منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > منتدى ادبي موضوعات ادبية سيرة الادباء قصة قصيرة

منتدى ادبي موضوعات ادبية سيرة الادباء قصة قصيرة منتدى ادبي موضوعات ادبية سيرة كبار الادباء و اهم اعمالهم الادبية و اجمل القصص القصيرة

11-24-2011, 11:07 AM   #149
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,421

Facebook Twitter Google LinkedIn vkontakte messenger Digg
لما تلف مهما تلف لما تشرق ولا تغرب
تنده طير السما فى العالى
تغطس جوا بحور الحب
مش هتلاقى
مش هتلاقى
قلوب شفافة شايلة الخير
تهدى بكل الحب ورود للغير
تسعد بيها قلوب الكون
غير هنا فى ورد للفنون

كلمات نطقت بها نبضات القلب فترجمها اللسان
ولكنه عجز عن وصف المشاعر لحروف تتقال

أشكر
كل من قبل دعوة افتتاح مقهى منتدانا
واضاء اركان موضوعى بكلماته الجميلة
ومشاعره الرائعة


قهوه ورد للفنون ثقافه من كل لون


صديقتى الجميلة قلب وقالبا هالة
حبيبتى الرقيقة الشفافة مبدعة
اخى النقى الخلوق السيلاوى
استاذتى الرائعة زهرة الكاميليا
اختى الحبيبة الجميلة بنت تونس
اخى الفنان صاحب الذوق العالى ملك
والدى الغالى ولو يعلم انى لم اقول
والدى لاحد غير ابى رحمه الله
لعرف مقدار تقديرى له واحترامى واعزازى
كلماتك تاج على الرأس محفورة على جبينى ماحيت
فنانا الغالى جابر الخطاب
الرقيقة الحنونه الجميلة الطيوبةد-علا
بنوتى الحلوة جميلة المشاعر والطباع هند
تعجز حروفى عن نسج كلمات الشكر
دمتوا لى خير صحبة من الله على بها

احبابى
تمرمصرنا الان بظروف يدمى لها القلب
ولان مقهانا مقهى ثقافى فنى
بيت يلم وحضن دافى يضم
يحس بقلوب ناسه واهله
انا عارفة اد ايه حاسين بآلمى
لما تمر به مصرنا من احداث مؤسفة
فعزرونى
عندما مسكت القلم لاكتب يوميات زوجة
وجدت نفسى اخرج مكنون نفسى وحرقة قلبى
وانا اشاهد دم ابناء مصر يسيل فى الشوارع
والمؤسف ان القاتل اخو المقتول
فعلى من ابكى وعلى من ادعى باللعنه

فتقمصتنى روح مصر وتخيلتها تبكى
وقلت كلام من القلب برة
حدود وقواعد الوزن والقافية
يرجع بس لقواعد الحب والانتماء

قهوه ورد للفنون ثقافه من كل لون

صحيت
فى يوم وانا لبسة توب الحرية الجديد
والدنيا حوليا بتهتف باسم الشهيد

لقيت
اقزام كبار يتحكموا فى قوت الفقير
ويكمموا افواه تطالب بالتغير
وصحيت
على حلم كنت سعيدة بيه
الحرية توب جميل انا كنت فيه
وتأكدت
انه توب مغشوش اتوهمت بيه
وان دم الشهدا عار موصوم عليه
وندمت
لما انا قصرت فى حقه واتهاونت
ومن الاوباش مااخدتش حقه واتساهلت
واتخدعت
انا فى اللى حلف اليمين وقال هحميها
اتاريه امتداد للفساد ومابكاش يوم عليها
وناديت
ياولادى اصحو فوقو الوقت فات
آن الاوان نرجع حق اللى مات
وبكيت
لما لقيت ابنى بيموت بأيد اخوه
بدم بارد فتنوا بينهم خوفوه
وحلفت
لأوصم بعار كل من جار وخان
واخد بحق الشهيد مهما كان

أشهد ياتراب الشوارع دم ابنى مش رخيص
أشهد يا كتاب التاريخ على كل واحد خسيس
أشهدوا يا كل البشر المصرى طول عمره بطل
تدور عليه الدواير وهو عمره ما انكسر
منى سامى غير متواجد حالياً  
11-24-2011, 11:22 AM   #150
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,421

استمعت امس لقصيدة للخال
عبد الرحمن الابنودى
حبيت تشركونى فيها

الثورة نور.. واللى سرقها خبيث
يرقص ما بين شُهدا وبين محابيس
والدم لسّه مغرَّق الميادين.

