منتديات ورد للفنون  

العودة   منتديات ورد للفنون > ورد للفنون منتديات عامة > منتدى ادبي موضوعات ادبية سيرة الادباء قصة قصيرة

منتدى ادبي موضوعات ادبية سيرة الادباء قصة قصيرة منتدى ادبي موضوعات ادبية سيرة كبار الادباء و اهم اعمالهم الادبية و اجمل القصص القصيرة

إضافة رد
 
أدوات الموضوع انواع عرض الموضوع
12-18-2016, 03:38 PM   #1
عزت الأبنودي
شريك جديد
stars-1-1
 
تاريخ التسجيل: Dec 2016
الدولة: مصر - السعودية
المشاركات: 7
عم ركابى كبير السن

Facebook Twitter Google LinkedIn vkontakte messenger Digg

basmala

عم ركابي بقلم عزت الابنودى

********

عم ركابي كبير السن شديد التواضع

وش بشوش حسن الظن و من الصبر راضع

دايماً في الخير تلقاه يحصد

عمران بالحب عمره ما يحسد

يصحى قبل الفجر بساعه

يقوم يتوضى ...

و جلحة أتنين يكون في المسجد

عم ركابي بدقنة خفيفه ... بشيبة بتبرق

و العمه الملفوفه بحكمة

زي الشمس لما بتشرق

و السبحة السودة بتفرك

في ايديه الناعمه بحكم السن

عم ركابي كبير السن

معاه بنتين ..

واحدة كبيرة فاتها القطر من سنتين

و التانية بهيجة أصغر منها بست سنين

مرته الحاجة بهانه

بنت الشيخ مدبولي المقرئ

الله يرحم الاتنين .

كانوا السند الواقي الدافي

كانوا الونسة لعم ركابي

كانوا الضحكة لما يأن

عم ركابي كبير السن

عم ركابي لما بيحزن يصبح خاسس

لكن قلب المؤمن واصل تلقاه حاسس

يقوم يترحم على الحاجة بهانه يقرالها فواتح

دخلت فجأة البت بهيه

و عم ركابي يعزها هي

إكمني كبيرة و عاقلة و تخدم

دونم عن البت بهيجة

اللي تملي تناكف فيه

و دايما تكسل تقضي الحاجة

قالتله يا باي ليه مطلعتش

صانط عم ركابي مردش

قربت منه شويه عليه

لقيت دمعه جوا عنيه

دمعه شايلها بقالها سنين

نزلت دلوقت ..

فهمت بته الدمعه دي ليه

قالتله فكرك يعني أتجوز ليه

أنت كرهت قعادي معاك

قولي يا باي نقصك إيه

نزلت دمعة إتنين و تلاته

لحد ما شدت إيده و وطت

و حضنت فيه و فضلت تبكي

عم ركابي عز عليه

نفض جسمه من التفكير

يمسح دمعه تنزل دمعه

و يقول خير .....

خير ان شاء الله خير ان شاء الله

الايام أكيد حتحن

عم ركابي كبير السن

عارفه يا بت

الحاجة بهانه جاتني إمبارح

راحت أوضتك و شافت وشك قامت ضحكت

بصت ليا و قالت بتك كبرت حتبقى عروسة .

ردت قالت خير ان شاء الله

و الشيخ مدبولي شفته معاها

جدي يا باي ...

أيوه يا بت

و قرب منك و مسك يدك

و مسك يدي ..

أيوه يابت

و قالي بتك دي الخير و البركة .

فرحت قالت

خير إن شاء الله .. خير إن شاء الله

رحمه و نور على أمي و جدي

نقرا الفاتحة و نقوم نتوضا

امال فين البت بهيجة

تصلي معانا و الا دي خفيت .

كانت نايمه قبل ما أجيلك

يمكن صحيت ... اندهالك ...

روحي ناديلها

عم ركابي بعد ما طمن بته بهيه

ردت روحه في جوفه و صفيت

قام منبوط من فرشه الدافي

و لما بيصبح رايق صافي

يبقى أشد من الشبان

و اللي يكسر عضم الواحد ..

