منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > منتدى تاريخ و جغرافية دول العالم و تقاليد الشعوب

منتدى تاريخ و جغرافية دول العالم و تقاليد الشعوب منتدى الدول و تاريخها , تاريخ و جغرافية دول العالم و الدول العربية , عادات و تقاليد شعوب هذه الدول التاريخية و الجغرافيه

02-20-2011, 06:50 PM   #13
زهرة الكاميليا
شريك استاذ
stars-2-7
 
تاريخ التسجيل: Jun 2007
الدولة: مصر - اسكندريه
المشاركات: 2,663

Facebook Twitter Google LinkedIn vkontakte messenger Digg
حبيبتى ..مانينو
تواجدك الجميل حمل فى سطوره
عبق باقات من ياسمين تونس الخضراء الحرة
تحلى بها معصم مصر الأبية


أعجبنى هذا المقال المنقول
من جريدة المصرى اليوم
ورأيت أنه يشبع فضول
كل من حاول تخيل نهارات وليالى الميدان

مطلوب 30 متطوعاً على مدخل شامبليون
و10 على مدخل طلعت حرب
و50 آخرون على كوبرى قصر النيل..
جمل يسمعها المتظاهرون يوميا
عبر الإذاعة الداخلية لثوار التحرير
لتنشيط عمليات حماية وتأمين المداخل
من بين هؤلاء برز
مصطفى أحمد محمد

25 يناير ثوره الهمت العالم


أحد المتطوعين
ضمن لجان التفتيش
المنتشرة على مداخل الميدان
مصطفى يؤدى مهمته
وإلى جواره أجندة صغيرة يدون فيها يومياته
كتب فيها:
«اليوم استيقظت مبكراً على غير العادة
لأبدأ عملى مع المجموعة المكلفة
بتأمين مدخل باب اللوق
حيث تسلمت عملى فى التاسعة صباحاً
ومهمتى هى تفتيش الأشخاص تفتيشا دقيقاً
لضمان عدم وجود أى أشياء ممنوعة
سواء من أسلحة أو غيرها
من المواد القابلة للاشتعال أو تضر بالآخرين،
وأواجه أحيانا مواقف غريبة من الناس
منها اعتراضهم على عملية التفتيش
فأهدئهم بعبارات لطيفة تمتص غضبهم
وأبلغهم أن ما نقوم به
هدفه الحفاظ على أمنهم داخل الميدان
ليشاركوا فى المظاهرات دون خوف
وتزيد عملية التفتيش
فى أيام المظاهرات المليونية
بسبب الكثافة العددية للحضور
وأعمل يوميا ما يقرب من 12 ساعة
وأحيانا أضطر للمبيت فى الميدان
عندما يقل عدد المتطوعين
حيث تم تخصيص خيمة للمتطوعين
نتبادل فيها النوم مع باقى المتطوعين
لأننا نقوم بتأمين المداخل طوال 24 ساعة يوميا
خوفا من حدوث أى شىء
يعكر صفو الثورة التى نفتخر بها جميعاً.


25 يناير ثوره الهمت العالم

هكذا كان ميدان التحرير ..الشهداء حاليا
خلال أيام وليالى الثورة
سكنا ومقرا لملايين من ثوار مصر الأحرار
يعتصمون به ..ملاذا ..ورمزا
بإرادة حديدية
بلا كلل أو ملل
يحدوهم حلم الحرية ..والخلاص ..
مهما كان الثمن
ولسان حالهم
ما تعبناش ..الحرية مش ببلاش !


25 يناير ثوره الهمت العالم

الملايين تلتف حول
النصب التذكارى لشهداء الثورة الأبرار

25 يناير ثوره الهمت العالم

الذى اقيم فى الاحتفال بالنصر
يوم الجمعة 18-2-2011
وتصدر ساحة الميدان بإرتفاع يناهز تسع أمتار
ويعلو قمته علم مصر .

