منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > منتدى ثقافي موضوعات ثقافية عامة خواطر شعر سيرة شعراء

منتدى ثقافي موضوعات ثقافية عامة خواطر شعر سيرة شعراء منتدى ثقافي موضوعات ثقافية خواطر سيرة شعراء اجمل قصائد

02-03-2011, 12:18 PM   #1
مهاميمو
شريك
stars-1-3
 
تاريخ التسجيل: Jan 2011
الدولة: مصر
المشاركات: 60
كانك مفيش لاحمد فؤاد نجم

Facebook Twitter Google LinkedIn vkontakte messenger Digg

basmala

[][]كانك مفيش لاحمد فؤاد نجم

برغم إن صورك فـ كل الدواير
وكل المداخل وكل المحاور
ومليا الشوارع على كل حيط ..
مطنش علينا وعامل عبيط ..
كأنك مفيش ..


***

يا فرحة قلوبنا رئيسنا ظريف
.. فُكهي .. إبن نكته ودمه خفيف
ف عهدك سيادتك فَرَشنا الرصيف
وآخر مُنانا الغُموس والرغيف
وكل أمَّا تُخنُق ندوَّر .. مفيش !


***

مسيِّب علينا عصابة حبايبك
فضايح وسرقة ونهب بسبايبك
ما بين حزب نجلك .. وهانم جلالتك
وجيش الغوازي إللَّي داير يجاملك
وناملك وقاملك .. وحارسك وأمنك
شبعنا مهانه .. شبعنا لطيش ..!
وأنت .. مفيش !!


***

باعونا فـ حضورك .. ببركة عِبيدك
وغالي وسرورك باعوا الأراضي ..
وكل المصانع وباعوا البنوك ..
وقدَّام عِنيك .. صوتنا إتنبح ..
ننادي عليك .. إلحق يا ريس :
ده باعوا الحديد !!
وأنت منشِّف دماغك عنيد !!
.. كأنك مفيش !!


***

دوشتوا دماغنا " بجمال " طلعتك
ومن يومها وإحنا عَبيد حضرتك
ما تزعلش إني مواطن أبيح
ورافض كلابك فـ شعبك تطيح
فسادهم ياريِّس واضح .. صريح
قوم بينا صلّح وفتَّش .. وثور
ح نكتب تاريخك ياريِّس بنور
مش تبقى عايش كأنك مفيش !!


***

ورحمة أبوك .. مادام أنت قاعد
عيب لمَّا عُصبة نَوََر يسحبُوك
م تُقبض عليهم .. متقطع إيديهم ..
م تعمل عليهم يا ريِّس شاويش
بدل م انت ساكت وقاعد مفيش


***

ياريس علىّ الطلاق تعبانين !!
ياريس علىّ الحرام كفرانين !!
صبرنا سنين .. سيادتك مسلطن
وشعبك وناسك بتاكل مسرطن
وتشرب مجاري وميت سم هاري ..
ومش دريانين !!
ما تنهض يا ريس تلم الديابه؟!!
ده شعبك غلابه .. ومليان طيابه ..
وهوَّ الشفاعة ف يوم الحساب
وهما البطانة الحُثاله الكلاب
ما يملاش عنيهم غيرالتراب
وليهم ضوافروميت ألف ناب
وواقفين لشعبك ورا كل باب
لإمتى ح تسكت وليه الغياب ؟
ده ياما ممالك طواها التراب
حياتنا ياريس تعب فوق عذاب
يا ريس " شريفك " ماهوَّاش شريف !!
" نظيفك " يا ريس ماهوَّاش نظيف !!
وحتى " حبيبك " ماهواش حبيب !!
وأنا غصب عني .. خلاص إستويت ..
بـ غلبي إنحنيت .. وطلعان عنيا ..
وصعبان عليا بحسبة بسيطة
ومن غير خريطه .. وكونك مفيش ..
لقيت متساويش ومش فارقه أعيش ..
نويت أشتكيك للِّي فوقي وفوقك
وأصلي الفرايض ..عسى يفك طُوقك
قالولي إللي يسجد عدو النظام !!
حاولت أحكي حالي ..!!
قالولي الحكاوي نميمة وحرام !!
فكرت أكتب .. لقيتكم سيادتك منعتوا الكلام !!
فقررت أحلم .. هاحلم سيادتك وأفُك اللِّجام
ولو مش هيعجب سيادتك يا فندم
وصِّي العساكر .. تاخُدني أمَّا انام !!