التفكير السو و الأحزان

عم ركابي يكره موت سيرة الحزن

و لما بيحزن يصبح خاسس

لكن قلب المؤمن واصل تلقاه حاسس

يقوم يترحم على الأموات

و الوسواس حيروح و يكن

عم ركابي كبير السن

كانت الحاجة بهانة وشها صابح

زي النسمة ...

يلقط منها وش البت بهيجة

الخالق الناطق نفس السحنه

تدويرة الوش ... الطول و العين العسلي

أما البت بهيه دي ربعه

تشبه جدها الشيخ مدبولي

و تاخد مني جانب يمكن من التفكير

يعني بتعرف تقرا عيني

الدنيا العفشة لما تسيبك وسط طريق

و أنت التايه منتاش عارف تمشي لفين

احمد ربي إن في عمري لسه بقية

و اقدر استر البنتين

عزت الأبنودي
عزت الأبنودي غير متواجد حالياً  
12-18-2016, 05:37 PM   #2
moh004
vip
star6
 
تاريخ التسجيل: Jun 2007
الدولة: مصر - بورسعيد
المشاركات: 5,075

الغالي عزت الابنودى
ارحب بك فى ورد للفنون اجمل ترحيب
و قد استمتعت مسبقاً بقراءة اطروحتك عم ركابي كبير السن
كما قرأت من قبل ايضا اقصوصتك جدتى عَزلت و ذلك اثناء
بحثى عن مجال اهتمامك بمجرد انضمامك الينا
حتى يطمئن قلبى على شركاء منتدانا الجدد
الذين سيصبحون يوما ما من اهله و عشاقه
نورت منتداك بجميل حضورك و فى انتظار
كل جديدك الحصرى و المميز
شكرا لك
__________________

signature

moh004 متواجد حالياً  
12-18-2016, 06:07 PM   #3
نااانو
مراقب عام
Crown5
 
تاريخ التسجيل: Nov 2007
الدولة: مصر - القاهرة
المشاركات: 25,500

اقصوصة جميلة
اعجبتنى كثيرا
اهلا بك في منتديات ورد للفنون
مكان لكل الفنون
و فن الكتابة جزء هام بمنتدانا الغالي
فاهلا بك و بكتاباتك الجميلة
في انتظار جديدك دائما
__________________

signature

نااانو غير متواجد حالياً  
12-19-2016, 05:57 AM   #4
عزت الأبنودي
شريك جديد
stars-1-1
 
تاريخ التسجيل: Dec 2016
الدولة: مصر - السعودية
المشاركات: 7

اشكر مروركم الكريم و اتمنى أن اكون عند حسن ظنكم
عزت الأبنودي غير متواجد حالياً  
إضافة رد

مواقع النشر (المفضلة)

أدوات الموضوع
انواع عرض الموضوع

ocllapseimg_forumrules تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

ward2u المواضيع المتشابهه
الموضوع كاتب الموضوع المنتدى مشاركات آخر مشاركة
الشئ اللى يرفع ضغط الدم السندريلا نكتة مصورة مكتوبة فزورة مسابقة صور مضحكة ثابتة متحركة 7 03-18-2014 04:09 PM
اسئله تكشف عمرك حسب السن والعقل فلسطينية نكتة مصورة مكتوبة فزورة مسابقة صور مضحكة ثابتة متحركة 16 10-09-2012 08:37 PM
الاكلير بعجينه الشو وبالخطوات المصوره امل نيازى مطبخ ورد للفنون اسهل طرق تقديم اطباق وصفات طبخ خضروات فواكة حلوى 7 06-19-2012 05:18 AM
هل فاقد الشئ لا يعطيه منى سامى الحوار العام الموضوعات الانسانيه النقاش الهادف النقد البناء 22 05-26-2010 07:54 AM


الساعة الآن 02:33 AM.


Powered by vBulletin® Version 3.8.9
Copyright ©2000 - 2017, vBulletin Solutions, Inc