منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > الحوار العام الموضوعات الانسانيه النقاش الهادف النقد البناء

الحوار العام الموضوعات الانسانيه النقاش الهادف النقد البناء منتدى الحوار العام , النقاش الهادف و البناء للموضوعات الانسانية بما يتوافق مع المبدأ القائل : انت حر ما لم تضر

06-19-2012, 10:04 AM   #1
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,426
عاوزين ايه من رئيس مصر القادم

Facebook Twitter Google LinkedIn vkontakte messenger Digg

basmala

[]عاوزين ايه من رئيس مصر القادم[/]

[]ياسيادة حضرة جناب الرئيس
هكلمك بلسان المرأة المصرية
وبعيد عن التعصب وبمنتهى الحيادية
وهقولك باللهجة الدارجة العامية
انا واحدة ضاع من عمرى 30 سنة
فى ظلم وقهر وبهدلة
ماصدقت بقى لى رئيس منتخب
يعنى بالبلدى كدا احنا اللى جبناه لنفسنا
عوزة اقولك على طلباتى لكى تستقر حياتى
ومن اولها كدا نبدأ صفحة جديده
وتكون على ميه بيضه[/]

[]انا عوزة[/]

[]انا عوزة حجات بسيطة وعادية
عوزة اعيش حياة ادمية ويبقى فى حرية
+ ياريس عدالة اجتماعية
عوزة بنتى تمشى فى الشارع
ماتخفشى من متحرش صايع
وعوزة طريقة تعليم جديدة
مش حشو راس وكراس
وتبقى النتيجة رديئة
عوزة مواصلات مريحة سريعة
عوزة تأمين لحياة امى فوق الستين
بعد ماغاب عنها كل الغاليين
عوزة نفقة وتامين يعيشونا بنى أدمين
وعوزة ياريس نلغى خط الفقر
ونعديه كدا يجى بشبرين
عوزة مية نقية من الحنفية
عوزة أكلة هنية مافيهاش مواد كيماوية
عوزة اسكن فى حى هادى
واحل مشكلة الزبالة فى بلادى
عوزة ولادى يشتغلو فى اللى درسوه
مش يتعلمو العلم ويرجعو ينسوه
وكمان فى حجات مش عوزاها ياريس[/]

[]مش عوزة
مش عوزة اشوف اطفال شوارع
ومش عوزة مصرى يموت غرقان
بسبب الهجرة الغير شرعية
ومش عوزة عبارات تغرق تانى
ومش عوزة اهمال فى ارواحنا تانى
ولا صخرة تقع على راس ناس نايمين فى الدويقة
بصراحة ياريس
مش عوزة اشوف عشوئيات تانى فى بلادى
ومش عوزة الاقى نفسى بقول وبهاتى عالفاضى[/]

[]اما ياريس اللى انا عوزاه لمصر فى الخارج[/]

[]عوزة علم مصر يفضل يرفرف فى العالى
عوزاها تفضل ام الدنيا فى الماضى والاتى
عوزة وحدة قوية بينها وبين الشعوب العربية
مش عوزة حد يتحكم فيها وفيا من اى قوى خارجية
وخلى بالك ياريس من المؤامرات الدوليه
مليون عين مستكترين التورتة عليك
ونفسهم يخدو حته من بين ايديك[/]

[]اوع ياريس[/]

[]اوع تبيع نفسك ليهم ولا تفرط فى ترابنا ليهم
واياك من الاتفاقات الخفية
مع قطر ولا فتح وحماس والشلة دى
خلى عينك فى وسط رأسك
ميدان التحرير لسه باقى حتى لو نسفته
فى مليون ميدان فى بلادى
واحنا ياريس وبأسم كل الامهات
خلاص اتعودنا على الفراق
مافيش اغلى من الضنا وضحينا بيه
يعنى ماعندناش تانى اللى نبكى عليه
يانعيشها صح ونسلمها لاولدنا حلوة
يانموت فيها وتخلص الغنوة
واخيرا بتمنى لك التوفيق
لان الحمل عليك تقيل[/]

