منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > منتدى التهاني الترحيب فى الاعياد المناسبات العامة الخاصة

منتدى التهاني الترحيب فى الاعياد المناسبات العامة الخاصة منتدى التهاني الترحيب فى الاعياد المناسبات العامة الخاصة الاعضاء الجدد في حال طلبهم ذلك

10-26-2012, 12:40 AM   #1
safynaz
شريك محترف
stars-2-8
 
تاريخ التسجيل: Apr 2011
الدولة: اخر تواجد بتاريخ 18 - 3 - 2013
المشاركات: 3,244
لما كنا صغيرين ولسه بنحب الشقاوه

Facebook Twitter Google LinkedIn vkontakte messenger Digg

basmala

*لما كنا صغيرين :
الحالة الوحيدة اللى كنا نحب فيها امنا وابونا يتخانقوا مع بعض
هى المناقشة الخاصة بشراء ملابس العيد والجزمة الجديدة
وساعتها اللى كان بيدافع عن موقفنا
هو اللى كنا نحبه اكتر



*لما كناا صغيرين
الحالة الوحيدة اللى كنا ننام فيها بدرى
علشان الصبح يجى قوام هى ليلة العيد



*لما كنا صغيرين
كان كل الضيوف اللى هايجوا فى العيد
ماكانش فى مانع نديهم بوسة
مدام هايدونا عيدية



*لما كنا صغيرين
كنا نحب ماما والا بابا اكتر
على اساس اللى هايوافق ياخدنا معاه
وهو خارج فى العيد



*لما كنا صغيرين
كانت الحالة الوحيدة اللى نعرف نلبس فيها هدومنا
ونسرح شعرنا لوحدنا فريرة
هو يوم العيد
safynaz غير متواجد حالياً  
10-26-2012, 01:06 AM   #2
safynaz
شريك محترف
stars-2-8
 
تاريخ التسجيل: Apr 2011
الدولة: اخر تواجد بتاريخ 18 - 3 - 2013
المشاركات: 3,244

لما كنا صغيرين
كانت الحالة الوحيده اللى نسمع فيها الكلام
ماتعيطوش ماتجروش ماتزنوش ماتتخانقوش
هو يوم العيد علشان يخرجونا كمان تانى يوم العيد



لما كنا صغيرين
الحالة الوحيدة اللى كنا نرضى نشرب اللبن كله
لاخر نقطة فى الكوب هو صباح يوم العيد
علشان كنا عارفين انهم مش عاوزينا نشربها
فى اليوم ده بالذات علشان مايخرجوناش



لما كنا صغيرين
الحالة الوحيدة اللى كنا نرضى ندى لعبنا
لبعض ولاولاد الجيران هو يوم العيد



لما كنا صغيرين
الحالة الوحيدة اللى كنا مانوسخش هدومنا فيها
واحنا بنلعب هو لبس العيد



لما كنا صغيرين
الحالة الوحيدة اللى كنا نحب نسافر بها فى القطر
هو يوم العيد
safynaz غير متواجد حالياً  
10-26-2012, 01:16 AM   #3
safynaz
شريك محترف
stars-2-8
 
تاريخ التسجيل: Apr 2011
الدولة: اخر تواجد بتاريخ 18 - 3 - 2013
المشاركات: 3,244

لما كنا صغيرين
اللى كنا نوافق نسيب التلفزيون يشتغل
على حاجة تانية غير الكرتون
هو يوم العيد



لما كنا صغيرين
الحالة الوحيدةاللى كنا فيها ياقاتل يامقتول
اننا لازم نروح الكوافير
مش مهم هانعمل ايه بس نروح زى الكبار
هو يوم العيد



لما كنا صغيرين
الحالة الوحيدة اللى كنا نسمح لحد ينام جمبنا
كان ملابس العيد والجزمة تبات جوه حضننا
وكرتونة الجزمة هى بس اللى نوسع لها مكان
علشان تنام مستريحة جمبنا



لما كنا صغيرين
الحالة الوحيدة اللى كنا نحب نمد ايدنا للبقال
علشان ياخد مننا الفلوس الجديدة
من غير مانقوله عاوزين نشترى ايه
المهم نستعرض بها عضلاتنا
زى الاطفال الاخرين هو يوم العيد



لما كنا صغيرين
هى الحالة الوحيدة
اللى كنا نحب الحديقة تبقى زحمة
والاتوبيس النهرى عليه سباق
هو يوم العيد



لما كنا صغيرين...... الله ياصافى مانتى كاتباها صح اهو
امال فى العنوان مالك ؟؟؟؟؟؟