قهوه ورد للفنون ثقافه من كل لون

قصيدة :ضحكة المساجين
تغازل العصافير.. قُضبانها
زنزانة لاجلَك كارهة سجّانها
...
دُوق زيّنا حلاوة الزنازين.
■ ■ ■
على بُرشَها.. بتمِدّ أطرافك
سجّانك المحتار فى أوصافك
مهما اجتهدْ ماحيعرف انت مين.
■ ■ ■
والشمس شُعْلِةْ عِنْد.. رافضه تغيب
وفكرها يودى معاك.. ويجيب
الشمس تحزن زى أى سجين.
■ ■ ■
والليل.. نديمك صبر ع الرحلة
بتغنى.. والليل فى السواد كُحْلَة
وارث غُناه معاناه من السابقين.
■ ■ ■
فى العتمة عاتِب مصَْر وِدَاديها
إنت اللى روحك من زمان فيها
توأم.. فى لحظةْ عِشق مولودين.
■ ■ ■
طوبَى لكل المسجونين باطل...
فى زمن.. بيخدعنا وبيماطل
يا شموس بتبرُق فى غُرَف عِتْمين.
■ ■ ■
وخطوة الديدبان ورا الشبّاك
صوت نعل يقْضِى الليل هناك وياك
سجّانك اللى فى حاجة للمحامين.
■ ■ ■
الحرب واللى خاضوها بجسارة
كانوا مسلمين يا عم ونصارى
فازاى نناصر دين وننكر دين؟
كل اللى زرعوا ما بينّا سُور الفُرقة
وبْيقْسِمونا.. فرقة تكره فرقة
فى النية.. مصر الواحدة تبقى اتنين.
■ ■ ■
تحية لكْ.. وانا كاتبها بخطّى..
إدفع تمن حبَّك لاخوك القبطى
مع إننا فى الأصل.. قبطيِّين.
■ ■ ■
همّ اللّى ماتوا فى ميدان الثورة
كانت دماهم حمرا والاّ سمرا؟
قول للّى جاييّن يِفْرزوا الدَّمِّين.
■ ■ ■
الصرخة هادية.. بسّ هازّه الكون
قال الغشيم للوردة: «خبِّى اللون»
إيش يفهم التُّور فى هوا البساتين
■ ■ ■
{الشرّ فى طرْف الميدان يِسكر
والفجر يطلع.. تحجبُه العسكر
وانت بتكتب سكَّه للجايّين.}.
■ ■ ■
الثورة نور.. واللى سرقها خبيث
يرقص ما بين شُهدا وبين محابيس
والدم لسّه مغرَّق الميادين.
■ ■ ■
ما بيتوبوش.. ولا اللى فات علّمهم
ما بيسمعوش فى الدنيا إلا كلامهم
مالهمش فى حوار النبات والطين.
■ ■ ■
إحنا نقول: «أيوه» يقولوا: «لأ»
وفى الحقيقة يا عمّ... ليهم حق
مانتو خلقتوا الثورة بالتدوين.
■ ■ ■
شوف الوشوش حمرا تُكبّ الدم
واحنا سَمار الوِشّ.. تِرْكةْ هَم
وِرثوا وطنّا وِرْث م الوارثين.
مِش مِنّا.. شوف اللون وحِسّ الَّلغوه
وشوش أجانب.. ع الأقلّ «تراكوه»
جيشهم رحل.. وفِضلوا دول لابدين.
■ ■ ■
العُمده يتْقَل قد مَلْو كروشُه
بطيخُه لاقْرَع.. هاج ومَدّ عروشُه
وله غفير صوت زعقته بضميرين.
■ ■ ■
نطلع من الساقية نُقع فى طاحون
فاشهد يا وطنى ع اللى فينا يخون
ياللى انت ماسِك دفتر الخاينين.
■ ■ ■
ومصر عارفه وشايفه وبتصبُر
لكنّها ف خَطْفِةْ زمن.. تُعْبُر
وتستردّ الإسم والعناوين.
■ ■ ■
وكل ما الصوت البليد.. بلّد
لا تِبتئِس م الظلم.. واتجلّد
منِ ده اللى يطفى شعلة الصادقين؟
■ ■ ■
واللى يُقف فى وش ثوّارها
ما حيورث إلاّ ذلها وعارها
واللى حيفضل.. (ضحكة المساجين).
