منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > منتدى ثقافي موضوعات ثقافية عامة خواطر شعر سيرة شعراء

منتدى ثقافي موضوعات ثقافية عامة خواطر شعر سيرة شعراء منتدى ثقافي موضوعات ثقافية خواطر سيرة شعراء اجمل قصائد

09-29-2007, 11:38 PM   #1
الهاديه
شريك حقيقي
stars-2-4
 
تاريخ التسجيل: Jun 2007
الدولة: السعوديه - الدمام
المشاركات: 1,446
سالفه عمرى قصيده للشاعر ناصر القحطانى

Facebook Twitter Google LinkedIn vkontakte messenger Digg

basmala

[] سالفه عمرى قصيده للشاعر ناصر القحطانى

هذي القصيدة راااااااااااااااااائعة
على ما تطويه بين حروفها من صور خياليه وحزن
ف
يها عزاء ذاتي للنفس
بالاضافة الى ذلك عذب القوافي
احلى اوقات اتمناها لكم



مساء الخيرات وإن طال البطا يالمنزل المهجور
ترى مـا أبطى بي إلا حـالةٍ مثـلك يقدرهـا
:
إذا عنـدك عتب لا مـانع من معاتب المذكـور
وإذا عـز الرضا تفـداك الأعـذار ومقابرهـا
:
انا اللي جيت لك والريح تعوي والشتاء مسعور
ولا بـه من دفـى والمربعـانيـه بأواخرهـا
:
تغيّـر وانـطبع دربك بلون المسك والكافـور
وهذي رعشـة كفوفي ولا بـه من يدثـّرهـا
:
بـعد ماكنت أجي بابك بدستـور وبلا دستـور
ولا أدري إلا وذيك الدرفه اليمنى على آخرهـا
:
طمـوحي عارضته اللي معاها كل شيء يبـور
وجاء كسر الطموح أهون علي من كسر خاطرها
:
سنـة ما أقبل نذير الشيب كانت بأول الطابـور
وكنـت أحلامها ذيـك السنـه وأول سرايرهـا
:
لقت قدامها فوضى..وقلب..وشـاعر..وجمهـور
وجـات ورتبتـني من جديد وصرت شاعرهـا
:
بقيت اسـري لها لاهمني وحشه ولا ديجـور
أشيـل أحلامنا تحت النـجوم وهي تفسرهـا
:
سقا الله يوم جابت لي قبل يومين من عاشـور
هذاك العسجـد اللي جابه الله من عشايرهـا
:
غلاها كان تحويشة عمر بشعور فوق شعـور
إلين أكتظـت الأشـواق وألهانـي تكاثرهـا
:
ربت ماهي تحت ريشة نعام وفي بلاط قصـور
ولكـن لا تـرف لـه قيمة إلا تحت أوامـرها
:
يحملن أمهات البيض تسع شهور تسع شهـور
على رجـوى بشايرها ولا لاحـت بشايرهـا
:
تقـل بدر ولا بإيّات بدر.. تقـول بدر بـدور
ولا بإيّات بدر بدور .. يعني ماانت خابرها ؟!
:
لو استقصوك عنها ماانت محتاج لشهادة زور
تحت سقفك سحايب ملحها وأمـواج سكرهـا
:
ما ارق المتحف اللي من ورا ضلوعك فدتك الدور
وانا ما أقوى نظر مافيه بـعد غياب ناظرهـا
:
حديقة بيت أهلها..سورها العالي..حمام السور
زخارف بابـها..شباك غرفتـها..ستايرهـا
:
ورق جدرانها..سجـادها..تقسيمة الديكـور
خزانتـها..هداياها..رسايـلها..خواطرهـا
:
تحفها..مزهريتها..قصصها..شعرها المكسور
صـورها..مكتبـتها..أقلامها..لمة دفاترهـا
:
زمام السيف..شال الليل..حنّا الكف..كحل الحور
حلقها..عطـرها..فستانها الأبيض..جواهرهـا
:
مرايتها..فصوص الساعة البيضاء أم خمس سيور
خواتمـها..قلايـد جيدها..نقشـات أساورهـا
:
ملابسـها..بروق ألوانهـا..دولابها الممطـور
من أزرقها إلى أحمرها إلى أخضرها إلى أصفرها
:
نسانيس الهواء اللي ترتشف يشمومها المنثور
صخيفـات المنـاديل اللي أحتضنت عبايرهـا
:
مصابيـح المكان اللي خـذا منه النهار النـور
سنون أمشاطـها اللي مانست عشرة ظفايرهـا
:
بطاقـاتٍ يطـرزها صغـارٍ يحملـون زهـور
رحيـل الدبلـة اللي ماتهنـت في خناصرهـا
:
زوايـا كـنها بلـور فـي بلـور في بـلـور
مسـا رزنامـة غـاب الحريـر اللي يغيرهـا
:
وش أقـول ليتاماهـا الكثيـر الممتلين كسـور
وانا أشياها تحاصرني وأحسب إني محاصرهـا
:
(بكيت..وصارت الدنيا قفص واستوحش العصفور
ضحكت..وملّت شبوك القفص من كذب طايرها.!)
:
عرفت وشلون الأرض تدور وأيام الزمان تدور
والاعيان إن صفت كيف..ومتى تذبح محاجرها
:
ومتى تصير القبور بيوت وتصير البيوت قبور
وكـيف الذكريات يـذوب ماضيها بحاضرهـا
:
على الله وانت أبيك المتحف اللي للعرب معذور
إلى جتك العيـون وصـدت أبوابك نواظرهـا
:
تمر أجيال وتصـدّر سواليف وتعيش عصـور
وتروي سالفـة عمري من أولها إلى آخرهـا
[/]
الهاديه غير متواجد حالياً  
09-30-2007, 08:45 AM   #2
شريرة
مشرفه
Crown4
 