ابدا بس لزوم الارشفة لازم اربعة كلمات للعنوان
ماعنديش كلمة رابعة


لما كنا صوغيرين كنا ومازلنا نحب الشقاوة
__________________

signature

safynaz غير متواجد حالياً  
10-26-2012, 05:11 AM   #4
moh004
vip
star6
 
تاريخ التسجيل: Jun 2007
الدولة: مصر - بورسعيد
المشاركات: 5,313

الغاليه صافى صباحك عيد

ايه فايده عنوان الموضوع يا استاذ محمد ؟

الفايده بسيطه خالص بالضبط زى عنوان بيتنا .. ينفع نعطيه لحد غلط ؟؟ طبعا لا
مثلا حبيت اكتب عنوان الموتوسيكل اسرع من الدراجه
وكتبته كده الموتى سيكل اسرع من الدراجه
لما غيرى يعمل بحث عن معلومات عن الموتوسيكل مش ممكن يوصل لموضوعى ابدا
لكن اللي يقدر يوصل لموضوعى اللي يكتب بس .. الموتى سوف يعودون !!!!

يا جماعه لازم اعتبر نفسي اللي هدور على الموضوع ممكن اكتب ايه يوصلنى


طب ايه لازمه ان العنوان يكون 4 كلمات مش اقل ؟

لسبب بسيط خالص لان شيخ الحاره عم جوجل اللي الناس هتسأله
عن عنوان بيتنا قال ان 4 كلمات واضحه وما تتوهش
يا اما بقى انتم حرين مش هرد ابدا على اللي بيسألنى
و هقوله العنوان ده ناقص
او هتوه لكم كل اللي بيدور عليكم
وانتم كده الخاسرانين .. ده كلام عم جوجل

.. تصور لما ادلك على عنوان بيتى فى بورسعيد
واقول عنوان بيتى ما يتوهش ابدا
انزل بس انت بورسعيد
واسأل عن الشارع الواسع اللي فيه عربيات كتير
انا بقى ساكن فى اخر دور فى العماره اللي على ناصيته ...
هااا طبعا وصفه سهله

يا جماعه انا مش عارف اشارك خالص
عشان مش عارف ارفع الصور للمنتدى


طيب بسيطه نتعلم سوا ازاى نرفع صور موضوعاتنا
و كمان من مراكز رفع عالميه عشان جربنا مراكز النصب العربيه
اللي بيحذفوا الصور بعد فتره و موضوعاتنا بتبوظ
لانها ببساطه مراكز نصب مش رفع

يعني ينفع انسخ صور من مواقع تانيه

امال اتعلمنا نرفع صور ليه من مراكز رفع عالميه
كبيره و محترمه و بتحافظ على صور موضوعاتنا ؟؟؟

يعنى لما نكون لسه مش عارفين نرفع صور عادى
نضطر ننسخ من مواقع تانيه .. لكن
طالما اتعلمنا يبقى لازم نطور منتدانا بنفسنا
و مانحطش فيه روابط الا لمراكز رفع كبيره و مهمه

زى مراكز ايه يعنى

زى فوتو جوجل مثلا .. لانه من جوجل مباشره وترتيب جوجل على العالم 1

اهاا طيب والعمل ايه الوقت فى صور الموضوع
اللي كلها من مواقع تانيه ؟؟


ولا يهمك باذن الله مش هيفوت اسبوع
الا وكل الصور اللي فى الموضوع مرفوعه تانى
من مراكز رفع كبيره ومهمه

ياااه بس دى صور كتير ...!!!

عادى ولو الف صوره
بس المهم تكون صور حجمها مناسب وواضحه ونقيه
والباقى علينا .. ويا سلام لو الصوره سبق رفعها فى منتدانا
عليها اسم منتدانا يبقى كده ننسخها من عندنا ونريح نفسنا
وربنا مايحرمنا منك ومن موضوعاتك الجميله

شكرا لك
__________________

signature

moh004 متواجد حالياً  
إضافة رد

مواقع النشر (المفضلة)

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
بطه تؤدب صغارها و تحميهم تقى التصوير الفوتوغرافي صور فوتوغرافية تقنيات ابداع المصور الفنان 9 11-05-2013 10:59 PM
بنية الزجاج Glass Structure قاسم نايف منتدى الخزف طرق التشكيل الزخرفة ابداع الخزافين العرب العالميين 7 03-25-2011 08:31 AM


الساعة الآن 09:40 PM.


Powered by vBulletin® Version 3.8.9
Copyright ©2000 - 2017, vBulletin Solutions, Inc