منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > منتدى ثقافي موضوعات ثقافية عامة خواطر شعر سيرة شعراء

منتدى ثقافي موضوعات ثقافية عامة خواطر شعر سيرة شعراء منتدى ثقافي موضوعات ثقافية خواطر سيرة شعراء اجمل قصائد

11-15-2013, 12:22 AM   #1
RaMy.NoUr
شريك فضي
stars-1-6
 
تاريخ التسجيل: Dec 2010
الدولة: مصر
المشاركات: 258
هى ايه معنى السياسه اشعار حسام نور

Facebook Twitter Google LinkedIn vkontakte messenger Digg

basmala

هى ايه معنى السياسه للشاعر اخي حسام نور

هى ايه معنى السياسة

السياسة هى أنى ***أبقى وطنى وده التمام
يعنى أطيع أمر الحكومة *** وأكون موالى للنظام
يعنى اكون رمز الفساد *** من غير أخلاق ولا أحترام

وهى دى معنى السياسة
كان زمان أبويا قالى *** مالكشى دعوه بالسياسة
أصل اللى بيقول سياسه *** أهله متشحططه ومحتاسه
وعقاب كلمة سياسه *** أمن دولة واعتقال
والسياسة كلمتين *** عاش مبارك عاش جمال
يعنى ابقى حزب وطنى *** ديمقراطى مش تكنوقراطى

وهى دى معنى السياسة
يعنى أقول كل الكلام*** اللى قاله جنابه لينا
واطيعه واصدق عليه
يعنى أمشى ورا الحكومه*** من غير ما أسأل فين وليه

وهى دى معنى السياسة
يعنى لو شفت المظاهره *** اعترض وأاقول خيانة
وهى دى رمز الاهانة *** من عيال عاملينلى ثورة
ويقولوا لسياته أرحل *** إرحل بإرادة الشـباب
واللى مطلوب بقى منى *** إنى اقول دول مش شباب
دول شوية بلطجية *** بيخفسونا فى التراب
دول عيال مش ثورجيه *** دول عيال عاوزه العقاب

وهى دى معنى السياسة
يعنى أطلع اقول مافيش *** أى ريش ولا حتى بيتزا
يعنى أقول عاوزين نعيش *** أمشو بقى عاوزنها تهدا
يعنى أقول فيه وشوش *** غريبة فى الميدان وقاعده
يعنى أقول مابيرحموش *** أطفالنا ونساءنا وجدودنا
يعنى أقول ماليين كروش *** وإحنا بيضيع منا قوتنا
واخدين دولارات مش قروش *** علشان يخربو فى بـيوتـنا

بقى بالذمة دى السياسه
السياسه سيسوها *** طبخه حلوه وطبخوها
ظبطوها وجملوها *** وأكلوها للغلابه
والسياسة مسيسنها *** عجينه هما مشكلنها
يعملولنا بها كعكه *** ويقولو صنية كنافه
والسياسة متسيسه *** دى حكومه حلوه كويسه
بس إحنا اللى دماغتنا *** مش فاهمة معنى الخصخصه

وهى دى معنى السياسه
والسياسه انك تكون *** مرضان كل يوم وتعيا
وتعيش طول عمرك فقير *** وماتسألشى إيه السياسه
وهى دى معنى السياسه *** يعنى تكبر انت وابنك
وكل احفادك وأهلك *** شايلين هم اكل بكره
وماتفكروش تانى فى السياسه *** وهى دى معنى السياسه
والسياسة هى تبقى *** شرطة تقتل أو تغيب
أو يفتحوا السجون علينا*** ويخلوا أطفالنا تشيب
وإحنا من خوفنا عليهم *** نقولها وبكل سلاسه
إرجعوا تانى وإحمونا *** وهى دى معنى السياسه
يعنى أنسى قهر بلدى*** والذل اللى عشنا فيه
يعنى انسى إن ناس *** عايشه مش لاقيه الجنيه
يعنى أنسى ان العيال *** ألقابها أطفال الشوارع
يعنى انسى أحلام شبابنا *** حلم ايه ما الحلم ضايع
وهو ده حلم الحكومه *** عاوزين شباب فى الأصل صايع

وهى دى معنى السياسة
والسياسة إنى أقول *** لأه لمحاكمة مبارك
عيب عليكوا ماتنكروش *** ده راجل عيشنا فى سلام
وكمان بقى ماتحققوش *** مع ماما سوزى وبدون كلام
وجمال واخوه دول مظلومين *** ليهم منى كل احترام
وعز باشا ده راجل نزيه *** ماتطلعوه من السجن حرام

وأنسوه بقى شكل الشهيد
اللى واخد كام رصاصة *** من قريب ومن بعيد
انسوه بقى صوت الشهيد
اللى مات بيقول بلادى *** إرفعوها من الحضيض
أنسوه بقى دم الشهيد
اللى علشان بلده تعلا *** مات وقال تعيشى حرةه
أوعوا تعيشه عيشه مرة

وتقولو هى دى السياسه *** إنسوا بقى دى مش سياسة

أشعار حسام نور

10/8/2011
__________________

signature

RaMy.NoUr غير متواجد حالياً  
11-15-2013, 07:00 AM   #2
SaMaR_ BakR
شريك محترف
stars-2-8
 
تاريخ التسجيل: Nov 2007
الدولة: cairo
المشاركات: 3,482

خواطر سياسية قاتله
تحكي قصة شعب
يصبو إلى الحرية
إلى الأفضل

إلا أن في طريقه إلى هذا الأفضل
يغوص في مستنقع الأسوأ

لنا الله

شكرا لك أخى الفاضل
__________________

signature

SaMaR_ BakR غير متواجد حالياً  
إضافة رد

مواقع النشر (المفضلة)

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
اوريجامي وجوه السياسه في عملات بلدانهم بنت تونس الاشغال الفنية اليدوية خامات البيئة الطبيعية والمصنعة 10 05-05-2016 08:57 PM
الإسلام دين السماحة اشعار حسام نور RaMy.NoUr منتدى ثقافي موضوعات ثقافية عامة خواطر شعر سيرة شعراء 6 11-07-2013 05:49 PM
مجموعه رائعه من اشعار نزار قبانى لؤلؤه منتدى ثقافي موضوعات ثقافية عامة خواطر شعر سيرة شعراء 7 01-05-2012 11:07 PM
السياسه فن وكياسه مش لعبه وخباثه omnia khater الحوار العام الموضوعات الانسانيه النقاش الهادف النقد البناء 1 02-27-2011 12:30 PM
اشعار صلاح جاهين على اسم مصر القطه الشقيه منتدى ثقافي موضوعات ثقافية عامة خواطر شعر سيرة شعراء 6 03-14-2010 11:18 PM


الساعة الآن 08:39 PM.


Powered by vBulletin® Version 3.8.9
Copyright ©2000 - 2017, vBulletin Solutions, Inc