منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > منتدى ثقافي موضوعات ثقافية عامة خواطر شعر سيرة شعراء

منتدى ثقافي موضوعات ثقافية عامة خواطر شعر سيرة شعراء منتدى ثقافي موضوعات ثقافية خواطر سيرة شعراء اجمل قصائد

06-16-2013, 06:43 AM   #5
زهرة الكاميليا
شريك استاذ
stars-2-7
 
تاريخ التسجيل: Jun 2007
الدولة: مصر - اسكندريه
المشاركات: 2,663

Facebook Twitter Google LinkedIn vkontakte messenger Digg
ما تيجى يا مصر اغنيلك للشاعره مروه مأمون

تعبتي يا مصر؟ أغطيكي؟
تنامي شوية ترتاحي وقبل الفجر اصحيكي؟

تعبتي يا مصر اشيل عنِّك؟
أداوي حمارتك العرجا وامص السم من بدنك؟

تعبتي يا مصر اقوم انزل؟
أجيب الساهي من قصره يبوس رجلك ويتذلل؟

تعبتي يا مصر؟! ما تقولي!
ما تنطقي ولّا لساكي هتصبري لجل ما تنولي!

تعبتي يا مصر افضها سيرة واَسلاكي؟
دوشتك بالهتاف ارجع أقولها ف سري بهواكي؟

تعبتي يا مصر؟
أنا راخر تعبت يا بلدي ع الآخر
هتنطقي رهن انا طوعك
هتسكتى .. والله لا مهاجر

أهاجر فين!
وبلد ايه دي اللي ترضى بكل كراكيبي؟
قصص عمري وحواديتي هفوتها لمين؟
وأنهو مطار يعدّيني .. إذا هرّبتها فجيبي؟

أساور جدتي التَّعبان ..
مين لبساها في سويسرا عشان المحها واتشحتف؟
حكاوي حينا الونسان ..
وصوت زفة بنات شبرا.. فين هسمعها واتكيف؟
واهاجر كيف وانا يا مصر متكتف؟
قوليلي يا مصر عيزاني أهاجر ولّا اقوم اهتف؟

الشاعرة البورسعيدية
مروة مأمون

الغاليين
هالة
جمال الحسينى
هند
تشرفت أحبائي بمروركم الغالى
ونبض قلب مصر فى كلماتكم
مصر تتعافى بإذن الله مما ألم بها
ولن يهاجر أولادها ..لن يتركوا نيلها وأرضها المباركة
أولادك يا مصر أوفياء
ومعك حتى تمر رياح الخماسين العابرة

المثال
محمود مختار

ما تيجى يا مصر اغنيلك للشاعره مروه مأمون


وإن غدا لناظره لقريب
والغد عنوانه الأول والأخير.. مصر !
زهرة الكاميليا غير متواجد حالياً  
06-16-2013, 11:05 AM   #6
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,426

طول عمرها شايلة فوق طاقتها
عمرها ماكلت ولا قالت تعبت
عشان كانت بتحارب لجل ولادها يعيشو فى امان
اما الان
الوجع جالها فى القلب من حباب القلب
كل ولد يشد ثوبها من ناحية اللى عاوز يغطيها
واللى بيعرى فيها ده كله والمسؤول عنها
لا بيسمع ولا بيشوف ساكن قصر الخوف
كنا فكرينه منا ولينا مش فاكرين ان ليه عشيرة بيحميها



تعبتي يا مصر اقوم انزل؟
أجيب الساهي من قصره يبوس رجلك ويتذلل؟

ست الكل وحبيبة القلب
موضوعك فتح مجال نقول اللى فى قلوبنا
واللى طابق على صدورنا
واللى كتير ندينا بيه لكن بنادى على من لا يسمع ولا يفهم
شكرا حبيبتى
كلمات جت فى وقتها بالظبط
وكانها بلسان حال كل مصرى شريف
__________________

signature

منى سامى غير متواجد حالياً  
06-16-2013, 08:48 PM   #7
نااانو
مراقب عام
Crown5
 
تاريخ التسجيل: Nov 2007
الدولة: مصر - القاهرة
المشاركات: 26,991

الله ياست الكل
زهرتنا الجميلة
ماكل هذا الاحساس الجميل
بين طيات كلمات مصرية اصيله
معبرة باللوحات والتماثيل كمان
تزيد من قوة المعنى
واسمحى لى بهذه الاضافة
التى راودتنى كلماتها
بمجرد دخولى لموضوعك الجميل

