منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > منتدى تاريخ و جغرافية دول العالم و تقاليد الشعوب

منتدى تاريخ و جغرافية دول العالم و تقاليد الشعوب منتدى الدول و تاريخها , تاريخ و جغرافية دول العالم و الدول العربية , عادات و تقاليد شعوب هذه الدول التاريخية و الجغرافيه

03-02-2013, 04:56 PM   #1
زهرة الكاميليا
شريك استاذ
stars-2-7
 
تاريخ التسجيل: Jun 2007
الدولة: مصر - اسكندريه
المشاركات: 2,663
مع استاذ محمد ورد والغدا فى البرج

Facebook Twitter Google LinkedIn vkontakte messenger Digg

basmala

أستاذنا الغالى
محمد ورد
من منتديات ورد للفنون
سافرنا إلى
مدينتك الجميلة المناضلة
بورسعيد
للتهنئة القلبية والإحتفال
بعيد ميلادكم السعيد

وتجديد التحية للمدينة الباسلة
وهى تعطى المثل ..وتجدد النضال
تصاحبنا الشاعرة البورسعيدية الرقيقة

مروة محروس
وهى تستعيد ذكريات الطفولة
لنعيش أجواء رائعة
تأخذنا لقطعة غالية من الوطن
بنضالها التاريخي..وصمودها ..والكرامة
وهى بلد جميلة ..ساحلية ..سياحية
تسكن قلب أهلها حتى وإن اغتربوا عنها
وهذه سطور لمهاجرين ومغتربين
سئلوا فى أحد المواقع
عن أكثر يفتقدونه من اجوائها
فكادت تتجسم لعيني
معالم المحافظة الصغيرة حجما
والعظيمة تاريخا ومعاصرة
ببحرها وقنالها وبيوتها
وطقوسها وناسها
لكأننى ألامس فى كلماتهم
نبضات قلوبهم
وحنينهم والذكريات :
ركوب المعديه
وهى تحضن المياه لتبدأ رحلتها
التمشية
على ديليسبس و طرح البحر بالليل
رمضان فى بورسعيد
التمشية فى الحميدى والتجارى
لشراء الملابس
المسله
بحر بورفؤاد
السمنية الساخنة والتمرية من بائع فى الحميدى
سندوتشات ابوظة أمام مدرسة الوصفية
الباعة بجوار المعدية خاصة باعة القصب
حتى الشوارع..
ولعب الكرة قبل إفطار رمضان .
اكل الحرنكش والدوم ،
صوت الآذان وكثرة المساجد فى كل مكان

مسجد السلام

مع استاذ محمد ورد والغدا فى البرج

وحشوني الناس الطيبين
اللي كانوا بيقعدوا على نجيلة المسلة
في الصيف بالليل
ويأكلوا الترمس
وسندويتشات الفول والطعمية من عند غنيم
وأولادهم يتزحلقوا على رخام المسلة

مع استاذ محمد ورد والغدا فى البرج

عارف انا نفسى في ايه دلوقتى
كرسي شازلونج وشمسية
وعلبة سجائر كليوباترا سوبر
وكيلوا مانجه
وكيس سمنيه وتمريه من عند المعدية
واروح البحر
وانا راجع اعدي علي سلسبيلا
اديها واحد عصير قصب
وواحد كاساتا
وياسلام على اكلة شبارطازة بالبطارخ
والتمرية الجميلة من عند الحميدى
نفسى آكل سندوتش فول كله شطة
عند القهوة اللى قبل المعدية
واسمه عم أنور
نفسى امشى على طرح البحر
وأشوف الفرحة على الوجوه فى العيد
نفسى آكل سندوتش برجر من عند هاى برجر

مع استاذ محمد ورد والغدا فى البرج


يا مين يوديني أطل ع المينا ~
يا مين يمشيني على رملها الطينه ~
يا مين يصورني ~
وانا واقفه برسمها ~ ولّا بترسمني؟ ~
مش عارفه مين فينا
مروة محروس

مع استاذ محمد ورد والغدا فى البرج

فى شم النسيم
(((حين قررت بريطانيا ترحيل اللنبي إلى بلاده يوم
25 يونيو/ حزيران 1925 من ميناء بورسعيد،
كان أبناء المدينة في انتظاره حتى يودعوه،
وكان وداعا من نوع خاص
حيث جهزوا له دمية كبيرة جدا
مكتوبا عليها اسمه
وترتدي زيه العسكري ورتبته العسكرية،
وتم حرقها وتعالت ألسنة النار في سماء بورسعيد،
وتطورت العادة من حرق اللنبي إلى حرق كل طاغية
في العالم مع قرب موعد شم النسيم
ويتم تجسيد شخصيته في دمية كبيرة.)))