شكرا مانينو للمرور العطر
وتحيتك الرقيقة لنور وآدم
دمت بكل الخير
زهرة الكاميليا غير متواجد حالياً  
02-20-2011, 06:57 PM   #14
أبو وئام
شريك جيد
stars-1-4
 
تاريخ التسجيل: Oct 2010
الدولة: الغردقة /
المشاركات: 171

25 يناير ثوره الهمت العالم

هي دي مصر بأولاها
بصبيانها وبناتها
رجالها وستاتها
بحاوها ومرها
شعبها وحكايتها
من ألاف السنين صبورين
ودودين متراحمين
أقباط ،مسلمين
المهم مصر
موضوعك سيدتي
يحرك الساكن
فما بالنا بمن عاش تلك المظاهر
لحظة بلحظة
ربنا يحفظ مصرنا
و تكون خطوة للي بعدنا
و خطوة لنظرة للقدس
أبو وئام غير متواجد حالياً  
02-20-2011, 08:08 PM   #15
الفنانه
شريك متألق
stars-2-3
 
تاريخ التسجيل: Oct 2010
الدولة: مصر
المشاركات: 1,073

ياللي عاش حبك يعلم
كل جيل من بعد جيل
ياللي علمتينا دايما
نلغي كلمة
((مستحيل))

احنا بنعاهدك يا غالية
جيل شباب حر وأصيل
نبني
ننتج
نعلي

نسبق
كل خطوة بألف ميل
ياللي فيكي الإنسانية والسماحة الربانية

كل واحد من ولادك في مكانه يسوى مية
كلنا يا مصر جينا نوفي عهد ودين علينا
سيدتى الجميله
زهره الكامليا
شكرا لكى على الطرح الرائع للثوره
ورحم الله شهدائنا
وعاشت مصر فوق الرؤوس


25 يناير ثوره الهمت العالم
الفنانه غير متواجد حالياً  
02-21-2011, 08:19 PM   #16
زهرة الكاميليا
شريك استاذ
stars-2-7
 
تاريخ التسجيل: Jun 2007
الدولة: مصر - اسكندريه
المشاركات: 2,663

حبيبتى بنت تونس

من إنتفاضة تونس الخضراء الحبيبة
لمصر الثورة
ومن مصر ..
للأمة العربية
تومض شرارة الحرية
شكرا بنت تونس الغالية
ينشرح قلبى لمرورك الجميل


25 يناير ثوره الهمت العالم


من بين الملايين من أبطال و ثوار
25 يناير 2011
تطل وجوه شابة
وأسماء تسطع حروفها ومعانيها
بالعطاء وبالتضحيات
وبتاريخ وطني مشرف
من بين هذه الوجوه ..فرضت هذه الشابة وجودها
بإرادتها الفولاذية وصلابة إيمانها بالحرية والعدالة
ومحبتها التى تسللت لنفسى شيئا فشيئا
من خلال مدونتها وشعارها المميز

25 يناير ثوره الهمت العالم

الحرية لم تخلق إلا لمن يحملون أرواحهم على أكفهم
مع صورة معبرة لفتاة تعض بالنواجز على أسلاك شائكة

إنها نوارة الإنتصار
نوارة أحمد فؤاد نجم
إبنة شاعرنا الكبير وهو غنى عن التعريف

25 يناير ثوره الهمت العالم

ووالدتها الصحفية الشهيرة والناقدة المسرحية
ذات الشخصية المتفردة أيضا
بمواقفها السياسية
صافيناز كاظم

25 يناير ثوره الهمت العالم

فى البداية ..
شدنى اليها منذ سنوات قريبة
وطنية لافتة
وحصيلة لغوية متدفقة وخفة ظل مدهشة

