منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > منتدى ثقافي موضوعات ثقافية عامة خواطر شعر سيرة شعراء

منتدى ثقافي موضوعات ثقافية عامة خواطر شعر سيرة شعراء منتدى ثقافي موضوعات ثقافية خواطر سيرة شعراء اجمل قصائد

03-17-2013, 03:00 AM   #1
السويدي
vip
Crown5
 
تاريخ التسجيل: Jun 2007
الدولة: London,UK
المشاركات: 11,524
قصيده يعيش جمال حتى ف موته للشاعر عبد الرحمن الابنودى

Facebook Twitter Google LinkedIn vkontakte messenger Digg

basmala

[IMG][/IMG]

يعيش جمال عبدالناصر يعيش جمال حتى ف موتُه
الشاعر عبد الرحمن الأبنودي

يتّريقوا على طوابيرُه
علشان فراخ الجمعية
شوفوا غيره دلوقت وخيرُه
حتى الرغيف بقى أمنيّة.. يرحم جمال عبدالناصر!!



الشاعر عبد الرحمن الأبنودي يلقي قصيدة "جمال عبد الناصر"
التي كتبها عام 2010 في عصر المخلوع حسني مبارك، واعتبرها
النشطاء ردًا على جملة "الستينات وما أدراك ما الستينات" التي
تفوه بها الرئيس محمد مرسي أثناء إلقائه خطبة بميدان التحرير
بعد فوزه في انتخابات الرئاسة.

مع ان الشاعر عبد الرحمن الابنودى كتبها عام 2010
الا ان القصيدة
تحكى حال الواقع الذى نعيشه
فى عصر الاخوان ومرسى


الأبنودي يرد على قول مرسي و«ما أدراك ما الستينات»:
حتى الرغيف بقى أمنيّة.. يرحم جمال عبدالناصر

عمره ما جاع فى زمانه فقير.. أو مالتقاش دوا للعِلّة.. دلوقت لعبةْ
«اخطف طير».. والأمة فى خِدْمةْ شِلَّة.. تكره جمال عبد الناصر


وتقول القصيدة:

من يمدحُه يطلع خاسر
ويشبَّروله.. أيامه
يعيش جمال عبدالناصر
يعيش بصوته وأحلامه.. فى قلوب شعوب عبدالناصر

مش ناصرى ولا كنت ف يوم
بالذات فى زمنه وف حينه
لكن العفن وفساد القوم
نسّانى حتى زنازينه.. فى سجون عبدالناصر

إزاى ينسّينا الحاضر..
طعم الأصالة اللى فى صوته؟
يعيش جمال عبدالناصر
يعيش جمال حتى ف موتُه.. ما هو مات وعاش عبدالناصر!!

إسمه جمال وجميل فعلاً
ياما شفنا شجعان خوّافه
عظيم.. وكان إنسان طبعاً
المجد مش شغل صحافة.. علشان ده عاش عبدالناصر

أعداؤه كرهوه ودى نعمة
مِن كرهُه أعداؤه صادق
فى قلبه كان حاضن أمَّه
ضمير وهمَّة ومبادئ.. ساكنين فى صوت عبدالناصر

ملامحنا.. رجعت بعد غياب
دلوقت بس اللى فهمناه
لا كان حرامى ولا كداب
ولا نهبها مع اللى معاه.. أنا باحكى عن عبدالناصر

عشنا الحياة ويّاه كالحلم
فلا فساد ولا رهن بلاد
يومها انتشينا ثقافة وعلم
وف زمنه ماعشناش آحاد.. كنا جموع فى زمن ناصر

كان الأمل فى خُضرِتُه بِكْر
مافيش لصوص للقوت والمال
ومصر أبطال ورجال فكر
ومثقفين ستات ورجِال.. جيوش جمال عبدالناصر


كان الهلال فى قلبه صليب


قصيده يعيش جمال حتى ف موته للشاعر عبد الرحمن الابنودى

ولا شفنا حزازات فى بلادنا
ولا شُفنا ديب بيطارد ديب
ولا جرَس خاصم مادنة


قصيده يعيش جمال حتى ف موته للشاعر عبد الرحمن الابنودى

.. وَحَّدْنا صُوت عبدالناصر

قصيده يعيش جمال حتى ف موته للشاعر عبد الرحمن الابنودى

دفعنا تمن الحريّة
بدمّ مش بدينار ودولار
يوم وقفته فى «المنشيّة»
خلّى الرصاص يهرب من عار.. أعداء جمال عبدالناصر

رغم الحصار كنا أحرار
وفى الهزيمة الشعب ماجعْش
كان اسمها «بلد الثوار»
وقرار زعيمها مابيرجعْش.. قرار جمال عبدالناصر


قصيده يعيش جمال حتى ف موته للشاعر عبد الرحمن الابنودى

خلَّى بلادُه.. أعزّ بلاد
ليها احترام فى الكون مخصوص
لا شفنا وسط رجالُه فساد
ولا خطط سمسرة ولصوص.. كان الجميع عبدالناصر

لولاه ماكنتوا اتعلمتوا
ولا بقيتوا «دراكولا»
ياللى انتو زعما وإنجازكو
دخّلتوا مصر الكوكاكولا.. وبتشتموا ف عبدالناصر

عمره ما جاع فى زمانه فقير
أو مالتقاش دوا للعِلّة
دلوقت لعبةْ «اخطف طير»
والأمة فى خِدْمةْ شِلَّة.. تكره جمال عبدالناصر

يتّريقوا على طوابيرُه
علشان فراخ الجمعية
شوفوا غيره دلوقت وخيرُه


قصيده يعيش جمال حتى ف موته للشاعر عبد الرحمن الابنودى


حتى الرغيف بقى أمنيّة.. يرحم جمال عبدالناصر!!

