منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > الحوار العام الموضوعات الانسانيه النقاش الهادف النقد البناء

الحوار العام الموضوعات الانسانيه النقاش الهادف النقد البناء منتدى الحوار العام , النقاش الهادف و البناء للموضوعات الانسانية بما يتوافق مع المبدأ القائل : انت حر ما لم تضر

07-06-2011, 03:02 PM   #1
ارواح
عضو في انتظار التفعيل البريدي
 
تاريخ التسجيل: Mar 2010
الدولة: الايميل المسجل غير مستخدم
المشاركات: 2,129
حقوق المرأه باللهجه الحجازيه الجميله

Facebook Twitter Google LinkedIn vkontakte messenger Digg

basmala

[]حقوق المرأه باللهجه الحجازيه الجميله[/]

[]الدكتورة : ليلى صالح عزوز

[/]
[]ما يرفع ضغطي شَي زَي كلمة حقوق المرأة .. وبالذات في السعودية .وهادي المشكلة طلعت متى؟
بعد 11 سبتمبر .... سبحان الله .. يعني كانوا من ألف وأربعمية سنه نايمين .. وفجأة كده صحيوا وقالوا: وه ياندامة .. إيش هادا؟ أتْـرِنُّو إحنا لنا حقوق؟! مادام كده ... الإنتخابات البلدية ليه ما نشارك فيها؟ وليه ما نروح هناك ونرقع بالصوت؟

يا أختي حلال عليكم البلدية كلها .. يعني إيش تبغوا تسووا؟

تحطوا ضوابط إصدار الرخص لمحلات الحلاقة مثلا؟

والا تناقشوا سفلتة الشارع اللي يودي على بيت أم إبتسام؟

والا ليه الشارع الفلاني ما فيه كوفيرة مغربية وكل اللي فيه مصريات؟

يا أختي ريِّحي راسك . اذا كثير من الرجال ما سوُّوا حاجه ... بالله عليكي حتسيبي بيتك وعيالك وشغلك ... عشان تناقشي مشروع إنتخابي؟ هادا من تمام الفضاوه..

طيب قولوا لوحْدَه زواج أختها الليلة: بلاش تروحي للكوفيره اليوم يا مدام وتعالي نناقش حقوق المرأة أو نحضر المجلس البلدي و نتخذ قرارات مهمة .. وأترك لكم جوابها .. إيش يكون

أما عن حقوق المرأة في السعودية .. فياسيدي الست هنا لها حقوق وواجبات ما تتنازل عنها.

مثلا: في بلدان كثير عربيه وأوروبيه تلاقي شحط طويل عريض جالس في الباص ...وقدامه وحده في الشهر التاسع واقفه على رجولها وشايله طفل تاني على كتفها .... إن الشحط يتحرك؟ .. أبدا...

إن الثور يحس؟ .....لايمكن.

لكن هل يمكن يحصل هادا في السعودية؟ أبدا ..

واللي يبغى يجرب.... الطريق قدامو .... يا عمي العملية كلها دلع حريم في دلع حريم ...

رايح أعطيكم بعض الأمثلة وقولوا لي مين اللي آخِد حقُّوقه بالكامل وزياده؟

وهل عندنا المرأة متساوية مع الرجل .. والا هي أحسن مِنُّو؟

قال حقوق المرأة .. قال.
[/]

[]منظر عام[/]


[]رجال محترمين زي الورد واقفين أمام صراف في بنك .. وتِجي أختنا في الله
)اللي يقولو إنها مهضومة الحقوق)
تتقدم للصراف (ِatm)مباشرة ولا على بالها من الطراطير اللي واقفين من ساعات ..
وبعضهم مستأذنين من عملهم. طيب ليه ما توقِّف تِمسك سِرا ورا عشرين بنغالي... وثلاثين باكستاني ... وخمسين سعودي... واثنين معقبين معاهم شوية فواتير مقاس إكس لارج
.. وإذا أحد كلمها وقال لها أتفضلي يا أختي ترد عليه وتقول: لا، معليش. المرأة زَيّ الرجال
.... خليني في الطابور .... زَيِّي زيكم؟! .... ليش ما تقول كده؟! ... والا هي تماحيك وبَس !
ونفس المنظرفي الجوازات .... والأحوال ... والتأمينات .. ويقدر أحد... يقول إنه من ظهر أبوه .... يفتح فمُّه؟ ... على طول يسمع العبارة الشهيرة ... ( عيب عليك .... إنت ماتستحي؟ .. هذه حرمة...إنت ما عندك أهل ...((!ويضطرالراجل إنُّه ينكتم ويسكت .. بل إن المرأة تشفع للراجل جوزها عشان يتقدم على الرجال الباقين. في المطار .. مثلا .. ما تشوفهم يطلِّعوا العوايل أوَّل ..
وبعدين بقية الركاب؟
قال حقوق المرأة ... هههه! [/]