مع استاذ محمد ورد والغدا فى البرج


ونستأنف مع الشاعرة
مروة محروس :
كل بيت فى بورسعيد
بيعمل عروسه لأي شخصية مضايقاه
ويحرقها بالليل في أكبر كرنفال حرائق ممكن تتصوروه..
تحت كل بيت حريق ضخم محدود بالطوب.
وكان فيه أغاني مخصوصة لليلة شم النسيم
"يا حليلة يا حليلة~هنروح القسم الليلة"
وأغنيات أخرى كثيرة.
وطبعا خضير الخطاط
البورسعيدي كان له طقوس خاصة

مع استاذ محمد ورد والغدا فى البرج

كان بيعمل مسرح عرائس لمبي
يمثل الوضع السياسي كل عام..
عرايس للزعماء العرب والأجانب..
ونهتف ونحرقها بالليل.
آه نسيت اقول لكو..
كل بيت بيعمل عروسة
بيفضل معلقها ع الشباك من بره كام يوم
قبل شم النسيم عشان يباهي الناس بجمالها
ويعلن كمان كرهه لمن تصوِر.

تاني يوم الصبح اللي هو يوم شم النسيم..
بنقعد نلون البيض وناكل منجأونه "بريوش"
من عند جيانولا
والعصر نتغدى فسيخ مع كوب شاي منعنع ‎‏
شوارع بورسعيد
واسعه ومتخططه بشكل رائع
شوارع طويلة جدا متعامده على بعضها
تقف فأي شارع وتبص قدامك
ما تعرفش تشوف آخره

شارع 23 يولية

مع استاذ محمد ورد والغدا فى البرج

شارع طرح البحر

مع استاذ محمد ورد والغدا فى البرج

مع استاذ محمد ورد والغدا فى البرج
زهرة الكاميليا غير متواجد حالياً  
03-02-2013, 05:18 PM   #2
زهرة الكاميليا
شريك استاذ
stars-2-7
 
تاريخ التسجيل: Jun 2007
الدولة: مصر - اسكندريه
المشاركات: 2,663

شوارع بورسعيد
تحفها أشجار البونسيانا الملكية الرائعه
البونسيانا شجرة وارفة الظلال
يتغير لون زهورها بتغير الفصول
نفس الشجره تكتسي بالأحمر الدموي
والبنفسجي الدافىء وأحيانا الزهري الخجول


مع استاذ محمد ورد والغدا فى البرج

الشجر عمره فوق ال 100 عام على جانبي الطريق..
تمتد فروعه حتى تكاد تلتقي
وتلقي بظلالها على طول الشارع. الشارع النظيف.


شارع التجاري
من معالم بورسعيد..
شارع شعبي
تملأه البضائع المستورده من كل صنف ولون..

مع استاذ محمد ورد والغدا فى البرج

أكثر ما أعجبني في هذا الشارع
هو وطنية نداءات الباعة..
من أشهر أغاني التجاري أغنية "شجع بلدك"
شجع بلدك.. بورسعيد.. بلدي وبلدك..
بورسعيد.. شبشب زيكو.. فبورسعيد .. ليه وليكو..
شجع بلدك.. بور سعيد.. بلدي و بلدك ..بورسعيد ..
شبشب حمام . بور سعيد قربي يا مدام ..
بور سعيد ..عروض العيد..بور سعيد
انظر كم مرة ذكر بضاعته
وكم مرة ذكر مدينته؟ بائع ده ولّا هتّيف


رمضان في بورسعيد خاص جدا
لم أر مثيله في مصر..
قبل الإفطار الشوارع هادئة جدا
ولعب الكرة قبل الإفطار مقدس
المساجد كلها بتتزين كإنها ففرح

مع استاذ محمد ورد والغدا فى البرج

الإفطار يجمع الأسر
ولكن السحور هو ما يميز بورسعيد
السحور في بورسعيد وليمة لها طقوس خاصة
الخبز المضفر عادة لها قدسية
والرجل الذي يفشل
في اقتناص آخر أقراص الخبز المضفر
ويعود إلى بيته بأي نوع آخر من الخبز
يبدو وكأنه انهزم في معركة.

