منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > منتدى ثقافي موضوعات ثقافية عامة خواطر شعر سيرة شعراء

منتدى ثقافي موضوعات ثقافية عامة خواطر شعر سيرة شعراء منتدى ثقافي موضوعات ثقافية خواطر سيرة شعراء اجمل قصائد

07-14-2014, 03:33 PM   #41
Amany Ezzat
vip
Crown5
 
تاريخ التسجيل: Jan 2014
الدولة: مصر
المشاركات: 6,577

Facebook Twitter Google LinkedIn vkontakte messenger Digg
بإبتسامتي البلها وأنا حاضن ترابي
لما يعجن دمي شبرين من تراب أرض الوطن
وأنا حاضن اللي خانوني......إذكروني
إذكروني
لأني كان ممكن أعيش
وأبقي طاووس يختبي
صوته القبيح في أحلي ريش
بين طواويس الوطن
الربيع يخضر أكتر في العطن
أتصدر المحافل
لابس البدله اللي بداري الكفن
أتصدر المحافل
وأنا قافل اي شباك عالضيا
وأبقي سافل
وأستخبي تحت لفتات الحيا
.........المثقف......المجفف
اللي فرعه مهما طاطا
عمره ما يشبع تدني
.................يا صديقي
يسقط الجسد اللي بيزاحم طريقي
واللي بيغرس خطايا في الخطايا
نصحي عاليوم الجديد
نلاقينا فقدنا حريتنا
وتاجرنا من تاني بالنشيد
تسقط الحرية من غير قصد
في عالمنا البليد
تسقط العزة....وأقنعة الكرامة
الاحتراف قتل الهواية
والشرف كما تعلمون شيء مش مفيد
تسقط الحرية
نتخلق باخلاق العبيد
وفمعاصم كل أيد
ينبت القيد الحديد
لا طموح لأي فكر
والوتر مايعدش بكر
لا يعود للعفة ذكر
والضمير يتباع في أسواق النخاسة بالوقية
والمواقف بالدراهم
والنجاسة بالروبية
اللي طاهر يصحي خاين
تصبح الجماهير زباين
حاجة بدعة
تسكت الأصوات
لكن الأمة سامعة
والقضية الإنسانيه
تبقي سلعة

وسط ده كله إذا قلت الحقيقة
............ ها تكرهوني
ولسنتكو يشوهوني
هكذا قال المغني
ثم غني بصوتي...دمّع من عيوني
لما يعجن دمي شبرين
من تراب ارض الوطن
إذكروني

إحنا عصافير الزمن ده
اللي حافظة كل فرع وكل وردة
واللي بتزقزق قلوبها
فلحظة واحدة للوطن
قتلونا باللي حاصل
متعونا بالسلاسل
الأمان والضحكة مش هايعودوا واصل
بعد مالشققا خانونا
إحنا عصافير الزمن ده
اللي حافظة كل فرع وكل وردة
الوطن كان حلمنا وكنا بابه
الوطن ده اللي حلمنا بضحكته
وهو فاكرنا بعذابه
اللي ما وراثنا الا الدمع في قراية كتابه
الوطن عبقري العالم في تنويع البلادة
واللي بيعذبنا فحضوره وغيابه
ساعة نتمرغ في صدره
وساعة نلعن أبو اللي جابه
الوطن الكلمة دي
العذاب اللي بنوره بنهتدي
العذاب ما نقولش أخ
ده وطن ده ولا فخ

أوصفك يا وطن بأيه
بالنبات الغض يتغزل في مناشير الجرادة
الليلادي ولا بكرة الصبح
تصطادني الرصاصة
البدن يرجع لأصله تراب وماء
الرصاصة لأني فاشل في المداهنة
لأني كاذب في النفاق
دون ما أسأل ليه بموت من دون جميع الأصدقاء
أنطرح وافرد دراعي
دون ما أسأل عن السبب أو الدواعى
ربما لأني قصدت لكن فشلت
أبيع لساني قطعه قطعه
ربما لأني رومانتيكي وعواطفي لسة خرعة
الديابة العبقرية أصدقائي
وفنهم ساعات بنوره يطفي فني
اللي واثقين من غناهم
وأنا يرعبني الغني ساعة ما غني
كلهم قلبوا قلوبهم
غيروا وشوشهم وقولهم
ضحكوا علي جهلي وسابوني
هكذا قال المغني
وكأنه مد أيده إستل صوتي
وقاله عني
وسرقها من ضلوعي
ودسها فصدقه الجنوني
لما أعداء النزاهة يبندقوني
أوعوا تنسوا شهقتي
وتمشوا بدوني
أوعوا بالصمت المليل ترعبوني
تتركوا اللي هيزرعوا الموت في ترابكم
من ترابكم ينزعوني
وإغفروا خيبتي القوية
إغفرولي تفاهة الموته
عشان خيبة القضية
لموا خلقاتي عليه...لملموني
وانتو بتقولوا عليه
المغني إبن الغبيه
اللي فاشل في المداهنه
واللي خايب في النفاق
مات مايعرفش شهيد
شعب الكويت واللا العراق