قوم يا مصرى مصر دايماً بتناديك

كلمات: بديع خيرى
ألحان: سيد درويش
غنا: سيد درويش
إنتاج: 1919


قوم يا مصرى مصر دايما بتناديك
خد بنصرى نصرى دين واجب عليك
يوم ما سعدى راح هدر قدام عينيك
عد لى مجدى اللى ضيعته بأيديك
شوف جدودك فى قبورهم ليل نهار
من جمودك كل عضمة بتستجار
فين أثارك ياللى دنست الأثار
دول فاتولك مجد و أنت فوت عار
جبللي اى بلاد يا مصرى فى الجمال
تيجى زى بلادك اللى ترابها مال
نيلها جى السعد منه حلال بلال
كل حى يفوز برزقه عيشته عال
يوم مبارك تم لك فيه السعود
حب جارك قبل ما تحب تحب الوجود
ايه نصارى و مسلمين قال ايه و يهود
دى العبارة نسل واحد مـ الجدود
ليه يا مصرى كل أحوالك عجب
تشكى فقرك و أنت ماشى فوق دهب
مصر جنة طول ما فيها أنت يا نيل
عمر أبنك لم يعيش أبدا ذليل
يوم مبارك تم لك فيه السعود
حب جارك قبل ما تحب تحب الوجود
ايه نصارى ومسلمين قال ايه ويهود
دى العبارة نسل واحد مـ الجدود
__________________

signature

نااانو غير متواجد حالياً  
06-21-2013, 12:47 PM   #8
زهرة الكاميليا
شريك استاذ
stars-2-7
 
تاريخ التسجيل: Jun 2007
الدولة: مصر - اسكندريه
المشاركات: 2,663

حبايبى الغاليين
منى
نااانو

عفوية كلماتكم الجميلة
وأيضا قوم يا مصرى الرائعة
فى حب مصرنا الغالية
عبرت عن كل الخوف والحذر والأمل
ونحن فى مفترق طرق
ومصر الجميلة
بإسلامها الوسطي السمح تختنق

محمودمختار

  • ما تيجى يا مصر اغنيلك للشاعره مروه مأمون
وندعو من قلوبنا ان يكون القادم أفضل وأصلح
كابوس مخيف نحياه
وجهلة بأبسط قواعد الدين
يريدون دفعنا ودهسنا فى غياهب جب سحيق
تدفن فيه هويتنا
فلا تاريخ ولا وجود ولا ريادة
ولا حتى قطرة من نيلنا العذب الفياض الكريم

ويصل بهم الامر لإعلان النفير !!
ضد من ؟
نحن أهل مصر
بمسلميها ومسيحييها
فمن أنتم ؟؟؟

إن مصر لا تنام ..ولا تستكين
وما قبلت بذل على مر التاريخ

ما تيجى يا مصر اغنيلك للشاعره مروه مأمون

بجاه النبي بغلاوة العدرا
انزل يا صفط اللبن
ما تقومي يا شبرا
شي الله يا سيدة
يا ام العِتاب طاهرة
انزل يا مصري بأه!
وكَمِّل الثورة!

مروة مأمون




زهرة الكاميليا غير متواجد حالياً  
إضافة رد

مواقع النشر (المفضلة)

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
أحلام زهره النار للشاعره ليلى حسين عاشق الروح منتدى ثقافي موضوعات ثقافية عامة خواطر شعر سيرة شعراء 1 04-20-2014 09:28 PM
شهيده الحجاب الدكتوره مروه الشربينى بنوته بورسعيدية الحوار العام الموضوعات الانسانيه النقاش الهادف النقد البناء 5 10-02-2013 05:46 AM
المقعد الخالى للشاعره المصريه جليله رضا أسيل منتدى ثقافي موضوعات ثقافية عامة خواطر شعر سيرة شعراء 4 10-01-2012 09:12 AM
الشاعر الغنائى مأمون الشناوى وبعض اشعاره العمدة منتدى ثقافي موضوعات ثقافية عامة خواطر شعر سيرة شعراء 15 04-16-2012 07:52 AM
الخطاط السوري مأمون السقال ياسين محمد محي الدين الخطوط العربية و الزخارف التراثية 9 10-01-2010 02:57 PM


الساعة الآن 04:12 AM.


Powered by vBulletin® Version 3.8.9
Copyright ©2000 - 2017, vBulletin Solutions, Inc