منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > منتدى ثقافي موضوعات ثقافية عامة خواطر شعر سيرة شعراء

منتدى ثقافي موضوعات ثقافية عامة خواطر شعر سيرة شعراء منتدى ثقافي موضوعات ثقافية خواطر سيرة شعراء اجمل قصائد

06-14-2013, 12:17 PM   #1
زهرة الكاميليا
شريك استاذ
stars-2-7
 
تاريخ التسجيل: Jun 2007
الدولة: مصر - اسكندريه
المشاركات: 2,663
ما تيجى يا مصر اغنيلك للشاعره مروه مأمون

Facebook Twitter Google LinkedIn vkontakte messenger Digg

basmala

ما تيجى يا مصر اغنيلك للشاعره مروه مأمون



ما تيجي يا مصر اغنيلك .. تنامي الليلة على كفي

ويِنْزِل دمعي يرويكي .. ينبِّت حِلم في عنيكي

تقومي الصبح تلاقيني .. بَحُط الحِلم في إديكي
ماتيجي يا مصر ترتاحي .. وتِـرْخِـي الجِـفن على خـدّي
تنامي وابات انا صاحي .. نصيبي وقسمتي ووعدي

أضفّر همّي في ضفايرك واغسل بالدموع توبك
ويطلع فَجري على فَجرك .. يلاقي غيري محبوبِك؟
أقيدالشمع على بابك وانادي الخَلْق تتفرج
ولّا هتكْسِفِي ولادك .. تقولي عيال وبنهرَّج

أحَنِّي شَعْرِك المفرود على كتافي .. بلون دَمِّي
ولّا يا مصر بتخافي؟ أداري جرحنا ب كمِّي ‎
أحكيلك على القمرات ولّا يا مصر بتغِيري؟
زهدوا الحب والسهرات .. وواقفين سَدّ لابو ميري

أحكيلك على الطلبة .. وع الفلاح ابو مشنّه
ولّاع اللي في الغربة .. وقلبه في الميدان غنّى؟

ماتيجي يا مصر أحكيِلك .. وانا بعْقُدلك الطَّرحَه
واشْبُكلِك ف منديلك .. حكاوي م الميدان صابحة
ماتيجي يا مصر اغنّيلِك .. تنامي الليلة على كَفِّي
وازوَّق في المَسَا نيلِك .. تقومي الصبح تتزفِّي ‎ ! !


الشاعرة مروة مأمون

اللوحة للفنان فريد فاضل
زهرة الكاميليا غير متواجد حالياً  
06-14-2013, 01:12 PM   #2
هالة
مراقب عام
Crown5
 
تاريخ التسجيل: Jun 2007
الدولة: القاهرة - الاسكندرية
المشاركات: 26,198

ما تيجي يا مصر اغنيلك
ويمسح دمعتك .. كفي
ما تيجي اقول واحكيلك
على هم فاض ومكفي

نقول ايه ونحكي في ايه
يطول الشرح والحكي
والله المستعان
كلام جميل من قلب
بيعرف يحب بجد
مصر الحلوة اللي دوبت سلاطين
ربنا يحفظها ويفرج كربها
تسلمي حبيبة قلبي
لعرضك كلمات في بال
كل مصري كتبتها
بنت مصرية جميلة
دمتِ بكل خير
__________________

signature

هالة متواجد حالياً  
06-14-2013, 05:52 PM   #3
جمال الحسينى
شريك برونزي
stars-1-5
 
تاريخ التسجيل: Oct 2011
الدولة: مصر
المشاركات: 177

السلام عليكم ورحمة الله
الله الله الله
اللهم احفظها وأحميها وانصرها على من يعاديها ( مصر الغالية )
إن كانت هى ست الحسن فأرجوا أن يكون كل شبابها ( الشاطر حسن)
بس مش هنخطفها على حصان أبيض . ولادها المخلصون مش بيخطفوا
ولادها بيضيقوا على حاكم جماعة الليل البغيض حتى يسقط هوا من عرشه
عرش الأبالسة والشياطين المنافقون الكذابون الدمويون . وتسقط
مطامعهم الدنيئة .وغدا يسقط عرش مصاصى الدماء .وتخلع مصر ثوب السواد
وتحتفل بالفجر بإذن الله .
شكرا أختنا الغالية زهرة الكاميليا . وشكرا لشاعرتك الجميلة مروة . وأيضا الفنان فريد
جمال الحسينى غير متواجد حالياً  
06-15-2013, 09:24 AM   #4
هند
مراقب عام
Crown5
 
تاريخ التسجيل: Sep 2007
الدولة: مصر - المنوفية
المشاركات: 10,714

ماتيجي يا مصر اغنّيلِك .. تنامي الليلة على كَفِّي
وازوَّق في المَسَا نيلِك .. تقومي الصبح تتزفِّي ‎ ! !

ممكن؟ ممكن تقوم تانى؟ تلبس توب الفرحه وتتزف؟
ولا سرقوا فرحتنا للابد
سرقوا حتى احلامنا
يارب يجى اليوم اللى نزوق فيه نيلنا(او اللى هيتبقى منه)
ونلبس مصر بأيدينا توب الفرحه والامل فى بكره من تانى

حبيبتى ماما كموله
اختيار متميز للشاعره الجميله مروه ومأمون
واختيار بعيون فنانه للوحة الفنان فريد فاضل
شكرا لك
دمت بكل خير
__________________

signature

هند غير متواجد حالياً  
إضافة رد

مواقع النشر (المفضلة)

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
أحلام زهره النار للشاعره ليلى حسين عاشق الروح منتدى ثقافي موضوعات ثقافية عامة خواطر شعر سيرة شعراء 1 04-20-2014 09:28 PM
شهيده الحجاب الدكتوره مروه الشربينى بنوته بورسعيدية الحوار العام الموضوعات الانسانيه النقاش الهادف النقد البناء 5 10-02-2013 05:46 AM
المقعد الخالى للشاعره المصريه جليله رضا أسيل منتدى ثقافي موضوعات ثقافية عامة خواطر شعر سيرة شعراء 4 10-01-2012 09:12 AM
الشاعر الغنائى مأمون الشناوى وبعض اشعاره العمدة منتدى ثقافي موضوعات ثقافية عامة خواطر شعر سيرة شعراء 15 04-16-2012 07:52 AM
الخطاط السوري مأمون السقال ياسين محمد محي الدين الخطوط العربية و الزخارف التراثية 9 10-01-2010 02:57 PM


الساعة الآن 07:57 PM.


Powered by vBulletin® Version 3.8.9
Copyright ©2000 - 2017, vBulletin Solutions, Inc