لما بفخر بالديار
أو بغني للصغار
ليه بحس فصوتي رنة لاتجار
ليه بحس بصوتي.. مش صوتي.. كأنه مستعار
قد ما يحافظ المغني علي صوتّ
قد ما يفحت تراب قبره
ويسعي نحو موته
وتنعدم فيه قدرته علي الحوار
إنما عالم نعيشه
والبطل فينا اللي يعرف
مطرحه في قلب جيشه
هكذا قال المغني
قد ما ننورها هي مضلمه
قد ما نعلمها مش متعلمه
كل ليله بايته مظلومه وهي الظالمه
قد ما نحجمها تفلت ملاطار
يا صديقي.. الوطن ما خبزش عيشه
والتاريخ لو مش كلام
نرفض أبوه .....نرفض نعيشه
......السلاح من صنع بره
.....والكلام من صنع بره
......والهوي البارد في بيتي ..صنع بره
لا نسجت الهدمه علي نول الخشب
ولا إيدي بتبني بيتي
....جلابيتي ...عمامتي...حواديت الصغار
الحلاوه حلوه مره ....شغل بره
أيه يهم إن عشت في عالي القصور
أو قضيتها أغمس الكسره في زيت
أيه يهم إن مت من أجل البشر
ولا سبت الديب يصرخ و اتغابيت
أو نسيتها أو اتناسيت
أيه يهم إن دورت أغني للعراق
أو أغني للكويت
.....الشهاده مجانيه
والبطوله نفحات إستعراضيه
والمعاناه حجة العاجز وعجز الانكسار
بافترض ليه إني شخص عام
ما بمثلشي شخصي
وانا عارف إن أمري كله شخصي
هكذا قال المغني
اللي كان معجب بفني
وكأنه أخدها مني
ودسها فصدقه الجنوني
غني لما قاللي غني
غني ويايا بدوني
لما يعجن دمي شبرين من تراب أرض الوطن
لما أحضن وانا قصدي أتحضن
لما يرحل صوتي خارج الزمن
لا اشتريكوا..ولاتبيعوني
ولا جرنال الصباح يخرق عيوني
في قلوبكم إدفنوني
وإذكروني.....إذكروني
Amany Ezzat غير متواجد حالياً  
07-14-2014, 05:23 PM   #42
Amany Ezzat
vip
Crown5
 
تاريخ التسجيل: Jan 2014
الدولة: مصر
المشاركات: 6,577

احدث قصيدة كتبها يونيو 2014

أول كلامى أصلّى ع النبى العربى

نبى ما كان يكره إلا ريحة الخايْنين

وَافْتَّح كِتابَ مصر واقرا القصة بالعربى

وما جرى فيها فى يونيه فى يوم تلاتين.

يتمطّع الضىّ ع الخُضرة فى ساعة عصر

كأنه نسْمَة خصُوصى جايّه للمساكين

كان مين قِدِر والاَّ يقدر يِتْنِى راية مصر

حلم الغزاة اللى داير من قرون وسنين؟!

ومصر اهِه لسّه عايشة ولسّه بِتعافِر

وعَزْمَها المر.. صبَّرها على الغازْيين.

فاصْحَى وفوق ياللي بنعيم الوطن كافر

ورامى صنانيرك النَّحْس فْ بحور تانيين!!

■ ■ ■

أمرك عجيب يا تى.. ياللّى صابِغْها همّ

هل دا عبط أيدلوجى والاّ عِلْم دفين؟

ساكن مع المجرمين فى فصول كتاب الدم

تتآمروا على شعبكم وتروّعوا الآمْنين

سِبْت الأصيلة.. ورحت تلُوف على «ابوالدّقْن»

وتمجِّدوا الكدابين.. كانت أوامر مين؟

سيدكم هناك.. قالّكم: «دى فى انتظار الدفن..