قصيده يعيش جمال حتى ف موته للشاعر عبد الرحمن الابنودى


قصيده يعيش جمال حتى ف موته للشاعر عبد الرحمن الابنودى

فيه ناس بتنهب وتسوِّف
لا يهمّها من عاش أو مات
ورضا العدو عنّا يخِوِّف
معناه أكيد إننا قَفَوات.. من يوم مامات عبدالناصر!!

الأرض رجْعت للإقطاع
وقالوا: «رجعت لصْحابها»
وصاحبَك الفلاح تانى ضاع
ضاعْت العقود واللى كتبها.. وخط إيد عبدالناصر!

أنا أذكُرك من غير ذكرى
والناس بتفتكرك بخشوع
الأمس واليوم ده وبكره
يبكوك بعظمة مش بدموع.. يكفَى نقول: «عبدالناصر»

دلوقت رجعوا الفقرا خلاص
سكنوا جحورهم من تانى
رحل معاك زمن الإخلاص
وِجِهْ زمن غير إنسانى.. ماهوش زمن عبدالناصر!!

صحينا على زمن الألغاز
يحكمنا فيه «أهل الأعمال»
وللعدو.. صدّرنا الغاز
بفرحة وبكل استهبال.. نكاية فى عبدالناصر!

بنمدها بغاز الأجيال
تحويشةِ الزمن القادم
إتوحَّشوا فْ جمع الأموال
ورجعْنا سادة.. وخوادم.. ضد اتجاه عبدالناصر

يا جمال.. نجيب زيك من فين


قصيده يعيش جمال حتى ف موته للشاعر عبد الرحمن الابنودى

يا نار.. يا ثورة.. يا ندهِةْ ناى..
البوسطجى.. إللى اسمه «حسين»
- أبوك - منين جابك؟ وإزاى.. عمل جمال عبدالناصر؟!


قصيده يعيش جمال حتى ف موته للشاعر عبد الرحمن الابنودى

لو حاكتبك.. ما تساع أقلام
ولا كلام غالى وأوراق
الأمر وما فيه.. أنا مشتاق
فقُلتْ امسِّى عليك وأنام.. نومةْ جمال عبدالناصر!!

للاستماع للقصدية بصوت الشاعر عبد الرحمن الابنودى



__________________

signature

السويدي غير متواجد حالياً  
03-17-2013, 03:58 PM   #2
هند
مراقب عام
Crown5
 
تاريخ التسجيل: Sep 2007
الدولة: مصر - المنوفية
المشاركات: 10,714

يعيش جمال عبد الناصر
ويعيش السادات
ويعيش كل من لهم انجازات اكبر واكثر من اخطائهم ومساوئهم
ولكنهم على الاقل حاولوا وانجزوا وتركوا فى التاريخ علامات لا تنسى ولا تمحى
قصيده جميله لا ينقصها غير صوت الابنودى
وطريقته المميزه الجميله فى الالقاء
يعيش جمال عبد الناصر
اما حكام هذا الزمن فهم قدرنا اعاننا الله عليهم
كما قال الشيخ الشعراوى رحمه الله للمخلوع
الغالى السويدى
اختيار جميل وصور رائعه
شكرا لك

__________________

signature

هند غير متواجد حالياً  
03-17-2013, 08:36 PM   #3
هند
مراقب عام
Crown5
 
تاريخ التسجيل: Sep 2007
الدولة: مصر - المنوفية
المشاركات: 10,714

و يعيش مراقب عام منتدانا
الغالى السويدى
اللى بيحقق طلبنا فورا
يعنى شبيك لبيك
هههههههه
شكرا على اضافه الفيديو
دمت بكل خير
__________________

signature

هند غير متواجد حالياً  
03-22-2013, 12:13 AM   #4
السويدي
vip
Crown5
 
تاريخ التسجيل: Jun 2007
الدولة: London,UK
المشاركات: 11,524

[IMG][/IMG]

قصيده يعيش جمال حتى ف موته للشاعر عبد الرحمن الابنودى

هند

تشرفت بمرورك وتعليقك

اهلا وسهلا بك

بموضوع


قصيده يعيش جمال حتى ف موته للشاعر عبد الرحمن الابنودى

بارك الله فيك


[IMG][/IMG]
__________________

signature

السويدي غير متواجد حالياً  
إضافة رد

مواقع النشر (المفضلة)

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
شاعر الفقراء عبد الرحمن الابنودى السويدي منتدى ثقافي موضوعات ثقافية عامة خواطر شعر سيرة شعراء 18 01-20-2013 07:22 PM
الشاطئ الخالى قصيده للشاعر فاروق جويده دانتل منتدى ثقافي موضوعات ثقافية عامة خواطر شعر سيرة شعراء 2 11-23-2010 04:44 PM
قصيده حديث الروح للشاعر محمد اقبال منى سامى منتدى ثقافي موضوعات ثقافية عامة خواطر شعر سيرة شعراء 10 07-05-2010 07:33 AM
قصيده جيه العيد للشاعر عريان السيد خلف ثامر داود منتدى ثقافي موضوعات ثقافية عامة خواطر شعر سيرة شعراء 8 12-31-2007 12:55 PM
قصيده جيه العيد للشاعر عريان السيد خلف ثامر داود منتدى ثقافي موضوعات ثقافية عامة خواطر شعر سيرة شعراء 10 07-17-2007 10:28 AM


الساعة الآن 10:42 PM.


Powered by vBulletin® Version 3.8.9
Copyright ©2000 - 2017, vBulletin Solutions, Inc