منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > الحوار العام الموضوعات الانسانيه النقاش الهادف النقد البناء

الحوار العام الموضوعات الانسانيه النقاش الهادف النقد البناء منتدى الحوار العام , النقاش الهادف و البناء للموضوعات الانسانية بما يتوافق مع المبدأ القائل : انت حر ما لم تضر

01-08-2011, 03:03 PM   #1
nona
عضو في انتظار التفعيل البريدي
 
تاريخ التسجيل: Apr 2010
الدولة: الايميل المسجل غير مستخدم
المشاركات: 936
Facebook Twitter Google LinkedIn vkontakte messenger Digg

basmala

[]

العلاقة بين الدين والفن


اعزائى جميعا..........

موضوعى موضوع يبدو شائكا بعض الشىء

ومثيرا للجدل فى كثير من الاحيان...موضوعى

هو العلاقة بين الدين والفن..يدخل فى ذلك

الفنون المختلفة كالنحت

والتصويروالرسم..الفنون

الادبيةبكل صورها من شعر وقصة..فنون

المسرح

والسينما فنون الرقص الشعبى..والباليه

سؤالى هو هل يمكن ادخال الدين فى هذة

المجالات

والحكم عليها من منظور دينى..؟ طبعا انا لا

اتحدث فى

فتاوى فالفتاوى بالحرمانية موجودة..وبالتحليل

موجودة

ايضا..........لكنى اقول

هل هناك حلال وحرام فى الفن..؟ وهل يجب

ان يتدخل رجال الدين فى الحكم على تلك

الاعمال؟

هل يمكننى ان اقول ان الرقص الايقاعى

كالباليه

حرام لانه يشمل لبس غير اسلامى واختلاط

مثلا.؟

او ان النحت حرام لانه تشبية بالاصنام..؟ اسألكم

من حيث المبدأ

وليس من حيث كونه حرام او حلال اصلا...

وبمعنى اوضح

هل من الصواب ان يحكم رجل الدين على

العمل الفنى ...؟ ام ان هذا من عمل النقاد

المتخصصين وان المنظور الدينى من تحليل

او تحريم ليس له محل من الحكم اصلا..؟

وشكرا.......
[/]
nona غير متواجد حالياً  
01-08-2011, 05:53 PM   #2
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,426

نونا الغالية
كالعادة ياقمر موضوع جميل
ومهم جدا
وانا من رأى أن كل شئ فى حياتنا يجب ان نرجعه للدين
ما يتناسب مع عقيدتنا نأخذه وما يتنافى نستبعده
او نحاول الاستغناء عنه
هحكى لك حكاية
عندما ظهرت نتيجة التنسيق الخاصة ببنتى
وقبلت فى كلية الفنون الجميلة
من حوالى 3سنين
طرت من الفرحة لانى كنت
أتمنى هذه الكلية وانا اللى شجعت بنتى عليها
وفعلا دخلت الكلية
وفى اول سنه لاحظ دكاترة النحت براعتها فى هذا القسم
وهى كانت حباه جدا
ودرجاتها ممتازة فيه
وكان لها أسلوب خاص ورؤية
عجبت دكاترة هذا القسم
وفى يوم وجدتها داخلة على ومعاها
صورة على الموبايل لتمثال صنعته
رجل وإمرأة ينظران لبعض ويلف يديه حولها
ساعتها حسيت فعلا أن فن النحت حرام أذا أثار المشاعر
وجسد المفاتن
وفهمتها--ورفضت انها تتخصص فى النحت وهى الان تصوير
وكل نصيحتى لها أنها تبتعد عن أثارة المشاعر
وتجسيد المفاتن
كما قرأت رأى الامام الغزالى

فى هذا الصدد

فرأى اننا يجب ان نحكم العقيدة فى كل شئ فى حياتنا
لاننا هنتسأل عن كل شئ
تسلمى لى حبيبتى
وتسلم موضوعاتك الجميلة
__________________

signature

منى سامى غير متواجد حالياً  
01-08-2011, 06:45 PM   #3
nona
عضو في انتظار التفعيل البريدي
 
