منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > منتدى ادبي موضوعات ادبية سيرة الادباء قصة قصيرة

منتدى ادبي موضوعات ادبية سيرة الادباء قصة قصيرة منتدى ادبي موضوعات ادبية سيرة كبار الادباء و اهم اعمالهم الادبية و اجمل القصص القصيرة

05-03-2012, 10:20 AM   #385
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,421

Facebook Twitter Google LinkedIn vkontakte messenger Digg
[]عندما يختلط مذاق البن برائحة الورد
يكون اجمل معنى لصحبة ولمة
بيت دافى جدرانه خير ومحبة
وبساتين ورد فى قلبها الحنون بتخبى
بحس بين اوراقه ان العمر قصير
عشان نفسى يكون للعمر بقية
اقضيها فى احضان الورد واتمنى
يا كل عشاق الورد اتلمو
واشهدو على حبى وسمو
لو يوم عدى من غير ما اتنسم عبيره
يبقى سقط من حسباتى وضاع خيره[/]

[]احبابى كل احباب الورد وعشاقه[/]

[]نبدأ ليلة جديدة من ليالى
قهوة ورد للفنون[/]

[]غبت عنكم بجسدى ولم تغيب الروح
هتلاقوها بين صفاحت القهوة تفوح
بريحة كل الاحبة تهدى لاهل ورد المودة
يعنى لو غبت عنكم تانى اكيد عرفتكم فين تلاقونى[/]


[]اشكر كل من دق باب مقهانا وترك عبير كلماته[/]

[]حبيبتى مانينو
حبيبتى نااانو
والدى الغالى جابر الخطاب
حبيبتى الموناليزا
اخى السيلاوى
حبيبتى سحر الشرق
حبيبتى بنت تونس
دكتورتى الجميلة اوبجى
حبيبتى هند
اخى ملك
حبيبتى هالة
حبيبتى الجميلة ست الكل زهرة الكاميليا
حبيبتى مبدعة
حبيبتى السعدية
واشكركم على الاحتفال بعيد ميلادى
حسيت اد ايه انى بين اهلى وناسى
وناس طيبة بتهدى قلوبها على طبق من فضة
ماتتصوروش اد ايه كانت سعادتى
حبيت اشكر ادارة المنتدى
شكر خاص فى قهوتى[/]

[]سؤال لكل الناس بسأله
ليه الناس مسكين فى الكرسى ومتبتين
يعنى هو هيدوم ليهم كان دام لمين
فكرين ان السلطان ده خير ليهم
مايعرفوش انه هم اتكتب عليهم
وقلة راحة بال جابوها لنفسهم باديهم
بيقولو دول اسلامين والاسلام برئ منهم
اوع حاسب من العلمانين ولا اللبرالين
تاه الشعب مش عارف ينتخب مين ولا مين
فى كل مرشح طلعو له ميت دليل
على انه ماينفعشى يكون امين
حسبنا الله فيهم ونعم الوكيل[/]


[]يوميات شيف ورد للفنون

قهوه ورد للفنون ثقافه من كل لون[/]

[]النهارده يوم من ايام ربنا
وكالعادة بصحى من نومى على مطبخى
وكالعادة ايضا تزورنى فيه جارتى
واعزمها على فنجان شاى بالنعناع ونفضل نرغى
على اسعار الخضار والاولاد واخبار الدنيا اللى بتغلى
لكن الحمد لله عمرنا ماجبنا فى سيرة الناس الا بكل خير[/]

[]قهوه ورد للفنون ثقافه من كل لون[/]

[]جارتى وحبيبتى بها صفات كتير تشبهنى
وبها صفات ايضا تبعد كل البعد عنى
كان نفسى اهمس لها بالكلام ده فى ودنها وتسمعنى
لكن غلبت انصح فيها وتسمعنى
قررت اشهدكم عليها وبالخير انتم تنصحوها
دايما فى كل كلامها تقول
يوم الخميس الساعه خمسة خمس مرات
نفسى اصرخ بعلو الصوت واقولها
كفايا خمسة فى كل كلامك[/]

[]قهوه ورد للفنون ثقافه من كل لون[/]

[]الحسد مذكور فى القرأن عمرنا مانسينا
لكن ربنا اعطانا ايات من الشر تنجينا
ومن شر كل حاسد اذا حسد نتحصن بيها
مش الكف والخمسة والخرزة الزرقا هتكفينا
هو ذكر الله بس اللى هيحمينا[/]

[]قهوه ورد للفنون ثقافه من كل لون[/]

[]مع انها تعرف كويس انى بالخير بدعى لها
وبكل سعادة الدنيا اتمنى لها
لكن تعمل ايه فى تفكيرها
فاكرة ان الخمسة هتمنعنى احسدها
ولا الخرزة الزرقا هتبعد العين عنها
ماتعرفش ان رب العرش بس هو اللى هيحفظها
بأياته وكلماته وثقتها فى انه خير حافظ
اعمل ايه معاها يا اخواتى
دلونى ؟؟[/]
منى سامى غير متواجد حالياً  
05-03-2012, 10:34 AM   #386
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,421

