منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > منتدى ثقافي موضوعات ثقافية عامة خواطر شعر سيرة شعراء

منتدى ثقافي موضوعات ثقافية عامة خواطر شعر سيرة شعراء منتدى ثقافي موضوعات ثقافية خواطر سيرة شعراء اجمل قصائد

09-12-2012, 07:14 PM   #1
محمد فاروق
شريك فضي
stars-1-6
 
تاريخ التسجيل: Aug 2012
الدولة: بدون تفاعل حقيقي لن تتاح المننتديات مره اخرى
المشاركات: 303
شريحة الثورة باسم مصطفى

Facebook Twitter Google LinkedIn vkontakte messenger Digg

basmala

اتحداك تكمل القصة دي للاخر من
غير عينك ما تدمع .
من يومين كده اشتريت خط موبايل جديد ..
و بمجرد ما حطيت الشريحة في التليفون
لقيت ك...مية كبيرة من الرسائل القصيرة
بتوصل ورا بعضها .. رسايل كتير قوي ..
استغربت من مين تكون كل الرسايل دي
إذا كانت الشريحة لسه جديدة
و مدتش رقمي لحد !! ..
لاحظت إن الرسايل جايه كلها من رقم معين
وبتواريخ متقاربة و مضمونها واحد :
و هو إن فيه واحده بتترجى (مصطفى ميكونش زعلان منها)
و (إنه يرجع لها) و (إنه يرد عالموبيل ويبطل تطنيش) ..

استنتجت إن الخط ده كان بتاع واحد اسمه (مصطفى)
و إن اللي بتبعت الرسايل دي ربما تكون خطيبته اللي سابها
أو أمه اللي طفشان منها وإنها – الرسايل يعني –
وصلت دفعة واحدة أول ما الخط اتفعّل من تاني ..
و عموماً – صاحبنا لسه بيحكي - قلت أعمل ديليت
للرسايل دي كلها لأنها شاغلة مساحة عالفاضي
وطبعاً ملهاش أي فايدة بالنسبة لي ..
لكن و أنا بعمل ديليت لقيت نمرة بتتصل ..
هي نفس النمرة اللي باعته الرسايل ..
قلت أرد عشان أوضح حقيقة الالتباس وأنهي الموضوع ..
رديت ..
و بمجرد ما قلت (آلو) لقيت واحده ست
بتصرخ صراخ هستيري كأنها ما صدقت إنه فيه حد رد :
(يا مصطفى تعالى بقى) ...
( يا مصطفي واحشني قوي) ..
اتخضيت من الموقف وقلبي اتقبض ..
حاولت أفهّم الست إني مش (مصطفى) اللي عايزاه
وإني لسه شاري الرقم ده
ولكن صوتي وكلامي ضاع وسط توسلاتها
وإصرارها إني "مصطفى" ..

قفلت السكة بعد ما عجزت إني أتفاهم معاها ..
وبطلت أرد عالنمرة دي تماماً
لأني في كل مرة برد كان نفس الموال بيتكرر ..
و لما زادت الاتصالات والرسايل قررت أغير الشريحه ..
و قبل ما أشيل الشريحة من التليفون بثواني – وكالمتوقع -
لقيت نفس النمرة بتتصل بنفس الإصرار ..
كان ممكن أشيل الشريحة واخلص و يبقى الموضوع اتقفل ..
فضلت أبص على الرقم لفترة و قررت إني أرد ..

قلت هرد على الست دي لآخر مرة ،
آخر مرة بس
و في المرة دي قلت هبذل مجهود أكبر
عشان أحاول أفهمها إن الرقم ده خلاص
مبقاش بتاع مصطفى اللي بتدور عليه ..

كنت عايز أعمل كده عشان أريح أعصابها
وعشان اللي هيشتري الرقم ده من بعدي
ميقعش في نفس المشكله الغريبة دي ..
رديت ..
وكنت متوقع سيل من الصراخ والعويل كالعادة ..
ولكن المرة دي سمعت صوت تاني ..
صوت بنت عمرها في حدود 15 أو 16 سنه ..
قالت لي الكلام ده بالحرف :

" انا بعتذر لحضرتك بالنيابة عن أمي ..
الرقم اللي معاك ده كان بتاع اخويا
(مصطفى فتحي محمود) ..
استشهد في أحداث 28 يناير ..
و ماما بقالها 10 شهور مش مستوعبة إنه مات
وبتتصل على موبايله يمكن يرد ..
وجت فيك انت .. احنا آسفين .." ..
وقفلت السكة واتأكدت ان فيه ناس بتموت كل يوم
عشان عيالهم اللى ماتوا عشان خاطر مصر .
لو حسيت بأم الشهيد يبقي لا زم تعمل شير للقصة دي
وتنشرها عشان غيرك يحس ويفهم .
محمد فاروق غير متواجد حالياً  
09-12-2012, 08:47 PM   #2
SaMaR_ BakR
شريك محترف
stars-2-8
 
تاريخ التسجيل: Nov 2007
الدولة: cairo
المشاركات: 3,482

ربنا يصبرها يارب و يصبر كل الأمهات
انا مش مستوعبة بصراحة واحدة تفقد ابنها في لحطة
ينزل من البيت قدامها شاب ور اجل و ما يرجعش على رجليه
احساس صعب
لا حول و لا قوة الا بالله
انا لله وانا ايه راجعون
SaMaR_ BakR غير متواجد حالياً  
09-12-2012, 10:21 PM   #3
safynaz
شريك محترف
stars-2-8
 
تاريخ التسجيل: Apr 2011
الدولة: اخر تواجد بتاريخ 18 - 3 - 2013
المشاركات: 3,244

امال لو الام عرفت الطريقة اللى مات بها هاتعمل ايه ربنا يرحم الام والابن
شكرا محمد محتاجين دايما نفتكرهم
__________________

signature

safynaz غير متواجد حالياً  
إضافة رد

مواقع النشر (المفضلة)

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
فريدريك بازل Jean Frederic Bazille امل نيازى منتدى الفنانين العالميين سيرة الفنانين رواد المدارس الفنية روائع اللوحات العالمية 20 02-04-2016 07:02 PM
اصنعى بازل طفلك بنفسك سكوت النجوم الاشغال الفنية اليدوية خامات البيئة الطبيعية والمصنعة 6 09-29-2014 10:04 PM
اخذوه منها باسم القانون واعادوه اليها قتيلا باسم الحقوق safynaz الحوار العام الموضوعات الانسانيه النقاش الهادف النقد البناء 26 10-18-2012 06:16 PM
جميع موضوعاتى باسم غيري الزهرة البريئة المقترحات طلبات الاعضاء شرح طريقة رفع الصور اضافة مشاركة 2 03-25-2012 03:24 PM
انا رجعتلكو باسم جديد والحمدلله Blume منتدى التهاني الترحيب فى الاعياد المناسبات العامة الخاصة 12 02-04-2010 03:50 PM


الساعة الآن 06:09 AM.


Powered by vBulletin® Version 3.8.9
Copyright ©2000 - 2017, vBulletin Solutions, Inc