***

حلمت إني شعب ..!
حلمت إني شعب ومصلوب بطولي
على أرض سمراودمي بينزف ومليان جروح
وفوق صدري جمرة يميني مربّط على أرض طابا
شمالي ممسمر فـ "أولادعلي"
ورجلي على جزع نخلة فـ "حلايب"
ومرتاح براسي على حِجْر مصر
وشوفتك ياريس ..كأنك ولي .. كأنك نبي ..
فـ إيدك عصاية وليك معجزات
وشايل صليبي وبتفكني ..
وانا فـ جنَّه خضره .. وتحتي جداول ..
ومن فوقي نور .. وريحة بخور ..
همست ف ودانك بآخر وصيّة :
إنسى إللي فاتك .. هننسى الأسية .. !!
أمانه عليك .. حُط الوطن جُوَّه نِنِّي عينيك
كرامة عيالنا أمانة فإيديك
بحق إللي بينّا ياريِّس وبينك
وحَق اليَمِين و" ألكتاب " فى يمينك
بحق الشهيد .. إللي رافع جبينك
وجيش إنتصارك فى يوم العبور
وجيل حُر طالع .. وعدته بدور
لملم عيالك .. وجمَّع فـ مالك

وإسحب " جمالك " وسيبنا وغور[/]
[/]
__________________

signature

مهاميمو غير متواجد حالياً  
02-05-2011, 09:48 AM   #2
تقى
عضو في انتظار التفعيل البريدي
 
تاريخ التسجيل: Oct 2007
الدولة: الايميل المسجل غير مستخدم
المشاركات: 4,392

ربنا يهدي الامور
يسلمو
تقى غير متواجد حالياً  
02-05-2011, 05:59 PM   #3
نااانو
مراقب عام
Crown5
 
تاريخ التسجيل: Nov 2007
الدولة: مصر - القاهرة
المشاركات: 26,998

[]كلام فى الصميم
شكرا لكِ مها لهذا النقل الجميل
الله يهدى الحال ودائما مصرنا للأمام
اقتباس:
وجيل حُر طالع
دائما حر بإذن الله
شكرا لكِ[/]
__________________

signature

نااانو متواجد حالياً  
02-05-2011, 07:16 PM   #4
بنت تونس
مراقب عام
Crown5
 
تاريخ التسجيل: Oct 2007
الدولة: تونس - قفصه
المشاركات: 8,386

[]تسلمي
مها
على الاختيار المعبر
ربي يهدي الجميع
ويرفع عنا البلاء[/]
بنت تونس غير متواجد حالياً  
إضافة رد

مواقع النشر (المفضلة)

الكلمات الدلالية (Tags)
مفيش, كانك

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
فؤاد امك يا فتى ولك الجواهر والدراهم والدرر بنت تونس منتدى ثقافي موضوعات ثقافية عامة خواطر شعر سيرة شعراء 7 06-16-2014 09:57 PM
زين العابدين فؤاد قصائد برائحه البارود زهرة الكاميليا منتدى ثقافي موضوعات ثقافية عامة خواطر شعر سيرة شعراء 21 10-04-2011 09:28 PM
بين ايديك محمد فؤاد منى سامى الموسيقي الطرب اغانى قديمة حديثة البومات كاملة الات موسيقى عربية عالمية 9 07-22-2010 07:51 AM
أحمد فؤاد نجم ..فى عيد ميلاده ال 81 زهرة الكاميليا منتدى ثقافي موضوعات ثقافية عامة خواطر شعر سيرة شعراء 9 05-27-2010 08:24 AM
فى عيد ميلاده احمد فؤاد نجم زهرة الكاميليا منتدى التهاني الترحيب فى الاعياد المناسبات العامة الخاصة 10 07-05-2007 09:24 PM


الساعة الآن 07:23 AM.


Powered by vBulletin® Version 3.8.9
Copyright ©2000 - 2017, vBulletin Solutions, Inc