منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > الحوار العام الموضوعات الانسانيه النقاش الهادف النقد البناء

الحوار العام الموضوعات الانسانيه النقاش الهادف النقد البناء منتدى الحوار العام , النقاش الهادف و البناء للموضوعات الانسانية بما يتوافق مع المبدأ القائل : انت حر ما لم تضر

12-13-2012, 08:08 AM   #1
SaMaR_ BakR
شريك محترف
stars-2-8
 
تاريخ التسجيل: Nov 2007
الدولة: cairo
المشاركات: 3,482
أنقسمت مصر وهان دم المصريين على المصريين

Facebook Twitter Google LinkedIn vkontakte messenger Digg

basmala

صرخت الأم بصوتها وجسدها وكل جوارحها
(( إحنا هانموت لكن ,, دم الحسيني هايفضل ))
أحنا هانموت

أم مكلومة فقدت أبنها بطلق نارى من مسافة قصيرة وقد وجه هذا الطلق إلى الرأس
وأنا مش متأكده هى امه ولا ,,, لكن مستنى جدا وفجرت جوايا غضب ضرب حائط الصمت اللى كل يوم
ببنيه حواليا عشان ,,, أعيش
هو .......
الحسيني أبو ضيف
ذو 33 عام

شاب صحفي نشيط ,,, أخطأ عندما أشتغل بالصحافة ,
واخطأ مرة أخرى عندما وقف مع المصريين في أزمات متتالية
وأخطأ مرة أخرى عندما أشترى كاميرا يحاول بها إلتقاط صور ليعزز أتهام من يقومون بالقتل والحرق
والذي لم يتمكن اى من سلطات الدولة ,, الحصول على دليل تدين الجناه في اى واقعة
كان غرضه من شراء هذه الكاميرا
كفايانا بقى ,, طرف تالت
كفايانا بقى .... مش عارفين مين اللى قتل
كل واحد بيحاول يرمي التهمه على الطرف الثاني
وللأسف مافيش حد مستفيد
ومصر بتغرق
والمستقبل بيسود!!!

اى كان من أطلق النار ,,, مش مهم بالنسبه لى مرجعيته ايه
لكنه مصري ,,, قتل مصري
بدم بارد ,,,
لما أطلق عليه النار بالشكل ده
أكيد كان عارف أن المسافة دى مش هايكون نتيجتها جرح
هايكون نتيجتها موت
لكن لما أطلق النار ,,,, روح بيتهم بعدها حط راسه على المخدة ونام أزاى؟؟
هل يؤنبه ضميره ؟؟
ولا بيعتبر نفسه بطل علشان قتل عدو!! بالنسبه له
يا جماعة ,,, في ناس عقولهم طمست وبقوا مصدقين أنهم في جهاد!!!!!!
جهاد ضد المصريين أخواته في الوطن والموطن
وبقوا مصدقين ان حلال القتل في الصحفيين ,, والمتظاهرين ضد....... !!!
وعلى الجانب الآخر ,,, ناس مش هاممها توقف البلد عن الإنتاج والفلوس اللى بنخسرها في البورصة كل يوم
وعجز الميزانية ,,, والبلد اللى بتقع
كل ما ينام يحلم أن له طلب من 10 سنين ماعرفش يحققه
يقوم يعمل مظاهرة ,, والناس وراه
وتلاقي في المظاهرة كل اللى له طلب ,, ينزل يطالب بيه
ويتقابلوا الطرفين ,و يضربوا في بعض
وممكن يكون القتيل المرة دى .. واحد نازل يتفرج أصلا لا له طلب ولا نازل يجاهد
الناس دي هونوا من قوة المظاهرة ,,, دلوقت لما بقينا في حاجه لمظاهرات
ماعدش ليها نفس القوة والفعاليه


والنتيجة .... مصر أنقسمت
من كام يوم ,,, سيدة فاضلة أتصلت على قناه من القنوات بتحكي حكايتها هي وأختها
هي سيدة عاديه مسلمة لكنها لا تنتمى للأخوان
أختها ملتزمة (( منقبه )) وزوجها ملتزم وينتمى للإخوان
آخر مرة أتكلموا فيها الأختين كانت المكالمة نقاش عادي أتحول لإختلاف شديد وانتهى بقطيعة
مابقوش أخوات
كل واحدة قالت للتانية ,,,, خلاص ماتكلمنيش تاني
وزوج كل واحدة تدخل ,و قال ماتعرفيهاش تاني
دول لو أتقابلوا في مظاهرة ,,,, ممكن يوصل بيهم الحال أنهم يضربوا بعض !!!
ممكن الموضوع يوصل لأبعد من كده؟

مصر كلها ,,, كلها ,, كلها بقت زى الأختين دول
كل واحد بيدافع عن معتقده ورأيه دون الألتفات أن اللى بيناقشنى ده صاحبى أو أخويا أو أبويا أو حد بعتز بيه
ماخسروش ,,, مابيعوش
احنا في مركب واحد ,و لو غرقت كلنا هانموت ...