25 يناير ثوره الهمت العالم

وأسلوب خاص باللهجة العامية
لاذع ساخر
كاد يغطى للوهلة الأولى على ثقافتها ومعارفها الواسعة
ولدت نوارة 8 أكتوبرعام 1973
بعد يومين فقط من اندلاع حرب أكتوبر
فأسماها والديها من وحى الظروف والمناسبة الكبيرة
نوارة الإنتصار
تخرجت في كلية الآداب، قسم اللغة الانجليزية
فى جامعة عين شمس
وعملت كمحررة اخبار ومترجمة
وأنشأت مدونتها الخاصة تجول فيها وتصول
وتستقطب زوارا بلا حصر
تنتمى نوارة لأب ..قضى العمر فى محاربة الظلم ..
وأم معارضة ومناضلة
ذاقا معا قسوة السجن
فورثت ما أهلها للإنخراط فى العمل العام
والكفاح بطريقتها الخاصة
مدافعة عن حقوق الإنسان .. ومناهضة للتعذيب
وباحثة عن حق جنودنا الأسرى عام 1967
ومتصدية لقضايا هامة
مثل حملة ترشيد المياه
وحملة يا قمحنا ارجع لنا
وغير ذلك كثير
وشاركت فى العديد من الإحتجاجات والوقفات
السابقة على الثورة
وتابعها عشاق الحرية
فى مقالاتها فى جريدة الدستور الأصلى
وعلى مدونتها الخاصة
لترسم ضحكة من القلب بأسلوبها الجميل
خاصة عندما تجنح
بشئ من الإنفلات التعبيرى إن جازت التسمية
ليكتشف قارئها ..أن ما قرأه هو فى واقع الأمر
كوميديا سوداء
تشرح الواقع بمرارته ..واليأس بقسوته !

كتبت نوارة على مدونتها قبيل الثورة بيوم
نسيت اقول حاجة مهمة:

اجمل حاجة في ثورة تونس
ان ما كانش فيها غير علم تونس والنشيد الوطني
ياريت القوى السياسية ترحمنا وما ترفعش شاراتها وصورها
مافيش غير علم مصر والنشيد الوطني
هو مش فرح ابن العمدة وكل واحد نازل ينقط باسمه

فى صبيحة اليوم الموعود
25 يناير2011
تركت كلمة واحدة
كلمة واحدة
هى ذات الكلمة التى ترددت فى قلوب الشباب
وفى مدوناتهم
وخرجت للتظاهر
قالت
يا رب !

طبيعى أن تكون نوارة
من أبرز نشطاء ميدان التحرير
طبيعى أن تكون أخبار ميدان التحرير لحظة بلحظة
على مدونتها
جبهة التهييس الشعبية
كما شوهدت لمرات عبر قناة الجزيرة
ترسل نداءات للتنبيه عن أخطار محتملة
قد تحدق بالشباب المتظاهر
وكنت أنتظر بياناتها على مدوتنها
وعرفت مواعيدها ..
لفترة قصيرة قبل النزول للشارع صباحا
تكتب على عجل ..تشجيعا ..إستغاثة ..
تنبيهات بتغيير أماكن الثوار
فرارا من عصا الشرطة الغليظة ورصاصاتها الغادرة
وصفا موجعا للشهداء واحوال الجرحى
طلب إحتياجات عاجلة للمتظاهرين
وحثهم على الإصرار والصمود
كما كانت تتابع وترصد
أصداء الثورة فى العالم وكل هذا الإنبهار

ان شاااااااء الله، بكرة اخر يوم يا رب يا رب يا رب
بس نشد حيلنا ونثبت
يا رب.. وربنا حيسمع، وحيستجيب،
عشان احنا عملنا وقلنا يا رب،
مش حيسمعنا ابدا واحنا قاعدين في بيوتنا،
حيسمعنا دايما واحنا نازلين وبنعمل وبنضحي
ومصر تستاهل
وانتوا تستاهلوا
والمصريين اللي اثبتوا فعلا فعلا فعلا انهم شعب حضارة يستاهلوا التضحية عشانهم
نستاهل عيشة احسن من كده،
وربنا حيدينا عيشة احسن من كده،
ومصر الحلوة الجميلة العظيمة المحروسة البهية
تستاهل حال احسن من كده،
وربنا حيرزقها من وسع بدم ولادها الأبرار

