منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > منتدى ثقافي موضوعات ثقافية عامة خواطر شعر سيرة شعراء

منتدى ثقافي موضوعات ثقافية عامة خواطر شعر سيرة شعراء منتدى ثقافي موضوعات ثقافية خواطر سيرة شعراء اجمل قصائد

02-19-2011, 06:49 PM   #1
أبو وئام
شريك جيد
stars-1-4
 
تاريخ التسجيل: Oct 2010
الدولة: الغردقة /
المشاركات: 171
يوميات مواطن مطحون4

Facebook Twitter Google LinkedIn vkontakte messenger Digg

basmala

[]رشاوي ،محسوبية،.....
كوسة ،ملوخية
و ريحة الفساد
أقوى من ريحة التقلية
روح أي مصلحة وقدم طلب
حتشوف قمة العجب
و يا الأدب و قلة ......
عاوز تخلص يا بيه
قابل عامل البوفيه
أو حط إيدك في جيبك
وهات السجاير والشاي
بص لقدام يا باشا
مصلحتك تبقى بغاشة
شخلل جيبك
مهمز ، أهرش
مصطلحات غريبة
وزمان كانت عبية
أهرش أول مرة أسمعها
افتكرت نفسي جربان
و ما فهمت معناها
إلا لما لقيت الدرج انفتح
و فيه شفت العجب
سجاير مستورد
و بنك نوت واللي ما يدفع
ياهوووووه مش هيفوت
و رجاله وستات و تنازلات
بقوله حرام يا أستاذ
ضحك ضحكة بسخرية
و قالي : أنت مش عايش ف البلد ديه
الحرام ما بقاش حرام
ده رزق العيال يا بيه
وصاحبي ده حيتجوز بإيه؟
و الست دي حتولد بإيه
و الدنيا قدامي بقت فاميه
و أنا من براها
مش عارف إيه جواها
قابلنى البيه عامل البوفيه
قاللي نصيحة
شخلل ، أو شوفلك كوسة
يا دي الحوسة
دا مش باكل الكوسة
ضحك مني و قالي نفس الكلمة
يا عم أنت مش عايش ف البلد دي
مصلح تتمصلح
أبجني تجدني
إذا أدرت أن تنجذ فعليك بالونجز
لغة غريبة و مصطلحات عجيبة
حسيت و كأني من أهل الكهف
و كل واحد يضحك شوية
و يقول اتنازل شوية
وشوية شوية لحد ما بقيت
شربة مع ملوخية
لازم واسطة يا إما فلوس
يا إما يا صاحبى حتلوص
و حكايات غريبة وطلبات عجيبة
يا دي العيبة
جات حتة دين ست
متلمعة و متدلعة
وههئ ومئ وتميل يمين شوية
و شمال شوية
وتوزع ضحكة هنا وهناك
ويا رمش وتسبيلة
و كارت فيه مجموعة أرقام
و هي قاعدة وشنبات واقفين شمال ويمين
واللي منقبة أو متحجبة أخر الصف يا ولداه
آآآآآآآه
ثانية أو أثنين والشاي والليمون
والعصير و الشاليموه
مالت ع البيه الموظف
و سمعت حتة ضحكة
كل الشنبات راحت واقفة
و اتفضلي يا هانم
و المصلحة حتوصل لحد البيت
الست بتخلص مصالحها
و أنت واقف ما بتقضي أي حاجة
أعصر علي نفسك لمونة
أعمل زيهم
و بعدين أقعد مع نفسك و صالحها
و لا أقولك
نفسك دي شئ بس أنت اللي تهمك
و ابقى كل الكوسة
جاتك مليون حوسة
دي طلعت مهمة وأنت الخايب
مشي أمورك و ألغي ضميرك
و أركب الموجه
هي دي الهوجة
و شم الملوخية حتبقي مية مية[/]
أبو وئام غير متواجد حالياً  
02-21-2011, 05:52 PM   #2
راغب حواضري
شريك مميز
stars-2-2
 
تاريخ التسجيل: Feb 2010
الدولة: سوريا - حماة
المشاركات: 820

[]و أنا من براها
مش عارف إيه جواها

قابلنى البيه عامل البوفيه
قاللي نصيحة
شخلل ، أو شوفلك كوسة
يا دي الحوسة
دا مش باكل الكوسة
ضحك مني و قالي نفس الكلمة
يا عم أنت مش عايش ف البلد دي
مصلح تتمصلح
أبجني تجدني
[/]


[]مشكور


أبو وئام

فضفض.........[/]

[]
[/]
راغب حواضري غير متواجد حالياً  
02-21-2011, 06:26 PM   #3
أبو وئام
شريك جيد
stars-1-4
 
تاريخ التسجيل: Oct 2010
الدولة: الغردقة /
المشاركات: 171

الفضفضة كانت من كام يوم ممنوعة
لكنها اليوم بصداها مسموعة
بأصرخ بأعلى صوتي
فقنا خلاص
و بقت راسنا مرفوعة
أشكر مرورك أخى راغب
أبو وئام غير متواجد حالياً  
02-23-2011, 11:26 PM   #4
الفنانه
شريك متألق
stars-2-3
 
تاريخ التسجيل: Oct 2010
الدولة: مصر
المشاركات: 1,073

رشاوي ،محسوبية،.....
كوسة ،ملوخية
و ريحة الفساد
أقوى من ريحة التقلية
خلااااااااااااص من انهاردا مفيش فساد
ولا محسوبيه
ولا تقليه وملوخيه
فى خير جاى علطول
شباب مصر فينا يقول
ارفع راسك دنتا مصرى
وهتفضل مرفوعه علطول
شكرا اخى ابو وئام على الموضوع الرائع
وتقبل تحياتى
يوميات مواطن مطحون4

الفنانه غير متواجد حالياً  
إضافة رد

مواقع النشر (المفضلة)

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
جسد واحد مواطن مصرى fooox94 منتدى تعليم فن الرسم التصوير اسس التصميم الابتكارى 12 12-17-2013 07:21 PM
يوميات مواطن مصرى مطحون 2 أبو وئام منتدى ثقافي موضوعات ثقافية عامة خواطر شعر سيرة شعراء 11 01-22-2013 12:48 PM
حوار بين مواطن وحمار زهرة حياتى نكتة مصورة مكتوبة فزورة مسابقة صور مضحكة ثابتة متحركة 6 04-23-2012 05:42 PM
يوميات مواطن مطحون3 أبو وئام منتدى ثقافي موضوعات ثقافية عامة خواطر شعر سيرة شعراء 8 02-21-2011 06:30 PM
يوميات مواطن مطحون من خواطرى أبو وئام منتدى ثقافي موضوعات ثقافية عامة خواطر شعر سيرة شعراء 8 02-19-2011 04:48 PM


الساعة الآن 12:46 AM.


Powered by vBulletin® Version 3.8.9
Copyright ©2000 - 2017, vBulletin Solutions, Inc