بسّ اصمدوا والحكاية.. حتنتهى فى يومين»

هيّأتوا نَفْسيِكُو للمنصب يا عبْط يا بُكْم

كما (جلبى) و(المالكى) وابصر مين وزفت الطين.

وخلاص يقين إنه قرّب ليكو كرسى الحكم

طِلْعوا لْكو وِلْد الأبالسة جيوش يوم تلاتين.

الطَّبْخَة تمت هناك فى مطبخ الأعداء

عُملا وجواسيس وقبِّيضَة وشباب خاينين.

أخدوا الأوامر يخلُّوا مصر دى أشلاء

من بياعين النضال.. لبياعين الدين

كلُّه صناعة أمريكانى والتيكيت مغلوط

مزوّرينه بِقِلِّةْ صنعة.. يا فاشلين

سحروك يا ثورى؟ خَلاص إفضل كده (مربوط)

تنكر ودانك هدير الشعب بالملايين!!

■ ■ ■

ويا مصر مدّىْ الخُطى.. وحققى الفكرة

إنتى ابتديتى الكتابة والفنون والدين

لو شايفه بكرة أكيد راح توصلى لبكره

وارمى وراكى اللى قاصدين يبقوا مش شايفين!!



يوليو 2014




مرسال

الشعب عمره ما راح يعود للوهم
والرجرجة في القول والأفعال
المسألة غياب سلوك الحسم..
في حرب جبارة جهاد وقتال
المسألة دعم أو مش دعم
رايحين لفين أهو ده أهم سؤال
أنا مش مصدق مهما صدق العزم
إنك تشيل الميه في الغربال
كله أخد على البلطجة والخم
ومصر مرضانة مرضها عضال
الشهر يسحب خلف منه شهر
تقع المروءة مهما هتكون شهم
يا أيها القبطان قانون البحر
متخفش على الساري وخاف على اللحم
والشعب طاشي لا نظر ولا سمع..
وفضيت الساحة من الحرافيش
الدم متنكر في صورة دمع..
والكبد متمزع والقلب مفيش
فاحذر لسان مسموم بقولنا وقال
وآخر النهار لا جدعنة ولا مال
عيون أزاز أما قلوبهم شمع
والروح حتة شقف وضمير خيش
متتكلش على اللى مبيديش
طواويس منفوشة هوادج ريش
ويخافوا جدا من حكاية الجيش
زمان جه حاكم قلع الطرابيش
وخد بأيد المنسي في التهميش
وأنت سمحت إزاي يغلوا العيش
وسبت أهل النهب والتكويش
ناسك لو انصرفوا هيفضى الكون
لو ناديت مش رح يرد سؤال
الفقراء ضاعوا لا مدد ولا عون
كأنما الثورة خيال في خيال
يالى طردت شيطانها الملعون
فارس ونعمه بسالة الخيال
تحت الفرس قلب الفقير مطعون
ولا من سمع أنين فقير الحال
ضحك المرابي.. وداس على المديون..
والغالية رايحة ترهن الخلخال
فتحت قلبي وبحت بالمكنون
والفقراء بعتني إليك مرسال



يتبع
Amany Ezzat غير متواجد حالياً  
07-15-2014, 01:25 AM   #43
Amany Ezzat
vip
Crown5
 
تاريخ التسجيل: Jan 2014
الدولة: مصر
المشاركات: 6,577

نكمل المشوار
ندخل عالم الأغانى



انطلقت ثورة الاغنية الشعبية من سماء القاهرة
لتكتب صفحة لم تكتب من قبل في تاريخ الغناء

عبدالرحمن الأبنودى
واحدا من الذين غيَّروا شكل الأغنية،
فقد أضاف إليها لغته، ومفرداته، وطريقته، وأفكاره،
حتى قيل أن الأغنية قبل الأبنودى شىء وبعده شىء آخر
لم يكن مجرد اسم في كتاب كثير الصحفات
مكتوب فيه أسماء شعراء ومؤلفين كثيرين،
لكنه كان حالة خاصة فريدة من نوعها،
مزجت بين أصالة الصعيد وحضارة المدينة،
أشعار وأغانى عندما تسمعها تعرف أنه لم يكتبها غير
عبد الرحمن الأبنودي.

عندما تذكر عبد الحليم حافظ بالتأكيد
تتذكر "عدى النهار"، تتذكر "أحلف بسماها"، تتذكر "أنا كل ما أقول التوبة" و"أحضان الحبايب".