صبرتوا ونلتوا يا ولاد
مصر بقت سمعتها في السما بيكم
كللللللللللل الناس، كلللللللل الناس
العدو قبل الحبيب،
أحنوا جباههم لكم اكبارا واحتراما يا شعب مصر
كل الاحباب، كل الاحباب،
مش بس من المحيط الى الخليج،
ده انا بتجيلي رسائل من البوسنة، تصدقوا؟ البوسنة،
كلهم بيصلوا ويدعوا لكم
التليفونات تبيجي من اول العراق لحد المغرب
بيعيطوا ويدعوا لكم، ميتين مليون بيدعوا لكم
كل عربي قلبه بيرفرف عليكم
وهاين عليه ييجي يموت عشانكم لو يقدر
امريكا وشها منكم في التراب يا آمنة
الاتحاد الاوروبي فاتح بقه انبهارا وذهولا
حتى الصين والهند قالوا: ايه ده؟ ايه الناس دي؟
وانا عارفاكم تحبو الصيت هههههههههههه
توكلنا على الله
يارب...

25 يناير ثوره الهمت العالم


وهذه عينة من آمال وأمانى لرفعة مصر
كتبتها نوارة بعد الإنتصار
بوعى كبير يعكس روح الثورة الشابة


ورانا شغل كتير
اولا كل المعتقلين السياسيين لازم يخرجوا،
وطبعا قانون الطوارئ يتلغى
وبعدين عايزين نعمل دستور ما يخرش المية،
ما يبقاش فيه صلاحيات لفرد ابدا
دستور ديمقراطي على حق يعمله القانونيين بتاعنا
مش حنستورد دستور من حد
احنا عندنا ناس جامدة لعلمكوا يعني،
ورئيس الوزرا يبقى بالانتخاب والمحافظين كمان
ما عادش بقى حد يعين ابن اخته تاني بعد كده
ويبقى فيه آلية رقابة ومحاسبة،
والدستور يضمن لنا تقسيم السلطات
والسلطة للشعب
وبعدين عايزين محاسبات مالية وقوانين عدالة اجتماعية
عشان ما حدش يوزع وجبات وعشرين جنيه
مقابل اصوات الناخبين
وبعدين عايزين نلغي وزارة الاعلام اساسا
وعايزين اطلاق حرية تكوين الاحزاب
وعايزين اطلاق حرية الصحافة
وعايزين نرجع فلوسنا،
الشلة اللي فاتت سرقت 132 مليار دولار من مصر،
لو رجعنا نصهم وصرفناهم
على الصعيد والعشوائيات حنبقى سويسرا يا جدع
عايزين فلوسنا عشان عايزين نعمل مشروع الري بالتنقيط
عشان نزرع الصحرا ونكتفي ذاتيا من القمح ونوفر مية
ونعمل فرص عمل للفلاحين اللي تحولوا لسواقين توك توك بسبب انحسار الاراضي الزراعية
ويتعمل بقى قوانين عمل تانية خالص غير دي، حاجة تضمن حقوق العمال،
مش الانسان ينام عامل يصحى مفصول ونايم في الشارع،
ومصانعنا بقى ترجع لنا
وبعد كده احنا عايزين نتخلص من المعونة الامريكية تماما،
واحدة واحدة كده نسلت نفسنا منها لانها خربت بيتنا وبيعتنا اللي ورانا واللي قدامنا،
ونتخلص من المعونة الاوروبية كمان
يعني يبقى لنا 132 مليار دولار متهربين ونشحت؟
مش عايزين معونات تاني
عشان بيفرضوا علينا شروطهم الاقتصادية
وبياخدوا حقهم بالفلوس دي من اراضينا وصناعتنا
سواء للدولة او المؤسسات الاهلية
وبدل ما المؤسسات الاهلية تمشي تشحت من برة
يتفتح لها مجال جمع التبرعات
عشان يعرفوا يخدموا بلدهم بفلوس ولاد بلادهم
ودي المساعدة اللي الاستاذ اوباما عرضها علينا امبارح
انه يدينا فرصة نرجع فلوسنا ونصرف على نفسنا،
متشكرين على تهنئته لينا بثورتنا
ومتشكرين والله
على انه اكتشف اننا مش ارهابيين ولا متطرفين
واننا زينا زي غاندي ومارتن لوثر كينج
ده ايه الرتبة الجامدة دي؟
بيساوي شعب بافراد؟
ومتشكرين على انه اكتشف اننا سلميين وان المسلمين والمسيحيين مش بيقتلوا بعض ولا حاجة
ومتشكرين على انه قال لنا: والله طلعتوا ناس محترمة اهو.. امال بيقولوا عليكوا كده ليه؟
ومتشكرين على اعترافه
باننا بني ادمين ومن حقنا الحرية والعدالة
ومتشكرين على انه ما عرفش اننا بني ادمين زينا زيه
الا لما اضطرينا نطلع بالملايين ويموت منا مئات الشهدا

