منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > منتدى ثقافي موضوعات ثقافية عامة خواطر شعر سيرة شعراء

منتدى ثقافي موضوعات ثقافية عامة خواطر شعر سيرة شعراء منتدى ثقافي موضوعات ثقافية خواطر سيرة شعراء اجمل قصائد

03-21-2012, 01:19 AM   #1
هند
مراقب عام
Crown5
 
تاريخ التسجيل: Sep 2007
الدولة: مصر - المنوفية
المشاركات: 10,714
قصاقيص ورق صلاح جاهين

Facebook Twitter Google LinkedIn vkontakte messenger Digg

basmala

من وحى موضوع
الفسيفساء تحف وروائع بخامات متنوعه
للغاليه مراقب عام ورد للفنون
الجميله مانينو
الذى عرضت لنا فيه
فن الفسيفساء الجميل
بخاماته المتنوعه
من سيراميك وصحون وصدف
وقصاقيص ورق
احببت ان اهديها

قصاقيص ورق
لشاعر العاميه
صلاح جاهين

قصاقيص ورق صلاح جاهين

قصاقيص ورق


منين أجيب مقص مجنون زيى .. بس نص نص

و أجيب ورق و أفضل أقص أقص أقص
أفضل أقصقص ورد من على كل لون
لحد ما أعمل عندى حبة كتير كتير
و اركب لى نسمه ، و اطير اطير
و احفن و ادردب عالبلاد
مطر غزير
ينزل يرخ يرخ
على قرعة بنات أخت البشر
يتسبسبوا و يتشيكوا
و يبقوا لابسين - لا مؤاخذه - طراطير
و يا سلام
لو كمان معايا وقتيها قلم كوبيا ، طويل
طويل طويل
أبله من قلبى ، اللى عرقان م السفر
و اكتب به و انا طاير على خد القمر
أنا باحبك يا جميل

قصاقيص ورق
لكن مطر
يرخ ، جامد ، قد ما يحبوا الولاد
يا دوب كده
مقدار ما يجروا و يمسكوا
مطر ... خطر
ينزل على كتاف العجايز ... يضحكوا
يشبك فى سلك التلفون
هنا ، و هنا ، و هنا ، و هنا
على كل لون

و اللى ف جنازته فى التابوت ، يفوت يبص
يلاقى عالم ، كله كله كله زينة عيد ميلاد
و يفضل فصل ، لكين مفيش بالشكل ده
لابد من عيد الميلاد
أنا عيد ميلادى مالوش معاد
فين الورق ، و النسمه و المقص ، و القلم يا واد

و الا بلاش ده مفيش أمل
أعياد كتير بيبتدوا و بيفرغوا
و بيفضل العالم كده
مكبوس تقيل تقييل
يا ربنا
يا اللى خلقت لنا الايادى ، للهزار ، و للعمل
ادينى قوة مليون ألف ايد ،

عشان أزغزغه

هل اطمع ان كل من سيشرفنى
بزيارته الجميله من ورود منتدانا الغاليين
سيساعدنى على اتمام
لوحة الفسيفساء الشعريه
للضاحك الباكى صلاح جاهين
عبر اضافه قصاقيص شعريه اخرى له؟
__________________

signature

هند غير متواجد حالياً  
03-21-2012, 07:38 AM   #2
هالة
مراقب عام
Crown5
 
تاريخ التسجيل: Jun 2007
الدولة: القاهرة - الاسكندرية
المشاركات: 26,206

برق برق واستخبى في الورق
وما اكثر قصاقيص الورق
هنودتي الحلوة
اهديكي وزوار موضوعك الجميل
قصقوصة حلوة لعمونا جاهين

قالو السياسه مهلكه بشكل عام
وبحورها يابنى خشنه مش ريش نعام
غوص فيها تلقى الغرقانين
كلهم شايلين غنايم
والخفيف اللى عام

انا شاب لكن عمرى الف عام
وحيد لكن بين ضلوعى زحام
خايف ولكن خوفى منى انا
اخرس وقلبى مليان كلام

لا تجبر الانسان ولا تخيره
يكفيه ما فى من عقل يحيره
اللى انهارده بيطلبه ويشتهيه
هو اللى بكره راح يشتهى يغيره

علم اللوع اضخم كتاب فى الارض
بس اللى يغلط فيه يجيبه الارض
اما الصراحه فأمرها سهل
لكن لا تجلب مال ولا تصون عرض

