منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > منتدى ادبي موضوعات ادبية سيرة الادباء قصة قصيرة

منتدى ادبي موضوعات ادبية سيرة الادباء قصة قصيرة منتدى ادبي موضوعات ادبية سيرة كبار الادباء و اهم اعمالهم الادبية و اجمل القصص القصيرة

10-05-2011, 08:31 PM   #133
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,421

Facebook Twitter Google LinkedIn vkontakte messenger Digg
اخى السيلاوى
بارك الله فيك وفى مشاعرك الجميلة وذوقك العالى
كلماتك بعثت فى نفسى الامل
دمت اخ غالى
ودمت نبع الذوق والخلق العالى
باذن الله قريبا سوف ادعوك
لحضور افتتاح حلقة جديدة من قهوة ورد للفنون
اشكرك اخى الفاضل
__________________

signature

منى سامى غير متواجد حالياً  
11-09-2011, 09:48 PM   #134
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,421

والدى الغالى جابر الخطاب
كلماتك الجميلة زينت متصفحى
ووضعت اعلى وسام على جبينى
دمت ابى بصحة وسعادة
تضئ موضوعاتى بحروفك البراقه
التى احفرها فى الذاكرة دوما
وقريبا سوف ادعو حضرتك لافتتاح
حلقة جديدة من ليالى مقهى منتدانا
شكرا من القلب
__________________

signature

منى سامى غير متواجد حالياً  
11-16-2011, 11:45 AM   #135
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,421

حبيباتى الغاليات زينب ودكتورة اوبجى
يعدنى دائما تشريفكم موضوعاتى
وكلماتكم الرائعه ومشاعركم الفياضة
التى اسعد بها واتمنى الا تنتهى


قهوه ورد للفنون ثقافه من كل لون


ادعوكم احبابى كل احباب ورد للفنون
لاعادة افتتاح مقهى منتدانا بعد التجديدات
اتمنى يكون مكان نقضى فيه اسعد الاوقات
من ثقافة وفن واحترام واجمل ذكريات
قهوه ورد للفنون ثقافه من كل لون

ولان قهوتنا قهوة ورد للفنون
تلاقى فيها الثقافة على كل لون
فيلسوف ولاد البلد يتعجب فيها
بكلامه الموزون يزينها ويمليها
ونعيش مع يوميات زوجه مثالية
محتارةونفسها فى حياة خيالية
ودعوة للتعرف على انامل ذهبية
مالية حياتنا بلمساتها الفنية
وعلى صوت فنان جذاب حنون
نعيش اسعد لحظات فى ورد للفنون

ونقول ونقول

قهوه ورد للفنون ثقافه من كل لون


أحكى الى عندك
كلنا هنا هنسمعلك وتسمعنا
القهوة جدرانها شايلة حكاوى
من الزمن الى فات
صوت دندنات السهرانين
بيت مضلل عالغريب ذى السحاب
القهوة عشرة وجيرة ومشاريب عالحساب
وفضفضة قلب بين اتنين أصحاب
القهوة خلق بتحكى فى ميت مليون حوار
صوت ضحكها يكسر الانتظار
القهوة مش يأس وطموح فاته الزمن
ولا هى وقت بينقضى من غير ثمن
فيها ناس أعدة تذوق طعم الوطن

القهوة عالم بحاله قايم
فيه الى أعد جانب الى قايم
وفيه مشاكل وفيه عبر
وفيه تقابل كل البشر



ونبدأ اولى فقراتنا
ونشوف فيلسوف ولاد البلد هيقولنا ايه

قهوه ورد للفنون ثقافه من كل لون

خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي !!!

قهوه ورد للفنون ثقافه من كل لون

ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!!
قهوه ورد للفنون ثقافه من كل لون

ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبي !!

قهوه ورد للفنون ثقافه من كل لون

و الكون ده كيف موجود من غير حدود
و فيه عقارب ليه و تعابين ودود
عالم مجرب فات و قال سلامات
ده ياما فيه سؤالات من غير ردود
عجبي !!!


قهوه ورد للفنون ثقافه من كل لون
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!

قهوه ورد للفنون ثقافه من كل لون

يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!

