منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > منتدى ثقافي موضوعات ثقافية عامة خواطر شعر سيرة شعراء

منتدى ثقافي موضوعات ثقافية عامة خواطر شعر سيرة شعراء منتدى ثقافي موضوعات ثقافية خواطر سيرة شعراء اجمل قصائد

07-15-2014, 01:55 AM   #45
Amany Ezzat
vip
Crown5
 
تاريخ التسجيل: Jan 2014
الدولة: مصر
المشاركات: 6,586

Facebook Twitter Google LinkedIn vkontakte messenger Digg
جارى اعادة رفع صور الموضوع تابعونا لاحقا 1

يقول الخال:

حليم كان يسعى دائماً أن يكون الأول
وبالتالي قررت اختطافه من التقليدي
والانتقال به مع الاحتفاظ بصورته
كحليم وعدم التورط (شعبياً)
بصورة قوية فكتبت له
(أنا كل ما أقول التوبة)
وحققنا نجاحاً مدوياً
ولا يقل عنها نجاحا موال النهار
كان عبد الناصر يطلب
اذاعتها من مدير الاذاعة


أنا كل ما قول التوبه


أنا كل ما قول التوبه يا بوي
ترميني المقادير يا عين
وحشاني عيونه السودة يابوي
ومدوبني الحنين يا عين
أنا كل ما اقول التوبه يا بوي
ترميني المجادير يا عين
وحشانى عيونه السودا
ومدوبني الحنين يا عين
متغرب والليالي يا بوي
مش سايباني في حالي يا عين
والرمش اللي مجرحني يا بوي
ضيعني وأنا كان مالي يا عين
يا رموش قتاله وجارحه يا بوي
وعيون نيمانة وسارحة ياعين
أديكي عمري بحاله يا بوي
واديني انتي الفرحة ياعين
القلب الأخضراني يا بوي
دبلت فيه الأماني يا عين
ولا قادر طول غيبتكوا يا بوي
يشرب من بحر تاني يا عين


عدى النهار


عدّى النهار والمغربية جاية
تتخفى ورا ظهر الشجر
وعشان نتوه فى السكة شالت من ليالينا القمر
وبلدنا ع الترعة بتغسل شعرها
جانا نهار مقدرش يدفع مهرها
ياهل ترى الليل الحزين أبو النجوم الدبلانين
ابو الغناوي المجروحيين
يقدر ينسيها الصباح ابو شمس بترش الحنين
ابدا... بلدنا للنهار... بتحب موال النهار
لما يعدي فى الدروب
ويغني قدّام كل دار
والليل يلّف ورا السواقي زي ما يلف الزمان
وعلى النغم ...تحلم بلدنا بالسنابل والكيزان
تحلم ببكرة واللى ح يجيبه معاه
تنده عليه فى الظلمة وبتسمع نداه
تصحى له من قبل الادان
تروح تقابله فى الغيطان
في المتاجر فى المصانع
فى المدارس و الساحات
طالعة صحبة صفوف جنود
طالعة له رجال اطفال بنات
كل الدروب واخدة بلدنا للنهار
واحنا بلدنا للنهار بتحب موال النهار
لما يعدي فى الدروب
ويغني قدام كل دار


المسيح


يا كلمتي لفي ولفي الدنيا طولها وعرضها
وفتحي عيون البشر للي حصل على أرضها
على أرضها طبع المسيح قدم
على أرضها نزف المسيح ألم
في القدس في طريق الالام
وفي الخليل رنت تراتيل الكنايس
وفي الخلا صبح الوجود إنجيل
***
تفضل تضيع فيك الحقوق لامتى لامتى
يا طريق الالام
وينطفي النور في الضمير وتنطفي نجوم السلام
يا طريق الالام
ولامتى فيك يمشي جريح
ولامتى فيك يفضل يصيح
مسيح وراه مسيح وراه مسيح
على أرضها
***
تاج الشوق فوق جبينه وفوق كتفه الصليب
دلوقت يا قدس ابنك زي المسيح غريب
تاج الشوق فوق جبينه وفوق كتفه الصليب
خانوه نفس اليهود
ابنك يا قدس زي المسيح لازم يعود
على أرضها



