اعمارها

في الحارة الفلسطينية

يا أرض الرسالات باركينا

بنوفي الندر اللي علينا

الثورة ضد الصهيوني

هي عقلي وهي جنوني

واتقهقر لما يردوني

للحارة الفلسطينية

لساها بتنجب انبيا

موجة البحر الرايحة وجيا

للحارة الفلسطينية

يا حجارتي

لسلاح الواطي

يا قنابل

يا رصاص مطاطي

انا ماشي معدول

وسراطي

الحارة الفلسطينية

انا بادي وبيدي حجارة

وجهنم اولها شرارة

الوعي اللي كانه بشارة

من الحارة الفلسطينية

انا ثورة وسبنالكو الدولة

بتقولي لا قوة ولا حول؟

اهو لينا شرف المحاولة

في الحارة الفلسطينية

وبواجه كل ما بتقدم

الدولة ام الجيش متنظم

امريكا هزمها المخيم

في الحارة الفلسطينية

مولود محتل ومتكتف

مولود متنمر متصنف

اشنقني..

اعدم..

اتعسف..

الحارة فلسطينية

انا اعلى ما في صوتي

سكوتي

واحلى حياة بعشقها

موتي

انا ارضي وجوي وملكوتي

الحارة الفلسطينية
Amany Ezzat غير متواجد حالياً  
07-12-2014, 10:58 AM   #19
Amany Ezzat
vip
Crown5
 
تاريخ التسجيل: Jan 2014
الدولة: مصر
المشاركات: 6,575

سيد طه

زي المسمار القلاووظ
قصير .. وتحس أنه قصيٌر أكتر
لما يقوم
أسمر..وكأنه قديم
الدم صعيدي ما زال
الوش الحامي والقول
صادق ..م القلب
وعمره ما كان كذاب
أو معمول
إذا حط ايديه في مشروع
لا بد يبوظ
صراحته بتفسد أيها موضوع
لكن الصدق
ما بيتبعش بمال
ما دام الدم صعيدي ما زال
ولا بيعرفش الا الصدق
حتي لو هو وولاده
يموتوا من الجوع
حاحكي لك قصة صاصا يا أستاذ
كان صاصا ده قول فرعة وزارعها شيطان
كان أكره شئ عنده هم البريطان
وسياسي صح
بقعد حنب الراديو في ميعاد النشرة
ومعين واحد عنده لقراية الجرنان
مش يعني معينه بمرتب
ليه.. ما تقوله .. معينة بالضرب
لكن كانو بيحبوه والا لاء ؟... ويحموه ولا لاء
بس يا استاذ
كان فيه خبصية والا مفيش

الإنجليز في البر التاني أخدو علم
وصادوهم بفكارزاتهم.. والرشاشين
خراطيش خراطيش
واللهي الميه بين الشطين يومها غلت من سهج النار
قلنا ضاعوا الولدات
وام علي اب سلمي تصرخ وتقول يا ولادي
طلع الشط يوميها بناسه وعياله
من جبلاية السيد هاشم والفار واب عارف
واللي جه من الشلوفة والكمامنتو
صوت الضرب الجامد صحي الناس من النوم
قول وطلعنا النسوان تصرخ
والرجالة بتدعي والعيايل بتقول
يخرب بيتك يا خواجة
يخرب بيتك يا خواجة
مات حد يا سيد طه
ولا حد
واحد بس اتعور كان اسمه غريب
الناس قالت سيدك الغريب ..نجٌاهم فيه
جابهم همٌ سلامه وخد الطلقة في دراعه
طلعوا يا أستاذ من المية
وكنالنا دي في الشتا أسقع م الثلج
ولعنا الفرن
ودفيناهم
حبٌة طلعوا فوق
والباقي كان لافف من حوالين الفرن ف وش النار
وفاكرهم
وكأن ده لسة بيحصل دلوقت تمام