وعندما تتذكر صباح فأول ما يأتى في ذهنك مشهد صباح وهى على البحر تغنى "ساعات ساعات"
تتذكر فايزة أحمد فتتذكر "يمّا يا هوايا يمّا" و"مال على مال"
تتذكر نجاة فيقفذ الى ذهنك

"عيون القلب" تلك الأغنية التي تعتبر الأبرز في تاريخ نجاة
تتذكر شادية و أشهر أغانيها التي يعشقها جمهورها "آه يا أسمرانى اللون"
اما المطرب الكبير محمد رشدى فقد كان لمجموعة الأغنيات التي قدمها رشدي ابتداء من «تحت الشجر يا وهيبة ومرورا بأغنية عدوية وكعب الغزال وعرباوي وع الرملة وما علي العاشق ملام ومتي أشوفك وطاير يا هوا» وغيرها، وقد افتتن بها جيل بأكمله

وكان آخر عمالقة الجيل القديم الذين تعامل معهم الأبنودى هي المطربة وردة الجزائرية، التي كتب لها أغاني "قبل النهارده" و"دايمًا أحباب".

ولم ينتهِ عطاء الأبنودى عند جيل العمالقة فقط، لكنه أكمل مشواره مع الملك محمد منير، ماجدة الرومى ,على الحجار ، ومحمد ثروت، ومحمد الحلو، وهاني شاكر، ومدحت صالح، وميادة الحناوي وغيرهم

Amany Ezzat غير متواجد حالياً  
07-15-2014, 01:34 AM   #44
Amany Ezzat
vip
Crown5
 
تاريخ التسجيل: Jan 2014
الدولة: مصر
المشاركات: 6,577

البداية


أغنية أنقذ قطنك..
غناء: فاطمة على..
كانت هذه اولى كلماته المُغنَّاة،
سمعها الابنودى واندهش كيف وصلت إلى الإذاعة؟
ومَن الذى اختارها؟ وكيف تحولت لأغنية متكاملة بهذه السرعة؟

والسر كان عند صلاح جاهين
سأل صلاح جاهين، الأبنودى:
«مافيش حاجة فى جيبك أنشرها؟ عشان مش قادر أرسم»،
فرد عليه الخال: كاتب عن دودة القطن..
تلزمك؟..
«ماتقولش حاجات مقسومة..
ماتقولش الأيام سود..
قوم من أحلاها نومة..
وانجد قطنك من الدود».

فنشرَها جاهين،
وحدث ما لم يتوقعه أحد.
الأستاذ الشجاعى مدير الاذاعة طلبها،
وهو المسؤول عن تحويل الأشعار إلى أغانٍ للإذاعة،
وبعدها كلفه الشجاعى بكتابة ثلاث أغنيات،
واحدة عن السد العالي وقام بغنائها الراحل محمد قنديل،
والثانية تذاع حتى اليوم كل صباح
بصوت نجاح سلام في برنامج (طريق السلامة) بالراديو
وهي (بالسلامة ياحبيبي بالسلامة)
والأغنية الثالثة هي أول عمل جمعه
مع محمد رشدي (تحت الشجرة يا وهيبه)
والتي حققت نجاحاً مدوياً في حينها.
Amany Ezzat غير متواجد حالياً  
إضافة رد

مواقع النشر (المفضلة)

الكلمات الدلالية (Tags)
المصريه, الابنودى, الغاليه, فارس

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
قصيده يعيش جمال حتى ف موته للشاعر عبد الرحمن الابنودى السويدي منتدى ثقافي موضوعات ثقافية عامة خواطر شعر سيرة شعراء 3 03-22-2013 12:13 AM
شاعر الفقراء عبد الرحمن الابنودى السويدي منتدى ثقافي موضوعات ثقافية عامة خواطر شعر سيرة شعراء 18 01-20-2013 07:22 PM
فارس من سالف الزمان بنت تونس منتدى ثقافي موضوعات ثقافية عامة خواطر شعر سيرة شعراء 34 03-12-2011 09:26 PM
فارس مملكتى مالك عرش احلامى بنت تونس منتدى ثقافي موضوعات ثقافية عامة خواطر شعر سيرة شعراء 10 08-24-2010 03:50 PM
احمد ديدات فارس الدعوه السويدي منتدى ادبي موضوعات ادبية سيرة الادباء قصة قصيرة 16 04-29-2008 04:01 PM


الساعة الآن 04:50 AM.


Powered by vBulletin® Version 3.8.9
Copyright ©2000 - 2017, vBulletin Solutions, Inc