تاريخ التسجيل: Jun 2007
الدولة: فلسطين - خان يونس
المشاركات: 3,245
رد: o(:~* سالفة عمري *~:)o

[]الله يا الهادية
اختيار موفق جدا
وقصيدة ولا اجمل
تسلم ايديك على هذه المشاركة المميزة
التي كحلت بها عيوني في صباح هذا اليوم [/]
شريرة غير متواجد حالياً  
09-30-2007, 10:44 AM   #3
الهاديه
شريك حقيقي
stars-2-4
 
تاريخ التسجيل: Jun 2007
الدولة: السعوديه - الدمام
المشاركات: 1,446
رد: o(:~* سالفة عمري *~:)o

اقتباس:
المشاركة الأصلية كتبت بواسطة شريرة
[]الله يا الهادية
اختيار موفق جدا
وقصيدة ولا اجمل
تسلم ايديك على هذه المشاركة المميزة
التي كحلت بها عيوني في صباح هذا اليوم [/]

هلا بك شريرة واشكر اطراءك الجميل والاهم انها اعجبتك
الهاديه غير متواجد حالياً  
09-30-2007, 05:55 PM   #4
ملك
vip
Crown5
 
تاريخ التسجيل: Jun 2007
الدولة: مصر - فى رحمه الله
المشاركات: 14,674

[]
الهاديه

تسلم ايديك على هذه القصيدة

الرائعة

واشكرك على التنوع الدائم فى مواضيعك
[/]
ملك غير متواجد حالياً  
إضافة رد

مواقع النشر (المفضلة)

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
قصيده يعيش جمال حتى ف موته للشاعر عبد الرحمن الابنودى السويدي منتدى ثقافي موضوعات ثقافية عامة خواطر شعر سيرة شعراء 3 03-22-2013 12:13 AM
الشاطئ الخالى قصيده للشاعر فاروق جويده دانتل منتدى ثقافي موضوعات ثقافية عامة خواطر شعر سيرة شعراء 2 11-23-2010 04:44 PM
قصيده حديث الروح للشاعر محمد اقبال منى سامى منتدى ثقافي موضوعات ثقافية عامة خواطر شعر سيرة شعراء 10 07-05-2010 07:33 AM
قصيده جيه العيد للشاعر عريان السيد خلف ثامر داود منتدى ثقافي موضوعات ثقافية عامة خواطر شعر سيرة شعراء 8 12-31-2007 12:55 PM
قصيده جيه العيد للشاعر عريان السيد خلف ثامر داود منتدى ثقافي موضوعات ثقافية عامة خواطر شعر سيرة شعراء 10 07-17-2007 10:28 AM


الساعة الآن 09:58 AM.


Powered by vBulletin® Version 3.8.9
Copyright ©2000 - 2017, vBulletin Solutions, Inc