منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > منتدى ثقافي موضوعات ثقافية عامة خواطر شعر سيرة شعراء

منتدى ثقافي موضوعات ثقافية عامة خواطر شعر سيرة شعراء منتدى ثقافي موضوعات ثقافية خواطر سيرة شعراء اجمل قصائد

06-09-2014, 11:38 PM   #5
Amany Ezzat
vip
Crown5
 
تاريخ التسجيل: Jan 2014
الدولة: مصر
المشاركات: 6,586

Facebook Twitter Google LinkedIn vkontakte messenger Digg
وأخيرا وليس بأخر

حرف الياء


ياما صادفت

ياما صادفت صحاب وما صحبتهمش
وكاسات خمور وشراب وما شربتهمش
أندم على الفرص اللى انا سبتهم
والا على الفرص اللى ما سبتهمش

عجبى !!



يا باب

يا باب أيا مقفول . . إمتى الدخول
صبرت ياما واللى يصبر ينول
دقيت سنين . . والرد يرجع لى : مين ؟
لو كنت عارف مين أنا . . كنت أقول

عجبى !!



يوم قلت اه

يوم قلت آه . . سمعونى قالوا فسد
ده كان جدع قلبه حديد واتحسد
رديت على اللايمين أنا وقلت . . آه
لو تعرفوا معنى زئير الأسد

عجبى !!



ينبوع

ينبوع وفى الحواديت أنا سمعت عنه
إنه عجيب . . وف وسط لهاليب لكنه
شقيت كما الفرسان طريقى . . لقيت
حتى الخنازير والكلاب شربوا منه

عجبى !!



يا قرص شمس

يا قرص شمس ما لهش قبة سما
يا ورد من غير أرض شب ونما
يا أى معنى جميل سمعنا عليه
الخلق ليه عايشين حياه مؤلمة

عجبى !!




يا نجم

يا نجم . . نورك ليه كده بيرتجف ؟
هو انت قنديل زيت ؟ . . أو تختلف ؟
أنا نجم عالى . . بس عالى قوى
وكل ما انظر تحت اخاف انحدف


عجبى !!



يا طير يا عالي

يا طير يا عالى فى السما طظ فيك
ما تفتكرشى ربنا مصطفيك
برضك بتاكل دود وللطين تعود
تمص فيه يا حلو . . ويمص فيك

عجبى !!



ياللي نصحت الناس

ياللى نصحت الناس بشرب النبيت
مع بنت حلوه . . وعود، وضحك، وحديت
مش كنت تنصحهم منين يكسبوا
تمن ده كله ؟ . . والا يمكن نسيت

عجبى !!



ياللي انت بيتك قش

يا للى انت بيتك قش مفروش بريش
تقوى عليه الريح . يصبح مفيش
عجبى عليك حواليك مخالب كبار
وما لكش غير منقار وقادر تعيش

عجبى !!



يا مشرط الجراح

يا مشرط الجراح أمانة عليك
وانت ف حشايا تبص من حواليك
فيه نقطه سوده فى قلبى بدأت تبان
شيلها كمان . . والفضل يرجع إليك

عجبى !!



ياللي عرفت الحب

ياللى عرفت الحب يوم وانطوى
حسك تقول مشتاق لنبع الهوى
حسك تقول مشتاق لنبع الغرام
ده الحب . . مين داق منه قطره .. ارتوى

عجبى !!



يا ميت ندامه

يا ميت ندامه ع القلوب الخلا
لا محبة فيها ولا كراهه ولا
حتى يا قلبى الحزن ما عادش فيك
معلهش … لك يوم برضه راح تتملا

عجبى !!



يأسك

يأسك وصبرك بين إيديك وانت حر
تيأس ما تيأس الحياه راح تمر
أنا دقت مندا ومندا عجبى لقيت
الصبر مر وبرضك اليأس مر

عجبى !!



يا عندليب

يا عندليب ما تخافش من غنوتك
قول شكوتك واحكى على بلوتك
الغنوه مش ح تموتك إنما
كتم الغنا هو اللى ح يموتك

عجبى !!



ياللي بتبحث عن اله

ياللى بتبحث عن إله تعبده
بحث الغريق عن أى شىء ينجده
الله جميل وعليم ورحمن رحيم
إحمل صفاته … وانت راح توجده

عجبى !!



ياللي في حماه

يا للى ف حماه الشمس تلقى الملاذ
وألف بكره وبكره … فى ضلوعه لاذ
مين انت؟ مارد؟ رب؟ قال لأ ده بس
يا اللى باروى القمح واسقى الفولاذ

عجبى !!



يا كل كلمه

يا كل كلمة للعجب فى قاموس
انسكلوبيديا لسان عرب أو لاروس
تعالوا نجدة . ده لسه فى عصرنا
الشمس والبحر العريض بالفلوس

عجبى !!



يا ورده

يا وردة قلبى معاكى فى الريح لعب
لا تعبتى م الريح ولا قلبى تعب
احنا كده : نرتاح فى صخب الجنون
وفى السكون بنخاف قوى ونترعب

عجبى !!



يا خالق الكون

يا خالق الكون بالحساب والجبر
وخالقنى ماشى بلختيار والجبر
كل اللى حيلتى زمزمية أمل
وازاى تكفينى لباب القبر ؟

عجبى !!