إنها نوارة ..
زهرة متفتحة الأكمام..عن أريج وثمار
وهى بشرى الإنتصار ..
إسمعوها معى فى أولى لحظات الفرح
بعد كسرة نفس 30 سنة
بعد ذل 30 سنة
مفيش كسرة نفس تانى
مفيش ظلم تانى
مفيش خوف تانى
الحمد لله
مصر حرة النهاردة
كلما سمعتها ..بكيت !

http://www.4shared.com/video/uLi6MkaI/______.html



نوارة وغيرها من صبايا الثورة المصرية
أصوات نسائية شابة ..
فى عهد جديد ..تقدمى وديموقراطى
تتساوى فيه مع الرجال ..بنضج كامل وذكاء .
حفظ الله ثورة مصر الجبارة
ثورة الشعب
وحماها من المتربصين بها
وما أجمل الختام مع كلمات والدها
شاعرنا الكبير
احمد فؤاد نجم
وهو يتنبأ ..ويحلم ..
ثم ..ولو متأخرا ..
يشهد يوما مأمولا
علا فيه صوت الفرح
وعادت للمصريين ضحكة .. حسبناها ضاعت للأبد
والمد الثوري يكنس بهديره موات دام لعقود
مفسحا الطريق للتغيير ..
لمستقبل بإذن الله
يعيش فيه أحفادنا أفضل مما عشنا
إرحل ..كفاية عليك جدو وبابا !

25 يناير ثوره الهمت العالم

أبوك آيوا ما كانشي حاجة
لكنه بيحاول يعيش لحاجة
جيل أبوك كان يعني حاجة
وجيلك إنت حيبقى حاجة
ومصر تبقى اليوم حاجة
وبكرة حتما تبقى حاجة
وأي حاجة ما تكونش حاجة
إلا وسببها في الأصل حاجة
وبكرة لما قمركم يطلع
والشمس تسطع فوق كل حاجة
حتقولو كان في المكان دا ناس
فيهم طيابة وفيهم حماس
حتقولو كانوا ويا ما كانوا
ويا ما شربو ويا ما عانوا
ويا ما جا لهم ويا ما جيلهم دفع
حتقولو كانوا ويا ما كانوا
لكن حيبقى في الأمر حاجة

تحيا مصر
زهرة الكاميليا غير متواجد حالياً  
إضافة رد

مواقع النشر (المفضلة)

الكلمات الدلالية (Tags)
25, العالم, الهمت, ثوره, يناير

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
كلمات اغنيه شهداء 25 يناير omnia khater الموسيقي الطرب اغانى قديمة حديثة البومات كاملة الات موسيقى عربية عالمية 2 11-23-2012 10:01 PM
من قلب ثوره مصر صور حصريه عاشق الروح التصوير الفوتوغرافي صور فوتوغرافية تقنيات ابداع المصور الفنان 17 10-20-2012 12:19 AM
ثوره مصر البوم صور ضخم جدا moh004 التصوير الفوتوغرافي صور فوتوغرافية تقنيات ابداع المصور الفنان 116 10-09-2012 06:15 AM
اضواء على ثورة يناير nona الحوار العام الموضوعات الانسانيه النقاش الهادف النقد البناء 40 07-02-2011 07:49 AM
وثيقة الأزهر لمستقبل مصر بعد ثوره يناير د/على مهران هشام الحوار العام الموضوعات الانسانيه النقاش الهادف النقد البناء 0 06-27-2011 10:37 PM


الساعة الآن 12:54 AM.


Powered by vBulletin® Version 3.8.9
Copyright ©2000 - 2017, vBulletin Solutions, Inc