[]اقتصاديا [/]

[]شوف الراجل.. السبع... الغضنفر.. المفتري...له ثوبين أوثلاثة في السنة ..
يروح بها العمل، ويحضر بها عزايم وزواجات، ويقابل بها كبار المسؤولين، الخ، الخ، الخ...
والمرأة بسلامتها .. بقيمة أدوات مكياجها فقط ...
تقدر تفتح محل خياطة رجالي محترم . ويا ريت تحط من مكياجها في البيت.. لأ.
دا بَس للخروج ... وقيمة صباع روج والا علبة بودرة تساوي قيمة جوال جوزها
.. وكمان ازيدك من الشعر قصر .. مو بيت .. من حقوقها فستان لكل فرح. و مكياج.
وكوفيرة..وجزمة..وشنطه. وكمان خُدوا هادي .. سابع بنت عمي. ملكة أخت جارتنا . ولازم هدية. واللطخ يدفع .مو مهم الفلوس جات من فين .. المهم يدفع .. والدنيا ممكن تنقلب على الراجل واللي خَلَّفوه علشان موضوع (مهم وحيوي زي كده.)
قال إيه! حقوق المرأة. [/]

[]نفسيا [/]

[]الزوج مطالب يكون أربعة وعشرين ساعة رومنسي ومبتسم، ولا يبقى جلف وإبن ستين في سبعين..
ويعني إيه عنده مشاكل في العمل؟! والا أقساط متأخره؟!
والافواتير؟! والا مقاضي ما يعرف كيف يجيبها؟!
مو مهم ..واجب عليه إنه يرجع من العمل للبيت مروِّق ومبسوط وبَس ... كإنه كان في شرم الشيخ مصيف مع نانسي عجرم .. ((مجرد مثل .. تف .. بره وبعيد(( ....
والست بسلامتها من ساعة ما يرجع من عملو .. وقبل ما يفصخ حوايجو: شوف بزورتك (لاحظوا .. بزورتك) طفَّشوني .. إيش رأيك نغير غرفة النوم؟ التلفون ما فيه حراره ...
جاتني رساله على الجوال يقولوا الفاتوره طلعت .. أَلحق سّدِّدو قبل ما يوقفوه عن الخدمه ... ... .. ... ومع هادا كُّلو ..لازم يبقى رومانسي.
بينما هي وبكل سهولة تصحى بسلامتها في الظُهر...وتجد الكارثة الكبرى....يوه ... ما عندنا صلصه ...وبكل رقة تتصل...ألو ألو ...أبو خالد موجود؟ ممكن أكلمه لو سمحت؟ ألو .. إيوه... أنا ..
حتكون مين يعني؟... المهم ... جيب معاك غدا ... ماهو إنت يا فالح نسيت تجيب صلصه معاك أمس.
ولإنه موفاضي.. و قرفان من العمل.. يصدق المسكين إنه هو إللي نسي ويقول بكل شجاعة ..... طيب.
وفوق هذا كله آخر السنه: طفشانه ....فين حتودينا ...والله بنت خالتي راحت أمريكا .. وبنت عمي ما تصيف إلا فْ أوروبا.... يا عيني علينا إللي ما نروح غير يا مصر... يا سوريا ... والسنة اللي غيَّرنا فيها ... رحنا ماليزياوماتقول شوف زوجة فلان ايش عملت لزوجها لانه من المحضورات . [/]

[]وفي رمضان: تعبت ....أوف .....إنت داري عن حاجه؟ أنا أبغى خدامة... أنا خلااااااااص .. ومن ثالث يوم رمضان ....مقاضي العيد من جده ...أختي جابت ملابس لها ولعيالها .. إيش أقولَّك بس ... وخُد مشاوير لليييييييييييل ... والراجل المسكين لما ينزل السوق مع مرته ما يقدر يشتري ولااااا شَي لنفسو، لأنو طول الوقت ماشي وراها من دكان لدكان، وشايل زنابيل إلين ما كتفو يتخلع. وهي تطالع فيه وهو يتطوَّح من ثقل الزنابيل .. ولا تقول لُو فزعه .. حتى لو بالكِدِب. وآخرتها بعد ما يرجع البيت تقول لو إنها لِسَّه ما أشترت ملابس العيد!!!!!! وإذا فكَّر ينزل السوق لحالو عشان يشتري شي لنفسو ... على طول يكون مشبوه .. إيش ينزلك لوحدك وسط الحريم؟ .. طيب إنت مو كنت معايا في السوق .. أحد قال لك لا تشتري؟
قال إيه؟ ... حقوق المرأة.[/]

