منتديات ورد للفنون التشكيلية و اليدوية  

العودةالعودة   منتديات ورد للفنون التشكيلية و اليدوية > ورد للفنون منتديات عامة > منتدى ثقافي موضوعات ثقافية عامة خواطر شعر سيرة شعراء

منتدى ثقافي موضوعات ثقافية عامة خواطر شعر سيرة شعراء منتدى ثقافي موضوعات ثقافية خواطر سيرة شعراء اجمل قصائد

12-29-2007, 02:13 PM   #1
ثامر داود
vip
stars-2-2
 
تاريخ التسجيل: Jun 2007
الدولة: العراق - امريكا
المشاركات: 785
حن وآنه حن للشاعر مظفر النواب

Facebook Twitter Google LinkedIn vkontakte messenger Digg

basmala

حن ....
وآنه حن
وأنحبس ونه....
ونمتحن
مرخوص بس كت الدمع
شرط الدمع
حده الجفن


****

جفنك جنح فراشة غض
وحجارة جفني وما غمض
يلتمشي بيه
ويه النبض
روحي على روحك تنسحن
حن بويه حن

****

عيونك
زرازير البراري
بكل نشاط جناحها
بعالي السحر
والروح مني
عوسجة بر
ما وصل ليه النده
ولا جاسها بقطرة المطر
وصفولي عنك بالنباعي تفيض
وتعنيت ليله ...ويه القمر
وصفولي عنك كل مسامة تفيض
منك عطر...يلحسنك نهر
تنزل بصدري ويه النفس وبدمي
غصبن تنعجن
وأشهقك وأصعدك للسما
بحسرات وبعنة حزن
حن ...بويه حن


****

شفافك ولا قولن ورد...
عنابه معقوده عقد
تمتلي بقد ما تنمرد
لاهو دفا لاهو برد
آنه بوصفه راح أجن


****

سكتاتك تشكل خواطر بالقلب...
مالي عرف بيهن قبل
مبروم بره الريزه
ياريان ومخوصر خصر
لف العقل
كل كلمة منك....
نبعة ريحان...بالدلال...
ما تحمل ثقل
وصفولي عنك
وردة القداح ريش جناح
زاهي بالسحر
وصفولي عنك
شال منك غيظ بستان الورد
والنرجس الرايق سكر
حني بفوازير ولحن...
حنة حمامات السجن
حنه إلي...
وجنه إلك...
واللي يعجبه خل يحن
حن بويه حن


****

آنه من أشوفك
يمتلي الماضي الجدب
زهرات بيض من الوفه
وروحي سواقي من الحنين تصير
وأتنبه وقت بيه غفه
يا محجل إن مريت بيه ردود
أرد أردود للعشرين...
من عمر الجفه
وأنصف عمر منك
نصفته بالهجر...
والهجر منك ما كفه
حتى الهجر يا روحي
منك ما كفه
وقلبي أعله هجرك قام أيحن
حن... بويه حن

****

حن ...
وآنه احن
وأنحبس ونه....
ونمتحن
مجبور أرخصك على الدمع
شرط الدمع يكوي الجفن


مظفر النواب
ثامر داود غير متواجد حالياً  
 

مواقع النشر (المفضلة)

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
أحن الى خبز أمي للشاعر محمود درويش السيلاوي منتدى ثقافي موضوعات ثقافية عامة خواطر شعر سيرة شعراء 10 06-09-2011 10:15 PM
الغلاء للشاعر ابو بثينه alaaaboabdo منتدى ثقافي موضوعات ثقافية عامة خواطر شعر سيرة شعراء 2 09-29-2010 10:06 AM
الريل وحمد للشاعر مظفر النواب ثامر داود منتدى ثقافي موضوعات ثقافية عامة خواطر شعر سيرة شعراء 6 01-09-2008 06:54 AM
امنيات مظفر علي بوابة السنة الجديدة moh004 منتدى ثقافي موضوعات ثقافية عامة خواطر شعر سيرة شعراء 1 12-31-2007 09:25 AM
الشاعر العراقى الثائر مظفر النواب moh004 منتدى ثقافي موضوعات ثقافية عامة خواطر شعر سيرة شعراء 2 12-31-2007 02:14 AM


الساعة الآن 07:14 AM.


Powered by vBulletin® Version 3.8.9
Copyright ©2000 - 2018, vBulletin Solutions, Inc