الفول أساسي في السحور والزبادي القشطه
الذي تتنافس محلات الألبان
في تجويده خلال الشهر الكريم..
جيانولا
أحد أشهر وأعرق مطاعم بورسعيد
يتخصص في إعداد علب الفول الجاهزة
لراغبي المذاق المتميز وبأسعار عادية جدا.

مع استاذ محمد ورد والغدا فى البرج


الخبز دوما يأتي من سان جورج
أعرق مخابز المدينه
وإن كان جيانولا بدأ ينافسه بقوة مؤخرا.

جيانولا
الفرع الرئيسى

مع استاذ محمد ورد والغدا فى البرج

واحنا صغيرين
كان بطول شارع البحر شاليهات..
وكانت المحافظة بتقفل شارع البحر بالليل
عشان الأطفال والناس يتمشوا ويلعبوا براحتهم..
شفتو دلع كده؟

بورسعيد كان فيها حارة في الشوارع للدراجات..
نروح المدارس بالعجل في أمان تام..
وبعد الضهر نروح النادي بالباتيناج!
شفتو طفولة كده فمصر؟

الدراجات
وسيلة انتقال شهيرة جدا في بورسعيد
لطلبة المدارس وموظفي الحكومة بوجه خاص..
كل يوم الساعه 4 العصر
عمال هيئة قناة السويس
بيخرجوا كلهم فى لحظة واحدة من الشغل

مع استاذ محمد ورد والغدا فى البرج

يركبوا العجل وينطلقوا كلهم باتجاه بيوت الهيئة
في مشهد رائع كإنه ماراثون عجل يومي.

مع استاذ محمد ورد والغدا فى البرج


للأسف المحافظين الجدد
أصبحوا يأتون من خارج المدينة
ولم يفهموا تراث الدراجات
وأهميته لمنع الازدحام وللبيئة
فقاموا بإلغاء حارة الدراجات..
أتمنى أن يتغير هذا قريبا
وتعود لنا حارة الدراجات
ذات الخط الأصفر يسار الطريق.

أحلى ما في بورسعيد
انك ينفع تتفسح حتى لو مفلس..
اركب مع اصحابك المعديه ام دورين
واطلع فوق في الصالون
هتلاقي بنشات خشب لطيفه جدا
وافضل رايح راجع في القناة والموج بيمرجحك
واحكوا لما تخلصوا الحواديت.. رحلة بحرية.. ببلاش.

بلاج بورسعيد شغال 24 ساعة..
اطلع ع البلاج في الصيف


مع استاذ محمد ورد والغدا فى البرج

هتلاقي شاشات عرض عملاقه بتعرض أفلام..
ومناطق تانيه هاديه مفيهاش زحام..
اختار اللي على ذوقك وافرش ع الرمل
واقضي أحلى سهرة في الدنيا..
حتى لو لوحدك هتنبسط..
برضو ببلاش
إلا لو قررت تأجر كرسي
وتشرب شاي ولّا تتعشى
ممكن تصرفلك
من خمسة لعشرين جنيه حسب ميزانيتك


مع استاذ محمد ورد والغدا فى البرج

تقدر في بورسعيد
تخرج وتتعشى وتتبسط بأي ميزانيه..
من أول محلات الفول والطعميه
زي "سرحان" و"التابعي"
و"العيوطي"

مع استاذ محمد ورد والغدا فى البرج

مرورا بعربيات التقاطيع الشهيرة
زي "أبوظه"
ومحلات الأسماك الشعبية..
واستمرارا بعربات البيرجر الشهيرة
التي تنافس السلاسل العالمية سعرا وجودة
وأخيرا وليس آخرا مطاعم بورسعيد الراقية
التي لا يعلى عليها.