وتانى فقراتنا مع يوميات زوجة مثالية

قهوه ورد للفنون ثقافه من كل لون


يوميات زوجة مثالية

الزوجة الصالحة زينة الحياة الدنيا
تنور بيتك وتسعدك كل اوقاتك
عاقلة مش متهورة رزينه ومتمكنه
هعرفكم بنفسى
مدام الاستاذ راضى
بيحبنى ومالى على حياتى
وانا كمان من سعادتى معاه
الناس حسدانى وحسداه
عندنا من الاولاد تلاته فاطمه وايمان وحماده
فى يوم رن التليفون ساعة صبحية
وانا فى المطبخ ملخومه ومش فاضية
انا--آلووو مين راضى؟
هو--ايوة يامراتى
انا--الدنيا ترقص فى عنيا وافتكره طالبنى ومشتاق
وبصوت حنون جذاب
وقبل ما اسأل على الاسباب
الاقيه يقول بحياء
عازم ضيوف ياام حمادة
وعوزك تشرفينى كالعادة
وماكانتش الصدمه كبيرة على
لانى متعوده على المفاجأت دى
وطبعا رحت جرى على مطبخى
وبعد معاناة مع فرخة رومى عال
حشيتها وحطيتها فى حلة تيفال
والصوانى حضرتها وعلى السفرة رصصتها
وبعد مذاكرة اولادى اللى ملين على حياتى
وعند وصول راضى كان البيت نظيف وهادى
ورحت على غرفة نومى ارتاح واغير هدومى
ودقت الساعة سته تمام
وكان البيت اخر تمام
كنت عوزة اقولكم ان مواعيد راضى
ممكن اضبط عليها ساعاتى
ورن جرس الباب وعيونى
تلف فى كل مكان اتأكد من النظام
وتدخل من الباب الضيوف واتابع نظراتهم بخوف
ويطمن قلبى لما اشوف فى عنيهم نظرة اعجاب
من نظام البيت والسفرة ولا فستانى الجذاب
وكانت اكتر لحظة سعادة عندى
لما سمعت همسات ضيوفى
باجمل كلمات عن ذوقى
لكن فجأة انتبهت على رد جوزى واحترت
لما سألته زوجه صديقه
عن سر جمال طبيخى وتنسيقى لبيتى
رد بكل هدوء
ده شئ طبيعى يكون موجود
نظام البيت شئ مفروض وعكسه هو المرفوض

ليه الكلمة الحلوة صعب يقولها
مع ان الكلام الطيب شجرة مدا جذورها
وفروعها فوق للسما وبيها كمان امرنا ربنا
هى حروف معدودة
تسعد بيها قلوب موجودة
جوة فى بيتك ولبيتك عايشة
بحب بتخدم مش حايشه
كلمة بقولها لكل زوج على طول
الكلمة اقرب طريق للوصول

ولغاية لما تفهموه
هروح اشرب نسافيه فى قهوة منتدانا

قهوه ورد للفنون ثقافه من كل لون
منى سامى غير متواجد حالياً  
11-16-2011, 11:50 AM   #136
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,421

الفقرة الثالثة

انامل ذهبية

هناك انامل ذهبية مالية حياتنا
تلاقيها مدفونه فى ماضينا وحاضرنا
شغلها جذاب مالى عيونا وبيوتنا
ومانعرفشى حاجة عنهم
فنان امام النار ينفخ يطلع
اجمل اشكال زجاج
وفنان ظهرة انحنى عشان
يدينا فن خالد عبر الازمان

النهارده هنلقى الضوء
على فنان صاحب انامل ذهبية
نشكرة ونقوله ألف تحية
فنان الليلة
صانع فن الخيامية

هندخل حياة واحد منهم
ونعرف مشاكلهم وهمومهم

قهوه ورد للفنون ثقافه من كل لون
هانى يجلس بابتسامة لا تفارق وجهه
يمسك بالإبرة التى يصنع
منها مشغولات الخيامية
دفعتنى ابتسامته التى يحيى بها الجميع
للدخول والجلوس معه ببساطة فى متجره
الذى هو نفسه مشغله أيضاً فى خان الخيامية
أمام بوابة المتولى أو ما يعرف بـ "قصبة رضوان
حيث يمتد ما يقرب من خمسين متجراً صغيراً
تعرض كلها مشغولات الخيامية.

قهوه ورد للفنون ثقافه من كل لون


أول مرة أمسك بها هانى بالإبرة منذ 17 عاماً
ليصنع أول قطعة بيده ويرى أن تعلم الخيامية
وصناعتها لابد أن يسبقه حب له
فتعلمها صعب جداً ويأتى بعد عناء طويل
على الرغم من أنه ورث المهنة عن أجداده
إلا أنه يؤكد أن الوراثة لا تكفى
وحدها لاكتساب المهارة
والدليل على ذلك أن أخوه لم يتعلمها
وسلك طريقاً آخر فى حياته.
"الخيامية"
عبارة عن مشغولات يدوية من القطن
يتم شغلها بالأقمشة وخياطة الإبرة البارزة
وتكون البطانة من "الدمور" لتصنع فى النهاية
لوحات فنية تعبر عن تراث مصر الذى تم تطعيمه
بالفن المصرى على مر العصور
فتجد الزخارف الإسلامية مع زهرة اللوتس
الفرعونية والرسم القبطى تضمه فى تجانس قطعة واحدة.
يستغرق صناعة الخيامية
من عشرة أيام وتصل فى بعض الأحيان
لأكثر من ثلاثة أشهر
على حسب حجم الرسومات على القطعة
يقول هانى "رسمت المحكمة الفرعونية
بكل تفاصيلها زى ما هى متصورة
وأخدت منى شغل ثلاثة شهور".
عادة ما يبحث هانى عن أشكال جديدة
فى كتب الفن الإسلامى أو يجلس ليضع
تصميماً جديداً، خاصة لو جاء زبون يطلب
فرشاً كاملاً لغرفة أو فيلا، أو ديكوراً لأحد الأعمال الفنية.
أغلب زبائنه من الأجانب فى موسم الشتاء
حيث الهدوء الذى يفضله السائحون
وقلة من المصرين من المهتمين بالتراث والفن
ويحبون أن يكون لمنازلهم ذوق خاص
"الناس متعرفش الخيامية ومفيش ترويج ليه