يا باب يا مقفول امتى الدخول
صبرت ياما واللى بيصبر ينول
دقيت سنين والرد يرجع لمين
لو كنت عارف مين انا كنت اقول

انا كان لى اب وكان رئيس محكمه
ستين سنه فى قضيه واحده اترمى
وطلع براءه
وخرج يشكى لرب السما

تسلمي حبيبة قلبي
لعرضك الاكثر من رائع
ربنا يبارك فيكِ
__________________

signature

هالة متواجد حالياً  
03-21-2012, 07:40 AM   #3
نااانو
مراقب عام
Crown5
 
تاريخ التسجيل: Nov 2007
الدولة: مصر - القاهرة
المشاركات: 26,985

هل اطمع ان كل من سيشرفنى
بزيارته الجميله من ورود منتدانا الغاليين
سيساعدنى على اتمام
لوحة الفسيفساء الشعريه

ما اجمله من طمع
اقدم لموضوعك الجميل
رحلة رائعه قام بها الشاعر صلاح جاهين
فى شوارع القاهرة بها لقطات فنيه
ملأ بها تلك القصيده "الشوارع"
ودعنا نسير مع صلاح جاهين
فى لوحته الكاريكاتيريه
الشوارع حواديت
حودايه العشق فيها وحودايه العفاريت
وحدوا الله
الشارع ده كنا ساكنين فيه زمان
كل يوم يضيق زياده من ماكان
اصبح الآن
زى بطن الام مالناش فيه مكان
الشارع ده رحنا فيه المدرسه
اللى باقى منه باقى واللى مش باقى اتنسى
كنسوه الكناسين بالمكنسه
ويااوراق الخريف سنه تلاته واربعه وخمسه وسته واربعين
الشارع ده كل شئ فيه للجميع
والشارع ده وحل زى ماهو بس باسم تانى
والشارع ده اوله عمارات وآخره حيطه سد
والشارع ده ماشى من تحت البلد
الشارع ده جديد وماحضرتش بدايته
الشارع ده والشارع ده كلهم حواديت طوال وقصيرين
والشارع ده
ماشى فيه وفى قلبى رعده
بس برضك ماشى لجل ما أجيب نهايته
شكرا لكِ هنودة
__________________

signature

نااانو متواجد حالياً  
03-21-2012, 08:35 AM   #4
almonalyza
عضو في انتظار التفعيل البريدي
 
تاريخ التسجيل: Jan 2012
الدولة: الايميل المسجل غير مستخدم
المشاركات: 939

غالي والطلب رخيص هنودة
وانه لرائع اختيارك لشاعر
مبدع ببساطة كلماته وعظمة المعاني
التي تحويها ابياته
كل الشكر لكي ان اتحفتينا
بكلمات صلاح جاهين


دخل الشتا وقفل البيبان ع البـــيوت
وجعل شعاع الشمس خيط عنكبوت
وحاجات كتير بتموت في ليل الشــتا
لكن حاجات أكتر بترفض تمــــــوت
عجبي !!
دمتي في امان الله وحفظه
almonalyza غير متواجد حالياً  
إضافة رد

مواقع النشر (المفضلة)

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
صلاح جاهين ملف كامل Amany Ezzat منتدى ثقافي موضوعات ثقافية عامة خواطر شعر سيرة شعراء 64 04-21-2017 02:05 PM
رباعيات صلاح جاهين مرتبه ابجديا Amany Ezzat منتدى ثقافي موضوعات ثقافية عامة خواطر شعر سيرة شعراء 21 05-20-2016 11:47 PM
عناوين جرانين المستقبل(صلاح جاهين) سماالمجد منتدى ثقافي موضوعات ثقافية عامة خواطر شعر سيرة شعراء 1 05-12-2011 10:12 AM
اشعار صلاح جاهين على اسم مصر القطه الشقيه منتدى ثقافي موضوعات ثقافية عامة خواطر شعر سيرة شعراء 6 03-14-2010 11:18 PM
صلاح جاهين الشاعر الجميل العمدة منتدى ثقافي موضوعات ثقافية عامة خواطر شعر سيرة شعراء 4 04-24-2008 06:35 PM


الساعة الآن 02:51 PM.


Powered by vBulletin® Version 3.8.9
Copyright ©2000 - 2017, vBulletin Solutions, Inc