منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > المقترحات طلبات الاعضاء شرح طريقة رفع الصور اضافة مشاركة

المقترحات طلبات الاعضاء شرح طريقة رفع الصور اضافة مشاركة منتدى المقترحات و طلبات الاعضاء كلما تميزت المقترحات بفائدة عامة كانت اولي للتنفيذ الفورى

02-20-2013, 01:35 PM   #1
ميمايا
شريك جديد
stars-1-2
 
تاريخ التسجيل: Feb 2013
المشاركات: 13
اللى عايز مشروع شمع مين

Facebook Twitter Google LinkedIn vkontakte messenger Digg

basmala

السلام عليكم ورحمة الله وبركاته
كل واحد فينا عايز يعمل مشروع شمع
هنبتدى سوا خطوه بخطوه
الاول : دراسة المشروع
المكان :ممكن من البيت كبدايه كويسه
او شقة صغيره مطبح ومخزن ومكان للتعبئه
راس المال :هنقول سوا الاسعار وانت اللى هتحدد الكميه حسب ظروفك
بس دى اسعار اليوم ولازم ننتبه ان الاسعار فى زياده للاسف
نوع خطوط الانتاج: عندى نوعين للشمع
خط انتاج شمع الاناره وخط اخر لشمع الزينه
وهنبتدى سوا بشمع الاناره باذن الله تعالى
التجهيزات:- نوعين الاسطمبات او الماكينه والخامات
الاول هنبتدى بشمع الاناره
يبقى ازم نعرف الخامات والادوات اللى هنستخدمها ونجهزها:
خامات الشمع:
وهى عدة انواع
1-شمع البرافين وهو شمع اصفر ويمكن استخدامه فى انتاج شمع الاناره

اللى عايز مشروع شمع مين

كرتونه 32 كيلو

2- شمع الاموك وهو شمع نقى ابيض كما بالصوره وبيستخدم اكتر فى الزينه

اللى عايز مشروع شمع مين

وهو كرتونه بها 25 كيلو

المصلب:-
ويسمى الاستيراك
وهو قالب اصفر ممكن نشتريه بالكيلو
اسطنبات لكل مقاسات الشمع من الالمونيوم المجلفن
لو اخذنا كمثال المقاس التالى
وهو كيس بنشتريه من العطار او السوبر ماركت شمع صغير والكيس به 10 شمعات
ودى صوره الاسطنبه
وهى غير مستهلكة ولاتحتاج لمادة عازلة و تمتص الحرارة


والاسطنبه بنعمل بيها 30 شمعة بالصبه الواحده
يعنى 3 اكياس وبتننشف فى 15 دقيقة
وطبعا فى ماكينات بتعمل من 100 الى 400 شمعة بالمره بس غاليه مش هنبتدى بيها

وفى الاسطنبه الاستانلس باشكالها الكتير لشمع الزينه بس بندهنا بزيت البرافين عشان تكون عازل وتسهل خروج الشمعة منهاودى بتجف من 30 الى 60 دقيقة حسب حجم الشمعة وسمكها
واشكالها كتير زى الاسطوانه والقلب والمكعب والمضغوط والنجمه والمستطيل
وده شكل الاسطوانه


شمع البرافين :-
زى ما قولنا بستخدمه فى دهان الاسطنبه الاستانلس عشان يكون عازل وده موجود عند كل العطارين ورخيص
الخيط:
وده لازم يكون قطن مش بوليستر وباكد على كده كتير عشان ده بيكون الفتيله بتاعت الشمعه
وفى منه خيط سميك وفى رفيع يعنى لو الشمعة رفيعه استخدم فتيله رفيعة وله الشمعة تخينه استخدم خيط سميك يناسبها


نجيب بقى الادوات اللى هحتاجها فى التصنيع

بوتجاز:
ممكن يكون مسطح لانى بحتاج الشعلة اللى فوق بس
الوعاء:
او ببساطه حلتين واحده كبيره وواحدة اصغر يعنى زى ما بنعمل حمام مائى كده للشيكولاته بتاعة التورته
لانى مش عايزه الشمع يوصل لدرجة الغليان ويعمل ابخره ضاره

ملعقه:
استخدمها فى المشروع ده بس مينفعش تستخدم فى الاكل بعد كده
اكياس للتغليف:
طبعا كلنا بنجيب اكياس شفافة بالكيلو من محل الورقيات او محلات خاصه بالاكياس دى فى الازهر
ودى للتغليف
اسم مشروعى:
طبعا اى مشروع بالدنيا ليه اسم او اى منتج ليه اسم ياترى كل واحد فيكم هيسمى مشروعه ايه