[]قولو ماتخافوش عوزين ايه من رئيس مصر القادم؟؟
هو هيسمعنا واكيد هيحس بينا
ولو ماسمعيشى يبقى قلنا وارتحنا وده يكفينا
(بقلمى ونبض قلبى كتبته)[/]
__________________

signature

منى سامى غير متواجد حالياً  
06-19-2012, 10:53 AM   #2
هالة
مراقب عام
Crown5
 
تاريخ التسجيل: Jun 2007
الدولة: القاهرة - الاسكندرية
المشاركات: 26,208

[]انا ح اقول له
ياريسنا الهمام المنتخب
احنا ما اخترناش جنابك رئيس
لكن ربنا هو اللي اختارك
فرجاءا اتقى من ولاك
فيمن ولاك عليهم
شعب مصر الطيب
معظم من انتخبك
انتخبك لانك احلى المرين
يعني ياريسنا
ما تخيبش ظن من اختارك
وخيب ظن من لم يختارك
ماتنساش ان المُلك لله وحده
وانظر لحال من سبقك
ومن يتبع خُطاه حيكون مصيره
نفس المصير
مصر جنة لو عاملت اهلها
على انهم اهلك ومنك
حيكونوا لك خير شعب
لكن لو اخدتك نشوة السلطة
ونسيت عهودك ووعودك
فميدان التحرير مفتوح
مالوش ابواب تتقفل
عرفنا الطريق ونسينا الخوف
وخليك مع اخوانك المصريين
[/]
__________________

signature

هالة غير متواجد حالياً  
06-19-2012, 02:17 PM   #3
نااانو
مراقب عام
Crown5
 
تاريخ التسجيل: Nov 2007
الدولة: مصر - القاهرة
المشاركات: 26,998

[]اهلا بك ياريس
واهلا بأيام تكون هنية على اهل بلدى الغلبانين
اللى نفسهم يعيشوا ادميين
واهلا بمستقبل هادى لاولادى واولاد بلدى
زيك يامنى نفسى فى كل اللى قلتيه
لكن لى حاجة شخصية
لشباب الشرطة الغلبانين
ارفع من معنوياتهم شويه
اديهم زى مابتاخد منهم
جهد وتعب وسهر
رجع لهم هيبتهم من تانى
البلد محتاجاهم ومحتاجة امنهم
بدل ما ابنى ييجى يقولى
انا مش هاشتغل الشغلانة دى تانى
طيب يابنى ياحبيبى
مين يحافظ على امن بلدك غيركم
الله يعينك ياريس
على طلبات اهل بلدك
ولايندموش يوم انهم انتخبوك[/]
__________________

signature

نااانو متواجد حالياً  
06-19-2012, 03:32 PM   #4
nona
عضو في انتظار التفعيل البريدي
 
تاريخ التسجيل: Apr 2010
الدولة: الايميل المسجل غير مستخدم
المشاركات: 936

انا عوزة من رئيس مصر القادم ..اول واهم واعظم حاجة

تعملها المصالحة الوطنية..لم شمل المصريين الذى تبعثر

وتشتت ..

فرقتنا الصراعات السياسية والمصالح الفردية والانتماءات الحزبية

حتى نسينا جميعا هذا الوطن الذى يئن تحت نير الظلم من سنوات

عليك ان تفعل هذا اولا وسيأتى الخير بعده من كل فج عميق
nona غير متواجد حالياً  
إضافة رد

مواقع النشر (المفضلة)

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
متى تكون رئيس جمهورية نفسك منى سامى منتدى ادبي موضوعات ادبية سيرة الادباء قصة قصيرة 12 09-29-2012 08:27 AM
موقف الجيش والسيناريو القادم nona الحوار العام الموضوعات الانسانيه النقاش الهادف النقد البناء 3 02-20-2012 07:57 AM
الحقيقة المعرض الشخصي القادم للتشكيلي فائز أبو هريس سعيد العلاوي منتدى الفنانين العرب سيرة الفنان روائع اللوحات الفنية 9 12-27-2010 08:01 AM
اغنى رئيس دوله فى العالم مس فاطمة‬ التصوير الفوتوغرافي صور فوتوغرافية تقنيات ابداع المصور الفنان 0 02-27-2010 06:53 AM
تخيّل إنك رئيس الدوله moondream2009 الحوار العام الموضوعات الانسانيه النقاش الهادف النقد البناء 3 08-02-2007 12:24 AM


الساعة الآن 06:53 AM.


Powered by vBulletin® Version 3.8.9
Copyright ©2000 - 2017, vBulletin Solutions, Inc