■ ■ ■
وياربّ جَمّلنى بقُصْر القول
المخ داير.. والفؤاد مقتول
خايف يئن ليحزِن المحازين.
■ ■ ■
سامعَه أنينى وساكته ليه يا مصر؟
الحلم.. فارشين بيه فى سوق العصر
قدّام عينين اللى ما لهشى عينين.
■ ■ ■
زنزانة واخدة دروس قُدَام فى الصمت
وعِرْفتَك من غير ما اتعرّفت
صمتك على صمت الحجر لايْقين.
■ ■ ■
الحزن طايح فى قلوبنا.. بجدّ
ما فضلْش غير الشوك فى شجر الورد
غِلِط الربيع ودخل فى أغبى كمين.
يا للى دَمَعْتى.. رجّعى الدمعه
الدِّنيا شايفه كلّها وسامعه
واللى سرق.. حيخبى شيلته فين؟
■ ■ ■
ولدِك ضياء الفجر.. بمقاسُه
ووطنّا عارف عِزوتُه وناسُه
أجيَال بترحل.. والجُداد جايين.
■ ■ ■
يا وليدى.. ميِّل قول لإخوانك
تانى رجع من خان.. واهُه خانك
والسجن مش شبعان شباب صالحين.
■ ■ ■
غزلان ووقْعت فى ضلام غابه
قضبان وليها ضحكه كدابة
والضحكة كاشفة عن سنان صُفرين.
■ ■ ■
أما اللى خان وطنَك وأوطانى
م الهيبة.. حاطّينه ف قفص تانى
يصحى وينعس والجميع واقفين.
■ ■ ■
وفى انتظار تيأس مع الأيام
غيرك فى قفصُه بيضربوله سلام
وانت الجزم قبل الكفوف جاهزين.
■ ■ ■
يا دى الميزان اللى طِلعْت لفوق
بينزِّلوك بالعافية أو بالذوق
دول مش بتوع الصدق فى الموازين.
■ ■ ■
ويا مصر.. هَدِّى وانتى بتفُوتى
الصوت فى صمتُه.. أعلى من صوتى
آدى السجين اللى ما باتش حزين.
■ ■ ■
لسّه اللى حَكَمونا أهم حاكمين
بينوبوا عنْهم بس ناس تانيين
وانتو هناك فى علبة السردين.
■ ■ ■
بيحلموا يعودوا إلى ما كان
وقضاة تحرّرهم فلان وفلان
وكإن لا ثورة.. ولا حسانين.
ما هو شباب الثورة بقى مسجون
ولا عاد قصاد الخونة إلا تخون
تاه الميدان الحُرّ فى الميادين.
■ ■ ■
نطمِس معالم ثورتك يا شباب
أهو زى صفحة بتتقِطع فى كتاب
والدنيا تهدا ويرجعوا الغايبين.
■ ■ ■
ولا كانْش فيه ثورة ولا ثوار
ولا شعب مصر الغاضب الجبار
لا احداشر اكتوبر ولا عشرين.
■ ■ ■
يا عم اقعد بسّ واشرب شاى
الدنيا ماشيه وشعبنا نسّاى
والبركة فى الشاشة وفى الجرانين.
■ ■ ■
واذا هوْهوُوا.. قوم إعلن الأحكام
وكل بُق.. تلجّمه.. بلجام
ومش حتغلب تطبخ القوانين.
■ ■ ■
وانت قمر سهران مع الصُّحبه
حالمين ببكره وجنّته الغايبه
ومتبّتين فى الحلم.. مش صاحيين.
■ ■ ■
ويا وردة البساتين.. يا مصرية
راية.. بترمى الضل ع الميّة
والنيل مِموِّجها رايات تانيين.
■ ■ ■
بُكراك.. لا حيثيات ولا هو نصوص
يا شاب ياللى ليك صباح مخصوص
بتفرّقُه بالحتّه.. ع الملايين.
■ ■ ■
وحتفضل العصافير على الشبابيك
والفجر.. يستنى أدان الديك
وطن.. وحلم.. وفجر.. متعانقين
منى سامى غير متواجد حالياً  
11-24-2011, 11:31 AM   #151
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,421

