منتديات ورد للفنون التشكيلية والاشغال الفنية والاعمال اليدوية ward2u
بانر منتديات ورد للفنون صورة تحمل اسم المنتدى  

رئيسية منتديات ورد للفنون2   منتديات ورد للفنون التشكيلية والاشغال الفنية والاعمال اليدوية ward2u > تهاني اسلامي ادبي ثقافي حوار مقترحات > منتدى حواء جمال اناقة اتيكيت مرأة امومة طفولة

منتدى حواء جمال اناقة اتيكيت مرأة امومة طفولة منتدى، حواء، جمال، اناقة، اتيكيت، مرأة، امومة، طفولة، اسرة المرأة العربية، اشهر الماركات، عرض ازياء.

منتديات ورد للفنون
 
أدوات الموضوع انواع عرض الموضوع
قديم 04-01-2013, 06:34 PM   #1
منى سامى
برنسيسة المنتدى
منتديات ورد للفنون
 
تاريخ التسجيل: Oct 2007
الدولة: مصر - القاهره
المشاركات: 16,072
ام العروسه وجهاز بنتها فى ملف كامل

منتديات ورد للفنون منتديات ورد للفنون
زى كل ستات الدنيا كان عندى بنوته صغننه
كبرتها و علمتها ومرت سنه ورا سنه
وجه ابن الحلال خبط عالباب يطلب ودنا
و لان دى سنه الحياة مش زعلانه انا
بالعكس فرحانه و بدعيلها بالهنا


منتديات ورد للفنون التشكيلية

لكن لقيت ان دورى يا دوب ابتدى
عشان اجهز لها عش حبها
و اعلمها ازاى تكون زوجه و ام
و تعيش حياتها من غير هم


منتديات ورد للفنون التشكيلية

اوع تفتكروا ان الموضوع سهل
و لانى مريت بحاجات كتير
عملت الموضوع ده عشان تستفاد كل ام عروسه من خبرتى
و الاخطاء اللى وقعت فيها انا تتفادها هى


منتديات ورد للفنون التشكيلية

موضوعى ده لكل ام عروسه
ملف شامل هندردش فيه بكل حب
و هنتعلم مع بعض ازاى نجهز بيت اولادنا
باحدث موديلات و اقل التكلفة
و نتفادى الاخطاء و نعرف كمان كتير مميزات
باذن الله هاعطيكم كل خبرتى و مش هبخل ابدا فى معلومه


منتديات ورد للفنون التشكيلية

الاول سامحونى هتكلم بالعامية المصرية
لانى عوزاكم تحسوا اننا فى بيتى وفى غرفة استقبالى
اى سؤال او استفسار من اى ام عروسة عيونى ليها



1

هنبدأ اولا بسم الله العلى العظيم
بكلمه من قلب اخت ليكم ليه ربنا سبحانه وتعالى شرع الزواج؟


يقول تبارك وتعالى: (وَمِنْ آَيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآَيَاتٍ لِقَوْمٍ يَتَفَكَّرُونَ) [الروم: 21].

تعالو معايا نقف عند (لتسكنوا ليها) وعند (من انفسكم) وعند )(مودة ورحمة) وكلمه (
ان فى ذلك لايات) نجدا ان الله سبحانه وتعالى من معجزاته ومن اياته انه جمع قلوب وعقول وطباع مختلفه لتعيش معا فى سكون وهدوء ومودة ورحمه وكلمه من انفسكم يعنى قريبين منكم
(هذا تفسيرى الشخصى للاية)
منى سامى غير متواجد حالياً   رد مع اقتباس
قديم 04-01-2013, 06:36 PM   #2
منى سامى
برنسيسة المنتدى
منتديات ورد للفنون
 
تاريخ التسجيل: Oct 2007
الدولة: مصر - القاهره
المشاركات: 16,072
وطالما هذه معجزة من معجزات الله
وايه من ايات الله اذن فيجب علينا
ان نوفر لها المقومات لكى نساعدها فى الاتمام والاستمرار
اولا لا نغالى فى المهور ولا نكلف العريس فوق طاقته
طالما شاب على خلق ومستقبله يبشر بالخير
وهيعامل بنتنا بما يرضى الله ولن يظلمها
لا نشترط اثاث فاخر ولا مفروشات باهظة الثمن
خلينا فى منظقة الوسط وهذا هو محور موضوعنا