أحضان الحبايب


مشيت على الأشواك وجيت لأحبابك
لا عرفوا إيه وداك.. ولا عرفوا إيه جابك
رميت نفسك في حضن.. سقاك الحضن حزن
حتى في احضان الحبايب شوك يا قلبي
مشينا هناك .. ورحنا واللي هناك جرحونا
جينا شايلين جراحنا.. وبكينا وقلنا جينا
جينا لكم يا للي لينا مدوا إيديكم خدونا
شيلوا الشوك من صدورنا والدمعه من عينينا
اللي جينالهم يا قلبي في جراحنا جرحونا
ابكي.. تحت الليالي والخوف ملو الضلوع
قلبي.. يا بلاد غريبة بتنورها الدموع
رميت نفسك في حضن.. سقاك الحضن حزن
حتى في احضان الحبايب شوك يا قلبي
***
يا للي في ليل البعد بننده تبقوا معانا
يا للي بنحلم بيكم ضحكة واحنا حزانى
باسم هواكم ليا بتطفوا الشمعة الباقية في لياليا
باسم العطف عليا بترشوا الشوك في طريق آيامي الجاية
يا شط كان مفروش هنا وحب وأماني
ازاي تسلم مركبي للحزن تاني
الدنيا غايمه في عيوني
على فين يا حزن موديني؟
من رحلة الوهم البعيدة لرحلة الحزن الجديدة
ابكي تحت الليالي والخوف ملو الضلوع
قلبي يا بلاد غريبة بتنورها الدموع
رميت نفسك في حضن سقاك الحضن حزن
حتى في أحضان الحبايب شوك يا قلبي

الهوا هوايا

الهوى هوايا
ابنيلك قصر عالي
واخطف نجم الليالي
واشغلك عقد غالي
يضوي لاحلى الصبايا
انا الهوى هوايا

يبقى القمر قاربنا
والليل بحر مهاودنا
والنسمة اللي تاخدنا
ترجع شايلة الحكاية
انا الهوى هوايا

ندخل كتب الحكاوي
واروي سنينك غناوي
واعمل طبيب مداوي
واشيل حبي دوايا
انا الهوى هوايا

ارسم صورتك في يدي
ع النسمة اللي تعدي
ع الفجر ابو ضحكة وردي
ع العمر اللي ورايا
انا الهوى هوايا

لو الايام يبعدوني
يصاحبك نور عيوني
ولو نامت جفوني
يصحى في ليلك غنايا
انا الهوى هوايا

في عينيكي يا حبيبتي
تتوه مني سفينتي
وكفايه انك انتي
اللي فضلتي معايا
انا الهوى هوايا

لكن وانا كلي حيرة
مش بملك يا أميرة
من أحلامي الكتيرة ياعيني
غير ضحكي وبكايا
انا الهوى هوايا

ابنك يقولك يا بطل


ابنك يقولك يا بطل هاتلي نهار
ابنك يقولك يا بطل هاتلي انتصار
ابنك يقول انا حواليا الميت مليون العربية
ولا في مكان للامريكان بين الديار

ابنك يقولك يا بطل هاتلي نهار
ابنك يقولك يا بطل هاتلي انتصار
ابنك يقولك ثورتك عارفة الطريق
وعارفة مين يابا العدو ومين الصديق
ثابته كما الجبل للعدو حالفة عالإنتصار
ابنك يقولك يا بطل هاتلي نهار
ابنك يقولك يا بطل هاتلي انتصار


صباح الخير يا سينا


في الأوله....
قلنا جيِّنلك وجينالك
ولا تهنا ولا نسينا
والتانية...
قلنا ولا رملاية في رمالك
عن القول والله ما سهينا
والتالته...
إنتي حملي وأنا حمالك
صباح الخير يا سينا
وصباح الخير يا سينا
رسيتي في مراسينا
تعالي في حضننا الدافي
ضمينا وبوسينا يا سينا
مين اللي قال كنتي بعيده عني
إنتي اللي ساكنه في سواد النني
مش سهل ع الشبان
يسهوا عن الأوطان
ورسيت مراسينا
على رملة شط سينا
وقلنا يهون علينا.
دا أول الشطئان
وصباح الخير يا سينا
رسيتي في مراسينا
تعالي في حضننا الدافي
ضمينا وخدينا يا سينا
قالوا الحياة غالية.
قلنا الشرف أغلى
بلادي يا بلادي
يا عيون قمر الربيع
أندهي يا بلادي
يجاوبك الجميع
وصباح الخير يا سينا
رسيتي في مراسينا
تعالي في حضننا الدافي
ضمينا وخدينا يا سينا.