انامل ذهبيه

قهوه ورد للفنون ثقافه من كل لون

النحاسين
ليس مجرد اسم شارع فى حى خان الخليلى بالقاهرة بل يرمز إلى مهنة
ما زالت تقاوم الزمن الذى يجرف
أمامه كل شىء فلم يتبق من
المهنة سوى القليل من الصناع
الذين تجمعهم الهموم والمخاوف
من أن يتحولوا إلى مجرد ذكرى تحت وطأة غزو الفضة وغياب أى اهتمام رسمى أو حتى من مؤسسات المجتمع الأهلى.


قهوه ورد للفنون ثقافه من كل لون

وطبيعة المهنة تعتمد على تشكيل خام النحاس سواء المحلى أو المستورد لاستخدامه فى صناعة الأوانى النحاسية والتحف.
ورغم اختفاء الأوانى النحاسية من المنازل فى ظل غزو أوانى (الألومنيوم والاستانليس) فإن العاملين بتلك المهنة لا يزالون متمسكين بها فى ظل إقبال السياح على شراء التحف النحاسية لاستخدامها فى الديكور، حيث تباع أبرز المنتجات اليدوية فى الشارع ومنها "تكفيت" النحاس، أى إضافة معادن ثمينة ونقوش بديعة على النحاس فتجد الأطباق واللوحات التى يزخرفها أشكال ونقوش فنية.
ولكن هل يكفى الاعتماد على بيع التحف النحاسية للحفاظ على تلك المهنة؟!

قهوه ورد للفنون ثقافه من كل لون


يقول جاد فريد رزق الملقب باسم "النحاس باشا": إن مشكلة النحاسين أنهم يرتبطون بمهنة أخرى اختفت وهى "مبيض النحاس" الذى يقوم بطلاء الأوانى من الداخل عندما تمر عليها فترة طويلة لتعود إلى حالتها الأولى.
ومع اختفاء العاملين بتلك المهنة بدا الإقبال يقل على شراء الأوانى النحاسية وأصبحت الأوانى الفضية (الألومنيوم والاستانلس) هى البديل.. ويقول رزق: "بدأنا نعتمد بشكل كبير على التحف النحاسية (كالأباجورة) والإبريق والصينية ولكن هذا لا يكفى لأننا كنا نعتمد بشكل كبير على تصنيع أدوات المطبخ النحاسية"..ورغم ذلك فإن النحاس باشا متفائل بعودة عرش تلك المهنة خاصة بعد أن أثبتت الأبحاث الحديثة أن للأوانى الفضية أخطارها الصحية.
لكن معظم العاملين بمهنة "النحاس" غير متفائلين بحل مشكلاتهم،خاصة مع قلة الأيدى العاملة بسبب اختفاء توريث الصنعة وعدم إقبال الشباب رغم أن من يتقن صناعة النحاس يكون أجره مرتفعا.
ويطالبون وزارة الثقافة بفتح ورش تقوم بتعليم تلك الحرفة وغيرها من الحرف اليدوية للأجيال الجديدة حتى لا تندثر تلك الصناعات النادرة التى تلعب دورا مهما فى جذب السياح.
ويعاني النحاسون من مشكلة أخرى وهي ارتفاع أسعار الخامات المستخدمة فى صنع التحف النحاسية، حيث يصل سعر طن الخام المستورد إلى 17 ألف جنيه مصرى ، بعد أن كان 13 ألفا فى العام الماضى، ويصل سعره بعد التصنيع 30 ألف جنيه. وهذا الارتفاع السعرى يجعل قطعة النحاس التى كانت تباع بسعر يتراوح ما بين 5 و20 جنيها، تصل اليوم إلى ما بين 200 و300 جنيه وهو ما يقلل من فرص البيع فى الأسواق..وحتى وقت قريب لم يعان صناع النحاس من أزمة ارتفاع الخام المستورد بسبب اعتمادهم على النحاس القديم الذى كان يتم شراؤه من ربات البيوت ولكن الآن يتم الاعتماد على النحاس المستورد.
ورغم هذه المشاكل فإن أصحاب ورش النحاس لا يزالون متمسكين بالأمل خاصة فى تصدير منتجاتهم من التحف والانتيكات إلى الأسواق الأوروبية ولا حديث فى شارع النحاسين الآن إلا عن ورشة الحاج سلطان عبد الوهاب الذى عقد مؤخرا صفقة مع بعض المستوردين بفرنسا واليونان لتصدير إنتاجه من التحف النحاسية. وبدأ الجميع يدرس تجربة الحاج سلطان.
ويتساءل: كيف نجح فى تحقيق ذلك؟! وخلص معظمهم إلى أن السبب الرئيسى أنه استطاع الحفاظ على جودة صنعته من خلال توريث مهنته لأبنائه فرغم أنهم حصلوا على شهادات جامعية فإنهم يعملون بتلك المهنة واستطاعوا ابتكار تصميمات جديدة ميزت ورشتهم وجعلتهم هدفا للمستوردين.
منى سامى غير متواجد حالياً  
11-24-2011, 11:44 AM   #152
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,421