1

1--الوسطيه فى انتقاء جهاز العروسين نبتعد عن المغالاة

2--عندما يتم قبول العريس يتم تحديد
جلسة للاتفاق على طريقة التجهيز
لكل عائلة ومنطقة وبلد عاداتها فى طريقة تقسيم الجهاز
من ضمن المناطق يكون على العريس الاثاث كله
والعروسه الاجهزة الكهربائية والمفروشات وادوات المطبخ
ومنطقة اخرى يكون على العريس الاجهزة الكهربائية
الى جوار نصف الاثاث والعروسه غرفة المعيشة مثلا وتجهيز المطبخ والمفروشات
كل على حسب عاداته (ولكن افضل طريقة سمعتها هى التقاسم بالمناصفة فى كل شئ)
وللاسف لم اكن اعلمها قبل الاتفاق على تجهيز بنتى


منتديات ورد للفنون التشكيلية


3- لا نعتمد على شراء كل الجهاز وسوف اعلمك تصنيع بعضه ليكون اجمل واوفر
مثل مفارش السرير واللحاف الفيبر والستائر وطبعا اكسسوار البيت

4-ابدئى بشراء اوانى المطبخ الاستلس وطقم الصينى وطقم العشاء(الاستعما اليومى)
واتركى الكاسات والكبايات للاخر مع ملابس العروسه

منتديات ورد للفنون التشكيلية


انتبهى لاشياء

* انا لست مع الامهات االلآى يجهزن بناتهن منذ الصغر
ذلك لان الموديلات تختلف من عام لعام وكل يوم هناك جديد ومفيد
ولان الاقمشة تصيبها التلف من مدة التخزين
او الصينى يتكسر من طول فترة التخزين ايضا
فلا داعى لتخزين الجهاز مدة طويلة يكفى سنه لاتمام التجهيز

*انتبهى ايضا لا تشترى ملابس العروسه نفس مقاسها بالضبط
لان بناتنا الاعزاء يمرون بفترات حمل ورضاعه يزيد مع جسمهم
فيجب الانتباه لذلك

منتديات ورد للفنون التشكيلية

*اجعلى فترة تجهيز الملابس وقت الاوكازيونات والتخفيضات
لتستفيدى بالتخفيض وتشترى ملابس اكثر
*انتبهى ايضا عند شراء ادوات المطبخ اختارى الصحى منها
وابتعدى عن الاوانى التى تتفاعل مع الطعام
*لا تذهبى لشراء المفروشات من مكان واحد وفى نفس اليوم


دى مقدمة فقط للموضوع
وهنبدأ بالتفصيل اولا عند شراء المفروشات
انتظرونى
منى سامى غير متواجد حالياً   رد مع اقتباس
قديم 04-01-2013, 08:20 PM   #3
امل نيازى
برنسيسة المنتدى
منتديات ورد للفنون
 
تاريخ التسجيل: Jul 2007
الدولة: مصر - الاسكندرية
المشاركات: 19,748
منى حبيبتى
ام رحمه الجميله
عروستنا الحلوة

يارب يسعدها ويتمم لها بكل خير يارب
موضوعك روعه
نصائح مهمه وخبره وتجارب تؤخد فى الاعتبار
لسعاده احبابنا
يارب فى ميزان حسناتك ان شاء الله
معاكى خطوة خطوة
دمتِ لنا بكل خير حبيبتى
__________________
منتديات ورد للفنون التشكيلية
امل نيازى غير متواجد حالياً   رد مع اقتباس
قديم 04-02-2013, 01:07 AM   #4
هند
برنسيسة المنتدى
منتديات ورد للفنون
 
تاريخ التسجيل: Sep 2007
الدولة: مصر - المنوفية
المشاركات: 11,111
ماشاء الله عليكى يا منمن وعلى موضوعاتك الجميله المفيده
بس بعد ما تخلصى ام العروسه لازم تعمليلى ام العريس
ههههههه
احب اعلق على كام نقطه عالماشي