الإفطار في بورسعيد
يتركك حائرا أمام كم الخيارات
فالمخبوزات في بورسعيد
معبقه بخبرات متوارثه
من أيام الفرنساويين والطلاينه..
بعد ما تدوق الكرواسون والباتيه في جيانولا
هتحس ان اللي كنت فاكره كرواسون قبل كده
ما هو إلا عيش فينو مُحَسَّن.
جيانولا
كان خواجه مشهور جدا في بورسعيد ..
المحل اتجدد وفقد مظهره العتيق للأسف
ولكنه لم يفقد روعة مخبوزاته وأطعمته..
مخبز سان جورج
له في قلوب البورسعيدية مكانه خاصة..
فقد ظل لسنوات يحتل الصدارة
من حيث الجودة والسعر التنافسي
زهرة الكاميليا غير متواجد حالياً  
03-02-2013, 05:39 PM   #3
زهرة الكاميليا
شريك استاذ
stars-2-7
 
تاريخ التسجيل: Jun 2007
الدولة: مصر - اسكندريه
المشاركات: 2,663

اللى يروح
مطعم البرج

مع استاذ محمد ورد والغدا فى البرج

أو الكاستن

مع استاذ محمد ورد والغدا فى البرج

مع استاذ محمد ورد والغدا فى البرج

أو أبو عصام

مع استاذ محمد ورد والغدا فى البرج

يطلب على ضمانتي..
صينية موسى
بالزبده ووقار مشوي على الفحم..
وطاجن بطارخ
مشكل وشوربة سي فود وحلة بكلويز.

اللي يروح
لعم علي
في البازار
يجرب شوربة البكلاويز
و السيبيا المقليه وام الخلول.

بورسعيد تشتهر بأفران خاصة
لشي السمك بالرده..
مين ينسى
السمك والكابوريا المشويه
فى الفرن اللى تحت البيت.

في بورسعيد البكلويز
بيتشرا صاحي من احواض سمك
وتاخده البيت صاحي فكيس مليان مياه..
تنقعه يقوم يفضل يطلع التراب كله
وتطبخه صاحي وبالهنا والشفا..
طزاجه لا يتخيلها إلا من ذاق حلاوتها

وانت فبورسعيد اسأل على كوك دور
-التقليد مش الاصلي- وخد من عنده
توست بسطرمه
أو رومي مدخن بالجبنة السايحه..
ستنبهر .. وعد.

شاورما "جلال" في شارع الجمهورية
لها نفس روعة
مذاق شاورما "بو حيدر" في روكسي..
أتمنى يكونوا ما غيروش الخلطة.

الفطير الحادق في بورسعيد
ينافس أفضل بيتزا تقدمها شوارع نابولي..
اسأل على مخبز حواوشي
وخدلك فطيرة
عليها أجود أنواع اللحوم والخضروات الطازجه..
وادعيلي
وانت عينك بتدمَّع
من السعاده بهذا الاكتشاف الثمين.

اللي ما راحش بورسعيد
وقعد ف
بيتزا بينو
ع الرصيف

مع استاذ محمد ورد والغدا فى البرج


مع استاذ محمد ورد والغدا فى البرج

ياكل بيتزا سيمون فوميه
ويحلي بفخفخينا يبقى ما راحش حته..
واللي ما سهرش على شطها ما شافش سهر.

أكلت بالهنا والشفا؟
اطلع بأه على
ديليسبس
ورطب على قلبك بأجود أنواع العصائر..
عصيرالمانجو في بورسعيد أسطوره

مع استاذ محمد ورد والغدا فى البرج

لو زرت بورسعيد
اشتري من فرن الزيدي بجنيه عيش
واطلع ع المعديه
خدلك لفتين قبل المغرب بساعه..

مع استاذ محمد ورد والغدا فى البرج

ارمي قطع الخبز للنوارس
وقضي أحلى ساعة فحياتك.
النوارس بتتلم على كسرات الخبز

مع استاذ محمد ورد والغدا فى البرج

وتبتدي تنادي بعض لما تبقى بالمئات
وتفضل ماشيه ورا المعديه
مستنياك تحدفلها تاني
ومش بيسيبوا فتفوته تلوث القناة.

