منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > منتدى ثقافي موضوعات ثقافية عامة خواطر شعر سيرة شعراء

منتدى ثقافي موضوعات ثقافية عامة خواطر شعر سيرة شعراء منتدى ثقافي موضوعات ثقافية خواطر سيرة شعراء اجمل قصائد

02-20-2011, 07:31 PM   #1
محمد ممدوح
شريك حقيقي
stars-2-4
 
تاريخ التسجيل: Apr 2010
الدولة: مصر
المشاركات: 1,276
ليه يا ريس عملت فينا كده

Facebook Twitter Google LinkedIn vkontakte messenger Digg

basmala

[]ليه يا ريس عملت فينا كده

(بقلم والدي الإنسان : ممدوح الجيار)

ليه يا ريس عملت فينا كدا

دا احنا كنا فاكرين ان انت واحد مننا
نسيت يا ريس القسم الي قسمته لربنا
انك تحافظ على الوطن وعلينا وعلى ارضنا
بعدت ناس كتيرة شريفه وطيبة بعيد عننا
وجبت ناس حيتان غيلان غرزوا ايديهم فى صدرنا
مانت برضوا يا ريس قبلهم رضيت تمص دمنا

عذبتوا ناس وبهدلتوا ناس وطلعتوا قولتوا قضا ربنا
ليه يا ريس عملت فينا كدا
فلاح عرق وتعب وزرع وحصد من خيرات ارضنا
وانت ياريس مكنتش بترضا تاكل من اكلنا
قلنا طيب يمكن يكون بيقرف مننا
طب ليه يا ريس مانت اجدادك واهلك اهلنا
كانوا ناس طيبين وفلاحين وتعبانين كدا زينا
ليه يا ريس نسيت انك واحد مننا
ليه يا ريس مشوفتش طفل نايم على الرصيف من اهلنا
وشيخ كبير محني ضهره ماشي بيشحت ف وسطنا
وام في عز البرد من غير غطا بتحوط ولادها وتدعي ربنا
محاولتش يا ريس تمد ايدك وتمسح حتى دمعنا
ليه يا ريس عملت فينا كدا
فاكر يا ريس شيخنا الشعرواي قالك ايه عننا
يومها زعلت وبان عليك ومعرفتش انه كان بيحبنا
قالك ساعتها كلام كبير وقال كلام زيه لشعبنا
مفتكرتش يا ريس يومها ان انتا واحد مننا
ليه يا ريس عملت فينا كدا
شوفت يا ريس دم الشهيد على ارضنا
اصعب ما فيه يا ريس انه كان برصاص ناس مننا
رجالتك يا ريس الي جبتهم علشان يحموا ضهرنا
مخفناش يا ريس منهم وفتحنالهم صدرنا
حسيت يا ريس اد ايه غلاوة الوطن عندنا
ليه يا ريس نسيت ان انت واحد مننا
ليه يا ريس عملت فينا كدا
ونسيت يا ريس انك في ارض الكنانه الي حماها ربنا
ورجال زي الاسود على الحدود واقفه بتحمي ارضنا
وفي ساعه الشدة تلقانا نبض واحد كلنا
مانت عارفنا كويس مانت برضو كنت واحد مننا
وشوفتنا وقت الحروب وحب مصر بيجري في دمنا
ميهمناش صوت البارود اصل الشهادة اغلى حاجه عندنا
ليه يا ريس عملت فينا كدا
وشوفت يا ريس ناس طيبه كانت بتبكي عليك في وسطنا
اصلك يا ريس كان ليك معزه كبيره عندنا
وكنت لما تسافر كانوا بيدعوا ربنا يحفظك ترجع لنا
كنت الامل كنت الشعاع الي بينور حياتنا وحلمنا
وقلنا نصبر تلاتين سنه ضاع فيها احلى عمرنا
لكن ياريس بعتنا وفي وسط الزحام والهموم سيبتنا
نستنى لقمه نضيفه وهدمه تستر عرضنا
ليه يا ريس نسيت ان انت واحد مننا
اطفال صغار وشباب كتار وطلبات كتيره محتاجنهم مننا
واحنا غلابه محتارين ومحتاجين ونعمل ايه في رزقنا
وفضلنا نصرخ ونقول كتير لكن ضمير الحكم غايب عننا
وكبروا الولاد وشالوا الهم برضوا زينا
لكن زمانهم كان غير زمانا وقالوا بالعلم حنحقق حلمنا
لازم نغير علشان ما نلحق قبل ما يضيع عمرنا
وكانت الثوره العظيمه ثوره بيضا نضيفه بأيد ولادنا واهلنا
كانت حقيقه مش خيال وبرضوا حاولوا يشوهوها مننا
وشهيد مُصر يموت علشان ما يحيا شعبنا
عرفت ياريس انك السبب في الي حصلنا
بس الزمان يا ريس معدش ينفع يرجع تاني بنا
ليه ياريس نسيت ان انت واحد مننا
وفي النهايه احنا اسفين يا ريس لو حد غلط فيك مننا
مانت ياريس الي بديت تلاتين سنه بعيد عننا
ظلم وقهر وفساد وفلوسنا سافرت من هنا
والله دانا زعلان عليك هتقول ايه لما تقابل ربنا
ويوم القيامه لما كل الشعب منك يطلب حقنا
خلاص ياريس معدش ليك مكان تاني في وسطنا
اسفين يا كابتن اصلك بقيت واحد تاني مش مننا
وصلت الي صاله السفر يتولى بيك ربنا .