يا ملونين البيض

يا ملونين البيض فى شم النسيم
لون الحنين والشوق وخمر النديم
ماتعرفوش سايق عليكو النبى
تلونوا الأيام بلون النعيم ؟

عجبى !!



يومي

يومى على الله تنتهى وتغيب
الشمس . وتعود تانى يوم لهاليب
زى الحياة . مأساه . ومن كترها
بقى لا انتهاءها وابتداءها عجيب

عجبى !!

دى بس الرباعيات للراحل العظيم
جزء يسير من أعماله لو عجبكم ممكن نكمل

فلقد وصلت اعداد أشعاره فى الرباعيات 160 رباعية
أما أشعاره وصلت إلى 52 قصيدة عامية
و الأزجال 59 قصيدة زجلية و الأغانى 55 أغنية
وكانت منوعاته الغنائية متعددة و وصلت إلى 37 منوع غنائى
و المسرحيات 7 مسرحيات دا غير الرسومات الكاريكاتورية .
Amany Ezzat غير متواجد حالياً  
06-10-2014, 02:45 AM   #6
Amany Ezzat
vip
Crown5
 
تاريخ التسجيل: Jan 2014
الدولة: مصر
المشاركات: 6,586

وأخيرا مسك الختام
وﻷنها بتمسنى شخصيا تذكرتها
لكن فى سطر تايه مش عارفه اكمله
فضلت ادور على الرباعية فى كتاب عندى
تهت فيه من جمال معانيه واسلوبه ومفرداته
و .......ودا كان السبب فى كتابتى للموضوع
ولذالك افردت ليها مشاركة خاصة


شاف الطبيب

شاف الطبيب جرحى وصف له الأمل
وعطانى منه مقام يا دوب ما اندمل
مجروح جديد يا طبيب وجرحى لهيب
ودواك فرغ منى . . وإيه العمل ؟

عجبى !!



لمتابعه موضوع
صلاح جاهين ملف كامل
اضغط على الرابط التالى


https://www.ward2u.com/showthread.php?t=21699
Amany Ezzat غير متواجد حالياً  
06-10-2014, 06:33 AM   #7
moh004
vip
star6
 
تاريخ التسجيل: Jun 2007
الدولة: مصر - بورسعيد
المشاركات: 5,315

مهندسه ورد للفنون الغاليه امانى

انتقاء جميل ومميز
للاعمال الادبيه للفنان الموهوب صلاح جاهين
والذى تعددت مواهبه فى الكتابه والرسم والتمثيل
وهذا الكم الوافر من الرباعيات
التى نرى فيها احيانا ما نظن انه مكتوب بحبر
لم يجف بعد من كثره مواكبته
لاحداث مواتيه تعيشها بكل تفاصيلها
وبكل معانى الكلمات التى تعبر عنها
وبكل تأكيد لايشبع نهم صفحات ورد للفنون
من الجمال والرقى الا ما اكتمل او شرف على الاكتمال
من الموضوعات الثريه لنضمن لعشاق ورد للفنون تمام الاستمتاع
نشتاق للمزيد من جهدك الرائع فى نقل تراجم كامله
لعمالقه الادب العربي او حتى العالميين
مما يتسنى لنا الوصول لاعمالهم المعربه
استمتعت بالمتابعه والقراءه
ولازلت مستمتعا اراجع على فترات

شكرا لكِ
__________________

signature

moh004 متواجد حالياً  
06-10-2014, 10:04 AM   #8
هالة
مراقب عام
Crown5
 
تاريخ التسجيل: Jun 2007
الدولة: القاهرة - الاسكندرية
المشاركات: 26,209

ياما صادفت صحاب وما صحبتهمش
وكاسات خمور وشراب وما شربتهمش
أندم على الفرص اللى انا سبتهم
والا على الفرص اللى ما سبتهمش
عجبى !!

من اجمل ما قرأت للراحل
صلاح جاهين
رباعيات حوت بين احرفها
كل الحكمة وخفة الكلمة
اسعدني وابهجني مروري
بموضوعك الاكثر من رائع
حبيبة قلبي
اماني
تسلمي ويسلم ذوقك
يا فنانة يا جميلة
__________________

signature

هالة غير متواجد حالياً  
إضافة رد

مواقع النشر (المفضلة)

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
صلاح جاهين ملف كامل Amany Ezzat منتدى ثقافي موضوعات ثقافية عامة خواطر شعر سيرة شعراء 64 04-21-2017 02:05 PM
قصاقيص ورق صلاح جاهين هند منتدى ثقافي موضوعات ثقافية عامة خواطر شعر سيرة شعراء 14 04-10-2012 02:00 PM
عناوين جرانين المستقبل(صلاح جاهين) سماالمجد منتدى ثقافي موضوعات ثقافية عامة خواطر شعر سيرة شعراء 1 05-12-2011 10:12 AM
اشعار صلاح جاهين على اسم مصر القطه الشقيه منتدى ثقافي موضوعات ثقافية عامة خواطر شعر سيرة شعراء 6 03-14-2010 11:18 PM
صلاح جاهين الشاعر الجميل العمدة منتدى ثقافي موضوعات ثقافية عامة خواطر شعر سيرة شعراء 4 04-24-2008 06:35 PM


الساعة الآن 05:57 PM.


Powered by vBulletin® Version 3.8.9
Copyright ©2000 - 2017, vBulletin Solutions, Inc