ده الدرس الاول فى الدوره
يلا نجهز الحاجات ونبتدى الدرس التانى الصناعة وزى ما اتفقنا هنعمل شمع الاناره الاول
وبعدها الزينه ده لو شجعتونى واللى عايز يسال عن اى شئ يقول ستنيه الاستفسارات واللى عنده فكره واحنا شغالين يقول عشان نتعلم كلنا اتفقنا
__________________

signature

ميمايا غير متواجد حالياً  
02-20-2013, 04:03 PM   #2
moh004
vip
star6
 
تاريخ التسجيل: Jun 2007
الدولة: مصر - بورسعيد
المشاركات: 5,313

الغاليه ميمايا

ارحب بك في ورد للفنون اجمل ترحيب
لعل موضوعك جديد فى محتواه
عما اعتاد اهل المنتديات متابعته من الموضوعات
حيث جرت العاده غالبا بطرح الفكره وادوات العمل وطريقته
ونماذج مصوره من المنتج بطريقه جذابه
فيحرص كل من يعشق عمل هذا المنتج على التفاعل
لذا ننتظر منك تقديم موضوع متميز
فى مجال اهتمامك وتجربتك العمليه
علما بان ورد للفنون منتديات عربيه
مما يعنى ان دراسه الجدوى لدوله ما
قد لاتناسب دوله اخرى سواء فى اسعار المواد الخام
او فى طبيعه التسويق حسب المستوى الاقتصادى لكل منطقه
ولكل دوله على حدى

شكرا لك
__________________

signature

moh004 متواجد حالياً  
02-20-2013, 07:24 PM   #3
هند
مراقب عام
Crown5
 
تاريخ التسجيل: Sep 2007
الدولة: مصر - المنوفية
المشاركات: 10,714

الغاليه ميمايا
اهلا بك فى ورد للفنون
وشكرا على استعدادك لعمل دراسه جدوى لاي مشروع
كهديه منك لاهل المنتدى
جميل ان نبدأ اى عمل على اسس علميه
فكرت فى العديد من المشروعات وربما اتخذت خطوات التنفيذ
فى بعضها كمشروع الشموع واشجار الزينه ولكن بدون دراسه
فانتهى بى المطاف لقطع فرديه تزين بيتى فقط
انت تمدين يد المساعده لتحويل المواهب والهوايات لمشروع صغير
جعله الله فى ميزان حسناتك
فى انتظار موضوعك عن الشموع
واهلا بك مره اخرى


اللى عايز مشروع شمع مين
__________________

signature

هند غير متواجد حالياً  
02-23-2013, 02:06 PM   #4
safynaz
شريك محترف
stars-2-8
 
تاريخ التسجيل: Apr 2011
الدولة: اخر تواجد بتاريخ 18 - 3 - 2013
المشاركات: 3,244

ميمايا
حبيبتى
انا اسجل معاكى وانتظر موضوعك
كانت اختى مهتمه كثيرا بتعلم عمل الشموع
لكن فشلت فى مساعدتها لعدم الخبرة
لعل موضوعك يفيدنى فى مساعدتها لعوده اهتمامها
........منتظراك ولاتقلقى
الشموع كل الناس تحبها وتحب تتعلمها
يالله ابدئى ..........بسرعة
شكرا لك ...........موضوع رائع
اللى عايز مشروع شمع مين

اللى عايز مشروع شمع مين
__________________

signature

safynaz غير متواجد حالياً  
إضافة رد

مواقع النشر (المفضلة)

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
الفنان عايش طحيمر Aeich Tehimer هالة منتدى الفنانين العرب سيرة الفنان روائع اللوحات الفنية 14 12-01-2012 07:18 AM
عايز تشوف صورتك ادخل وجرب السندريلا نكتة مصورة مكتوبة فزورة مسابقة صور مضحكة ثابتة متحركة 13 04-23-2012 10:38 AM
مشروع 60 يوم حتى رمضان moondream2009 الحوار العام الموضوعات الانسانيه النقاش الهادف النقد البناء 1 06-23-2010 03:40 PM
وردة قرنفل رسمتها بقلم رصاص عايز الونها سيد الرسام منتدى تعليم فن الرسم التصوير اسس التصميم الابتكارى 7 04-10-2010 09:01 PM
لو عايز تتعلم ترسم وتلون سيد الرسام التصميم و الجرافيكس و ابداعات فنانى الديجيتال 8 03-28-2010 03:43 PM


الساعة الآن 03:11 AM.


Powered by vBulletin® Version 3.8.9
Copyright ©2000 - 2017, vBulletin Solutions, Inc