1
Amany Ezzat غير متواجد حالياً  
07-15-2014, 02:03 AM   #46
Amany Ezzat
vip
Crown5
 
تاريخ التسجيل: Jan 2014
الدولة: مصر
المشاركات: 6,586

جارى اعادة رفع صور الموضوع تابعونا لاحقا 1

بداية علاقته بالمطرب الراحل محمد رشدى
كما يرويها الخال :
أغنية (تحت الشجرة يا وهيبة)
عندما قدمتها للأستاذ الشجاعي مدير الاذاعة وقتها
لم يبد ارتياحاً لكلماتها وسألني:
من الذي في رأيك يمكن أن يغنيها ؟
فأجبته على الفور قائلاً هو شخص واحد فقط
الذي غنى أدهم الشرقاوي فقال لي الشجاعي
ولكن هذا المطرب تعرض لحادث
ولا يستطيع الغناء الآن فقلت له:
الحادثة كسرت ذراعه وساقه ولكن هل كسرت صوته؟
فقال لي إذاً ابحث عنه و طالما أنك مُصر عليه
وقد كان


تحت الشجر يا وهيبه

تحت الشجر يا وهيبه .. ياما كلنا برتقال ..
كحلة عينيك يا وهيبه .. جارحه قلوب الجدعان ..
الليل بينعس على البيوت وعلى الغيطان ..
والبدر يهمس بالسنابل والعيدان ..
يا عيونك النايمين ومش سألين ..
وعيون ولاد كل البلد صاحيين ..
تحت الشجر واقفه بتدعك بايديها الدوأنه ولا ده قلبي ..
قلبي فرح جوا الفرح لما رأيت رمشك سرح ..
كحلة عينيك يا وهيبه .. جارحه قلوب الجدعان ..
يا عايئه يا انتي يا نجمة الصبحيه ..
خلخال برنه يرقص الجلابيه ..
والعقد غالا الكهرمانيه ..
والطرحه بالترتر ملاليه .. ملاليه
تحت الشجر واقفه بتدعك بايديها الدوأنه ولا ده قلبي ..
قلبي فرح جوا الفرح لما رأيت رمشك سرح ..
كحلة عينيك يا وهيبه .. جارحه قلوب الجدعان
تحت الشجر .. طل القمر يالالالي ..
شافني حزين ميل عليا وقالي ..
عيني الجميل منك بقى اتهنى ..
تحت الشجر راح تضحك الجنه ..
تحت الشجر واقفه بتدعك بايديها الوأنه ولا ده قلبي ..
قلبي فرح جوا الفرح لما رأيت رمشك سرح ..
كحلة عينيك يا وهيبه .. جارحه قلوب الجدعان ..
تحت الشجر يا وهيبه .. ياما كلنا برتقال ..
كحلة عينيك يا وهيبه .. جارحه قلوب الجدعان ..

يا عدوية..


1

صياد ورحت اصطاد صادوني
طرحوا شباكهم رموش العين.. صابوني
يا عدوية..
اه يا ليل يا قمر والمنجه طابت ع الشجر..
اسقيني يا شابه.. وناوليني حبة ميه..
اسم النبي حارسك.. اسمك ايه ردي عليا..
عدوية..
اه يا عدوية..
اوعوا تحلوا المراكب.. والله يا ناس ما راكب..
ولا حاطط رجلي في الميه.. الا ومعايا عدوية..
عدوية..
اسمك عدوية يا صبية.. ورموشك شط..
وانا طول عمري غريب في الميه.. بتشال واتحط..
يا ام الخدود العنابي.. يا أم العيون السنجابي
يا مركبي وبحرك داري.. يا حجاب حشيلوا في غيابي..
مدي ايديك خديني.. خديني..
ولفلفيني السنين.. خديني ..
والله صورتك بتنفع تزين الجرانين..
اوعوا تحلوا المراكب.. والله يا ناس ما راكب..
ولا حاطط رجلي في الميه.. الا ومعايا عدوية..
عدوية..
في ايديا المزامير.. وف قلبي المسامير..
الدنيا غربتني.. ونا الشاب الأمير..
رمشك خطفني من اصحابي.. وانا واد صياد ..
لفيت بلاد وبلاد.. وبلاد
اتاريكي ساكنه الناحية دي.. يا سلام يا ولاد..
مين كان يقول البصه دي تصطاد صياد..
اوعوا تحلوا المراكب.. والله يا ناس ما راكب..
ولا حاطط رجلي في الميه.. الا ومعايا عدوية..
عدوية..
دوار.. يا ناسيني الشوق دوار..
يا ممشيني كذا مشوار..
في الموج نحتار.. ليل ويا نهار..
عدويه.. اهي.. ضحكتها نهار..
عدويه اهي.. شمس واسرار..
اوعوا تحلوا المراكب.. والله يا ناس ما راكب..
ولا حاطط رجلي في الميه.. الا ومعايا عدوية..
عدوية..