أنا ليا أصحاب كتير ينتمون للاخوان
وأحسبهم على خير ,, عقولهم راجحة جدا ماشاء الله
انا عارفه أنهم مش اغبية
لكن ,,,, عقولهم من ناحية النقاش السياسي وحال البلد ,,, غير قابلة للنقاش
أنا بطلت أتكلم في السياسة معاهم لأنى مش عاوزة أخسرهم
أصحابي ,,,أمنيتي الحال تهدي ومانخافش نكلم بعض لنخسر بعض ,,,

فين الوحدة ,, فين أحنا مصريين ,, فين لازم نبقى جنب بعض عشان البلد تقوم
عشان ولادنا ,, وأحفادنا
هايعيشوا إزاى في بلد منقسمة بالشكل الغريب ده
هايعيشوا إزاى في بلد دم المصريين هاين على أخواتهم
هايعيشوا إزاى في بلد ,,,, ناس من بره مش مصريين ولا ليهم دعوه بينا
بيوصوا فيها المصريين علنا وعلى قنوات التليفزيون انهم لازم يجاهدوا في سبيل الله
وفي سبيل الشريعة ,, وأنهم لازم يقدموا
القرابين والضحايا
ده جد ؟
قرابين وضحايا من المصريين!!!!
في النهاية ,, الحسنيي مات ,, قتل ,, وغيره مات ,, وقبله مات كتير ,, وياتري بعده هايموت مين !!!!
والسؤال الصعب جدا جدا جدا
اللى دم الناس دي في رقبته ومسئول عن كل إنسان ودابه وشجرة في البلد دي ,,, هو مين ؟
ومش عاوزة أعرف هايعمل ايه مع اللى قتل الحسيني
لأ انا عاوزة أعرف هايعمل ايه عشان ما يبقاش في قتل تاني علشان مايبقاش في دم تاني
ربنا يستر ,,,,
, اعذروني ,, هي خواطر مرت برأسي غير مرتبه ,, غير مقصوده
غير مسيسه ,, مش ضد حد ,, ولا مع حد
انا يهمنى دم المصريين
,, يهمنى (( مصر )) اللى بتصرخ بقالها سنتين على دم ولادها ,,, ومن ولادها

__________________

signature

SaMaR_ BakR غير متواجد حالياً  
12-13-2012, 08:26 AM   #2
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,421

آآه ياسمر والله سامعة صوت انينك وحاسة بدموعك
لانها دموع كل مصرى خايف على البلد
مالوش مصلحة ولا له حزب بيجرى وراه
مالوش غير انه عاوز حياة هاديه يربى فيها اولاده
مايخفشى عليهم لما ينزلو مدارسهم وجامعاتهم
انقسمنا ياسمر عشان الكل مابقاش يهمه غير مصلحته فقط
وانه هو الوحيد اللى صح والطرف التانى غلط
ودخلو الشريعه فى النص وعملو نفسهم المحامين والمدافعين عنها
الحلال بين والحرام بين نفسى كل واحد فى الى بيتكلمو عن الدين
يقف امام نفسه ويشوف هيقابل الرسول صل الله عليه وسلم ازاى
وهو شوه صورة المسلمين فى العالم
اصبحو يستخدمو الدين ستار للسلطه والمراكز الاجتماعية مش مهم على جثة مين
وبصراحة مش الاخوان بس اللى غلطانيين كمان اللى بيسمو نفسهم القوة الوطنية
هم عارفين ان هيندس فى وسطهم ناس مخربين
ليه بينزلو ويتجمعو ولما تحصل المصيبه يقولو احنا كنا مسالمين

انا زيك والله ياسمر حاطة ايدى على قلبى
خايفة من كل اللى بيحصل
خايفة ننجرف لحرب اهليه
حازم ابو اسماعيل محاصر مدينه الانتاج الاعلامى وبيقول عليهم خونه
بالضبط زى ما كان النظام القديم بيعمل معاهم فرقوا ايه بقى عن بعض

بصى مافيش فى ايدينا شئ سوى الدعاء
لعل الله يستجيب من قلب مخلص ويرفع الغمة عن مصرنا الحبيبة

اللهم يارب العباد انت عالم بما فى قلوبهم ونواياهم
اللهم لا تسلط علينا من لا يرحمنا ولا يخافك
اللهم ارفع الغمه ونجى مصر بجميع طوائفها واحقن دماء ابنائها
شكرا حبيبتى على المساحة التى جعلتنى افضفض شوية