انامل ذهبية
مع عاشقة الفنون فى ورد للفنون
مراقب عام منتدانا الغالية هالة
واناملها الزهبية وحوار من القلب

قهوه ورد للفنون ثقافه من كل لون

س1-مانوع السلك المستخدم
فى عمل اشجار الخرز ؟

بالنسبة لنوع السلك المستخدم في عمل الاشجار
سلك النحاس الاصفر
والنحاس المطلي
وهو المستخدم في لف المواتير

وسلك الحديد الجلفن

قهوه ورد للفنون ثقافه من كل لون

س2- كم من الوقت يستغرق
عمل شجرة من الكريستال؟

بالنسبة لعمل اي شجرة تبعا لحجمها
يكون وقت صنعها لكن في كل الاحوال
تجميع الشجرة يأخذ اطول وقت في العمل
نقدر نقول مابين اسبوعين وثلاثة اسابيع

قهوه ورد للفنون ثقافه من كل لون

س3 رايت لك اكسسوارات جميلة من صنع يدك بالمنتدى
مانوع السلك المستخدم
لعمل الاقراط والخواتم؟

وما هى احب قطعة اكسسوار لقبك عملتيها؟
في بداية عمل الاكسوارات كنت استخدم
سلك النحاس المطلي سُمك 1 مللي
والان استخدم سلك النحاس الاصفر
قطعة الاكسسوار التي عملتها بحب
وخوف الا تعجب صاحبتها هي
عقد طلبه احمد ابني لخطيبته
وكان من الخرز التركواز مع حليات اكسدية
والحمد لله اعجبهم

قهوه ورد للفنون ثقافه من كل لون

س4- اول مرة مسكتى الخرز والسلك
وقلتى هعمل اكسسوار
كانت امتى ولماذا؟

من حوالي 12 سنة كان عندي بقايا سلك وخرز
من عمل الاشجار احببت ان اجرب
والحمد لله عملت شغل حلو عجب
كل اللي شافه

قهوه ورد للفنون ثقافه من كل لون
منى سامى غير متواجد حالياً  
05-03-2012, 10:45 AM   #387
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,421

س5- بما انك متعددة الاعمال الفنية ماهى اول قطعه كروشيه عملتيها ولمن وهل لها صورة بالمنتدى؟
اول عمل بالكروشيه كان مفرش وحدات
لترابيزة الانتريه عمره حوالي 25 سنة
مازال عندي ولكن من قبله عملت
قطع ابليك لتزيين البلوزات

قهوه ورد للفنون ثقافه من كل لون

س6-عمل فنى من صنع ايدك غالى عليكى ماهو وياريت بالصور نستمتع معاكى به؟
من احب اعمالي شجرة الكريستال الحمراء
لاني كنت باعملها هدية لحبيبة غالية
وكان اول مرة اعمل شجرة بالكريستال
بحجم كبير

قهوه ورد للفنون ثقافه من كل لون

س 7- عمل فنى كنتى تتمنى تعمليه ولم تتاح لك الظروف؟
اتمنى عمل لوحة بالديكوباج وللاسف
بحثت في المنطقة عندي عن النابكنز
غير متوفر ان شاء الله انا مصممة اجرب

س8- اشجار الخرز والاحجار تنطق جمالا بين يديك ما احب شجرة عملتيها لنفسك وماهى اصعب شجرة ؟
احب شجرة عملتها كانت اول شجرة
صغيرة هي ولكنها كانت بداية عمل الاشجار
اصعب شجرة هي بداية تجميع الشجرة نفسها
فأنا ادخل تحدي مع نفسي لعمل توزيع مميز
للفروع والاغصان لتحوز الاعجاب
وكثيرا ما اكون غير راضية عن عمل
وينال اعجاب الجميع

قهوه ورد للفنون ثقافه من كل لون

س9- ماهى النصائح التى توجهيها لمن ترغب فى عمل اكسسوارات بالبيت سواء لها او للخامة المستخدمة؟
بالنسبة لمن تحب عمل الاكسسوار
لابد من اختيار خامة جيدة لعمل اكسسوار مميز
وتكون عندها الادوات اللازمة لتوفر جهدها
على قدر بساطة التصميم على قدر مايكون راقي ومميز

قهوه ورد للفنون ثقافه من كل لون

س10- اين تباع الاسلاك والخرز وادوات عمل الشجر والاكسسوارات فى القاهرة والاسكندرية؟
تباع الخامات في القاهرة
السلك المطلي في شارع الجمهورية
وسلك النحاس الاصفر في حارة اليهود
وهناك ورشة لطلاء السلك للحصول على
سلك نيكل فضي
بينما يباع الخرز والكريستال في الموسكي
عند بائعى خامات التطريز والاكسسوارات
خلف جامع البنات بالعتبة
يباع السلك المجلفن في شارع بورسعيد
بمنطقة الازهر عند بائعي الشبك المعدني
بالنسبة لاماكن البيع بالاسكندرية
يباع السلك في منطقة ابي الدرداء
بالمنشية الصغرى سواء السلك المطلي
او سلك النحاس الاصفر
والخرز والكريستال والحليات لعمل الاكسسوار
في زنقة الستات بالمنشية
بالنسبة لسُمك السلك المستخدم
لعمل الشجر في السلك المطلي
سُمك 0.5 مللي
والنحاس الاصفر سٌمك 0.24
هذا السُمك يسمح بمرور الخرزة
بسهولة دون كسرها
بالنسبة لعمل الاكسسوار
نستخدم سُمك 1 مللي