1
Amany Ezzat غير متواجد حالياً  
07-15-2014, 02:07 AM   #47
Amany Ezzat
vip
Crown5
 
تاريخ التسجيل: Jan 2014
الدولة: مصر
المشاركات: 6,586

الشحرورة صباح

ساعات ساعات
ساعات ساعات
أحب عمرى وأ
س عشق الحاجات
وساعات ساعات
ساعات ساعات
أحب عمرى وأعشق الحاجات
أحب كل الناس وأتملى احساس
أحب كل الناس وأتملى احساس
وأحس جوايا بميت نغم
ميت نغم يملو السكات
ساعات ساعات ..
وساعات ساعات
ساعات ساعات
أحب عمرى وأعشق الحاجات
آه آه
وساعات ساعات..
أحس أد ايه وحيدة
وأد ايه الكلمة فى لسانى ماهيش جديدة
أحس أد ايه وحيدة
وأد ايه الكلمة فى لسانى ماهيش جديدة
وأد ايه مانيش سعيدة
مانيش سعيدة
وان النجوم
النجوم بعيدة
وتقيلة خطوة الزمن
تقيلة دقة الساعات
ساعات ساعات ..
وساعات ساعات
ساعات ساعات
أحب عمرى وأعشق الحاجات
آه آه
وساعات ساعات..
أضحك وألعب زى عصفورة ربيع
زى النسيم
زى النسيم ما يعدى وفى لحظة يضيع
أضيع
أفرح أوى ..
وأضحك أوى أوى..
وأحب عمرى وأعشق اليوم اللى فات
ساعات ساعات ..
وساعات ساعات
ساعات ساعات
أحب عمرى وأعشق الحاجات
آه آه
وساعات ساعات..
غريبة..
وغريبة
نفس اللى بيفرحنى ما يفرحنى
وغريبة
نفس اللى بيريحنى ما يريحنى
وأحس ان عمرى فات
من غير ما أحب عمرى وأعشق الحاجات
وأحس ان عمرى فات
من غير ما أحب عمرى وأعشق الحاجات
كدا ساعات
وكدا ساعات
آه
وغريبة غريبة
دقة الزمن..
وغريبة غريبة
لعبة الساعات..
غريبة غريبة..
لعبة الساعات
ساعات ساعات..
وساعات ساعات
ساعات ساعات
أحب عمرى وأعشق الحاجات
آه آه
أحب كل الناس وأتملى احساس
وأحس جوايا بميت نغم
ميت نغم يملو السكات
ساعات ساعات ..
ساعات ساعات
ساعات ساعات
أحب عمرى وأعشق الحاجات
آه آه
1
Amany Ezzat غير متواجد حالياً  
07-15-2014, 02:10 AM   #48
Amany Ezzat
vip
Crown5
 
تاريخ التسجيل: Jan 2014
الدولة: مصر
المشاركات: 6,586

الرائعة شادية

أسمراني اللون

آه يا اسمراني اللون.. حبيبي يا اسمراني
يا عيوني نسياني عيون.. حبيبي الاسمراني

آه تحت الرمش عتاب وحنين وعذاب وعيون ما تنام
آه دوقت معاك طعم الايام دلوقتي تغيب يا سلام
جوني سألوني جاوبتهم عني دموع عيني
علشانك امشيها بلاد.. حبيبي يا اسمراني
من غير ولا مية ولا زاد.. يا حبيبي يا اسمراني

آه يالي عيونك شمعة وضحكة وبحر ونسمة صيف
آه انت رسيت وانا وسط الشوق حيران من غير مجاديف
جوني سألوني جاوبتهم عني دموع عيني
يا طير يا مسافر لبعيد.. روح قول للاسمراني
ليه سافر ونسي المواعيد.. يا حبيبي يا اسمراني

ليه وانت تحب الشوق أكتر مني وقلبك عطشان
ليه وانت قايلي إن غيبت يغيب م الدنيا أحلى مكان
جوني سألوني جاوبتهم عني دموع عيني
قالوا.. قلت دوايا عيون.. حبيبي الاسمراني
بتغرقني ف سحر اللون.. يا حبيبي يا اسمراني