[]أضافه
السواق رجال والكوافير رجال والطباخ رجال والخياط الى يخيط توب الست رجال [/]


[]شرعا [/]

[]المرأة لها حظ من أبوها .... وحظ من زوجها . هادا غيرأمها .. وأخوانها ... وأبناءها .. والراجل مطالب إنو هواللي يصرف عليها مهما كان عندها فلوس.
وثانيا: الرجال لازم يروحوا للمسجد خمس مرات في اليوم .. جمع وجماعات . حر وبرد .. ليل وصبح .. لازم يروحوا ... بينما الست تصلي تحت المكيف ... في غرفتها... وأجرها زي الرجال تماما .... ياعيني .. يا عيني ..والله الإسلام أعطاكم كتير .... وياريتو يِبان فيكم

[/]
[]..ايش رأيكم

[/]
[]وصلني ع الايميل[/]
ارواح غير متواجد حالياً  
07-06-2011, 03:23 PM   #2
هالة
مراقب عام
Crown5
 
تاريخ التسجيل: Jun 2007
الدولة: القاهرة - الاسكندرية
المشاركات: 26,209

[]الغالية
دكتورة ليلى صالح العزوز
ماشاء الله عليكِ جمعتي كل المطلوب
في مقالة واحدة ...... تعجبت من قبل
من مقالة واحدة من الناشطات المطالبات
بحقوق المرأة السعودية واساءت الادب
في الكلام والمهاترات
لا فض فوكِ ياغالية فالمرأة المسلمة
كفل لها الله كل الحقوق
وخاصة الخليجية
على عكس غيرها من الديانات الاخرى
فإن اضاع احد حقها فمن المؤكد انها هي
من اضاعت حقها بسكوتها على مايهينها
تسلمي الحبيبة الجميلة
ارواح
لاشراكنا في مطالعة هذا المقال
الاكثر من رائع للكاتبة السعودية
دكتورة ليلى صالح العزوز
ربنا يبارك فيكِ

[/]
__________________

signature

هالة غير متواجد حالياً  
07-06-2011, 06:40 PM   #3
قاسم نايف
vip
stars-2-3
 
تاريخ التسجيل: Apr 2010
الدولة: العراق / بغداد
المشاركات: 996

[]الغالية ارواح
ان الاسلام اكثر الديانات
اعطى المرأة حقها
وابسط الاشياء
تبقى المرأة تحتفظ باسمها
واهلها بعد زواجها
اما الغرب
مجرد ان تتزوج اصبحت تابعة للزوج
فيسموها مدام فلان
فلان يعني هنا الزوج
فالمرأة العربية يجب ان تنهض
وتطلب كل حقوقها المشروعة
التي فرضها الله سبحانه وتعالى
والشرع الاسلامي
تقبلي مروري[/]
قاسم نايف غير متواجد حالياً  
07-06-2011, 06:47 PM   #4
ارواح
عضو في انتظار التفعيل البريدي
 
تاريخ التسجيل: Mar 2010
الدولة: الايميل المسجل غير مستخدم
المشاركات: 2,129

الاستاذه الغاليه هاله

تشرفت بمرورك وكلامك الاكثر من رائع

تسلمين غناتي ولك جزيل الشكر
ارواح غير متواجد حالياً  
إضافة رد

مواقع النشر (المفضلة)

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
اضحك مع نكت باللهجه الجزائريه 2010 جزائرية وافتخر نكتة مصورة مكتوبة فزورة مسابقة صور مضحكة ثابتة متحركة 8 10-30-2013 06:09 PM
انا جيت لصحبتكم الجميله هل من مرحبين سندريلا وقلبي يستاهل امير منتدى التهاني الترحيب فى الاعياد المناسبات العامة الخاصة 9 09-12-2013 08:44 PM
اكبر كيك لاقامه جمعيه حقوق الطفل الزهرة البريئة مطبخ ورد للفنون اسهل طرق تقديم اطباق وصفات طبخ خضروات فواكة حلوى 2 03-29-2012 10:00 AM
تغور حقوق الانسان واى منظمه دوليه gmnour منتدى ثقافي موضوعات ثقافية عامة خواطر شعر سيرة شعراء 5 01-08-2012 03:41 PM
حقوق الأباء على الأبناء امتنان منتدى اسلامي القرآن الكريم السنة النبوية موضوعات قصص دينية 1 05-22-2008 06:23 PM


الساعة الآن 11:04 AM.


Powered by vBulletin® Version 3.8.9
Copyright ©2000 - 2017, vBulletin Solutions, Inc