منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > منتدى ادبي موضوعات ادبية سيرة الادباء قصة قصيرة

منتدى ادبي موضوعات ادبية سيرة الادباء قصة قصيرة منتدى ادبي موضوعات ادبية سيرة كبار الادباء و اهم اعمالهم الادبية و اجمل القصص القصيرة

12-22-2013, 05:53 PM   #445
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,421

Facebook Twitter Google LinkedIn vkontakte messenger Digg
ريهام ياعسل نورتى القهوة ياقمر
واسعدنى اعجابك بها وبحكايات الزوج السعيد
تسلميلى حبيبتى
__________________

signature

منى سامى غير متواجد حالياً  
01-01-2014, 09:15 AM   #446
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,421

نادانى الحنين لاتفقد مقهى منتدانا
الذى تركته وحيدا بعد تجمد اطرافى عن الكتابه
فقد اصابنى الملل والتبلد بسبب تعاقب الاحداث المحزنه
التى تمر بها بلدى الحبيبة مصر
وكأى انسان يتأثر سلبا اتأثرت
فسقط قلمى ارضا كما سقطت اشياء كثيرة وفقدت معناها
الا ان نادانى عقل واعى وقلب نابض
وترجى تفكيرى واحساسى للنهوض
ومحاولة فعل شئ يغذى مشاعر اصابها التلف
فله تحياتى وها انا افتح ابواب مقهاى
لكل عاشق فن وثقافه وادب وخير وسلام


وانا اتفقد مقهايا من اول كلمه بدايه احسست بالزهو والفخر
وحمدت الله انى احتضن كل هذه القلوب الطيبه الرائعه
التى تحنو علي وتسقينى من فيض مشاعرها
فلهم افتح زراعى لاستقبل محبتهم مع ابواب مقهاى


قهوه ورد للفنون ثقافه من كل لون

ونبدأ مع اول ايام عام
2014 قهوة ورد للفنون وثقافة من كل لون

فى كل ركن من اركان مقهانا طعم ومذاق خاص
هنا ركن الفن والجمال والسحر الربانى
وهنا ركن الثقافة والادب اللى عليه ابويا ربانى
وهنا هنسمع اغانى ومواويل شكل تانى
والركن البعيد ده هستضيف فنان غالى
بذوقه الجميل نادانى


قهوه ورد للفنون ثقافه من كل لون


ونقول تانى

ركن الثقافه وازاى تثقف نفسك وحكمة جميلة تضحكلك
مع د- ابراهيم الفقى هنعرف ازاى تكون شخصيتنا مثالية
مع فن التعامل مع البشر وسر الخلطة الالهية

وركن الادب هنقضيه مع على سلامه
على شط النيل نسمع اشعاره
ونشرب من " قلة " افكاره



قهوه ورد للفنون ثقافه من كل لون


ورباعيات الا ربع
من قلم مسكين من حال الدنيا بيعانى

ومش هنسى المذكرات
جبتلكم مذكرات ثائرة
تايه فى الدنيا وحائرة
فكرت تدخل مقهانا
وتنادى وتقول آه يانا


قهوه ورد للفنون ثقافه من كل لون


ولقاء مع شخصية فنانه
هنستضيفها فى مقهانا
ونحكى معاها فى ابداعها
ونتعرف عليها ونحيي انامل ايديها
منى سامى غير متواجد حالياً  
01-01-2014, 09:37 AM   #447
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,421

الركن الثقافى

مع حكمة اليوم
اسمع وفتح ودانك
هقولك حكمه ولو عملت بيها
ترتاح فى حياتك


قهوه ورد للفنون ثقافه من كل لون

و لقاء مع عالم التنميه البشرية والبرمجة اللغويه
الدكتور ابراهيم الفقى
وخواطر تعليميه لتنمية الذات البشرية
ثق بنفسك وحدد هدفك ترضى ربك


قهوه ورد للفنون ثقافه من كل لون


الركن الادبى

على سلامه قاعد فيه ومربع
مستنى يقولك كلام يشبع
يغذى عقلك ويفتح وعيك وتفكيرك



قهوه ورد للفنون ثقافه من كل لون

قبل ما الحزن يصحي ويكتشف اني ماكنتش بايت ف اوضتي ..
قبل ما يشيلوا صورتي ويعلقوا النتيجة .. ويشطبوا ع الأيام ..
قبل ما تبقي الأماني شوية إعلانات ..
قبل ما تمر الساعات .. وتبرد القهوة م الملل ..
قبل ما انسي كنت عايز اقولك إيه ..
ويضيع مني الكلام ..
قبل م الواد الصغير تغلبه دمعة عينيه .. لما يعرف اني سافرت ..
ونسيت احضنه قبل ما ينام ..
وقبل ما الفراق يبقي سهل ومقدور عليه
وقبل ما الوقت يبقي زي خبر سقوط قتيل ..
وتبقي ساعة .. زي الف ساعة ..
قبل ما تفتح الدكاكين .. ويفرشوا الرصيف .. وينادوا علي نفس البضاعة ..
قبل ما تطلع نتيجة التحاليل ..
ويشيلوا ف المونتاج المشهد الجميل ..
وتقف الصورة عند اكتر المشاهد بشاعة ..
اسمحيلي اكدب عليكي للمرة الأخيرة
واقولك كل سنة وانتي طيبة ......
منى سامى غير متواجد حالياً  
01-01-2014, 10:46 AM   #448
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,421