يا عيني يا عيني ع الولد

الواد كما أي عيل في عيال ناس البلد
جسمه برضك قليل زي عيال البلد
يغوى صوت السواقي لما تملى البلد
زي عيال البلد
والقلب أخضر مزهزه لا مكر ولا حسد
زي عيال البلد

الواد أبو قلب لين صبح غير الولد
ضاع منه قلبه وبيضوي وسط صريخ البلد
الحلم اللي حلمته في الصبح بيتفرذ
يصبح ذنب البلد
بيصبح هم البلد
والضحك اللي ضحكته أهه دمعه البلد
صرخة حزن ونكد
صرخة بنت وولد
يا ابو العيون عسلية

ولا قدك ميه يابو العين العسليه
إن شا الله تاخدنى لشط الجنه الدهبيه
وإن رحت معاك وطاوعت هواك
حهرب على أول مركب حتعدى عليا

يا بو عين قدارة ولما بشوفها بتدارى
عايز تسرقنى من قلبى فاكرها شطارة
ما تطمنيش.. بصة عينك.. عسلية عسلها يشبه طعم السنارة
وإن رحت معاك وطاوعت هواك
حهرب على أول مركب حتعدى عليا

يا بو عين عسليه عينيك ما فيهاش حيرة العاشقين
فيها مكر وسحر وشيء مش عارفه جاى منين
شيء بيحايلنى أجرى وراه خطوة وأعود تانى
أهرب وأرجع لك وأهرب مش عارفه أهرب على فين
وإن رحت معاك وطاوعت هواك
حهرب على أول مركب حتعدى عليا

بتغنى عليا وبتلعب بيا.. بعد شوية حترمينى
يابو عين عسلية ولا قدك ميه.. شاطر بس تودينى
حتمشى معاك فى جنينة الحب تلات أيام
وتفوتنى هناك أشواك البعد تكوينى
وإن رحت معاك وطاوعت هواك
حهرب على أول مركب حتعدى عليا


قالى الوداع


قالّي الوداع.. الوداع قالّي
حط إيده ف إيدي وقالّي: الوداع.. قالّي
بصيت عليه ف الليل ماشي
والدمعة حايرة ما نازلاشي
شايفاه بيبعد بعيد.. بعيد
بالفرحة والمواعيد.. بعيد
بالذكريات والعيد
مشي حبيبي ما خلاشي
وقالّي: الوداع.. قالّي

مشي حبيبي، وليه يمشي؟
خايفة البكا يدوب رمشي
دنا كنت بحلم بشي
أخضر يضلل علّي
مش ليلة ما فيهاش ضي
يجي اللي عمره ما ظلمشي
يقولي: الوداع.. قالّي

دي نجوم دي ولاّ دموع ولاّ
الدنيا بيا بتتسلى
ببكي على الحلم راح
زي النسيم والرياح
وساب مكانه الجراح
أخد النسايم والضلة
وسابلي الوداع.. قالّي

آه يا وداع الحبايب
آه مستني فين.. كنت غايب
وأديني راجعة لمكاني
دبلان في قلبي بستاني
راح القمر والأغاني
إديت وما خادتش نايب
إلا الوداع.. قالّي


1
Amany Ezzat غير متواجد حالياً  
إضافة رد

مواقع النشر (المفضلة)

الكلمات الدلالية (Tags)
المصريه, الابنودى, الغاليه, فارس

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
قصيده يعيش جمال حتى ف موته للشاعر عبد الرحمن الابنودى السويدي منتدى ثقافي موضوعات ثقافية عامة خواطر شعر سيرة شعراء 3 03-22-2013 12:13 AM
شاعر الفقراء عبد الرحمن الابنودى السويدي منتدى ثقافي موضوعات ثقافية عامة خواطر شعر سيرة شعراء 18 01-20-2013 07:22 PM
فارس من سالف الزمان بنت تونس منتدى ثقافي موضوعات ثقافية عامة خواطر شعر سيرة شعراء 34 03-12-2011 09:26 PM
فارس مملكتى مالك عرش احلامى بنت تونس منتدى ثقافي موضوعات ثقافية عامة خواطر شعر سيرة شعراء 10 08-24-2010 03:50 PM
احمد ديدات فارس الدعوه السويدي منتدى ادبي موضوعات ادبية سيرة الادباء قصة قصيرة 16 04-29-2008 04:01 PM


الساعة الآن 11:25 PM.


Powered by vBulletin® Version 3.8.9
Copyright ©2000 - 2017, vBulletin Solutions, Inc