تحيه الي شعب تونس العظيم ولكل واحد مصري حر في شعبنا
تحيه حب وشكر وتقدير تمانين مليون نشان على صدرنا
الفتحه على روح الشهيد الي بدمه سجل التاريخ فرحه شعبنا .

[/]
محمد ممدوح غير متواجد حالياً  
02-20-2011, 08:05 PM   #2
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,421

[]حقيقى روعة جدا جدا
سلمت يداك أستاذ ممدوح
كلام جميل بمشاعر ابن مصرالاصيل
اللى ما تهنش عليه العشرة
بس نعمل ايه فى اللى بتهون عليه
مش بس العشرة وكمان دمنا بيهون
حسبنا الله ونعم الوكيل[/]

[]سلمت يداك على احلى كلام
ودمت بسعادة وراحة بال
ودامت مصرنا الحبيبه بخير واستقرار[/]
__________________

signature

منى سامى غير متواجد حالياً  
02-20-2011, 08:40 PM   #3
امل نيازى
vip
Crown5
 
تاريخ التسجيل: Jul 2007
الدولة: مصر - الاسكندرية
المشاركات: 19,883

[]
ليه يا ريس عملت فينا كدا
فاكر يا ريس شيخنا الشعرواي قالك ايه عننا
يومها زعلت وبان عليك ومعرفتش انه كان بيحبنا
قالك ساعتها كلام كبير وقال كلام زيه لشعبنا
مفتكرتش يا ريس يومها ان انتا واحد مننا
ليه يا ريس عملت فينا كدا
شوفت يا ريس دم الشهيد على ارضنا
اصعب ما فيه يا ريس انه كان برصاص ناس مننا
رجالتك يا ريس الي جبتهم علشان يحموا ضهرنا
مخفناش يا ريس منهم وفتحنالهم صدرنا
حسيت يا ريس اد ايه غلاوة الوطن عندنا
ليه يا ريس نسيت ان انت واحد مننا
ليه يا ريس عملت فينا كدا


رائع ما خطه
قلم
الانسان الفنان
ممدوح الجيار
ابدعت استاذى
تعبير رائع عن احساس 80 مليون
تحيه الي شعب تونس العظيم ولكل واحد مصري حر في شعبنا
تحيه حب وشكر وتقدير تمانين مليون نشان على صدرنا
الفتحه على روح الشهيد الي بدمه سجل التاريخ فرحه شعبنا


الغالى
محمد ممدوح[/]
[]شكرا لك [/]
__________________

signature

امل نيازى غير متواجد حالياً  
02-20-2011, 09:32 PM   #4
manino
مراقب عام
Crown5
 
تاريخ التسجيل: Nov 2007
الدولة: تونس - طبرقه
المشاركات: 7,809

وشوفت يا ريس ناس طيبه كانت بتبكي عليك في وسطنا
اصلك يا ريس كان ليك معزه كبيره عندنا
وكنت لما تسافر كانوا بيدعوا ربنا يحفظك ترجع لنا
كنت الامل كنت الشعاع الي بينور حياتنا وحلمنا
وقلنا نصبر تلاتين سنه ضاع فيها احلى عمرنا
لكن ياريس بعتنا وفي وسط الزحام والهموم سيبتنا
نستنى لقمه نضيفه وهدمه تستر عرضنا
ليه يا ريس نسيت ان انت واحد مننا


الله الله
ماشاء الله
كلام جميل جدا
اكثر من رائعة


تحيه الي شعب تونس العظيم ولكل واحد مصري حر في شعبنا
تحيه حب وشكر وتقدير تمانين مليون نشان على صدرنا
الفتحه على روح الشهيد الي بدمه سجل التاريخ فرحه شعبنا

ومنا لك سيدي الفاضل
ممدوح الجيار
تحية تقدير واعجاب لحروفك الذهبية
وماخطه قلمك المبدع
دمت بالف خير

اخي الفاضل
محمد ممدوح
تقبل كل الشكر وتقديري
وبارك الله في الولد الكريم
manino غير متواجد حالياً  
إضافة رد

مواقع النشر (المفضلة)

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
عملت اسهل تابلوه بالاستنسل نورا المرشدى الاشغال الفنية اليدوية خامات البيئة الطبيعية والمصنعة 4 04-22-2014 06:20 AM
نعيب زماننا والعيب فينا وما للتطور عيب سوانا samia38 الحوار العام الموضوعات الانسانيه النقاش الهادف النقد البناء 2 06-02-2011 10:09 PM
شوفوا عملت ايه بخرز الكريستال looly85 الاشغال الفنية اليدوية خامات البيئة الطبيعية والمصنعة 17 05-16-2011 10:26 PM
لو مكانها كنت عملت ايه القطه الشقيه الحوار العام الموضوعات الانسانيه النقاش الهادف النقد البناء 4 02-03-2010 02:15 PM
نشكو زماننا والعيب فينا moondream2009 الحوار العام الموضوعات الانسانيه النقاش الهادف النقد البناء 5 08-02-2007 12:17 AM


الساعة الآن 01:30 AM.


Powered by vBulletin® Version 3.8.9
Copyright ©2000 - 2017, vBulletin Solutions, Inc