__________________

signature

منى سامى غير متواجد حالياً  
12-13-2012, 08:47 AM   #3
SaMaR_ BakR
شريك محترف
stars-2-8
 
تاريخ التسجيل: Nov 2007
الدولة: cairo
المشاركات: 3,482

منى سامي

عارفه يا حبيبتى
أنا وكل الناس اللى أعرفهم يميلون إلى الوسطية
إسلامنا الجميل ,,, دين وسطي
وانا نفسي نفسي ,, الشريعة تطبق ,, أنا أبدا مش ضد الأخوان
أنا زيى زي كل المسلمين والمصريين وزى ما أنا فاهمه الدين
لو أطبق دون مصالح هايحميني ,, ويحمي أصحابي المسيحيين
ويحافظ علينا كلنا في إطار وطن

أنا ضد الإنقسام ,,
وفعلا ردك نبهنى انى ماذكرتش كلمة الجبهه الوطنية
يمكن لأن كلامى كان غير مرتب له تماما
لكن أنا شايفة كل الجهات مخطئه
كلهم فعلا عندك حق بيدورا على مصلحتهم الشخصية ,, كل واحد بيدور يثبت أنه صح إزاى
في كتير من اللى بيسموا نفسهم ,, الجبهه الوطنية كانوا نازلين يوم إصابات واستشهاد مصريين
في الإتحادية
نازلين يطوفوا في البلد ,و وبيضحكوا ومبتسمين وفرحانين بلمة الناس حواليهم
ولا حاسين بقلب الأمهات اللى بيتعصر على ولادها كل ما ينزلوا يروحوا مدرسة
والا نادي والا يكون عاوز يخرج حتى ,,, حقه يخرج
لكن الأم بتمنع ,, ولو صعب عليها ,,, بتنزله بس بتموت في كل لحظة هو بره البيت
حتى لو كانت محددلى المكان اللى يروح فيه

وأن كنا اللى فيه مصيبة ,,, ربنا رحمنا من مصيبة أكبر بكتير
الحمد لله يارب أن حازم صلاح أبو إسماعيل مش رئيس الجمهورية
كان زمانا دلوقت ,, ضحايا وقرابين الجهاد
حسب توصيات أيمن الظواهرى له على القنوات وفي العلن

لكن فعلا فعلا عندك حق مافيش في ايدنا غير الدعاء ,,,
ومافيش في ايدينا غير اننا نرجو ربنا ينقذنا
لأن اللى في ايديهم الأمر ,,, بيوقعوا البلد كل يوم أسوأ من اللى قبله
اللهم استجب لدعائك
وأعذريني , في الموضوع ده فعلا ,, لما أتخنقت جريت أتكلم معاكوا
وأشكيلكم همومنا كلنا ,,, وأطبطب عليكم بايديكم
تسلمى
__________________

signature

SaMaR_ BakR غير متواجد حالياً  
12-13-2012, 11:42 AM   #4
safynaz
شريك محترف
stars-2-8
 
تاريخ التسجيل: Apr 2011
الدولة: اخر تواجد بتاريخ 18 - 3 - 2013
المشاركات: 3,244

سمر
كنت ارجوكى ان تخرجى من حالى السايلنت
اللى بتفرض نفسها عليكى
ماكنتش فاهمة انها لما هاتخرج هاتكون صرخة
مدوية كده
وجعنى كلامك اوى حسسنى انى عاوزةانزل دلوقتى
اعمل حاجة مش عارفة ايه هى
خصوصا انى راجعة امبارح من دور ايتام بيصرخوا
فيها الايتام من البرد ومش لاقيين هدوم يدفوا بها
لان الناس مشغوله عنهم ونسيتهم بقالها فترة
صحيح عندك حق الاهم دلوقتى ان المصريين بقوا
واقفين لبعض
هى ده الحرية والكرامة والعدالة اللى اولادنا
راحوا علشانها
بقينا محتاجين دلوقتى واحد بس مخلص يرسم طريق
العودة
اللهم اجعل مصر بلدا امنا
شكرا سمر على كلمات تجسدت
اوجاع والالام ونداءات قد يسمعها العقلاء
__________________

signature

safynaz غير متواجد حالياً  
إضافة رد

مواقع النشر (المفضلة)

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
خفة دم المصريين بالصور عاشق الروح نكتة مصورة مكتوبة فزورة مسابقة صور مضحكة ثابتة متحركة 2 01-26-2013 03:03 PM
عزائى لكل احبابى المصريين ملاك البستان منتدى التهاني الترحيب فى الاعياد المناسبات العامة الخاصة 10 01-02-2011 09:04 PM


الساعة الآن 03:24 AM.


Powered by vBulletin® Version 3.8.9
Copyright ©2000 - 2017, vBulletin Solutions, Inc