كان بيتنا ورا بيت عم " اب سلمى
وكانت أمي لسة عايشة
برضة بالنسبة لدلوقتي يا " على اب سلمى"
كنا عيال
إي......ه"
وآديكي برضه رجعتي من تاني للشقا ... يا كنال
للنار ... وخراب البيت والهجرة
برضه رجع لك تاني الكاكي
ده أنت غريبة بشكل .... غريبة يا كنال
بتحبينا احنا أكتر
والا بتحبي العسك أكتر؟
والا بتشتاقيلنا احنا لاتنين ؟
بتضايفي دول نوبة
وتضايفي دول نوبة
إحنا في أيام الزرع
وهمٌ في أيام الحرب
عمري ياخي ما شفت "كنان"
بيحب الدان ذي ما بيحب الرمان
الا انتي يا "كنان"
" إحكي لنا يا حاج اب سلمى حكاية كوبري بور توفيق .."
" ليه .. هو لسة فاضل حد ما يعرفهاش؟ "
Amany Ezzat غير متواجد حالياً  
07-12-2014, 11:06 AM   #20
Amany Ezzat
vip
Crown5
 
تاريخ التسجيل: Jan 2014
الدولة: مصر
المشاركات: 6,575

ادهم الشرقاوي

منين اجيب ناس منين اجيب ناس
لمعناة الكلام يتلوه
كلام قالوه ناس وياما بكرة ناس يقولوه
القول على سبع لكن سبع شرقاوي
الاسم لادهم و لكن نأبه شرقاوي
حكايته يادي العجب فيها العقول بتوه
ومنين اجيب ناس لمعناة الكلام يتلوه
كان اول المدرسه كان اشطر الشطار
ولما قامت مظاهرة ضد لاستعمار
لقيوا قائدها اوام من المدرسه طردوه طردوه طردوه
رجع البلد يا ولد على اللي رئاه بعنيه
ظلم ومظالم واشباح دنشواي حوليه
والباشا والبيه ياعيني ياعيني
كل شئ نهبوه نهبوه
ومنين اجيب ناس لمعناه الكلام يتلوه
اه اه اه ياالف اه ياجدع لما الزمن بيخيب
والسبع يصبح اسير الكلب والا الديب الصبر طيب
انا رايح وبكرة جاي والظالم المفتري
بكرة ميعاده قريب الصبر طيب
واتشكلت محكمه لادهم في يوم مشهور
يا خوفي يامحكمه عدلك ميزانه يجور
ان كان ده عمه اللي من دمه بيشهد زور
وزي يوم دنشواي بعدين يتوه دينه
تبقى انتي يامحكمه ويبقى القضى معذور والحكم ظالم
يا شمس شوفي الجدع الا يكون تعبان تعبان
قالت عليك ياجدع اجمد من الصوان
همك في دمك ماهمك سجن او سجان
رفعت صوتك وناديت احنا ناس ياناس
لاحنا عبيد نتملك ولا تراب ينداس يحميك ياولدي
لادهم نفى التهمه عن صاحبه وقال بحماس
صاحبي برئ واعترف اني قتلت يا ناس
احتارت المحكمه في اتنين قلبهم جرء
وشويه مأمور خواجه احمر وبعيون زرق
شهد وقال اللي قاتل هو ده لادهم
اصله انجليزي وقلبه منه محروق حرق والحكم ظالم
الاوله الثورة قامت في البلد طوفان
هزت وهدت حيطان السلطه والسلطان
والتانيه لادهم زعق قال عيب عليك يازمان
انا ابقى لادهم وايه في السجن يغلبني
والتالته لادهم هرب ومعاه ولاد شجعان يحميك ياولدي
اول طريق الهرب شربو ا العطش والصهد
وفي عز عز التعب لقيوا عرب عن بعد
وقربوا قربوا يا عطشانين اشربو
دانتوا عرب واحنا عرب
وعرفوا لادهم عرفوا لادهم وكانوا و بقصيته سامعين سامعين
وكسروا جيوده وادوله هدوم تانيين
في الامان ياعرب لادهم فرد عوده
واللي يشوفه مايعرف هو يبقى مين
ومشيت مشيت مشيت ياياولدي
لبس حكمدار وكان لايق في لبسه تمام
وراح على مركز ايتاي البارود ياسلام
ظابط عساكر غفر الكل قاله تمام
وخد سلاحهم جميعه وقالهم
بكرة هيجلكو غيره وقشر على الورق
بعلام جرئ جرئ جرئ ياولدي