لا نشترط اثاث فاخر ولا مفروشات باهظة الثمن
خلينا فى منظقة الوسط وهذا هو محور موضوعنا

والله برافو عليكى هو ده محور الموضوع
تجهيز العروسه امر مرهق ماديا جدا
والمهر والشقه مرهقين للعريس جدا
ومفيش احسن من الوسطيه فى كل شئ


1--الوسطيه فى انتقاء جهاز العروسين نبتعد عن المغالاة

كنت اعتقد ان اهل المدن يغالون فى تجهيز العروسه
حتى تعاملت مع اهل القرى ففوجئت بكم رهيب من الطلبات
واكتشفت ان اهل المدن غلابه خالص هههههههه
يعنى الفلاحين بينزلوا يلموا كل الاصناف الموجوده فى السوق من كل نوع على سبيل المثال يجيبوا ميلامين وصينى وبايركس واركوبال والحلل الومنيوم وصاج واستنلس وتيفال ويمكن حلل السيراميك الجديده هههههه
وما تنسيش العروسه فى القرى عندنا بتجيب الكمبيوتر والميكروييف

4-ابدئى بشراء اوانى المطبخ الاستلس وطقم الصينى وطقم العشاء(الاستعما اليومى)
واتركى الكاسات والكبايات للاخر مع ملابس العروسه

عندك حق خصوصا ان الكاسات والكوبيات والبونبونيرات
دايما بتتقدم كهدايا للعروسه يعنى ممكن ما تحتاجش تشترى اصلا

* انا لست مع الامهات االلآى يجهزن بناتهن منذ الصغر
ذلك لان الموديلات تختلف من عام لعام

اختلف معاكى فى النقطه دى بس لان الاسعار بتزيد بشكل رهيب
وكمان الجوده بتقل وحاجه زمان ما تتعوضش فتجهيز البنت
منذ الصغر ممكن يكون لها مميزات لكن مش اى حاجه
تتخزن يعنى مثلا اطقم الالومنيوم والاستانلس
مش هيجرالهم حاجه من التخزين وفى نفس الوقت
مش بتتغير موديلاتهم بشكل كبير

رغيت كتير معلش دا من حماسي للموضوع
فى انتظار باقى الموضوع
بالتوفيق يا قمر
هند غير متواجد حالياً   رد مع اقتباس
منتديات ورد للفنون

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

طي تعليمات مشاركة ورد للفنون1 تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة


collapseimg_similarthreads المواضيع المتشابهه
الموضوع كاتب الموضوع المنتدى مشاركات آخر مشاركة
صنيه شبكه وكاسات العروسه هديه لاحبابى منى سامى الكروشيه تطريز اقتصاد منزلي ward2u crochet 8 04-21-2015 02:05 AM
عجينه الفيمو على كاسات العروسه ملك منتدى اشغال يدوية تشكيل اعادة تدوير شغل هاند ميد 63 05-12-2013 08:04 PM
طرحه العروسه وباندانا تطريز بالخرز نهلة الكروشيه تطريز اقتصاد منزلي ward2u crochet 22 01-26-2013 05:18 PM
تابلوه وكاسات العروسه مع افكار جميله للتزين بالشرح والصور منى سامى منتدى اشغال يدوية تشكيل اعادة تدوير شغل هاند ميد 14 01-21-2013 05:46 PM
العروسه للعريس والجرى للمتاعيس اسومي الحوار العام الموضوعات الانسانية النقاش الهادف 1 09-06-2007 01:33 AM


الساعة الآن 04:58 AM.


Powered by vBulletin® Version 3.8.11
Copyright ©2000 - 2022, vBulletin Solutions, Inc

لا نعفي أنفسنا، من مسئولية، أي خطأ، منشور في المنتدى ام العروسه وجهاز بنتها فى ملف كامل منتدى حواء جمال اناقة اتيكيت مرأة امومة طفولة. ولكننا نحاول، قدر المستطاع، تصويب هذه الاخطاء. ومن كان، بلا خطأ، فليرجم بحجر. إدارة منتديات ورد للفنون التشكيلية والاشغال الفنية والاعمال اليدوية ward2u.