بشكرك حبيبتى من كل قلبى لتلبية الدعوة

اهداء لكل اهل ورد الغاليين والغاليات
كلمات جميلة
محمد منير
قلبى مايشبهنيش

قَلبْي مَـيَشّبهنيِشّ .. فَعلاً مَيَشّبهنيِشّ...أوُقَـاتْ بَيِعرفنّي .. سَـاعَاتْ مَيَعرفنّيشّ ..
قَلبْي مَيَشّبهنيِشّ .. فَعلاً مَـيَشّبهنيِشّ...وَأقوُلہَ يَـا قَلبْي مَـاَلِڪْ .. يَقُولِي مَفيِشّ !!
فَ الحُـبْ وَ الـأحسَاسّ .. وفَ أختيَـار النَـاسّ يَمْشي عَلَي ڪَيفہَ ... عَلَي ڪَيفہَ ڪَتيِر .. وَ مَيقُولِيشّ
أصَدقْ ڪَتيِر مًنّي !! وَ أجْرأ ڪَتيِر مًنّي !! وَيَـامَـا صَدقتہُ يَامَـا .. يَامَـا ڪَتيِر مَصدقنِيشّ
فَ الحُـبْ وَ الـأحسَاسّ .. وفَ أختيَـار النَـاسّ يَمْشي عَلَي ڪَيفہَ ڪَتيِر .. وَ مَيقُولِيشّ
أصَدقْ ڪَتيِر مًنّي !! وَ أجْرأ ڪَتيِر مًنّي !! وَيَـامَـا صَدقتہُ يَامَـا .. يَامَـا ڪَتيِر مَصدقنِيشّ


اغنية هانى شاكر
عشان نحلى بيها
اهداء لاهل ورد

بعدك مليش ولا واحد وييايا
ولا قادر اشوف غير قلبك جوايا
ولحبنا لا بداية ولا نهايه
ميهمناش ولا اي يوم
كل يوم يكبر هوانا في قلبنا
حاسس معاك طعم الامان
كلك حنان يكفيك ولا مليون سنه
وازاي اعيش يا حبيبي من غيرك
طعم الحياه احزان من غيرك
ازاي اعيش يا حبيبي يا حبيبي
طعم الحياه احزان من غيرك
طعم الحياه الحياه الحياه احزان من غيرك
بجري عليك وانا كلي شوق
ومابين ايديك فرحان بعمري اللي ابتدي
وبقول ياريت افضل معاك
حاضن هواك محلمشي اكتر من كدا
وازاي اعيش ياحبيبي من غيرك
طعم الحياه احزان من غيرك
ازاي اعيش يا حبيبي من غيرك
طعم الحياه احزان من غيرك
طعم الحياه الحياه الحياه احزان من غيرك
__________________

signature

منى سامى غير متواجد حالياً  
05-03-2012, 10:49 AM   #388
علا الاسلام
مراقب عام
Crown5
 
تاريخ التسجيل: Aug 2010
الدولة: عيد ميلادك احلى عيد
المشاركات: 4,550

الله الله على أحلى لقاء
لقاء مع الفنانة الجميلة حبيبة قلبنا كلنا هالة
دايما مميزة غاليتى العسولة منى سامى
و مفاجآتك كلها جميلة
تسلمين يا الغالية
بارك الله فيك
__________________

signature

علا الاسلام غير متواجد حالياً  
إضافة رد

مواقع النشر (المفضلة)

الكلمات الدلالية (Tags)
للفنون, لون, ثقافه, ورد, قهوه

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
قهوه ورد بن و ورود Amany Ezzat الاشغال الفنية اليدوية خامات البيئة الطبيعية والمصنعة 19 07-04-2014 01:47 AM
هل ثقافه الحزن اقرب الينا من لحظات السعاده nona الحوار العام الموضوعات الانسانيه النقاش الهادف النقد البناء 9 09-11-2013 12:51 AM
ثقافه دينيه ومعلومات قرآنيه استمتع وتعلم لؤلؤه الجنه منتدى اسلامي القرآن الكريم السنة النبوية موضوعات قصص دينية 12 04-28-2012 01:36 PM
فنجان قهوه على الحائط همسة ورد الحوار العام الموضوعات الانسانيه النقاش الهادف النقد البناء 4 06-04-2011 04:51 PM
قهوه مالحه زى العسل ارواح منتدى ثقافي موضوعات ثقافية عامة خواطر شعر سيرة شعراء 2 09-21-2010 03:02 PM


الساعة الآن 02:27 PM.


Powered by vBulletin® Version 3.8.9
Copyright ©2000 - 2017, vBulletin Solutions, Inc