رباعيات الا ربع
بقلمى


قهوه ورد للفنون ثقافه من كل لون


ساعات بضحك لما اسخسخ
واشرق وعنيا تدمع
وابقى من كتر الدهشة اسرح
وتترسم صورتك فى عينى وتلمع
وانت بعبايه النفاق متلفح
وتكدب الف كدبة وكدبة
وتطلب منى السماح واتصفح
وعجبى



قهوه ورد للفنون ثقافه من كل لون



مذكرات ثائرة فى ورد للفنون

قهوه ورد للفنون ثقافه من كل لون


نشأت على حرية التعبير
فارتديت معطفى ونزلت الى الميدان مع المعتصمين
اطالب بالتغير وبحقوق البشر العادية بدون تجميل
كنت عوزة حياة ادمية حرية - عيش كرامة انسانية
نزلت بدعوة من عقل واعى وايمان بالقضية
ناديت برحيل الظلم والاستبداد الذى قضى على كل طاقة ايجابية
وطالبت ان يكون هناك عدالة اجتماعية
كان الميدان مكتظ بجوارى فتاة صغيرة وشيخ كهل
عامل بسيط وصاحب شركة مصرفية
جمعنا نداء واحد لا للظلم والجهل والرشوة والفساد
حملنا مع اعلامنا امل فى بكرة يسير للامام

وبعد ايام وشهور
ناس قالو الثورة اتسرقت
وناس تانيه قالو اتركبت
وناس قالو دى ماكنتشى ثورة
دى كانت ناس مأجورة تحمل اجندات موبؤة


لكن لم يضيع الامل
قررت ان احمل ميدانى بكل مافيه من معانى
واعتصم فى قهوتى والا اغادرها قبل تحقيق مطالبى
وهاخد بالى منها كويس مش هسيبها تتسرق ولا تتركب
او حد يشكك فى ايمانى

ومن هنا من قهوتى هنادى واقول لكل ثائر وثائرة
الظلم والاستبداد لن يزول الا وراءه مطالب ومطالبة
انزل على اعتاب مقهانا واعتصم
لا حد يقولى قانون اعتصامات
ولا بعقوق مرور ومصالح وطنية
انا خلاص حضرت الاعلام وكتبت على كل الجدران
مطالب بسيطه لو اتحققت هفض الاعتصام
من غير ميه ولا ذخيرة ولا دخان

فى كل يوم هاعرض طلباتى
ونناقشها بعقل وضمير واعى
ولو ما عجبكوش كلامى
يبقى فضو الاعتصام بالقوة
ومدير المنتدى له كل الصلاحيه
فى حذف عضويتى الشرفية

انتظرونى مع اول مطلب



قهوه ورد للفنون ثقافه من كل لون

دعوة اقدمها لاصحاب الانامل الذهبية فى كل مان

ودعوة اليوم لفنانه استخدمت خامة الجلد لتبدع فيها

مارو عرفينا بنفسك؟؟

س1 لما اتخذتى خامة الجلد لتتفننى فيها؟؟

س2 من اين تستوحين تصميماتك؟

س3 اشرحى لى كيف تبدئى فكرة اى عمل
سواء محفظة او شنطة او حزام؟


س4 ماهى خطوات الحرق على الجلد؟

س5 ماهى المادة المستخدمى فى لصق الجلود؟

س6 ماهى الادوات التى تستخدميها والالوان؟

س7 ماهى امنياتك لفن الصناعه الجلدية اليدويه ؟

س8 وما جديدك فى عالم المصنوعات الجلدية
__________________

signature

منى سامى غير متواجد حالياً  
إضافة رد

مواقع النشر (المفضلة)

الكلمات الدلالية (Tags)
للفنون, لون, ثقافه, ورد, قهوه

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
قهوه ورد بن و ورود Amany Ezzat الاشغال الفنية اليدوية خامات البيئة الطبيعية والمصنعة 19 07-04-2014 01:47 AM
هل ثقافه الحزن اقرب الينا من لحظات السعاده nona الحوار العام الموضوعات الانسانيه النقاش الهادف النقد البناء 9 09-11-2013 12:51 AM
ثقافه دينيه ومعلومات قرآنيه استمتع وتعلم لؤلؤه الجنه منتدى اسلامي القرآن الكريم السنة النبوية موضوعات قصص دينية 12 04-28-2012 01:36 PM
فنجان قهوه على الحائط همسة ورد الحوار العام الموضوعات الانسانيه النقاش الهادف النقد البناء 4 06-04-2011 04:51 PM
قهوه مالحه زى العسل ارواح منتدى ثقافي موضوعات ثقافية عامة خواطر شعر سيرة شعراء 2 09-21-2010 03:02 PM


الساعة الآن 07:39 PM.


Powered by vBulletin® Version 3.8.9
Copyright ©2000 - 2017, vBulletin Solutions, Inc