وأنا مش تاجر ومعرفش فى التجارة وإلا كنت
عرفت أسوقها بره"، قال هانى مؤكداً إن
السوق يعانى من كساد
حركة البيع مع خوفه من
التعامل مع التجار فى خارج حى الخيامية.
"بصراحة محبش إن أولادى يتعلموها
أو يشتغلوا فى نفس صنعتى" يقولها وهو
يخشى عليهم من تقلبات الأيام مع صناعة
لا يوجد لها ازدهار، بل على العكس
تتقلص يوماً بعد يوم.

عائلة الليثى
من أقدم العائلات فى صناعة الخيامية
منذ أن كانت كسوة الكعبة تصنع فى
دار الكسوة فى مصر، ورغم ذلك لا يمتلك أحدهم
متجراً خاصاً لبيع الخيامية،
فهم يرون أنفسهم أصحاب
فن فقط ويعملون فى صناعة الخيامية من أجل
حبهم لتلك المهنة وحرصهم
على تقديم فن أصيل.
مكان إقامتهم هو نفسه محل العمل
رضا الأخ الأوسط لا يفضل العمل عند أحد
فهم جميعاً يعملون فى البيت، ويأتى أحد
التجار الذى يأخذ منهم إنتاجهم لكى يبيع
للسائحين أو يصدره للخارج مباشرة بالقطعة
فيقول رضا "زمان كان كل واحد بيخلص
قطعة يمضيها باسمه، لكن الأجانب بقوا
يسألوا عن اللى مضى، فبقى التاجر بيشترط
علينا إننا منمضيش عليها"، هذا أكثر ما يضيق
به رضا لأنه يحرمه من أن يوقع على أعماله
ويثبت نسبها له، فكل قطعة لها طابع خاص لا
يوجد لها مثيل "الرسم اللى أعملها مرة
لا يمكن أكررها حتى وإن طلب منى بأضعاف سعرها".
مصطفى الأخ الأكبر فى عائلة الليثى،
كان يحلم بكتابة القرآن كاملاً بالإبرة والخيامية
حيث خطط أن يكون حجم الصفحة مترين
فى متر ونصف، فكر فى مراسلة أحد الأمراء
فى الخليج كى يتبنى المشروع وينفق عليه.

أشار مصطفى إلى الحائط الذى خط عليه
بعض الأرقام بالطباشير قائلاً "دى الميزانية
كنت بحسبها على الحيطة، وأنا بفكر هيتكلف
مليون وسبعمائة وخمسين ألف جنيه"
ولكن أحلامه توقفت عند ذلك، ولم يقم بمراسلة
أحد لتبقى الفكرة حبيسة.
وتبقى الخيامية فناً لن يندثر مجهول الميلاد
والهوية، فلا تعرف إن كان من أصل فرعونى
أم دخل مع الفتح الإسلامى لمصر، ولكن
المشهود هو تميزه وبقاؤه كفن قائم بذاته تتوارثه الأجيال.
منى سامى غير متواجد حالياً  
إضافة رد

مواقع النشر (المفضلة)

الكلمات الدلالية (Tags)
للفنون, لون, ثقافه, ورد, قهوه

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
قهوه ورد بن و ورود Amany Ezzat الاشغال الفنية اليدوية خامات البيئة الطبيعية والمصنعة 19 07-04-2014 01:47 AM
هل ثقافه الحزن اقرب الينا من لحظات السعاده nona الحوار العام الموضوعات الانسانيه النقاش الهادف النقد البناء 9 09-11-2013 12:51 AM
ثقافه دينيه ومعلومات قرآنيه استمتع وتعلم لؤلؤه الجنه منتدى اسلامي القرآن الكريم السنة النبوية موضوعات قصص دينية 12 04-28-2012 01:36 PM
فنجان قهوه على الحائط همسة ورد الحوار العام الموضوعات الانسانيه النقاش الهادف النقد البناء 4 06-04-2011 04:51 PM
قهوه مالحه زى العسل ارواح منتدى ثقافي موضوعات ثقافية عامة خواطر شعر سيرة شعراء 2 09-21-2010 03:02 PM


الساعة الآن 01:50 PM.


Powered by vBulletin® Version 3.8.9
Copyright ©2000 - 2017, vBulletin Solutions, Inc