الفقرة التالية
اخترت لكم فنان جميل
صاحب كلمة وصاحب صوت
بيختار كلماته بدقة
صاحب رسالة بيوصلها فى غنوة حلوة
اخترت لكم

ايمان البحر درويش

قهوه ورد للفنون ثقافه من كل لون


انا مقبـــلــش
انا مقبلش اكون انسان على الهامش
انا مقبلش اكون عايش ومش عايش
انا اقدر اعيش ليكى
لكن صعب انى اعيش بيكى
واحبك بس مقدرشي
اسيب احلامى فى اديكى
انا مقبــلــش
انا لاجلك اعدى بحور
وابدلك ظلامك نور
ولو بينك وبينى بلاد
اعديلك بقلب جسور
لكن مقبلش اكون قصة
وضايعة فى قلبك المغرور
انا مقبــلــش
ولو شمسك لعمرى تكون
وتؤمر قلبى كن فيكون
انا هقدر اعيش وحدى
وابيع واتحدى كل الكون
ولا اقبل انى اكون عبدك
واكون لك فى الهوا مسجون
انـــــــــــــــا مقـبــــــــــــــلــش




عجيــــــــــــــــــب
عجيب حبك ضياه ساكن
فى روحى فى كل تكوينى
وبشتاقلك صحيح لكن
ولا عمرك وحشتينى
وتقولى هتوحشينى ازاى
وصورتك ننى فى عيونى

نادينى اشق قلب الليل
واكون فارس لاحلامك
ولو تاهت فى ليل الخيل
هجيلك برضه فى منامك
وتقولى هتوحشينى ازاى
وصورتك ننى فى عيونى

ده موج البحر واخد وعد
يعود للبحر من تانى
وقلبى لو يتوه فى البعد
يلاقى عينيكى عنوانى
وتقولى هتوحشينى ازاى
وصورتك ننى فى عيونى

قالولى ازاى انا حبيت
وحبك اصلى وكيانى
وليه فى الغربة ما حسيت
بإنك لحظة وحشانى
وتقولى هتوحشينى ازاى
وصورتك ننى فى عيونى
منى سامى غير متواجد حالياً  
إضافة رد

مواقع النشر (المفضلة)

الكلمات الدلالية (Tags)
للفنون, لون, ثقافه, ورد, قهوه

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
قهوه ورد بن و ورود Amany Ezzat الاشغال الفنية اليدوية خامات البيئة الطبيعية والمصنعة 19 07-04-2014 01:47 AM
هل ثقافه الحزن اقرب الينا من لحظات السعاده nona الحوار العام الموضوعات الانسانيه النقاش الهادف النقد البناء 9 09-11-2013 12:51 AM
ثقافه دينيه ومعلومات قرآنيه استمتع وتعلم لؤلؤه الجنه منتدى اسلامي القرآن الكريم السنة النبوية موضوعات قصص دينية 12 04-28-2012 01:36 PM
فنجان قهوه على الحائط همسة ورد الحوار العام الموضوعات الانسانيه النقاش الهادف النقد البناء 4 06-04-2011 04:51 PM
قهوه مالحه زى العسل ارواح منتدى ثقافي موضوعات ثقافية عامة خواطر شعر سيرة شعراء 2 09-21-2010 03:02 PM


الساعة الآن 12:14 AM.


Powered by vBulletin® Version 3.8.9
Copyright ©2000 - 2017, vBulletin Solutions, Inc