منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > الحوار العام الموضوعات الانسانيه النقاش الهادف النقد البناء

الحوار العام الموضوعات الانسانيه النقاش الهادف النقد البناء منتدى الحوار العام , النقاش الهادف و البناء للموضوعات الانسانية بما يتوافق مع المبدأ القائل : انت حر ما لم تضر

10-08-2012, 11:19 PM   #1
SaMaR_ BakR
شريك محترف
stars-2-8
 
تاريخ التسجيل: Nov 2007
الدولة: cairo
المشاركات: 3,482
الحاجه أم الإختراع مع حكايه منزليه

Facebook Twitter Google LinkedIn vkontakte messenger Digg

basmala

يوم الجمعة ... كنت في المطبخ
الواد الحليوة أبنى الصغير وقعلى أزازة الزيت الكريستال3 لتر
اللى بقيت أغلى من 40 جنيه دلوقت وأدلقت على الأرض
,,أنا ما كدبتش خبر قلت دي فرصتى
مسحت المطبخ بالكلور والديتول ,, ودي كانت آخر مسحة
وخدت بعضى ورحت علشان أطلع كيس الزباله،،
ودي كانت آخر طلعة
وانا بطلع الكيس لمحت حد نازل على السلم
الحد ده كان على وشك يلمحنى هو كمان
وكنت زي ما كل السيدات والبنات بيبقوا في البيت
من غير حجابي طبعا
جيت أجري وأقفل الباب بسرعة قبل ما حد يشوفنى ,,,
الشبشب كان عامل الدنيئة وكان شارب شوية زيت
من الغالى الحلو ده
فا الحقيقة ما كدبتش خبر،، أتزحلقت،،
وقعت بطولى على الأرض
،،وركبتى أتلوت ،،وحصل فيها تك تك تك كتيييير جدا
،،وفي الآخر أتسقر مفصل الركبه في غير مكانه
،،يعنى حصل خلع في المفصل

المهم أن كان زوجي الغلباان كان بيتفرج على المنظر ده
وحس أنى مش هاقوم من الوقعة دي
عدت عليه لحظة طويله كان مفتح عنيه وبقه كمان
فاق على لوك لوك لوك وصوات ....صوات صوات
قام يجري،، عشان يلحقنى
أنا أصوت وهو يقولى طب قوليلي مالك ,, طب في أيه
وانا لا يمكن,,, لازم أكمل الواصلة
أخيرا نطقت و قلتلى رجلى ,,, أفردلى رجلى
قاعد حرام الراجل يحاول يقنعنى أنها مفرود ما أقتنعتش
فاضطريت أفتح عنيا
ولقيت أن رجلى مفرودة لكن مش مظبوطه
فيها حاجه غلط
الألم ده كانها ملويه ومتنيه
بس هي مفرودة
ركزت شويه
لقيت مفصل الركبه مش في مكانه
وعند هذه اللحظة

الجيران خبطوا عشان يقولو لزوجي حرام عليك يا ابنى بتضربها ليه
ما كلنا بنرمي الزباله زيها كده
لقونى على الأرض واقعة وهو برئ براءه الذئب من تهمة ضربي
من هنا بدأت اللحظات الطويله
اللحظة بتعدي سنه
وانا كنت متأكده أنى في كابوس
وانى لازم أبذل مجهود عشان أصحى منه
لما أبنى عيط وجه جنبى
ووطى عليا وبسنى في راسي وقالى ماتعيطيش
قررت مهما حصل بعد كده وكان مؤلم
انى أسمع كلامه وما عيطش
على الأقل قدامه يعنى
الجيران بصراحة ,,
ربنا يكرمهم ساعدوني كأنهم يعرفوني بقالهم سنين
المهم ,, أكملكوا الحكاية النكد الجميله دى
زوجي سابنى , راح يجيب الأسعاف
وجيراني فضلوا جنبي انا رفضت أن حد يحركنى من جنب الباب
لازم يا جماعة تحافظوا على مكان الجريمة زي ما هو ...
الإسعاف جالى وشالوني على بره عشان أروح المستشفي
بس أنا أكتشفت أن رؤية الإنسان الطبيعية بشكل أفقى
بتساعده أنه حتى لو متألم بيكون مطمن

لكن أنك تبقى نايم على ضهرك وشايف سقف بيتك
والسما ، سقف عربية الأسعاف ، سقف المستشفى،
ومش شايف مين وراك مين قدامك الأصوات اللى بتتكلم دي مين
،، بتحس أنك مش مرتاح
تحسسك أنك مش عامل كنترول على بيئتك المحيطة..
حلوة المحيطة دى

في المستشفى وبعد ما دخلوني الطوارئ لوحدى
وزوجي وابنى وجيراني بره
قررت بصراحة استأنف الصوات ,,
أنا ساكته بقالى كتير أوى
ظبت المستشفى والدكاترة بصراحة ,,
انبسطوا أوى من الأوبرا اللى كنت عاملاهالهم
بعد الإشعات قالولى في خلع في الركبه وأحتمال شرخ
قلتلهم طيب ,, خير ,, بنجوني بقه كفاية كده أوى عليا
وفعلا زي ما يكونوا مستنينى أقولهم كده
بنجوني،، وردولى ركبتى وجبسوني وزودوا الجبس ,,
أصل انا متوصي عليا