مع استاذ محمد ورد والغدا فى البرج

في المعديه كان فيه بياع سكر نبات
بيمشي ينادي بأسلوب مميز جدا.
الصين مفهاش سكر نبات..
فرنسا مفهاش سكر نبات.
بورسعيد بس اللي فيها سكر نبات
زهرة الكاميليا غير متواجد حالياً  
03-02-2013, 06:28 PM   #4
زهرة الكاميليا
شريك استاذ
stars-2-7
 
تاريخ التسجيل: Jun 2007
الدولة: مصر - اسكندريه
المشاركات: 2,663

بورسعيد في الأعياد
وهمية
أكتر شعب بيعرف يفرح ويحتفل.
البلد كلها في الشارع..
ومفيش عنطزه ولا قنعره.
وتلاقي رجل أعمال ألاجه
واخد أحفاده يركبهم الحنطور
أوالكاريته
ويتحايلوا عليه يقوم مزود العربجي
وواخدها سايقها بنفسه
عشان يتبسطوا بجدهم الفارس!

مع استاذ محمد ورد والغدا فى البرج

وفي العيد تلاقي أفخم شوارع بورسعيد
"الجمهورية"
الحمير والحصنه بتتسابق فيه وراكبها شباب
الضحك هيوقعهم من فوقها
فقرا على مليونيرات. ‎
في بورسعيد الغني والفقير
بيعرفوا يتبسطوا..مع بعض
فنفس الأماكن..ده أحلى ما فيها..

البحر بيخلي محدش يبات جعان.
والشبع بيملا العين ويطيِّب النفوس.

وآه ع البيوت الخشب فكسرى

مع استاذ محمد ورد والغدا فى البرج

وفبورفؤاد
كل عمارة قديمة حدوته.. كل شباك حكايه..
شبابيك تعلمك تمشي رافع راسك فوق
عشان ما يفوتكش جمال تفاصيلها

مع استاذ محمد ورد والغدا فى البرج

مع استاذ محمد ورد والغدا فى البرج

صور متنوعة
من معالم بورسعيد الجميلة

مع استاذ محمد ورد والغدا فى البرج

مع استاذ محمد ورد والغدا فى البرج

شارع 23 يولية

مع استاذ محمد ورد والغدا فى البرج

مع استاذ محمد ورد والغدا فى البرج

رصيف الميناء

مع استاذ محمد ورد والغدا فى البرج

مع استاذ محمد ورد والغدا فى البرج

مع استاذ محمد ورد والغدا فى البرج

لك منا أستاذ محمد
كل التقدير
والشكر الجزيل للإستضافة الرائعة
فى مدينة الابطال
بورسعيد
كل عام وأنت بكل الخير
وللمدينة وأهلها المناضلين كل الإكبار

مع استاذ محمد ورد والغدا فى البرج
زهرة الكاميليا غير متواجد حالياً  
إضافة رد

مواقع النشر (المفضلة)

الكلمات الدلالية (Tags)
محمد, البرج, الغدا, استاذ, ورد

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
عيد ميلاد استاذ محمد ورد يضئ بستان الفن منى سامى منتدى التهاني الترحيب فى الاعياد المناسبات العامة الخاصة 46 03-29-2013 04:31 PM
الطريق الى الجنه فى عز البرد امل نيازى الحوار العام الموضوعات الانسانيه النقاش الهادف النقد البناء 21 06-17-2012 09:41 AM
استاذ محمد ورد عيد ميلاد سعيد زهرة الكاميليا منتدى التهاني الترحيب فى الاعياد المناسبات العامة الخاصة 29 03-07-2012 06:06 AM
استاذ ورد هل انت ديمقراطى nona الحوار العام الموضوعات الانسانيه النقاش الهادف النقد البناء 17 02-28-2012 05:30 PM
بنت البرج تريد ترحيب حار هدى البرايجية منتدى التهاني الترحيب فى الاعياد المناسبات العامة الخاصة 16 11-27-2011 06:53 PM


الساعة الآن 03:49 PM.


Powered by vBulletin® Version 3.8.9
Copyright ©2000 - 2017, vBulletin Solutions, Inc