تاريخ التسجيل: Apr 2010
الدولة: الايميل المسجل غير مستخدم
المشاركات: 936

يامنى يا حبيبتى

ازاااااااااااااى بس..؟

تحرمى بنتك من حاجة بتحبها

عشان كلام غريب زى ده..؟

طب ممكن تقوليلى وتجاوبينى

على سؤال..اما طالبان حاولوا يكسروا تماثيل

بوذا مش الشيخ القرضاوى راح مع لجنة دينية

لاقناعهم بان التماثيل دى لا تتعارض مع الدين؟

طب ايه رأيك فى تماثيل الفراعنة اللى ماليه مصر

والناس بتجيلها من كل مكان واحنا كمسلمين بنقف

امامها منبهرين...ودا مش حرام..؟

طب ايام الفتح الاسلامى لمصر ومحدش يجهل تشدد

عمر بن الخطاب فى الحق..هل امر بتكسيرها كما كسر

سيدنا ابراهيم الاصنام زمان..؟

ياريت تردى على يا قمر وطبعا الاختلاف فى الراى لايفسد

للود قضية


nona غير متواجد حالياً  
01-08-2011, 07:23 PM   #4
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,426

لا طبعا ياقمر
الاختلاف فى الرأى لا يفسد للود قضية
انا سعيدة بيكى جدا جدا
بس انتى فهمتى كلامى غلط
ورأى الغزالى فى النقطة دى
ان التماثل ليست حرام طالما
انها لا تعظم ولا تثير المشاعر
وتظهر المفاتن
وهو ده رأى
بالضبط
انا مش بحرم تماثيل القدماء او غيرها
انا بقولك رأى امام عظيم وهو الامام الغزالى
فى كتابه( مائة سؤال عن الاسلام)
انا أخذت به
وأتقاء الشبهات كمان


اما بخصوص كلامك ده

على سؤال..اما طالبان حاولوا يكسروا تماثيل

بوذا مش الشيخ القرضاوى راح مع لجنة دينية

لاقناعهم بان التماثيل دى لا تتعارض مع الدين؟


بصراحة ماعنديش تعليق لانى ماعرفش المقصود من كدا ايه بالضبط

اما عن سؤالك ده

طب ايه رأيك فى تماثيل الفراعنة اللى ماليه مصر

والناس بتجيلها من كل مكان واحنا كمسلمين بنقف

امامها منبهرين...ودا مش حرام..؟

من رأى انهم منبهرين من اتقانهم فى صناعة التماثيل والاهرامات
وانها ظلت طول هذه الفترة باقيه
لكن مش بيعظموهم بالمفهوم الحرام
بيعظمو قدرة القدماء المصرين وفنهم مش شخصهم



وأخيرا اقولك من ترك شئ لله عوضه الله بخير منه
وربنا يجمعنا جميعا تحت ظل عرشه يوم لا ظل الا ظله
__________________

signature

منى سامى غير متواجد حالياً  
إضافة رد

مواقع النشر (المفضلة)

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
من اقوال ابن القيم الدين كله خلق fathyatta منتدى اسلامي القرآن الكريم السنة النبوية موضوعات قصص دينية 3 03-12-2016 12:43 PM
الخزف المكسيكى بين الاصالة والفن والتاريخ السويدي منتدى الخزف طرق التشكيل الزخرفة ابداع الخزافين العرب العالميين 63 03-15-2011 09:02 PM
إشكالية العلاقة بين المشيئة الإلهية والمشيئة الإنس تقى منتدى ادبي موضوعات ادبية سيرة الادباء قصة قصيرة 0 02-05-2010 09:10 PM


الساعة الآن 07:26 AM.


Powered by vBulletin® Version 3.8.9
Copyright ©2000 - 2017, vBulletin Solutions, Inc