رجع على الفلاحين فرق سلاح ورصاص
وقالهم من النهارده الظلم ولى خلاص
احنا بادينا هناخد حقنا كله
احنا بادينا هناخد حقنا كله
والرك عالجدعنه الرك عالجدعنه
ونيه الاخلاص يحميك يحميك ياولدي
واول الجد لادهم والرفاقه كتير
نزلوا باديهم على السكه الحديد تكسير
وبسرعه البرق جاي قطر انجليزي يجري
وينقلب باللي فيه لم يلقوا حد مدير
وتعيش تعيش يا ادهم

وراح وابور الحليب يسأل على الخوجات
لابس خواجه ويتكلم سبع لغوات
اول ماشافه الخواجه قام يرحبه
وهب شد المسدس قاله طلع هات
ياللي نهبت الغلابه وخدت ارزقهم
هاخد فلوسك وبالتالي هفرقهم
ياللي نهبت الغلابه وخدت ارزقهم
هاخد فلوسك وبالتالي هفرقهم
وبقوة الحق رديت يادهم الامانات
يحميك يحميك ياولدي
يادهم وصابك رصاص الغدر جوا القلب
يادهم وصابك رصاص الغدر جوا القلب
وقعت يادهم ولو كان الرصاص له قلب
مكنش صابك مكنش صابك وكان اترد ع الاندال
ياخسارة ياخساره ياخساره يادهم
ياخسارة ياخساره ياخساره يادهم
ياخسارة ياخساره ياخساره يادهم
الصبر طيب ياعين الشر ماتحميش
الصبر طيب يا رايه الظلم ما تعليش
لادهم بطل والبطل جوا القلوب بيعيش
من بعد الادهم هتطرح ارضنا ثوار ثوار يردوا
المظالم كلها في النار
من بعد الادهم هتطرح ارضنا بساتين
انورها يكتر ويبعتر على الملايين
ادي حكايه البطل اللي بقت موال
واسمه اصبح مثل من اشهر الامثال
القول على سبع لكن سبع شرقاوي
الاسم لادهم ولكن نأبه شرقاوي
Amany Ezzat غير متواجد حالياً  
إضافة رد

مواقع النشر (المفضلة)

الكلمات الدلالية (Tags)
المصريه, الابنودى, الغاليه, فارس

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
قصيده يعيش جمال حتى ف موته للشاعر عبد الرحمن الابنودى السويدي منتدى ثقافي موضوعات ثقافية عامة خواطر شعر سيرة شعراء 3 03-22-2013 12:13 AM
شاعر الفقراء عبد الرحمن الابنودى السويدي منتدى ثقافي موضوعات ثقافية عامة خواطر شعر سيرة شعراء 18 01-20-2013 07:22 PM
فارس من سالف الزمان بنت تونس منتدى ثقافي موضوعات ثقافية عامة خواطر شعر سيرة شعراء 34 03-12-2011 09:26 PM
فارس مملكتى مالك عرش احلامى بنت تونس منتدى ثقافي موضوعات ثقافية عامة خواطر شعر سيرة شعراء 10 08-24-2010 03:50 PM
احمد ديدات فارس الدعوه السويدي منتدى ادبي موضوعات ادبية سيرة الادباء قصة قصيرة 16 04-29-2008 04:01 PM


الساعة الآن 02:17 PM.


Powered by vBulletin® Version 3.8.9
Copyright ©2000 - 2017, vBulletin Solutions, Inc