عرض مشاركة واحدة
12-06-2010, 09:32 PM   #1
alaaaboabdo
شريك جديد
stars-1-2
 
تاريخ التسجيل: Sep 2010
الدولة: مصر
المشاركات: 9
رومانسيه الحيوانات وباقه من الشعر الحلمنتيشى

basmala

على شط النيل ماشية الجواميس
بتقول ياجميل أنا عايزة عريس

يطلع فييس ويحل الكيس
نتغدى حشيش ونحلي دريس

هاتغذى حشيش واتعشى حشيش
واقفل على نفسي الباب والشيش

لو غيط فدان لأ ما يكفّيش
فدان ده يادوب أول سرفيس

والبقرة تقول أنا عايزة التور
مايكونش مهندس ولا دكتور

ويجر الساقية فور باي فور
ويجيب بيتي فور اربع وخميس

والمعزة تقول انا طالبة خروف
مالهوش اخوات ولاعنده ظروف

كسيب وامسكله انا المصروف
ويكون حيوان جنتل وحسيس

والفرخة اشترطت آل عالديك
انها ماتحبش أي شريك

وقالتله اتحضّر خليك شيك
ودّينى ارقد ع البيض فى باريـس
alaaaboabdo غير متواجد حالياً