وفضيتلكو.... خلاص ماعدش ورايا غير
(ورد)
أنا كنت وعدت أستاذي الفاضل محمد ورد
أنى اخلص إجراءات رسالة الماجستير
وأشارك بموضوعات كتير ,,,
الحقيقة مالحقتش أخلص الورق ومناقشة الرسالة أتأجلت
،، ودي أكتر حاجه مضايقاني ,,
بس انا كاتبه الموضوع عشان تشاركوا لحظاتى المؤلمة
والمضحكة في نفس الوقت

المضحك بقه في الموضوع الصورة دي

1

جوزي أخترعلى حاجه ينفع بيها أقعد على كرسي و أطلع بره الأوضه
من غير ما رجلى تبقى متحمله على الأرض
ولا يضطر هو يشيلنى كل شويه,,
عربية أبنى يوسف كانت كل حته منها في حته
فأخد العجلة بتاعتها و ثبتلى رجلى عليها
عشان لما أقعد على الكرسي رجلى تمشي لوحدها ...
أيه رأيكوا في أختراعات زوجي؟
SaMaR_ BakR غير متواجد حالياً  
10-09-2012, 12:07 AM   #2
safynaz
شريك محترف
stars-2-8
 
تاريخ التسجيل: Apr 2011
الدولة: اخر تواجد بتاريخ 18 - 3 - 2013
المشاركات: 3,244

ههههههههههههههههههههههه
بضحك وانا بعيط عليكى تصدقى بقة
اصل انا فى رمضان حصلى زى كده وقلت نفس كلامك ومالقتش حاجة اعملها غير انى اشتغل فنون على بكر البلاستر شوفتيها؟؟؟؟؟؟؟
الف سلامة عليكى حبيبتى
معلشى ربنا يعديها على خير
رجلك وزجاجة الزيت اللى باربعين جنيه
مره واحدة
معلشى الف سلامة ياقمر
لو عوزتى حاجة ابعتلك حد من المنتدى ايه اه من المنتدى اجى انا لو تحبى
يمكن ربنا شايف انك متاخرة شوية حب يديلك الشريط الملون او التاج هاتترقى فى اليومين دول هاتتكسى
الف سلامه عليكى سمر والله زعلانه علشانك خالص حبيبتى
__________________

signature

safynaz غير متواجد حالياً  
10-09-2012, 08:38 AM   #3
نااانو
مراقب عام
Crown5
 
تاريخ التسجيل: Nov 2007
الدولة: مصر - القاهرة
المشاركات: 26,999

اولا الف سلامة عليك سمر
معلش مايقع الا الشاطر
هههههههههههههههههه
وثانيا اهنيكِ على الاسلوب الجميل
اللى كتبتى به القصة
المؤلمة المضحكة فى نفس الوقت
بجد ضحكت من قلبى
مش على وقعتك لا على اسلوبك الظريف
ههههههههههههه
الف سلامة عليك ياقمر
فى انتظار جديدك
__________________

signature

نااانو غير متواجد حالياً  
10-09-2012, 09:13 AM   #4
ارواح
عضو في انتظار التفعيل البريدي
 
تاريخ التسجيل: Mar 2010
الدولة: الايميل المسجل غير مستخدم
المشاركات: 2,129

سلامتك سموره الف سلامه وماتشوفي شر الحكايه مع انها مؤلمه بس اسلوبك في سردها لذيد وياما حصلت معنا ها الوقعات الؤلمه

فألف سلامه لك
ارواح غير متواجد حالياً  
إضافة رد

مواقع النشر (المفضلة)

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
تهويده الحاجه امينه من الجده الى الحفيد هالة منتدى ادبي موضوعات ادبية سيرة الادباء قصة قصيرة 32 11-21-2014 05:00 PM
فلسطين فى كل حرف حكايه عاشق الروح منتدى ثقافي موضوعات ثقافية عامة خواطر شعر سيرة شعراء 0 01-05-2011 09:38 PM
تحف منزليه رائعه الجمال شريرة منتدى الديكور تحف ديكورية ديكورات حديثة غرف مودرن وحدات اضاءة 12 11-08-2010 05:24 AM
الفنانه التشكيليه الاماراتيه منى الخاجه Mona AlKhaja شمسه منتدى الفنانين العرب سيرة الفنان روائع اللوحات الفنية 9 07-07-2010 04:38 PM
ديكورات منزليه قمه الفخامه فنانه بالفطره منتدى الديكور تحف ديكورية ديكورات حديثة غرف مودرن وحدات اضاءة 1 01-12-2008 10:51 PM


الساعة الآن 02:30 AM.


Powered by vBulletin® Version 3.8.9
Copyright ©2000 - 2017, vBulletin Solutions, Inc